潤禧茶餐廳

营业中

休息中

成日係附近食野，都未試過呢間野，咪即管懷著一試無妨的心態入來。間野好多位，燈光好猛但係環境就麻麻啦，好似唔夠衛生。叫左個霸王雞飯，熱奶茶，雞就不大新鮮，所以沒有什麼味道，肉質也麻麻，但也不至於很難食。但熱奶茶是不錯的，幾香滑！總括來說，食物質素是麻麻，飲品可能還可以，全餐只是３０蚊，價錢平是最大優勢～不過可能非必要都不會再來了。

懶!費事落街食，打電話叫咗一碟生炒牛肉飯。點知真係差到無人有，飯唔夠乾身，濕立立。牛肉一舊舊，仲鞋過我塊面。總之就幾樣材料兜埋一碟，難食。唔怪之得假期晚市都「水靜鵝飛」啦，發誓以後都唔幫襯。

首先，以同區黎講，佢絕對係平！晚餐+凍飲+例湯 = $30.5好多茶記都未必做到呢個價!!而且佢D餸汁夠杰身又入味,唔似其他茶記好水狀無乜味!加上佢咁平既價錢絕對夠誠意!我呢排叫外賣都會首選呢間(食完先記得無影相....下次會補返!!)

潤禧開咗無8年都有6年。係馬鞍山哩區算係少數做得耐的食店。初初開的時候幫襯得比較多，但哩兩三年就好少去。最近兩次，一次係兩個月前，一次係一個月前。點解越來越少去？價錢唔算貴，同區茶餐廳中算平均，但食物質素/量，都越來越差/少。連員工都越來越黑口黑面。尤其收銀位小妹妹。真係睇住佢大，睇住佢黑口黑面，次次入去，由坐低到俾錢都好似欠佢咁。最近嗰次其實無幫襯到，因為入到去坐咗10分鐘，都無阿姐埋嚟寫嘢，嗰次可能係我最後一次入去。

走偏峰，跑來馬鞍山市中心外圍鳥無人煙過門而不入的地方找茶餐廳，跟向前走五十幾米市中心的繁煙褟鬧成強烈對比的位置，旺角跟東坪州之別也。似乎外地街客不會亦不懂更無端端不敢過來的旮旯位置，給這個似街坊又似托荒者的老饕跑來試她一試！幫襯全都是街坊，座位數量不小但光顧客人不多，靜靜局局，只有新聞報導有關美國總統對繼續註兵尹拉克的強詞籍口。正在責怪自已竟然在張開眼簾訓醒的一刻想著港式麥皮早餐的原動力支持尋找一間新世界茶餐廳強烈理念被眼前餐牌的沙爹牛出前一丁火腿煎蛋多士加凍鴛鴦小甜深深牽引著而舉手跟阿姐確認的的一剎那，人是多麼的脆弱無力意志不堅，明白實際跟夢想正如紮鐵大哥最終為了開餐而對烏托邦理想的退讓。似乎情況跟紮鐵大哥的一樣，烏托邦跟港式麥皮早餐都是下次吧！原來實際生活亦不會多采多姿，覺得非常滿足的早餐A亦不外如是，沙爹牛跟富榮新香是天淵之別，連出前一丁好像被這沙爹牛影響而變得軟弱無力，而散失了靠她父母相認亦是身份憑証的出前一丁小包麻油亦石沈大海，故一直到此仍在懷疑這裡的出前一丁的真正身份…火腿煎蛋能應其本份但不能恰如其份，始終太多花生油牢牢的爪住不放，反而多士就像詩人墨客一樣獨善其身，清流脫俗