潮園

营业中

休息中

今日元朗之友帶我食雞煲,之前平日係$148任食兩小時，今日假期嚟加咗價$158/人。.我哋叫咗雞煲，湯底要少辣，好快就到..湯底方面，少辣真係幾辣，但好惹味！火鍋配料方面，選擇唔係好多，在自選櫃內有肥牛、雲吞、豬肉、各類丸、鯪魚肉、牛栢葉、魚腩、金菇菜等，仲有飲品同啤酒任飲，呢個價錢，一班朋友夠食又開心。雲吞必食，大大粒，入口有蝦肉，而魚腩都係好滑，令人回味!

放題有好多款選擇例如雞煲、烤魚等 今次揀咗酸菜魚bb辣 每人$138/位 酸菜魚湯底一般 唔夠酸味 而且花椒非常辣 不過以呢個價錢黎講 可接受 魚片冇想像中彈牙 太過林 另外飲品任拎包括beer 所以價錢幾化算 可以選擇室温温度嘅飲品 選擇多 有清熱嘅烏龍茶 隔離仲有2個自助bar 包括菜款同肉類 有齊一般放題提供嘅款式 包括響鈴、牛肉總括而言適合🈴️1-2人黎吹水任食 如果多人就有其他更好嘅選擇 價錢低 味道一般 cp 值適中 尤其適合鍾意❤️飲啤酒🍻嘅食客

叫咗一個奇脆雞煲平時已經係喺佐敦元朗食雞煲無數從來冇食過一個可以咁難食嘅雞煲雞唔入味，加完湯直情冇味最amazing佢連豉油都係冇味就咁整一碟豉油出嚟係無咩色懷疑溝咗水伏伏伏！好嬲好失望

呢間都食過好多次，次次都係嚟食佢個卜卜蜆火鍋，之前係$118任食兩個鐘，今次嚟加咗價$128/人。.我哋叫咗卜卜蜆，湯底少辣，好快就上咗個鍋等水滾。火鍋配料方面，選擇唔係好多，牛都唔係好靚，但都有肥牛、豬肉、各類丸、鯪魚肉、牛栢葉、鵝腸、魚、豬紅、豆卜、響鈴、各種菜、冬菇、金菇菜、公仔麵⋯⋯都夠食㗎啦，呢個價錢，咁平，係咁上下啦。.卜卜蜆嘅份量都ok，因為個煲底深，睇唔到好多喺面，特登撈起少少影㗎。水滾之後，9成卜卜蜆都會開，鮮甜，都多大粒嘅蜆肉，唔錯。.湯底方面，少辣真係唔算辣，除非食到啲辣椒啦，個人覺得如果叫唔辣就會唔惹味，所以唔太食得辣嘅應該可以考慮試下。

嘩嘩嘩！ 2小時任食火鍋😋😋 仲要有5款特別鍋底比你揀！ 雞煲、酸菜魚、烤魚、水煮魚同埋卜卜蜆😝 今次同朋友3個人入左元朗搵食～ 行行下心血來潮 見到呢間鋪頭有卜卜蜆食 仲要係任飲任食火鍋🤩🤩 就膽粗粗衝入去問有無位！ 因為6點半 仲早唔算太多人 所以無book位都有得食！ 好彩早到 7點鐘 無book都未必有位可以食～今次同朋友揀左卜卜蜆煲🥳 蜆都算大隻又無沙 好鮮甜👍🏻👍🏻 不過湯底 有大量蒜同胡椒粉比較重口味 所以我地自己加左d水 食完d蜆 就可以開始落火鍋料-肥牛、丸、魚、蔬菜樣樣都有仲有飲品啤酒都係自己任取！ 款式選擇多 岩晒同幾個朋友一齊去食！ CP值好高👍🏻👍🏻下次必定再食👍🏻👍🏻

天氣凍咗只想起火鍋！之前經過這裡見到這裡人氣非常旺，所以我們決定一試！我們沒有訂位，所以即時沒有座位，那我們留了電話一有位店員就通知我們，大約20分鐘後店員聯絡我們有位了！我們第一時間點了雞煲，即刻去攞肥牛、蔬菜、水餃、雲吞⋯飲料等等⋯雖然店裡環境比較迫及一般，但服務絕不馬虎，可能店上午是賣麵的所以雲吞、水餃好好味！值得一讚👍🏻

又黎到元朗潮園，低食火鍋，有雞煲、烤魚、卜卜蜆選擇，任食2小時，價錢都是$118，沒有加一服務費，本人最愛食雞煲，夠入味，其他配料都好新鮮，選擇種類也多記得電話預約

話說老公打算食勻元朗各大小邊爐水煮魚雞煲食店。見一圍男食客一行7、8人食飽步出舖頭，開懷向我們大讚好食，我們便一嚐箇中滋味，晚上8時入席，可享2小時自助雞煲/水煮or酸菜魚/蜆煲。我們選了水煮魚，一路食覺得好口喝...西洋菜不太靚，肉不太好食，飲品選擇少... 在煲內夾起生菜，見夾住一粒黑色物體，打開生菜便看見一粒大大的曱甴蛋真係好噁心!!!!即刻想嘔返之前食的嘢出黎立走不回!!!希望食環署有所跟進

行花市前，當然要醫飽個肚先啦，朋友屋企附近發現呢間118一位，任飲任食兩小時嘅火鍋，見咁抵，就一於去試吓啦，朋友一早訂咗位，不過去到竟然係冇位俾我哋，喺門口足足企左半小時有多⋯⋯入到去嘅環境非常狹窄，枱亦都好細，我哋五個人，佢都有兩個煲俾我哋，一個係卜卜蜆煲，一個係雞煲，基本上放咗兩個爐已經冇乜地方放食物，蜆煲同雞煲嘅量亦都唔太多，不過出邊就有火鍋配料任你拎，雖然食物同飲品嘅選擇種類真係唔多，不過以118嘅價錢來講都算OK啦雞煲卜卜蜆煲，蒜香味濃啲蜆都幾大隻，新鮮，而且冇沙

呢間野食左幾次，雞煲、卜卜蜆、烤魚味道都唔錯、火鍋配料普通，蔬菜類算係唔錯，有金菇、生菜、響鈴等，肉類就真係差左少少，肥牛冇牛味，食落唔知似食緊咩肉，有鯇片可惜只有草鯇，丸類只有魚蛋合格，水魷太煤，所以我只覺得個煲食得過，以138正價黎講任飲任食有啤酒飲算ok, 有個地方比你坐咁耐，員工服務態度唔錯，1-4人得一個煲，5人以上先有2個煲，如果4個人去分一個煲真係唔係好夠食，要食配料填肚，希望可以稍微改善一下肉類配料，不要太差就可以

今晚有位元朗朋友帶我食卜卜蜆。佢話$120有找。唔係呀！會不會咁平呀！一去到潮園門口就見到好多人等位。好彩朋友有訂位所以唔駛係門口等！見到雪櫃內的配料亦不小。亦見新鮮。當蜆煲來到眼前真係好多蜆。好鮮好甜好多肉。見到營業時間去到2:00am。。下次去試下宵時間.

任飲任食兩小時，原價每位138 ，呢排做優惠$118/位，喜歡食蒜蓉嘅朋友就非常開心，因為卜卜蜆火鍋入邊非常多蒜蓉，不過啲蜆食晒就冇得refill ！除咗卜卜蜆鍋，仲有雞煲、水煮魚、普通火鍋底選擇！蔬菜及飲品放喺近廚房位置自取，鮮肉放晒喺雪櫃內自取，食物新鮮：肥牛、腩肉片、雞件、鯇魚、雲吞、水餃、魚皮餃、墨丸、牛丸、豬肉丸、芝士腸、餐肉、鵝腸、牛柏葉、豬紅、炸魚皮、響鈴、生根、蘿蔔、蓮藕、金菇、番茄、粟米、蔬菜....... 全部都好新鮮！仲要啤酒汽水任飲！六點半已經爆棚，記得打電話去book位。

原來潮園已經改為食雞煲，見到寫住新張期內，只收$118任飲任食2小時即管同朋友去試試， 裏面格局全部是圓檯， 七點半去到已經坐滿人， 隔離鋪食魚蛋粉的，亦都可以坐過這邊食煲底可揀雞煲，卜卜蜆煲，水煮魚，酸菜魚，烤魚， 全部都可以揀小中大辣， 我們就揀左個卜卜蜆煲， 煲內好多蜆，一d都唔寒酸， 食物全部都是自己拎，絕對新鮮， 不像其他酒樓，出面拎食物都好污糟及多烏蠅 鯇魚片，魚頭- 絕對好新鮮 食了很多 雲吞，水餃 ，魚皮餃，韭菜餃-全部都好好食， 因為間舖賣緊魚蛋粉，絕對新鮮 肥牛及豬肉片- 都出乎意料之外,咁嘅價錢食到高質素 墨魚丸，魚蛋，牛丸- 全部都好食,絕對 唔係只有粉在內 豬皮， 鵝腸 ，水浸魷魚- 亦都好好食 炸魚皮- 薄薄脆一句講曬， 咁嘅價錢食到高質素食物，絕對係超超超超值一定會再去 ， 就算做回正價，都只係$138,都係超抵！咁嘅價錢喺其他地方只係食到比較差嘅食物，但係潮園一定值回票價！隔幾日一定要去再試下其他煲