潮家海鮮酒家 (已結業)

:超級差的服務態度!!講起真係成肚火..3個人食個晚餐孖寶..等左成個鐘都唔黎同個部長理論..佢竟然話: 6:48pm落單..而家先7:40pm..邊有成個鐘好心佢快d整而唔係鬧個客啦同埋早市質素下降..服務又咁差..唔明佢點做落去!!

惡劣的君傲灣 今晚去君傲灣食晚餐,咩野"海鮮一品煲"...難食到死...大失所望! D野唔好吃就算啦...最令人谷氣既係,埋單既時候差d俾佢激死! 帳單內邊有一項收費-酸菜(花生, 辣椒醬) - 10蚊 一開始就叫佢地服務員收返, 講話我地唔要,服務員亦將那酸菜收返走. 埋單時見到要收費, 我同佢講, 如果客人話唔要既話,而要收費既話,你係唔係要同客人講聲呀,而唔係收走左碟野就算, 呢d係最基本的服務態度, 而不唔係什麼人生大道理,收錢既服務員竟然話佢同事有問過佢...佢答佢係要收錢既... 所以佢就肯定佢既同事係有同我地講過,即使唔要都要俾酸菜錢, 當時答我地既態度理直氣壯, 同埋好惡劣...仲話呢d事,佢有經驗..佢肯定佢同事一定有同我地講過! 聽到呢度..我已經三把火! 真係激死我!!!!! 佢甘講擺明係屈我地嗜,唔通我為左10蚊講大話咩!佢當時佢又唔係現場, 佢點可以甘肯定佢同事有講呢! 兩個人吃餐甘難食既飯都要200蚊, 重係甘樣既服務態度...真係令人食完飯都消化唔到! 以後都不會再去潮家食飯啦.......罷食潮家酒樓......

今日係本小姐10天假期的第1天，本應很開心，同屋企人懷著興奮心情去品嘗美味食品慶祝一下。但這間茶樓絕對於搞壞了本小姐的心情...首先，伙計態度惡劣無禮。伙計在客人面前發脾氣，一句「我唔記得落單落左咩啦，唔好問啦！」，驚死嚇唔走啲客咁。問有冇白醋點掌翼，就一句「我地呢度冇架喎！」。無奈，潮洲酒樓居然冇白醋，仲要受氣…仲有明明冇叫福建炒飯，死都要拎過黎。第一次已經講左冇叫，好似唔信咁。轉頭又再拎過黎。總共黎左三次，都唔知想點。天啊，本小姐只係想安靜食餐飯都唔得？不過又難怪小伙計，偕因經理都黑面，一副懶理的樣。服務差，那食物可以好食啲來補償一下嗎？對不起，做不到！我們共點了6碟東西，冇一碟好食！沙茶玉蘭牛河，滴汁不沾，乾爭爭，從未食過咁難食的炒河粉！再黎一碟色香味不全的掌翼，仲要冇白醋點濃湯浸菜心的濃湯往哪裡去了？怎麼得豉油？最後以一碟賣相極差的咖啡糕作甜品。多謝晒，本小姐的心情讓你弄得壞到極點了！真的是「可一不可再」！

2010年2月27日 ( 3 ) 將軍澳 ( 潮家 = 1 ) 新店晚飯晚上到將軍澳朋友家拜年，朋友推介到這裡晚飯，事源：朋友看到電視( 飲食天王 )特約贊助 ( 亞洲美食100強 ) 美食專輯介紹 ..... 最後，晚餐就在這店了。晚飯孖寶C餐之一美味黃金蝦：咸蛋黃微濕，味道OK，吃去外層咸蛋黃後，露出蝦頭已黑，而蝦肉霉腍，蝦質素很差，大部份只吃去咸蛋黃，太腍的蝦肉，怎能入口呢，只有隨垃圾而去，老實怎樣說也不能稱(美味)，而真的是一碟差勁的黃金蝦。晚飯孖寶C餐之二鮮鮑片扣鵝掌：鮮鮑片，口感味道也可以，鵝掌夠味，整體都是不過不失。馳名貴妃雞半隻：味道一般，肉質略嚡，沒有驚也沒有喜。京式賽螃蟹：配料有生雞蛋、瑤柱、蟹柳、蝦肉等，蛋白多，蟹肉少到好像吃不到，味道也好吃。紅燒乳鴿：皮不夠香脆，味道很普通。潮家煎蠔烙：略油，蠔味不濃，可能是蠔與麵粉分佈不均衡，我只覺麵粉多過蠔，味道也是一般。紅豆沙：贈送品，紅豆雖然起沙，不太甜，太座說有少許餿味，我再呷了兩口，我只感有種特別味道，我接受不了無再吃了。餐後總結：環境不錯，座位也舒適。侍應員服務中規中舉。食物就失敗點。