潮苑正宗潮州粉麵 (已結業)

o係附近返工, lunch間唔中都會食呢間~都不下數十次喇~ 因為潮苑比同區既粉麵好食, 特別係街口o個間"鳳x"價$又平d, 湯底又好味d而且外賣佢會自動分湯, 買返去食都唔會"林"平時一點最多人排隊等位, 但外賣都好快, 唔洗5分鐘就有攞~ 又平 (普通麵麵 $16) 又快又好味~試過牛肉餅, 魚蛋, 墨丸等, 最好食都係魚皮餃個皮雖然厚, 但好有口感~ 一d都唔覺"粉", 餡又夠味~ 比出面一般食既大粒~墨魚丸就唔得, 一d都唔彈牙~ 雖然有5粒大大粒, 但試過一次就no thanks 喇牛肉餅反而覺得普通~ 只覺得係一舊唔同形狀既牛丸黎~ 冇咩特別~牛腩牛肚都幾好味~

點了牛肉餅米湯底奶白色,淡淡的魚味,正!!!牛肉餅彈牙,有咬口,好有牛肉味,正!!!ps~潮苑d辣椒醬都唔錯架~$18我覺得值得比,好過有d$10但唔好食,我寧願比多$8食好少少啦~

跟女友一起想了很久也找不到合意的食店，最後就選了這裡來草草了事。其實早在之前，已曾光顧過銅鑼灣的本店了，所以也知道這裡的拿手食物。女友要了一碗魚片頭麵，而我剛要了魚蛋牛肉餅河粉，另加一碗淨水餃雲吞雙拼。這裡的牛肉餅，實為鮮打牛丸的"壓扁版"，所以不論質感和味道，也跟牛丸的很接近。唯一不相同的，是滑滑的表面。這個<<魚蛋牛肉餅河粉>>，魚蛋魚味足而彈牙，牛肉餅固然地美味爽口，加上河粉也滑溜，最後的湯底雖算不是上品，但絕對比下有餘。整體上亦是一個出色的食品，要是推介的話，便一定要嚐嚐那個牛肉餅，真的是獨一無二的啊。女友的<<魚片頭麵>>，麵條吃不到梘水味，也有一點爽口。魚片頭的魚味比魚蛋更澴，味道也自然更加好。看著女友吃得津津樂道，味道自然是不會差的了。前兩樣食品都有不錯的表現，那麼雙拼又如何呢﹖答案是失望至極。原因是水餃跟雲吞在沒食之前已散開了，也因如此在內的餡料味道也被湯浸至淡味。我想原來的味道也不至於差的，但是卻因為其中一個步驟做得不好而前功盡棄，希望以後能夠多加留意吧。本來該是笑臉的評價，但是白白地被一個小步驟拖垮了.

2008年5月26日，潮苑今天叫了牛腩河,只賣15元,一點也不貴。牛腩看上去沒有肥羔，好像會很嚡，但吃下去卻剛相反，很腍。不過卻沒有牛肉的味道！

7月24日, 見呢間d潮州粉講到咁出名, 今日襯要去電腦廣場睇電腦之前黎試下~ 出名野有手打牛肉餅, 魚片頭, 仲有崩沙腩~ 晚飯時間人流都唔多, 有好多位~::: 崩沙腩河 ::: $18河粉得好少, 好似少咗一半咁, 崩沙腩望落幾靚, 食落都幾淋有肉味, 不過一夾好易散同份量太少. 用豬骨湯而唔用清湯都幾好, 不過嫌味唔夠~ 炸蒜粒要自己落, 不過落咗等於冇落… 以出名黎講有d失望.::: 油菜 – 通菜 ::: $6跟粉麵只加$6~ 叫咗少醬都有咁多醬… 值得一讚既係菜份量多, 而且咬落幾脆. ::: 炸魚皮 ::: $5炸得好香, 唔會太硬, 浸一浸d豬骨湯食, 好正~::: 凍奶茶 ::: $7中規中矩, 夠大杯~其實我地諗佢d野既份量應該算多, 真係唔知點解今次d河粉會咁少, 可能佢地做到夜市冇乜河粉淨卦… 食到尾見有人都叫咗個河粉, 跟住又問個阿叔做乜得咁少, 個阿叔即刻俾一碗淨河佢, 咁樣有d欺騙食客既成份囉…

雖然呢度最出名既係魚旦同牛腩，但食過既人都知道其實最好味既牛肉餅!!牛肉餅d牛肉有咬口，食落有牛肉味但質感又唔似牛肉，太過癮啦~!!!我鍾意配米粉食~!一碗面加埋一碟油菜先係$2X蚊，有咁好既味道，是抵的~!!想瘦身既女士，黎呢度食o野時，叫油菜最好走醬油，如果唔係，廚房會"畢"有一大"pat"醬(腐乳?)比你，好肥o架!!另外一讚 : 上菜好快

今日下午去到灣仔就去潮苑,叫咗碗孖宝麵係魚旦拼牛肉餅,好好味...通菜上嘅腐乳很好吃.不知怎弄的,叫多杯凍檸茶,茶味夠,好飲.個水吧哥哥還很有趣,下次再來

前幾日返工悶到阿媽都唔認得就係度偷偷睇openrice...見到潮苑的食評好吸引啊!! 而且之前都聽過朋友講依間野...於是11點都未到就決定去個度...仲決定埋要食牛肉餅!去到叫左牛肉餅撈! 個撈麵普通過普通...唔太爽...不過主角牛肉餅實在太好食了!!! 好有牛肉味! 好彈牙! 估唔到扁扁的咁有口感...比牛丸好! 一定會再來!

採排完畢後來個速食, 行過見到潮苑便進來.要了一碗魚蛋牛肉餅河和一碗牛腩河, 再加一碟炸魚皮.魚蛋也幾軟香, 牛肉餅一如以往彈牙, 但肉味今次好像差了些.牛腩淋也不黐牙, 河粉就不滑也黐埋一舊, 湯底也很淡啊!

2008年4月4日，潮苑這次叫了普通的魚蛋米,都幾彈牙,覺得口感跟手打的沒有很大的分別。反而手打的有較大的魚腥味道。

有晚o係合和做完野, 約左阿細o係灣仔食飯, 我即刻諗起之前經過呢間麵店, 門口貼左d magazine interviews, 好想試下佢個牛肉餅 我同阿細入到去已經要last order lu, 拿拿臨每人叫左碗野: 1) 牛肉餅片頭河2) 坑腩手打魚蛋河3) 油菜4) 咸07牛肉餅真係好好食, 片頭同坑腩就當然都係安利好食. 我本身就唔鍾意食魚蛋, 但係佢既手打魚蛋的確幾彈牙, 唔錯唔錯, 一定要黎再食

禽晚放工，倦得不得了，本來想去金鳳，但是收7點，就來了潮苑。店面企理，見牆上貼了不少雜誌介紹的文章。看了後，就叫了推介的手打魚丸米，果然好味，但$18一碗，得3粒魚丸太少了。朋友叫了孖寶，即魚丸加牛肉餅，牛肉餅都是特別的，是牛丸未搓成球狀前，條狀的，再切成一片片，我試了一件，非常爽口亦好鮮味。朋友吃了後大讚，還立即追加半斤生的取走，半斤要$39，都有好多片。另一提的是，此店的辣椒油好香好辣。整體來說，都是不錯的一間粉麵店。下次會想試墨魚頭。

濡州粉面之中，我覺得最好味的，始終是潮苑。愛吃牛肉餅，外型像扁了的牛丸，很稔，很有牛味。愛吃手打魚旦，因為它十分彈牙，不會感覺很粉。價錢亦十分之抵，一碗單拼面都只是$15-$18元。

見到同事話潮苑D粉麵好好食，咁咪去試下LOR~不過，會不會有D名過其實呢？個日叫左個牛肉餅魚旦河。牛肉餅的確幾好味,好彈牙~~(好想食多幾塊~~)不過D魚旦……咁腍O既？D粉又散……最唔得係個湯……太重味精……攪到飲左2支汽水……(/_\\\") 唔係話唔好食，只不過可以選的話，未必會選呢間做第一選擇LOR……

經朋友介紹來食牛肉餅..我一開始仲以為係同平日屋企食個D 魷魚肉餅咁既樣..一睇先知原來好唔同..食落都唔錯..佢既湯底對我來講足夠..自己唔使再加d調味品..nice !!