潮苑正宗潮州粉麵 (已結業)

好正宗！這間{潮苑}粉麵店,朋友有時午餐經常都會幫襯,粉麵好大碗,價錢又便這裡最好食的就是牛肉餅,牛肉餅非常爽口又有牛肉味其它如牛腩及牛肚都是一般魚蛋味道OK,可是試一試

這間{潮苑}粉麵店,公司同事們食午餐時經常都會幫襯,粉麵大大碗,價錢又唔貴這裡最好味的就是牛肉餅,牛肉餅非常爽口又有牛肉味其它如牛腩及牛肚都是一般魚蛋味道OK,但不夠香港仔謝記魚蛋咁靚!

中午LUNCH TIME 2點幾的我，在灣仔一條友諗咗一陣都唔知食咩，忽然醒起好耐無食潮苑牛肉餅。。就走去食番碗。可能已經2點幾關係，入去即刻有位。諗都唔諗即刻叫碗”孖寶“ ﹣﹣ 牛肉餅 魚旦米 （＄25）再加碟菜心全走。牛肉餅 同魚旦都好好食， 很新鮮和很有口感，個湯又濃但不會口渴，再加少少自家辣油 絕不交行貨！＄32就有餐好好味的午餐。。有時真係簡單是美， 一碗孖寶也能回味無窮！

幫公司去灣仔拎嘢!!!梗係要去潮苑食碗四寶河+炸魚皮+玻璃樽可樂啦 ^ __ ^可惜ga係.....辣椒油無以前咁香咁辣四寶河+炸魚皮水準依舊一樣咁好味

女友期待已久的 iphone 4 終於有貨，這晚買機大過天，食飯變得次要，二人去了位於灣仔春園街的潮苑簡簡單單食碗粉就算。來到時約晚上七時，人客比年市少，二人獨佔一張大檯，不用坐得迫迫夾夾。女友要了手唧魚旦拼牛肉餅米 ($25)，牛肉餅是這裡的招牌，外形像金錢腱，食落口感其實有點像壓平了的牛丸，挺特別的；手唧魚旦則比較普通，不夠爽口彈牙。米粉配上清湯底，味道略淡，建議加些辣油同吃會好一些。另加 $7的腐乳通菜，菜尚算鮮嫩，而腐乳的份量下得剛剛好，味道不會死鹹，抵吃！我本想要坑腩河，可惜是日河粉已告賣清，唯有改要粗麵 ($20)，這裡的坑腩屬半肥瘦的，接近六四比，肉炆得夠入味，質感軟腍，肥膩感並不重，湯底則浮了一層源自坑腩的油，可惜粗麵底只屬普通，略嫌煮得比較軟身。廿蚊碗粉麵的份量著實不多，只能說勉強夠飽，當晚差點忍不住要煮個公仔麵做宵夜呢～

因為依排夜晚去附近上堂, 搵間食左野先去, 上黎見依間評語唔錯, 所以先黎試下~已經食左三次, 6:30到有好多位, 不過越夜越多人.試過牛餅魚旦河(孖寶), 牛餅ok, 似切片牛丸, 都幾爽口,魚旦於小弟黎講好好, 平時唔食魚旦的我都覺得好正~~!牛坑腩河亦唔錯, 夠”淋”另外侍應幾好, 有講有笑~只係座位有部份比較貼, 坐時要小心唔好撞到人(俾人撞…=.=)

I went to this shop on the first day of my summer job.Of course I found this noodle shop on openrice and found that it is quite famous for their beef cake.I ordered beef cake with rice noodles and a plate of veggies.Their food was served very quick but you do not have to rush to finish it like the other noodle shops.However, the customers next to you just made you to do so.Anyway, the bowl of noodle is hot and the beef cake is surprising tasty. The texture is very nice since they didnt put a lot

噤多樣野都係牛肉最吸引... 我次次都係食牛餅河! 仲買左半斤生既牛肉餅番去比屋企人食... 佢地都話正 炸魚皮都係多人食... 我就覺得麻麻喇.... $18 又平又抵食

身在灣仔，若果袋裡只有一張二十元的紙幣，既要美味，份量又要足以飽肚，我相信潮苑會是首選。吃飯時間無疑是很多人，但基於小妹孤家寡人，所以等了大約十分鐘左右便可進入。招牌牛肉餅米：牛肉餅水平保持，外表薄薄但口味十足，有嚼勁，又有牛肉味，數著數著，有九片這麼多，只是賣十八元一碗，經濟又實惠。

一有同事請飲下午茶，潮苑食午飯就最啱，因為可以食少D。 上個月就去過一次，當時因為未有idea，就跟牆上poster，要咗碗“手打鮮牛肉餅河”（$18），我同事亦要咗碗“手打鮮牛肉餅麵”，仲要咗碟魚皮（$10）同油菜（$7）。手打鮮牛肉餅：確實名不虛傳，好爽好Q，彈牙煙靭，牛肉味豐富。可惜同事投訴麵太少，未飽喎！魚皮：切得細，皮薄香脆，唔錯！放响湯度仲卜卜聲，真有趣！油菜：同事問油菜可點整，服務員竟開玩笑話乜都得除咗炒，真搞嘢！隔咗一個月嘅今日我又有機會再去食飯，今次我要咗牛坑腩河（$20），同魚皮（$6）。 原來佢哋會根據人數而調整魚皮嘅份量同價錢，又幾均真噃！牛坑腩河：好軟熟，一D都唔靭，紋理分明，但係個人覺得鹹咗小小。都係手打鮮牛肉餅有特色，必食！

今日夜晚黎咗哩度食個招牌牛餅河粉，之前食過佢地D魚蛋，真係好普通。淨係可以講魚蛋唔夠牛餅咁好味，但有樣野我必須要好強調，佢地其下分店唔係間間牛餅都可以keep倒水準，我曾經試過三次係唔同時間，唔同地點，唔同日子去過佢地其下某間分店食過佢地勁酸宿嘅牛餅，食過個幾次之後，已經有兩年無幫陣。依家又再幫陣返，都係去返黎間好D! 經過幾粒鐘狂錘嘅牛肉餅，衰極有個普! 牛肉餅彈牙爽口，裡面有好細粒牛筋令到個牛肉餅更加有咬口，個餅嘅牛味係平時食牛丸，而唔係牛扒個種。咁來無幫陣! 水準依舊! 臨走個陣買咗半斤返去屋企得閒拎出黎食。

一月中旬實是即興的私房火鍋小聚，地點是食友家，說是簡單家常圍爐小局，但主人家背後已花近一天時間備料熬湯，又要另花時間執屋，說真的安排一頓飯實非易事，自己就沒理由「兩梳蕉」空手而上吧！原打算到文記清湯腩，拜托姐姐留些牛胸腹，薄切下來作打邊爐料，惜工務在，分身不下，只好早天到潮苑買下手打牛肉餅及牛肉丸各一斤，拜會這位牛癡食友。牛肉餅薄切的，傳媒報導介紹是手打，所以質感特別爽嫩有彈性，大家分嚐後對是否手打不致可否，畢竟機打的也能弄出如此質感，勝負在於牛的肉味，始終在本地靚黃牛難求，肉臊味濃的牛丸或肉餅難求。是夜的牛肉餅纖嫩帶彈牙爽勁，肉味足，仍是推介之作，比較起來牛肉丸就一些腍而一部分彈牙，牛肉味亦不及勝利般出色，以後來還是老實地叫牛肉餅穩陣。是夜除牛丸外，更能嚐到兩位食友精心細作的三秒腐皮、手切牛肉及起雙飛的脆肉鯇等佳作，閒話家常，著實盡興，謝謝食友細心的安排！題外話，汕頭牛丸其實除牛髀肉外，亦會加入豬肉提味，當地人愛肉臊味濃的牛肉丸，而本地人到當地就比較喜歡加了牛脂肪的牛筋丸，取其爆汁豐腴。

Had to go to a stationery shop over lunch time and combed the streets for a lunch place. I remember going to a branch of this noodle shop in Causeway Bay many years ago. It was crowded, so I waited till nearly 2 pm to go.I ordered beef cake and beef tripe thick noodles in soup (without spring onions) and a choi sum. I also ordered an iced lemon tea knowing that these restaurants use a lot of MSG. The noodles arrived very hot and the soup was cloudy with a strong smell of meat. The beef cakes wer

湯底還可以,辣椒油一點都不辣,推介魚旦,很彈牙,其他不值一提店員服務有待改善,有一位男職員我每次去都"眼甘甘"的很討厭,有一次還一直向我胸口望,實在很令人反感食店的食品美味是很重要,但讓食客食得開心也是很重要的!

今天同朋友經過灣仔林記買金魚、順道過對面潮苑食牛肉餅河、(當時冇乜人)、由於平時都有食開、所以介紹給朋友。叫了一碗牛肉餅河、一碗牛什河！掂知碗牛什河d牛什唔得、(叔叔地)、D河粉又淋(未落湯)。d牛肉餅唔爽口、沒有牛肉味、一個字……差！我朋友重話我老點佢應該冇下次啦！！！差差差