潮觀城酒樓

营业中

休息中

星期六難得陪雙親嘆茶共聚。觀塘裕民坊新商場 YM2 ，樓下巴士站都算方便就腳，潮觀城潮菜酒樓指定動作潮州茶，再黎一碟雙面黃金黃香脆，灑點白沙糖再加幾滴陳醋回味無窮。🤭🤭我最喜歡食清心丸綠豆爽糖水，清甜滋潤一人分量剛好。

好耐冇食過潮州菜，一班朋友 book到房限制令分兩枱可以容納十六人 加埋一張麻雀枱型， 食物冇得頂，尤其 胡椒豬肚湯👍， 足料， 味到一流唔 太辣，勁多豬肚， 好新鮮冇壓味 口感十足 完全感受到廚師🧑‍🍳🧑‍🍳嘅 耐心烹調，認真不取巧用心製作， 蘿蔔糕頭蝦球👍 蘿蔔糕煎香蝦球彈牙。 碧綠川椒雞👍係用雞起骨起皮，D肉係好嫩口。 仲有糖水 銀杏芋泥👍 唔甜 好香芋頭味， 程序繁複， 睇得出廚師🧑‍🍳🧑‍🍳嘅心機。 用心製作。 一定要再幫襯🤗🤗

鳳爪排骨飯，新鮮熱辣，味道幾好食!叉燒腸，叉燒腸嘅皮做得晶瑩剔透都唔錯但係個叉燒肉就比較麻麻哋，叉燒好乾身，唔夠滑咖喱魷魚，一嚟到就比較乾身，得好少好少汁食落口魷魚都係冇乜汁，令到口感好乾味道都OK嘅，但係咖喱魷魚就冇乜咖喱就真係爭啲燒賣，個燒賣口感都爽口但係唔知點解第一啖食落好有啲類似鹼水味嘅味道，怪怪的馬蹄綠豆爽+清心丸糖水，製作需時，都等咗一陣兩個糖水嚟到都好熱辣辣，食落去幾好食，味道唔錯！呢間野係新裝修，所以環境都唔錯，左右都有一啲好高身嘅硬身甲板價錢方面，就覺得佢有少少偏貴因為賣單嗰陣，發現酸菜竟然要收人頭錢但係其實佢俾咗一小碟我哋兩個人。你俾幾多碟酸菜就應該係一碟一碟計，唔係人頭計 …

原本我諗住10-1-2022，叫外賣我想行過去睇吓有咩叫，點知你哋有個女侍應掛住睇片😭😭😭😭😭，仲要開到好大聲，搞到我都唔知叫唔叫外賣好，因為我怕阻住佢睇片，結果我冇買到外賣，好心而家依個疫情就唔好掛住睇片，都唔招呼客人，真係不知所謂，都唔明點解老闆會請妳，我知道啊因為老闆請你返嚟睇片唔係招呼客人，如果係我，開就勤力啲做嘢，同埋我見到淨係住戶有九折，普通人有九五折

價錢貴，食物質素差，唔值咁貴要小心既係開茶位果陣會俾酸菜同花生你係要收錢可以講唔要唔要可以免左佢今次叫左蝦腸，蘿蔔糕，鳳爪排骨煲仔飯，牛柏葉蝦餃冇挑蝦腸，冇落野辟味，腥腥地難食蘿蔔糕太粉難食煲仔飯超油，冇飯焦，排骨同鳳爪係正常野牛柏葉正常，不過不失最後有送功夫茶係ok 既有茶味唔同茶芥既茶茶芥既茶就普通服務唔差新開都肯著重防疫盡量客人坐開d有好多隔板係欣賞既未滿都盡量分開d 客佢地員工自己講依家係非常時期有收加一，茶芥收$13

裕民坊對需要坐輪椅的人非常唔方便， 茶樓安排左入間細房， 可以靜靜地飲下茶， 不過找服務員就相對難左。新開張，地方乾淨衛生， 上菜速度都快， 不過加單後就出現混亂。。鹵水鵝片拼盤：比想像中細碟， 質素都好。特製蝦餃皇：4粒漲卜卜， 皮薄不過好乾。蜆芥炸鯪魚球：真正外脆內軟。芋絲春卷：好脆口。煎焗蓮藕夾：太油， 蓮藕片脆口家鄉炒面線：面線爽口彈牙， 肉絲乾身（唔知點解又黎多碟春卷）銀杏芋泥：好蓉好滑好香，讚。鴛鴦水晶包 ：催左好耐單先到， 話趕時間取消單又話已經蒸緊。之後張賬單又出錯要再重計。。

新商場新酒樓，今日同媽咪去試試，睇下好冇食。我地差唔多一點到，要等十張枱，不過都叫得好快，可惜個知客叫叫下miss左我地個號碼，我見佢跳一個都算，可能個張係4人以上，點知佢再叫下一張我就覺得唔對路，上前問佢點解未叫我個張，佢就話:「我以為我叫左。」但佢張叫飛紙係冇刪劃我張飛🙄🙄🙄好彩佢即刻安排張枱比我地入到去張枱係未執既，有個高級啲既職員就幫我地執同開茶，叫埋隔離個阿姐幫手拎新碗碟過黎，仲教個阿姐點舖枱布，呢間d樓面應該好新，唔熟手，或冇做過酒樓，唔緊要，先開張十日，可體諒，最緊要有禮貌(係真係算有禮貌)我地叫左五個點心1️⃣芋絲春卷 呢個黎到已經凍左，入面係芋泥，好在唔太油2️⃣潮州粉果 呢個個餡花生多，都熱既，皮比較厚3️⃣鮮蝦時菜餃 細粒蝦，皮厚4️⃣蜜汁叉燒腸 好多叉燒粒，皮唔薄但唔算厚 算幾好食5️⃣豉汁蒸鳳爪 得四隻鳳爪，唔入味，但雞皮唔鞋仲有！佢會比碟前菜酸菜你 $12碟，我冇為意就廢是退。Total埋單$217 我覺得性價比低，唔係好好食，但呢個價我再睇點心紙，下午茶抵食好多，但佢都會比酸菜或花生比你，$10碟，如果你食下午茶但唔要酸菜或花生，需按正價時段收費，咁都幾搵笨🙄逼你要前菜茶芥$

新開的店位於觀塘新地標 -凱滙2樓 主打潮州菜 午飯時間等了大約20分鐘便有位 裝修簡潔 座位擺設不太擠迫 服務員態度友善 上菜的時候會說多謝收費正常 不算貴 2個人共要了5款食物蠔仔肉碎粥 蠔仔很多 用料足蝦腸 蝦新鮮 粉皮很軟滑蝦餃 皮薄有筍粒及汁 豉汁鳳爪也合格心目中想試福果芋泥 可惜今天沒有 衹能要了甜湯福果 味道一般結帳時 服務員還主動地問我們 有沒有上了功夫茶可能是新店 結賬方式還未完善 用信用卡未能用機即時處理 負責的服務員頗辛苦我愛吃潮州甜品 下次會再來試試

今日專程同朋友來試呢一間喺觀塘新開嘅潮州酒家，因為聽聞佢哋啲點心非常好味足料， 結果係非常之滿意， 一個好開心嘅茶聚！😃😃😃點心食得出全部都係用心製作…………蝦餃 : 一咬落去，皮薄而且鮮蝦分量非常充足， 而且又夠熱， 鮮蝦充滿成隻蝦餃 ，非常美味😛😛😛燒賣: 豬肉同蝦嘅比例非常之好， 我食到好似有啲大地魚嘅味道，唔知我有冇估錯！😜😜😜 咖哩魷魚: 咖哩夠辣，魷魚爽脆， 而且份量充足 ！好味！👍👍👍最令我驚喜嘅係鮮蝦腐皮卷: 剛剛煎起熱辣辣， 個皮咬落去脆卜卜， 裏面嘅蝦肉爽口彈牙 ，非常之啱我呢個蝦王嘅口味 ！😘😘😘另一個驚喜係潮州炸油角: 呢個係一個甜食 ，外脆內流心 ，裏面嘅花生同芝麻餡 ，連埋流心嘅糖， 咬落去口感豐富， 甜度適中！😋😋😋豉椒排骨炒米 : 佢哋嘅米粉係有兩層口感，面頭係煎到脆卜卜， 裏面米粉爽口彈牙， 夾埋啲豉椒汁非常惹味， 排骨亦肥瘦適中， 絕對係水準之作！👏👏👏可惜嘅係開始嘅時候我因為太肚餓有兩個點心忘記影相，😂😂😂 就係叉燒腸粉同韭菜果， 都係好好味！最後我要讚下佢哋嘅茶係用原片茶葉，而唔係用茶包， 呢樣嘢最合我心意 ！總結呢間新開嘅潮州酒家， 絕對係有驚