影片
电话号码
26688334
付款方式
以上资料只供参考，请与餐厅确认详情
收工好肚餓揾嘢醫肚，經過見到呢間唔洗等位就衝咗入去。.環境🌝🌝🌝🌝🌚光光猛猛乾乾淨淨，坐位都好闊落。.🍽️ 牛腩撈麵（$44）🌝🌝🌝🌜🌚本身牛腩麵就$34，撈麵就加$10，唔係好理解但今日就係突然好想食撈，所以是旦啦(๑˙ϖ˙๑ ) 因為人數唔多，好快就有得食。好大pat蠔油，仲有幾條生菜墊底，牛腩份量都算多，好滿足到我好餓好想食肉嘅慾望，有幾舊肥肥地，又有幾舊柴柴地，但浸一浸湯都ok。麵底都無皂水味，淋度都控制得幾好。.食後感 🌝🌝🌝🌝🌚7點半晚餐時間個場勁空，本身都驚伏，但覺得幾好食幾滿足！雖然唔會好痴線咁推薦人山長水遠嚟食，但大埔街坊可以去幫襯下٩( 'ω' )و.🪖頭盔：非專業食家，人稱垃圾脷，通常食唔出「高級食材」有咩分別，食評僅供參考，敬請留意(*˘⌓˘*)ゝ
继续阅读
地方幾寬闊，街坊式粉麵，星期六下午坐了幾枱客人，枱與枱之間有空位，首推牛什麵，量多，超好食，一碗先$32招牌牛什麵， 加埋腩汁個湯底ok唔會太鹹，即刻濃郁點，味精亦不重， 主要係靠佢個牛腩去提味， 牛什比起平常食開都幾大份，既都幾夠食，牛腩炆得入味， 肥瘦適中， 店環境都比較衛生，唔執著了， 可以選擇既宵夜店相信係大埔大元村黎講都不錯， 所以睇完戲9點黎食個宵夜,算唔錯呀, 總括味道可以, 店面夠光， 坐落都舒服，呢間鋪伙計服務都算勤力既小店， 黎食碗牛什粉麵都算幾抵食$32已有碗 ，可加+$5有杯凍野飲, 價錢合理
继续阅读
是日休息，故有時間出外找吃，眼見店面寫著有『魚蓉麵』，肥沈就二話不說即叫一碗來試啦！其實大埔區都有好多間【麵店】【米線店】，都可以叫做各有特色，當然，好不好吃就見仁見智啦！咁岩肥沈中意食魚蓉麵，就緊係要試啦！此店之魚蓉麵睇起來似烏冬麵，食落口感比較似魚蛋（我唔識分別架，岩食就可以了！），今次配雲吞，係幾好吃喎！肥沈我中意此店湯底比較清，雖然都係似味精湯（個人覺得而已），但好過附近某間成碗都係油，痴線架！此店食麵可以加$10以加配飲品 / 油菜 / 炸魚皮，今次我就加炸魚皮，此店的炸魚皮是「薄皮」的（我最討厭「厚皮」的！），口感比較鬆化脆卜卜，食落似食薯片，好食啊！以$50來說，飽肚又好味，不錯不錯！
继续阅读
由於病左幾日口淡淡，而假期又瞓得晏，係就老婆同阿仔去公園玩既時間，偷15分鐘去食碗粉，近近地去左大元邨既潮記。佢啲粉都幾大碗下，當午餐食都夠飽，我要左牛雜河走腸，有金錢肚、牛肺同牛膀，雖然啲湯咸左啲，唔飲湯只食湯都ok, $32大大碗，味道算合格。
继续阅读
之前都已經經過這條邨這間魚蛋店不少次，但是又一直沒有來試。這是終於醒起，可能因為近期經常經過這間店舖都覺得有點吸引，於是這天毅然一試。進店內，又再次發現，這間店舖有兩部電視機，但是在大型運動賽事的午間，可能因為店內食客都不少，遊人如鯽，因此店方都沒有開電視機。算吧，哪人的家會沒有電視機，來吃個快麵，然後便離去算了。因為友人點了個魚片頭，於是下單時候在想要牛腩定或是牛雜比較好，因為看見牛腩的名字自稱是五香的，生怕它的質感好像柱候那種，而不是清湯腩那種，於是便求其點了個牛雜的。等候期間，看到旁邊店員拿給其他食客的牛腩麵，的確就是清湯腩那種，便立即萌生起後悔的感覺🤦🏾♀️了。我的牛雜麵，麵質不算太林，仍有小許彈牙感，但是有部份黏在一起，質感就普普通通。牛雜，其實都不太雜，因為牛腸只有兩件，普普通通，不會太爽亦都不算韌，沒有什麼香味；牛蒡只有一件，比較長長的，不算太粉，味道普通；牛肺都好像是一件起、兩件止，不算太過爽口，味道亦是正常而已比較覺得可惜的是，它雖然自稱是牛雜麵，但是牛雜，大概有四至到六件都是牛肚，牛肚比較爽，雖然都很乾淨，但是不算太過入味，沒有什麼香濃的感覺，因此感覺比較普通。反而友人所點的那一碗魚片頭米粉，魚片頭卻相當出色。魚片頭最少都有五件，而且當你有咬開後，內裏發現一層一層的魚肉，好像百葉一樣有很多魚肉堆砌在一起，場面治癒，口感亦都極之爽彈，又略帶魚香，甚至毛比起學利的更為美味出色。凍檸茶味道正常，茶味不算太過濃郁，最少比學利的凍檸茶，它的味道比較淡。就價錢來說，其實非常之便宜，因為一碗麵都起碼有5件魚片頭，牛雜都有8至10件。以及，連同凍飲就要$38 ，都不算特別昂貴，最少配料多，貨真價實。員工服務態度正常，最少不會在你吃完的時候立即拿走碗子讓你快點離開。相信經過這次的經驗，應該在不久之後，便會在前來潮記試一試牛腩！😏第二次再去，當然要試一試上次看見旁邊食客的牛腩。這次是吃米線，米線的份量婆少，亦都住得偏林，應該都是吃幼麵比較健康。牛腩的份量，以$30一碗的麵來講，份量算多，雖然不算非常肥美，但是有點兒肥肉，腸腸一條，看你上來猶如清湯腩一般，（而絕非好像名牌店的柱候牛腩，收人六十幾元都只得幾件碎濕濕的瘦牛肉），有點兒肥膏，有點兒筋，已經顯得挺軟林味道也香濃。這次就算是凍奶茶，茶味與奶味調校得一般，因此還是喝檸茶比較穩妥。餐廳在閒日下午來就會比較少人，比起上次週末的中午來，顯得清閒以及空間多很多。
继续阅读