潮食閣 (已結業)

葵涌廣場三樓出名多野食而三樓的Top世界更出名多好野今日六點放工時間牙仔有d痕就走左入去揾野食～潮食閣門口相當多人等食物眼看店外貼滿金黃美味的食物相片以炸物作主打的店舖在門口除了等食既人仲有食緊既人好特別每個人不約而同都叫了 極邪惡的芝士棒我當然都要試下仲叫埋以前只在酒樓先食到的炸鮮奶極邪惡芝士拉絲棒下面係腸仔上面係芝士外層沾有薄薄的粉漿炸得非常金黃香脆感覺如食串揚不覺油膩熱氣店員仲幫我加了千島醬令味道更加升華由於今日只得自已一個所以影唔到拉絲相但拉絲時芝士真係拉得非常之長伸直整隻手仍然不斷脆味炸鮮奶 $26/7粒炸鮮奶 可加朱古力醬或練奶我加左朱古力醬炸鮮奶非常軟滑帶甜炸漿亦一點都不厚高質素之品潮食閣非常喜歡佢地的炸漿調較得非常好所炸的食物不厚粉 不油膩

行開三樓葵廣都知道雪糕店個邊行到最入個度改成小食天堂，今日同朋友行街，佢話肚餓，咁我地就揀左潮食閣試試。店鋪外邊貼滿他的食物相片，有太多選擇了不知道揀哪一個好。他的廚房收藏在一塊布在鋪頭後面，難得沒有太大油煙味。我們點了一個軟腳蟹漢堡配埋薯格都係四十五蚊，價錢唔算好貴。麵包好鬆脆，上面插住一個日本傘，好有聖誕氣氛。另外點了鹽燒三兄弟。即雞肉，雞腎，雞皮。椒鹽味好重， 好香口，但比我想像中乾咗少少。買完之後,過去新都會廣場,坐喺露天廣場慢慢食,好有聖誕氣氛哦。今次沒有叫他鎮店之寶惡魔拉絲棒,下次一定要點嚟試試。滿分為10分(1分最低，10分最高)食物：8環境：N/A衛生：8服務：8價錢: 8舒適度：N/A總分：8

去葵芳邊會唔去「掃街」飲飲食食當然就係我地至愛 3樓TOP世界早已變成一條「為食街」今次介紹既係一間裝修得幾特別既潮食閣 小食店以炸物為主 煎煎炸炸雖然夠哂熱氣 但都相當邪惡吸引 望見都已經忍唔住想點返幾樣🤩🔺招牌脆炸鮮奶球💰$26 / 7粒炸鮮奶唔係度度都有得食 依到既炸鮮奶係用100%鮮奶 即叫即脆 細細粒好似我咁的骰 而且做到外脆內軟 薄薄既粉衣包住半融軟滑既牛奶🥛 甜甜既牛奶球滑溜感十足 可以簡配朱古力醬/煉奶 我個人就覺得朱古力醬會蓋左鮮奶香 但就無咁甜 而比較鐘意煉奶 搭配起來更完美💯

🔺BBQ蜜汁雞翼 💰$32 / 5隻賣相睇落偏燶 雞翼邊都係焦黑 似足非洲人 但食落又唔覺得太燶 反而蜜汁幾滲透到入去雞翼度 食落幾juicy唔乾身 雞肉食咬落幾嫩滑😝🔺鹽燒三兄弟💰$35 / 6串
本身應該係炸雞皮炸雞腎炸雞肉各2串 不過可能近冬至 雞肉要返去做冬🤣 所以留返雞皮同雞腎係度 變左兩款各三串 串燒燒幾好 加上孜然粉 就更加惹味 做到一雞兩食 下次可以三食就仲正🤡

葵廣一向出名多野食多野行 最岩同朋友黎掃街試曬禁多款唔同既野食😍😍身為芝士fans既我一向對於芝士既既美食都好有興趣！今次食左位於葵廣3樓top世界入面呢間小食店既招牌 真係好有驚喜呀😍拉絲芝士條可以揀一條或者兩條 因為我想同朋友share所以我地要左兩條🧀醬汁分別可以揀千島醬同埋沙津醬 我同朋友兩款都試左!芝士條炸粉好薄所以食得出芝士既原味 芝士條輕鬆做到拉絲既效果 超吸引！最特別既地方係芝士條下面有條腸仔 所以可以一次過滿足曬兩個願望😍😍😍😍小食拼盤🍤🥟🍟呢個小食拼盤一共有四款野食 每款仲要有幾件 岩曬一班朋友share一齊食 炸蟹鉗 炸餃子 炸薯角同埋炸腸仔全部都係我最鐘意 而且炸蟹鉗好特別 一般都好少出現起小食拼盤入面 絕對可以一試！

一個月總有1/2日係會想嚟到葵廣掃街～今次都唔例外！黎得呢度就梗係要食佢哋個《極邪惡芝士拉絲棒》$18/1條； $30/2條～好快就有得拎喇～店員會貼心咁提你要趁熱食先做到拉芝嘅效果！大家就記得趁熱食影相呃like喇😬😬😬😬😬拉芝果然效果做得好好！👍🏻👍🏻👍🏻👍🏻👍🏻而且底部有條腸仔八爪魚！外面層炸粉唔厚同埋佢哋新推出嘅《黑糖麥芽雞翼拼薯格》$35佢本身個拼盤係有三隻雞翼拼數塊薯格，店員會問下你食唔食薯格...如果唔食嘅話就會有五隻雞翼而且仲平$1 添🤭🤭🤭唔好睇佢賣相燒到好似燶左咁😂😂雞皮表面有一層起左沙既糖~ 雞翼入面既雞肉控制得好好，好嫩滑👍🏻👍🏻

好耐無黎行過葵涌廣場了，見今日得閒就搭車過黎逛下，記憶當中呢到係有好多款各式各樣既食品供應。我同老公行完最底層就直接上左三樓買野食啦，呢到真係愈開愈多新奇又有趣既小食，搞到我樣樣都想食，末食見到都已經流晒口水！！最後我地就揀左好幾間試，呢間就係其中之一間🤗🤗點解我會揀呢一間既原因就係，呢到有較為少見既炸鮮奶售買，同埋本人超級無敵鐘意食炸野，呢到係完全滿足到晒我有多款炸物提供全部即點即炸，新鮮滾熱辣，入口脆卜卜！！雞肉串燒得好惹味，仲要有成5串咁多，確實抵食！！炸鮮奶有兩種口味，我都係保守點選擇番原味，包唔會中伏haha😆😆而面頭個醬我就揀左要煉奶，甜甜地幾好味，炸鮮奶入口本身就已經好奶味香濃，再加埋個煉奶就更加1⃣️流👍🏻👍🏻👍🏻芝士棒可拉絲拉到好長🤭🤭口感一流，呢個一定要趁熱食緊記！！買回家煲劇慢慢享受😝😝😝😝

葵廣是青少年逛街掃街的集中地，已街知巷聞，特色小吃店愈開愈多，行街行到肚有少少餓？就即刻到3樓掃街，吃飽再戰。現在連3樓TOP世界內亦已形成一條「為食街」；其中長龍店之一的潮食閣，以炸物作招徠，熱辣辣的香口美食實在叫人垂涎！於是拉埋友人一同來過過口癮。潮食閣位於TOP世界相片位置轉右。一場來到當然不得不試試其招牌推介的「極邪惡芝士拉絲棒」，以及「招牌炸鮮奶」，友人選了「鹽燒三兄弟」。點餐時間排隊算很快，等餐時間尚可，沒有想像中的久，畢竟即叫即炸，總需要點時間的，與預先煮好的食物會有分別，嘴饞的人有的是對美食的耐性！極邪惡芝士拉絲棒，$18/1條，$30/2條點餐的位置看到一份報導，芝士拉絲真的好長好長，身為芝士怪的筆者滿心期待，結果果然沒有令我失望！芝士拉絲拉得很長，吃下去與千島醬亦很配合，炸醬不會太厚，脆脆的配合起芝士拉絲的煙韌，尾端的香腸，更豐富了口感，配合一罐汽水就真正的perfect match。招牌炸鮮奶，$26/7粒一定一定要襯熱吃，因為熱辣辣時，中間的鮮奶就像半溶的雪糕一樣，口感又像啫喱，內暖外脆，配合煉奶，增加甜味，令人吃個不停。筆者要求兩個醬都想要（煉奶與朱古力），個

葵涌廣場是現今很多年輕人喜歡去的地方，除了因為衣服便宜之外，也有不少高質素的食物，食物大多不會太昂貴。近年在葵涌廣場的2樓有個新開的範圍是給不同的年輕人「掃街」的，數間食店也是以小食為主，而3樓也有一個「TOP世界」，有不少小型的時裝店和小食店，人流十分多。在云云的食店當中，我們選擇了一間以炸物和小食為主的食店，對於喜歡炸物對我來說非常吸引。開始的時候也很猶豫到底吃哪些食物才好呢？還好很多款食物的照片上都有寫着「推介」或是「必吃」的字眼，那麼就當然是吃那些款式的食物了。由於食物的價錢十分便宜，和朋友忍不住就選擇了數款。麻醬手撕雞漢堡包 $29麻醬手撕雞算是比較常見的食物，但是配上漢堡包真系第一次試，店員還細心的問我們想不想配薯格，因為加配薯格是免費的。漢堡包的麵包採用了港式的麵包，質感較軟，配上手撕雞味道還不錯。手撕雞的數量十分多，配胡麻醬是很久之前流傳至今的吃法，一次吃太多會感覺很膩，但漢堡包中有一些生菜，能幫助解膩。 炭燒雞柳串 $28 (5串)以串燒的價錢來說，$28確實十分便宜，雖然雞肉並不是十分大件，但是炭燒味很濃烈，也不至於燒焦的程度。雞肉嫩滑，而且帶點甜甜的感覺，像日式的

今晚約了幾個朋友吃飯，但兩個鐘後先吃飯，見有點肚餓，所以就跟其中一位友人去葵廣搵食。逛逛就到最多小食店的一層，有一邊行入去，很多是賣服飾的店鋪，然後就發現有一條巷是賣小食的。來到這間小店，看到牆上大大少少的相片，覺得很吸引，所以我就選了這間小店。我點了小店的新推介，黑糖麥芽雞翼拼薯格，雞翼炸得很香，甜甜地，平時吃薯格只是配茄汁，這裡有蜜糖芥抹醬可選，食落去真的另有一番風味，帶甜有微辣，估不到這麼特別。火燄芝士咖喱火腿麵，相片跟賣相真的一樣，很吸引。裡面真的有很多火腿，每口的麵都充滿咖喱汁，很惹味，加上鋪面的芝士，真的想多吃一個。極邪惡芝士拉絲棒，真的是可以拉出很長芝士，友人是芝士迷，所以她非常喜歡。脆味炸鮮奶，咬開軟淋淋，外層脆，內裡又熱又軟，然後再配上練奶，真的是又甜又脆，好食。這間小店每一樣小食，都是即叫做，需要等十分鐘左右，所以拿起手都是熱辣辣的。店員姐姐態度很好，問她這款配甚麼醬汁時，她都很樂意解答，非常好。

自從早排再戰深水埗之後，好似好耐都無食葵廣掃街了😋感覺八點半打黎既葵廣，比以前靜左～無咁人山人海😙但呢間店都算幾旺場喎～·本身想食下佢個咩韓式熱狗棒架～但店員話太好賣呀賣哂啦😢但就推介我試下新品👉🏻韓式烏冬棒！··韓式烏冬棒💰HKD20/1其實係用烏冬捲住司華力腸，之後炸佢！🌭💥💥💥外面炸到脆卜卜，入面烏冬軟軟地，再捲住大大條腸🤣第一次咁樣食，又幾夾架喎👍🏻·極邪惡芝士拉絲棒💰HKD18/1店員話芝士拉絲棒只可配沙律醬或者千島醬，我就中意沙律醬多啲😋，炸皮唔厚，咬落口好香脆！一扯開就見到芝士拉絲😍好鬼過癮～可惜我係一個人去，無男友幫我影下相🙈下次叫埋佢食，要佢幫我影拉絲相🤣🤣·其實價錢都有啲小貴，不過試下特色野都ok既💰💰

因為工作關係，筆者經常在葵涌廣場出沒掃街。今晚就決定試食3樓的「潮食閣」。筆者之前已光顧過鄰近的2-3間小店。大家都愛用一幅食物圖片牆來吸引途人目光，同時也可當作餐牌之用，一舉兩得。快速掃視了照片堆，「潮食閣」售賣炸物小食為主，惹味又邪惡呢。雖然選擇眾多，但筆者很快便鎖定目標了。目標就是它們了：極邪惡芝士拉絲棒，還有招牌炸鮮奶球。店內貼滿不少網上食家對芝士棒的評價，又有圖片展示出邪惡的拉絲，今天就讓筆者來一探虛偽吧。筆者沒有美麗的臉蛋，無法擺出上圖的甫士，只能以此角度來盡量展現芝士棒的拉絲有多厲害了。取食物時，店員會詢問想配搭的醬料，分別有千島醬和沙律醬。為營造拉絲效果，選用的必然是Mozzarella芝士，口感會偏韌，有點像膠質。幸好咀嚼間會滲出香濃的芝士味（好像也帶點牛奶味），不至於感覺在吃香口膠。邪惡勢力只滲透在前半條，後半條其實是包著炸香腸。這樣配搭反而更好：若整根都是芝士，只怕會令人容易覺得膩。如今吃了滿口濃郁的芝士再緊接來一口咸香腸，有些味覺上的變換。另一款小食是炸鮮奶球，海報上標示了是採用100%牛奶製造的招牌作。同樣地，店員也詢問了要用煉奶還是朱古力醬來配圖中的炸鮮奶。

葵涌廣場3樓有很多小食店，種類也十分多，今次就讓我試試這一間。週末這商場人樓較多，等候時間也變久了。今次，我點了細細粒容易食雞粒 （$28)。 它有很多小食，不知怎樣選擇，看見它的名字十分有趣便想試試看。即叫即炸，大約等了10分鐘左右，店員會問顧客想要什麼醬，而我選擇了泰式酸甜醬。一盒大約有18-20粒雞粒，炸粉和別家的不同，也不會厚，適中。 一粒粒正方體狀的蠻特別的。一口咬開雞肉嫩嫩的有肉汁並不會炸得過火不會感到太乾，配上泰式酸甜醬，一絶。一盒份量適中，不會太少，價錢也比較親民。

在葵涌廣場內，四處都見到潮食閣的廣告牌～ 見到炸鮮奶，心念念的要吃吖～ 結果兜來兜去，兜了三圈才找到。全部食物都是炸的 😂 當然店子很細，店主賣炸乜乜乜都係比較容易處理～ 炸奶應該是自家製作吧～ 😀脆味炸鮮奶 $24/ 7粒 ～ 一口一粒嘅 size 👍🏻 上面淋練奶 及朱古力醬 ～淋得比較孤寒 🤣 因為其實個炸奶入面只有甜味，多D醬會開心啲 😁 內餡熱騰騰 外脆～ 唯感此炸奶 炸得外層比較油，有進步空間 😚飢point : 6 /10 #hungermarch #飢詩 #非飢詩

極邪惡芝士拉絲棒平時見有好多人排長龍，今日兩點幾經過見冇乜人，就啦啦聲去買黎試，店員叫號碼拎嘅時候，仲問我要沙律醬定千島醬，我揀最爱嘅千島醬，望落冇乜特別，但食落不得了即叫即炸熱辣辣，咬落當然要試下係咪真係拉到絲啦！慢慢拉真係名副其實拉到好長，芝士好香好好食，再多啲芝士仲好，直得大家試試招牌炸鮮奶球食完極邪惡芝士拉絲棒唔夠喉，就試埋佢地嘅招牌炸鮮奶球，而家炸鮮奶球好難得食到，點可以錯過，亦都係有煉奶和朱古力醬加，不過我選擇不加，咁先食到鮮奶嘅味道，即叫即炸仲非常熱，所以食嘅時候，大家要小心啲，㚈皮炸到好脆卜卜，內軟嘅鮮奶非常香滑，鮮奶味又濃，又一様直得大家試

葵廣一向多野食，我都成日同fd去嗰度覓食，而呢間潮食閣之前我已經食過，但就冇食過佢既招牌芝士條，所以今次我哋想試下呢個超邪惡芝士條，睇下係咪真係咁拉絲。一拎到手，淨係睇個賣相，已經覺得相當唔錯，當你一口咬落去，外脆內軟，而且d芝士係口入面爆開，成口都係芝士，但又唔會過咸，好鬼正。最重要係真係可以拉得超遠，果然係超級邪惡，名不虛傳！不過佢唔係成條都係芝士，佢既尾端係八爪魚腸仔，不過我就覺得腸仔咸咗d。