潮 . 囍薈 (The ONE)

营业中

休息中

喺openrice見到今時今日竟然仲有價錢個位數嘅點心，即時帶媽咪過海試吓呢個價位嘅質素先餐廳樓底高，落地玻璃採光一流香煎蘿蔔糕（三件）$9～煎得幾靚，食落比較粉香煎韭菜餃（兩件）$7～賣相同味道都好白灼時蔬$8～爽！呢個價錢，抵生拆手工蝦餃王（一件）$9～正常發揮潮州蒸粉果（一件）$7～味道同餡料配合得好好麒麟馬拉糕$8~必點唔太甜又鬆軟XO醬蒸鳯爪$7～必點估唔到有呢個份量奶皇蘋果包（兩個）$7～必點賣相口味都一流紅豆沙$9～甜到適中，又㷛到起晒沙👍🏼淨係叫個位數嘅點心，都食到好飽同滿足，加上呢個環境真係勝價比唔知個位價錢嘅點心會唔會定期更新菜單呢？

潮囍薈推出左個優惠點心（優惠點心 - $7/ $8/ $9）[] 牛奶香芋包(1件)[] 奶黃蘋果包(2件)[] XO醬蒸鳳爪[] 潮州蒸粉粿(1件)[] 香煎手工韭菜餃(2件)[] 麒麟馬拉糕(1件)[] 鮮蝦蒸韭菜餃(3件)[] 香煎雞粒韭菜粿(2件)[] 香脆炸饅頭(3件)[] 黑松露鮮菌包(1件)[] 叉燒焗餐包(1件)[] 香煎蘿蔔糕(3件)[] 鮮鮑魚燒賣(1件)[] 生拆手工蝦餃皇(1件 x2) 唔知係未因為點心優惠關係點心質素真心麻麻地香煎雞粒韭菜粿唔夠熱香煎蘿蔔糕太鹹蝦餃皇無咩味...比較好食有馬拉糕，炸饅頭同潮州蒸粉粿呢個系列黎講其實以這種質素真係未致於係好高cp反而一款有3件就真係抵嘅總結地方樓底高位置寬敞高層有景睇又有自然光服務質素都唔錯如果你重點係想坐得舒服對點心質素無咩要求，又係尖咀附近純粹嘆冷氣，飲口茶，吹下水，磨時間呢個優惠點心都可以一試#潮 . 囍薈📍尖沙咀彌敦道100號The ONE 12樓#dcb食在香港 #dcb吃喝玩樂 #dcb香港 #食在香港 #香港美食 #美食 #尖沙咀 #尖沙咀美食 #點心 #酒樓 #優惠

喂喂喂，大家冇聽錯🥳🥳🥳！而家只要$7️⃣ $8️⃣ $9️⃣ 就可以嘆住維港靚景，食住精美嘅靚點心啦！尖沙咀以家推出咗 $7️⃣ $8️⃣ $9️⃣ 嘅點心優惠!優惠仲要系星期一到星期日,午市、下午茶都有，真係？ 大把時間都可以歎到！而且點心嘅種類仲好多，絕不欺場!💕我哋今次就揀咗十款右左嘅精美點心！$7️⃣- 潮州蒸粉棵(1件)- 手工韭菜餃(3件)$8️⃣- 牛奶香芋包(1件)- 奶黃蘋果包(2件)- 白灼時蔬- 香煎雞粒韭菜棵(2件)$9️⃣- 鮮鮑魚燒賣(1件)- 陳村粉蒸排骨(1碟)- 生拆手工蝦餃皇(1件)- 手工榴蓮酥(2件)除咗以上優惠點心之外，其他精美點心都好值得推介：- 養生北菇棉花雞$55- 韭黃鮮蝦腸$55- 玫瑰紅棗糕$40整體所有點心都非常好味，即叫即蒸，上枱嘅時候仲熱辣辣😋而且酒樓嘅員工非常熱情友善，同我哋有講有笑！一路嘆住靚景，一路食靚靚點心！真係好啱一家大細或者同朋友嚟聚餐！夠曬平靚正!！😊

大癲‼️$288/位可以食到魚翅餐！真係一試無妨😱 首先，前菜三款：有脆皮豆腐、涼拌青瓜🥒及沙薑豬手。脆皮豆腐香脆嫩滑；涼拌青瓜清新爽口；沙薑豬手皮夠爽口。之後有紙包骨拼砵仔焗蠔。紙包骨夠鹹香；砵仔焗蠔外皮脆脆，內裡juicy! 主角濃湯大碗翅，湯底金黃濃郁，有雞絲、翅，份量十足😍而頭水紫菜浸時蔬，紫菜嘅鮮味更加提升咗整體嘅味道。脆鱔飯煲仔飯一人一煲，鱔魚肥美。最後是日甜品有紅豆沙。$288呢個價錢，有翅食又豐富，可一試！

大癲，超級抵食必食尖沙咀點心‼️仲要係K11高層，望住藍天白雲邊嘆茶🫖爽啊‼️星期一至日，紅日，早市午市下午茶都有提供嘅特價點心，只係$7、$8、$9‼️可以一粒一粒咁叫，食多幾款‼️🥢手工韭菜餃 $7最抵係呢個啦，$7 有三件，仲要好大粒‼️入面爆餡，勁多韭菜，有蝦粒～🥢麒麟馬拉糕 $8份量適中，質地軟熟好食，一人食咗一籠🥢生拆手工蝦餃皇蝦餃大粘，入面有原粒大蝦，好食🥢鮮鮑魚燒賣 $9有成隻鮑魚，好正，整體好食🥢陳村粉蒸排骨 $9好多陳村粉，冇乜汁不過有啲油份都幾滑，排骨好食醃得夠味🥢叉燒焗餐包 $7$7 一件，唔算好大，手掌心左右size，飽肚之選🥛杏仁茶 $7勁平，食得過

好少寫食評，更少寫差評！相約老友食飯，原本開開心心的飯聚，換來一場閙劇。我哋叫左$388/人的套餐，埋單$7**。 等成半個鐘先上一道菜，我哋自娛在食法餐。見到正餐仲有三道菜未上，無啦啦已上甜品。之後追完又追，半個鐘後先上左菜。其中一道菜餐牌寫住烏魚子烏冬，但上的是青瓜伴涼面。我問侍應，「點解不是烏冬？」侍應回答是幼的烏冬，答案令我拍手叫絕！好難忘的一餐好難食的飯！😤😩☹️😔😏

週末和朋友到尖沙咀潮囍薈吃飯，氣氛熱鬧又滿足！一上桌的脆皮燒乳鴿讓大家驚喜，鴿皮烤得金黃酥脆，肉質嫩滑，蘸點梅子醬，味道更豐富。清蒸鱸魚是全場焦點，魚肉鮮嫩多汁，蔥油香氣撲鼻，幾個朋友搶得不亦樂乎。試了 XO 醬炒芥蘭，芥蘭爽脆，XO 醬的鮮辣提味，簡單卻好吃。瑤柱蛋白炒飯也很受歡迎，飯粒鬆散，瑤柱的鮮味融入其中，吃起來輕盈又滿足。另一道椒鹽蝦外酥內彈，椒鹽調味香而不膩，連蝦殼都忍不住咬一口。甜品點了芒果布甸，口感軟滑，芒果香濃，清甜不膩，大家都吃得開心。潮囍薈的圍菜份量足，味道地道，適合朋友聚會時慢慢分享，期待下次再來！

尖沙咀中午食飯時間，到處都人頭湧湧！今日朋友提議試吓潮囍薈飲茶。喺The One 12樓，地方寬敞光猛。食物質素一般，但咁嘅價錢喺尖沙嘴，仲可以要求啲咩！其實味道ok㗎！👍🏻油菜$7；兩隻BB鴿$68喎！仲想點！😄👍🏻最貴係碟班球炒河$98，魚肉都係結實嘅，唔係用啲「豆腐」魚。👍🏻

家人吃飯訂了一圍，晚餐圍菜展現了粵菜的精緻與功力。首道椒鹽鮮魷入口酥脆，魷魚彈牙，椒鹽香氣撲鼻，調味恰好不過鹹。清蒸東星斑是重頭戲，魚肉嫩滑，蒸得火候精准，蔥油和豉汁提升鮮味，令人回味。瑤柱燜冬瓜簡單卻出色，冬瓜吸滿瑤柱的鮮甜，口感軟糯，清爽不膩。試了豉椒炒牛柳，牛肉滑嫩，青椒爽脆，豉椒醬汁帶出濃郁鑊氣，讓人胃口大開。另一道是菠蘿咕嚕肉，外酥內嫩，酸甜醬汁調得平衡，菠蘿的清香為菜式加分。甜品選了雙皮奶，奶香濃郁，口感順滑，甜度適中。

這天公司吃飯，在尖沙咀The ONE的潮囍薈訂了兩圍。開胃的鹽焗雞皮脆肉嫩，雞肉鮮香，淡淡的鹽味讓人一口接一口。清蒸鱸魚是亮點，魚肉細膩，蒸得恰到好處，淋上蔥油和豉汁，鮮味完全釋放。瑤柱蛋白炒飯也很出色，飯粒分明，瑤柱的鮮香融入每粒米飯，輕盈不油膩。試了豉汁排骨，醬汁濃郁，排骨燜得軟嫩入味，連骨頭邊的肉都好吃。另一道白灼芥蘭爽脆多汁，蒜蓉調味簡單卻提鮮，作為配菜很稱職。甜品選了楊枝甘露，芒果香甜，配上西米和柚。這裡夜景很美，很適合打卡。

最近同屋企人去咗The ONE囍薈食飯，點咗一桌經典粵菜，試咗佢哋嘅乳豬、龍蝦伊麵、咕嚕肉菠蘿、金沙涼瓜、蒸魚、魚肚同菜、燒鵝同炒飯。整體而言，呢餐飯真係令人滿足，無論係味道定係擺盤都好有心思，充滿咗傳統粵菜嘅精髓，同時又有少少創意嘅驚喜。1. 乳豬：皮脆肉嫩嘅經典之選一上枱嘅乳豬真係驚艷咗我哋，成隻乳豬連頭連尾，皮烤得金黃酥脆，油光發亮，切好嘅一片片整齊排列，旁邊仲有兩小碟醬汁，應該係豉油同甜醬。皮咬落去「啪啪」響，脆到不得了，下面嘅肉質嫩滑多汁，肥瘦適中，完全唔會覺得油膩。配上微鹹嘅豉油同甜醬，味道更加豐富，係一道好正宗嘅粵式燒味，值得一試！2. 龍蝦伊麵：濃郁鮮甜嘅海鮮享受龍蝦伊麵係另一道亮點，成隻龍蝦好大隻，肉質結實彈牙，伊麵吸滿咗濃郁嘅湯汁，入口滑溜又充滿奶香。旁邊仲有青翠嘅西蘭花點綴，色澤鮮艷，增添咗清新嘅口感。湯汁略為濃稠，應該係用咗高湯同奶油調製，龍蝦嘅鮮甜完全融入其中，每一口都係享受。唯一小小嘅建議係龍蝦可以再多啲肉，會更加滿足。3. 咕嚕肉菠蘿：酸甜開胃嘅經典搭配咕嚕肉菠蘿嘅賣相好吸引，橙紅色嘅咕嚕醬均勻地包裹住每件肉，仲有青椒、紅椒同菠蘿丁，色彩繽紛，令人食慾大開

今次係呢間位於尖沙咀一個比較繁華嘅商場。入邊啲裝修係潮州嘅風格，非常有趣同獨特，因為香港比較少潮州嘅酒樓，今次仲食埋大閘蟹，味道非常好，其他潮州野食都ok,但價錢有點少貴

這裏場地算新淨，不到2年。座位濶落，不太嘈吵。 食物質素不錯。間中做的優惠套餐性價比高。個别菜色可能偏貴。團體宴的十圍送三圍好超值。去了六次以上。帶來的朋友也自己再去。跟部長談起來才知道，名字中的潮，是新潮的意思。不是以潮州菜為主。雖然他們也有潮州菜色，但滷水不是最好食。其他廣東菜色很好。飲茶點心比好多酒樓好。但七折只限少量點心，要注意。

報紙見到大閘蟹蛇宴$1488半席好吸引🤩遇到黃經理非常窩心，入席前更細心通知蒸蟹需要20分鐘，叫我哋通知佢先至叫廚房開始蒸蟹，半席蛇羹都有一整鍋，隨後豉汁蒸鱔非常新鮮夠份量👍🏻羊腩煲好靚酥香又軟熟仲好夠份量，蛇汁唐生菜鮮嫩爽脆，半席鵝就當然係半隻啦，鵝皮脆卜卜👍🏻仲有臘味糯米飯，薑汁桂圓茶同第一度菜嘅大閘蟹嚟返一個頭尾呼應完美終結。順便一提之前食評見到好多彈服務態度差！本來我哋今晚都有啲戰戰兢兢，或許我今天非常好運，遇到黃經理細心又有禮貌又貼心，員工亦都非常友善，完全覺得係超值又舒適嘅一餐

本身係想食18樓的星海，點知被包場，唯有落左黎試試佢。第一枱客就係我地，但等咗成個鐘先上第一樣嘢食，點知啲野全部都係難食，係超難食，超難食，超難食。包唔流心，扁扁的。乳鴿唔脆超咸，得酒味腸粉等咗個半包嘢都差唔多成個半鐘，凍冰冰的。以為有服務拉，都係冇，超差體驗，第一次忍唔住寫食評就係因為佢