澳門茶餐廳 (已結業)

總統戲院位處的那一條短短的謝菲道競爭激烈﹐翠華是香港名牌﹑連遊客都來光顧﹐太興門口則經常有人等位﹐而澳門茶餐廳相對地少客﹐不想逼不想等的話﹑這裡是另一選擇。曾經何時這裡是我的飯堂﹐豬扒包加凍啡走甜是必然之選﹐不過近年已少去﹐最近再來餐廳沒大轉變﹑只是夥計經理換了人。少去了是因為質素變差﹐今天再賞食物水準回覆正常﹐豬扒包不油膩﹐炒蛋份量少但味道可以﹐凍啡奶不夠﹐問侍應姐姐﹑她送來三分一杯奶讓我自己倒﹐服務不錯。最特別是落單女經理那一手秀麗的字﹐在茶餐廳內實在少見﹐雖然我仍然看不懂...;)

下大雨的天氣,到Sogo血拼,只好在附近吃,便想起這裡。因為想把最有料的茄通介紹給老公,便選了特餐。咖央厚多士+炒滑蛋,茄湯牛腩通$37,通粉有著豐富的牛腩、午餐肉、薯仔、紅蘿蔔粒。湯口非常濃郁入味,通粉不腍,但是粉粉口感。咖央我都是比較喜歡,加了斑蘭的綠色咖央。這種啡色咖央,感覺太甜。咖哩牛腩撈麵$31,之前在這裡吃過咖哩牛腩飯,好像淺黃色一點。現在的咖哩,香料更濃烈,所以微辣中帶甘味。最欣賞是,在蝦籽麵上加了紅醋!癖走礆水味。熱咖啡,繼續沒給我失望,飲完口腔保留濃濃回響。

唔記得第幾次寫哩間因為印象一向幾正面 款式多 價錢經濟 味道不俗不過今次應該係印象中最唔好既一次叫左晚餐鮑片雞 - 味道一般 只係D 汁太多喇 炸薯色水亦都麻麻上碟時候賣相有點嚇人焗豬飯雖然配炒底 不過食落完全唔香 失望飯後依舊有生果送我諗下次可能散叫 D 野會新鮮D

平常工作日吃早餐多是外賣三文治便算,很少會坐下來慢慢吃.原因其實很奇怪！就是怕入了一些抽氣糸統欠佳的茶餐廳,吃完整日鼻端總像嗅到油煙味般似的會混身不自在。這天早上突然想吃五香肉丁！腳步便自然的走了進這家看來乾淨企理的店來.五香肉丁麵----不明那幾件無味有渣的蘿蔔有何用處,吃得五香肉丁當然心中有數油份不會少，但為何味道會這麼淡才是不明白的地方.大光麵也有煮得好吃的地方但一定不會是煮得麵條未熟硬身的這裡。健康炒蛋白----看見不禁一呆!這片煎成塊狀的物體就叫炒蛋白嗎?完全是淡而無味棄不可惜,多士厚身但硬而不脆.凍奶茶喝到的只是奶跟糖水,茶味無影！心急人不宜來這裡,是日呆望無聲電視機的新聞十五分鐘炒蛋才出現,乾哽完多士飲品便到！吃完麵大慨整個早餐用了四十分鐘左右。更多文字分享http://pandamenhk.blogspot.com

一早起身, 和媽食上午茶;佢好想食澳門豬仔包, this is as close as she will get!!!!都不太多人; 坐樓上先, 仲有卡位, 好舒服~一人一個餐~媽的包好脆, 又唔係好乾, 很不錯.通粉都多料, 不過唔可以俾佢食太多午餐肉我的係沙爹牛米, 係好似少左沙爹.... 不過厚多士正, 好脆, 呀食得太快冇影添加埋飲品, 一人三十幾. ok 喇.

以前好少去呢間餐廳，總覺得冇咩好食，但最近發現它的午巿套餐都幾抵食。環境：一般茶餐廳的格局。食物：咖央多士都幾鬆脆，炒蛋香滑，茄牛通好入味，湯底濃郁，比中環出名的大排檔更好食。 服務：見經理不斷大大聲鬧個後生男侍應，話佢發白日夢，常常做錯嘢。另外一個相信係senior的女侍應又鬧埋一份，話佢唔夠醒目，相信有好多食客都聽到他們的對話。其實他們不應當眾鬧下屬，影響他的自尊心，也影響公司的形象，要鬧就入房鬧好了...價錢：36元一份，好抵食。但我想靜靜地享受午餐，而不是聽住別人的訓話，仲慘過俾阿媽鬧！

十二月二十一日 (星期二)同老公仔第三次吃澳門茶餐廳 還記得第一次是在往年渣打馬拉松之後的早餐時間過得快呢!今晚想不到吃什麼,我突然想吃吃它的牛腩蕃茄通粉蕃茄牛腩通粉的蕃茄湯底是值得一讚的非常濃郁的蕃茄香可惜主角牛腩卻很小,很細粒,餐肉比例還多奶油豬仔包配炒蛋奶油豬都香脆,可是卻有點涼了炒蛋沒突出,一般水準蝦醬海鮮炒米粉海鮮用料真是寥寥可數雖然知道這裡租金貴,但索價近$60元的炒米不可以偷工減料吧餐包甜品的,正期待是什麼之際,原來是三塊橙...失望呢不要寫甜品吧,應該是生果...最好的反而是飲品-冷熱兒童鴛鴦好立克和阿華田味道分明,但這是餐廳的功勞嗎?看來不值得再幫襯了!吃不飽的一個晚餐

因為太忙的關係，好耐無去澳門茶餐廳。今天心血來潮，要食我掛住的羅宋湯餐肉牛腩通粉餐！發現烤豬仔包變了可以選奶油豬，異常興奮，馬上落單。點知。。。。。。奶油豬烤燶了，最好食的豬仔包不好食了。。。。點解？？？？

躊躇了一會最後都係決定去哩度食宵夜上至燒雞蒸魚 下至茶餐都有得叫講味道 個人認為真係唔差招牌葡式咖哩撈公仔面咖哩味夠! 牛腩口感適中! 幾好! 鮮忌廉雞柳大蝦意大利粉不過不失 整體份量足 夠飽肚!

上星期2同朋友去左澳門茶餐廳食飯.我地今次去唔係食豬扒包同葡達.第一樣叫了香辣雜菌炒蝦球, 40幾蚊, 都幾大碟, 冬菇,草菇,等菇類炒埋一碟, 好香, 食落幾唸, 佢隻大蝦球, 食落新鮮彈牙, 隻蝦又幾有光澤, 爽口.另外叫了香茅生啫雞煲, 好大煲呀, 大過平時煲仔飯既煲, 同埋都好多雞下.雞肉因為有香茅, 所以好鬼死香~亦都有D肉地~好味~2個人食晒....已經包都唔包了~+多6蚊叫埋凍奶茶, 好飲~成餐都係百幾蚊, 抵食

應美國回來朋友request,再來吃「澳門菜」。初時沒有寫此食評的意慾,所以沒影相,但吃後很想再次俾個佢!七點鐘,樓下沒位了。而朋友有bb車,店員安排我們搭lift上二樓,還熱誠地替我們扶著"出入"木門。朋友要吃葡汁雞意粉、咖哩牛腩飯、馬拉盞炒芥蘭、即磨咖啡。我要了特餐:茄通+奶油豬+炒蛋。茄腩湯通粉真的非常好吃!有牛腩,有茄,很濃羅宋味!通粉腍得有嚼勁。跟著還order一碗拎走添!奶油豬,留給朋友吃啦,他們說又脆又甜甜地,好鍾意咁喎!炒蛋,超滑!!!!(看似加了忌廉炒)超多蛋汁!焗葡國雞,一向都ok葡汁的。焗到有脆面!不過薯仔切得太大件喇!咖哩牛腩,咖哩很油面,不知為何,辣度不是太辣,但吃後感胃不適,咖哩太刺激了。咖啡,店員說明是即磨咖啡(暗示不是凍飲的「澳式咖啡」)。anyway朋友覺得好飲,飲了兩杯!!

四月下旬．有雨 早餐時間，來了附近，突然下起傾盆大雨。不理這麼多，見這裡環境不錯，就來吃個早餐，順手避雨。 這裡的各式早餐都寧寧舍舍比人貴幾蚊，係個焗豬仔包連飲品的只賣16元，又好似幾抵，就來個油砂咖吔豬試試。 這裡的豬仔包細細個的，都焗得幾脆。半邊加一塊鮮油，可惜糖只是灑在面，而不是跟包同焗，不然就更好吃。咖吔醬甜甜的，加上鬆脆的豬仔包，都好吃。 熱咖啡香濃，舒舒服服的坐一會，看了一陣新聞，也停雨了。

32度高溫日要去淺水灣行site, 一心諗住食個豐富D嘅早餐, 成日食翠華, 今次就試吓馬交茶餐廳..早餐B, $25..凍飲+$2, ok啦...係牛肉麵+腸仔煎雞蛋白, 冇錯...的確係煎雞蛋白, 我問個小姐可唔可以比番個蛋黃我, 佢話唔得, 大廚set死咗, 加錢都唔得, 我以為自己聽錯係個大廚死咗, 我問真係要食可以點? 叫我單叫一碟煎蛋, $18...我足足落左3個月Tender, Lee D數口野逃得過我法眼, 鬼鬼祟祟攞走個蛋黃去做蛋撻叫做cost control !?! 唔好同我sell健康, 健康就唔好比油炸嘅大光麵我食, set死咗就唔好有$18一碟煎蛋賣比我...

今日食左個茶餐..有豬頸肉腸仔蘿蔔米粉+炒蛋+多士+熱飲..$36味道一般..服務麻麻..只係普通茶餐一個..不過如果你行街行得攰都不妨入去食下野啦奶茶好似有層薄膜喺面咁..唔係咁好味

放工後，去了銅鑼灣會合女友，由於女友已經食飽飽，結果變咗係佢陪我食晚飯.....最後我哋去咗澳門茶餐廳~入到餐廳，直上一樓，坐卡位。店舖裝修頗企理。不過，可能是心情影響了食慾，沒什麼胃口，求其點了個焗白汁海鮮飯配紅豆冰。紅豆冰主要是為女友而點的~這裡的員工沒什麼禮貌，亦不細心，焗飯到的時候亦不會提一提客人小心鐵兜熱~攪到我不為意被個兜燙到手!焗白汁海鮮飯: 聞到少少芝士味，味道蠻一般，材料有魚柳、魷魚、磨菇、蟹柳......等等。白汁濃度剛好，不會太杰亦不太稀，鹹淡適宜，但白汁不夠多。另外，整個飯好油，未食已經見到d油浮晒上面，好恐怖!!