澳門麗都茶餐廳 (已結業)

都黎過呢度好多次食鋸扒, 呢度夜晚過左9點就會全單85折, 都幾抵~~ 呢度D 扒幾好食, D 肉好"林", 又夠熱, 好似岩岩煮出黎咁, 幾好食~~~ 一個餐包埋野飲, 仲有湯, 蒜蓉包, 同埋甜品, 85折後唔駛50蚊.... 好抵, 食扒仲可以坐卡位, 果D卡位有LCD MON的電視睇, 一邊睇一邊食, 都幾正, 雖然SERVICE方面同普通茶餐廳冇咩分別, 但都ACCEPT到, 間唔中黎食下都唔錯!!!

如果你係怕煙，千祈咪去!同埋侍應隨時會你食緊時候，伸隻手埋加，如：棘椒醬，牙籤....

某次同Grandma 去開飯. 佢地個瑞汁雞翼做緊特價. $19 有半打( 每限叫一碟) 嘩~~~ 個汁好味. 雞翼大大隻. 煮得入味. 送飯送啤酒一流!!

呢間0野, 我每次去將軍澳都必定幫襯佢食下午茶的,亦必每次食佢0既紅燒牛肉麵, 牛肉很稔,麵跟湯一起食, 很正~但佢每次0既service, 都叫人一絕, 係唔好0既一絕你唔好因為佢間0野裝修靚, 以為服務會好pro, 又或者waitress好似太興燒味/大家樂/美心等大集團咁有禮貌, 賓賓有禮0既話, sorry, 你唔好期望太高~1)佢地會無啦啦出來掃地, 叫你閃腳,2)有waitress逐張換樽新辣醬, 佢只會唔聲唔聲剩係放正0係你面前, 咩都唔講就走0左去, 好似等你自己乖乖會放埋一邊咁~3)waitress幫一張落緊order, 有另外一張叫佢, 個waitress居然只係用隻手指指一指佢地, 表示佢會一陣來...............4)waitresses幾個在高談闊論私事, 真係當你d客死0既記得我第二次去幫襯時, 我2個人, 佢俾0左4人卡位我,坐了幾分鐘想叫0野食時, 有一個waitress好唔客氣話,出面有3個人來了, 所以我同我個friend要轉, 佢語氣好似我阻住佢做生意咁........嘩........你使咪咁呀.........我都係客0者......

下午茶餐好味,有o介o也多,好好味,$18加多個精選飲品,唔使加錢,重以為係d咩恐怖野,原來係紅豆冰,d紅豆唔算靚,唔係大粒,不過味道好好,都好大杯,加既係淡奶唔係椰汁,口感唔錯,紅豆,冰,淡奶比例適中,o介o也多都好好味,不過太小o介o也啦.......我會再去多次嫁,不過冷氣太凍!!我漏低野都有拎返畀我!!

呢度裝修同一般茶記冇乜分別；但最特別係嚮一間餐廳就可以叫晒三間舖o既食物，分別係台灣牛肉麵，澳門麗都茶餐廳同扒中之霸。門口仲有一本名為「台灣牌入門秘笈」書仔任拿，都有D綽頭。因為一門三舖，所以食物選擇都唔少。除一般茶記炒粉麵飯之外，仲有所謂鎮店之寶瑞士汁雞翼同紅燒牛肉麵。因為我地幫襯果日係星期六下午茶時間，所以無緣用下午茶價錢，要俾正價，所以都覺得幾貴。食物方面，我地叫o左：(1)瑞士汁雞翼($39)：話係鎮店之寶，當然要試下。$39六隻就點都平過太平館同天樂，味道都唔錯。(2)紅燒牛肉麵($24)：原本叫少辣，點知個侍應落錯單仲死撐，差！最後都肯同我地換番，算啦～麵身一般，牛肉就唔多掂，冇乜味；但湯底就好濃，唔錯。(3)麗都BB鴿($28)：又大隻又冇肉，唔掂！加埋飲品，找數都唔平～下午茶都要咁o既價錢感覺唔多抵食。雖然o野食唔算太差，但睇怕都冇下次。

分別黎食過早餐和午餐...無咩特別一般茶餐廳既食物...唔...最得別係好多lcd mon開住電影俾你睇...下次去選樓上卡位坐丫...每個卡位都有lcd mon...等你可以好似係屋企食飯咁睇住電視!