影片
見食扒餐咁抵就入o黎食啦同bf一人一個雜扒餐d牛扒好咸但忌廉湯就有毛囉叫o左佢換都肯換但都冇講對唔住囉但我覺得d侍應態度都係麻麻執「木台」就好慢要叫幾次先執又唔招呼d客人抺「木台」既時候整到我又唔知叫杯凍野飲又唔夠冰都唔知點咁整體都係好馬虎
继续阅读
营业时间
星期一至日
07:00 - 23:00
以上资料只供参考，请与餐厅确认详情
招牌菜
個日下午食左個餐,幾低食既,不過食物一般,但個服務就好差,個日想座架位,但滿左,所以座係其他位到,之後睇到有架位時,想轉架位座,就同佢地d侍應講,佢地就黑口黑面比我地可以轉位啦,伊~座得唔耐囉~環境我覺得一般,地下好似冇人打理既,幾多垃圾下,下次唔會再去!
继续阅读
真係住大埔咁耐，都未試過來這裡食。上星期六下午和妹妹來這裡食tea. 叫好多人叫炒公仔麵，便要了干炒豬扒公仔麵和熱狗。公仔麵好快來到，但熱狗卻遲遲未見其影。公仔麵我覺得味道類似干炒牛河，頗鹹；熱狗最終都係要催先到，賣相仲差過茶餐廳嗰啲，一大pat 沙律醬，包就求其是但攞個餐包劏開兩邊夾條腸落去就算，認真馬虎！
继续阅读
其實呢間野都食過幾次架啦點解我會再食呢係因為我次次去都係食"XO醬肥牛炒河"$28包熱飲呢個係我覺得雖一好食既野不過果度D野飲就真係好唔得凍檸茶酸左D..凍奶茶又無奶味..凍咖啡又有D怪味果次夜晚無XO醬肥牛炒河咁就試左蒜茸汁雞扒腸仔鐵板啦個腸仔真係唔錯..D意粉用牛油炒過,唔錯架不過個雞扒都係太咸..食完好口渴...個紅湯太油膩,太咸!白湯似面粉開水!!個餐包又硬...服務大部份都唔多好,得一個後生既妹妹仔幾好禮貌個OK 係比XO醬肥牛炒河!!
继续阅读
同老婆兩人叫左兩個set，我食海鮮炒飯，老婆食腸仔雞扒餐。海鮮炒飯：餐飽- 用微波爐叮到好乾，上時已塗好少量牛油係入面(勉強可食) 餐湯- 忌廉湯, 其實係一碗咸到苦既生粉水，最後要落沙糖先可飲。海鮮炒飯- 一聞，碟飯有一陣陣腥味，魷魚等所謂海鮮用食粉"拿" 到似塑膠，飯淡而冇味餐飲- 熱可立克，只可以話係奶水一杯基於不想浪費食物，最後我都食晒所有野，但食完心情就不太好了...腸仔雞扒餐：餐飽- 同上餐湯- 羅宋湯，橙色，老婆話係茄汁水。@_@腸仔雞扒- 雞扒跟蒜茸汁，可接受，因都係用食粉太多，腸仔應係全晚最美味既，因腸仔唔太咸，意粉，淋都好似食緊麵粉。熱檸茶- 老婆話唔知飲緊乜隔離位有位妹妹叫左個雜扒餐，大部份野都冇食就走左，侍應尚係佢背後指指點點，話佢咩都冇食，黑晒面！
继续阅读