炑八韓烤 (已結業)

有日晏就行過尖沙咀想食下韓國菜，但韓國街個邊睇過好多間都好似幾貴⋯但經過間炑八　～見到下午茶好似幾抵食，有主菜有小食，送湯，就試下下午茶韓式定食先！下次可以再食過！！牛肉飯配溫泉蛋係熱門嘅選擇！有肉汁，香味則比上不足，比下有餘，可惜係份量有點細。下午茶黎講尚算合理。值得一試！粉絲同樣不過不失～調味好，炒得香，都算好味！但又係份量少左d，不過48蚊兩樣幾好食嘅野 ，作為下午茶算係咁。至於成餐飯最好食嘅，就係韓式牛肉紫菜包飯！調味都係一如既往咁令人唔會失望，重點餡料非常之多，蛋同牛肉比菜多，超正！整體非常配搭，令到個紫菜包飯色香味美！唔怪得見人地食親炑八都叫！！湯都唔錯～唔會飲完好口渴，有芽菜同魚乾～

次次食生日飯都要霖食咩 平時平日哩度食LUNCH 食炑八就食得多了，到未食過晚餐平時lunch 都幾抵食，成日都有優惠，有時會有買一送一或者其他優惠不過有時個個星期都唔同，收工同朋友都係霖住附近食生日飯，第一時間霖到炑八真係要試下！哩排因為肺炎，就算係星期六日都少佐勁多人我地過去都係得幾台客，又唔吵，超舒服！佢個牛肋骨係限定，真係超正，泡菜無限叫我地燒烤牛肋骨，有靚仔哥哥幫手燒烤好正呀唔使自己燒另外再叫佐個薄餅 真係食到勁飽

今晚同老婆阿仔搵地方食飯，老婆話想食烤肉或韓燒(唔係放題)，最後決定韓燒，我從未食炑八，一上到餐廳好似韓國哈哈開嗰間咁，我哋叫左韓牛前胸肉(全)，霜降牛小排(全／原味)，角切上等鹽烤牛舌，炑八厚切五花腩，炑八紫菜包飯，菠蘿梳打。所有配菜任食，沙律除外。

今日我和妹妹去尖沙咀辦事，想去咖啡店吃甜品🍮，間店竟然結業了，不知是否最近經濟環境差，不少食店都推出優惠，經過炑八派單張，午市套餐有八五折優惠，就去食啦！前菜：泡茶和芽菜任添，正！牛肋骨煲配紫菜飯$76有三大塊牛肋骨煮得勁軟稔，一咬就肉骨分開，而且醃得很入味，再加上熱辣辣的牛湯，冬天喝真是暖洋洋！蘿蔔和紅蘿蔔煮得軟化，但不夠入味，不過已經吃得很飽！妹妹就吃了大醬湯配紫菜飯，大醬湯送飯一流，湯內材料豐富，下次我一定再來吃，二個人的套餐再八五折，又不用收加一，總數$105，真是抵食！

星期六出咗去尖沙咀剪頭髮，咁啱經過金馬倫道派傳單，午餐有discount, 因為真係好肚餓，立即上去點餐我地點咗以下午餐定食一坐定有兩個前菜，1個係泡菜，1個係荳芽（1） 雞扒蛋包飯$48 呢個定食好抵食，因為超足料呀，有四塊雞扒，雞扒煎得好香，加上黑椒燒烤汁，好好味呀，佢個雞蛋份量都好多，同埋有埋沙律菜，好豐富（2）牛骨清湯粉絲配飯 $72 份量又係好大份，牛骨炆得好淋，蘿蔔吸收哂牛骨嘅香味，湯底亦好好味，唔係味精湯嘅味道

「炑八」在香港有很多分店，之前聽朋友說質素不錯極力推薦；因此今天特別來到尖沙咀分店嘗嘗。門口外放滿餐牌，入口由小樓梯行落去，一打開木門望入去環境很闊落，坐位滿多，如家溫暖舒適的感覺，好適合家庭或者朋友聚會享受美食好地方。🎃周圍牆上有很多萬聖節飾物好有feel燒烤係佢哋主打，等待下次晚餐再嚟。奉送海帶湯好鮮甜雞扒蛋包飯雞蛋炒得半熟，入口嫩滑柔軟。包裹着番茄炒飯甜度調得剛好，令人吃得開懷。旁邊仲有芝麻醬雜菜沙律盤點。牛肋骨配紫菜飯牛肋骨炆至軟焾，湯汁甜甜的味道仲有送韓式炸雞薯條🍟炸雞外皮香脆內雞肉嫩，醬汁甜甜酸酸非常開胃總結來說食物十分好食，又經濟又實惠，服務員體貼細心有說有笑。

呢排見網上訂座app有折扣優惠 所以即刻book枱黎食 我地book左下晝5:30 因爲時間尚早，所以都係得幾枱人 我地有得坐卡位...環境唔錯，美中不足嘅係個地下好滑..有啲油嘅感覺。一坐低就急不及待叫野食啦 我地最後叫左牛舌套餐 半份護心肉 半份霜降牛小排 鰻魚炒飯。未上菜之前 店員已經預備好4碟前菜 有我最鐘意食既泡菜 前菜可以任fill添炑八仲提供左一大碗新鮮沙律 生菜籃 唔洗擔心成餐得烤肉 有番蔬菜balance 番！上菜好快 我地唔洗等太耐就有得燒啦...霜降牛小排超好食 雖然唔算大舊 好有油香 又好夾蔥蒜味 好快已經俾我地清哂！牛舌套餐包薄切 厚切 角切牛舌 個人最鐘意食薄切 就咁燒一燒就可以食，肉質一流！呢度出名既護心肉都好好味，口感鬆軟！鰻魚炒飯口感唔錯 鰻魚燒得好香，飯粒分明 ！韓燒獨有既爐邊泡菜蛋同芝士栗米我都好鐘意食 呢度既店員亦會主動問有冇需要refill 十分細心因為有折扣優惠 我地兩個人埋單三百蚊都唔洗 CP值咁高既一餐 真係令人十分滿足 下次會再幫襯

返學返到第6日，又開始選擇困難症唔知食飯食乜嘢好，之後行行吓遊蕩期間，見到有間炑八就諗起自己好耐冇食過鰻魚，唔知餐牌有冇轉到呢？就想去睇睇先，一入到去問店員攞個lunch menu嚟睇睇，望一望有鰻魚蛋包飯，唔使諗就坐低食啦，好耐冇食過，之前都係成日幫襯北角，銅鑼灣同黃大仙分店，尖沙咀嘅反而未幫襯過，店員動作好快捷，落完order就已經比湯同前菜我，隔咗一陣鰻魚蛋包飯出晒煙喺我面前出現，鰻魚非常之juicy，呢度隻蛋係冇得輸嘅，份量好多， $78非常之抵。

間唔中都會黎呢間韓燒店食下lunch既，因為有set叫而且價錢都唔算貴，又有湯同小食，所以整體黎講算唔錯。佢個set都有唔少野食，今次就點左個最平既雞扒蛋飯。佢未必係最純正既韓國煮法但係都岩我口味。佢既蛋味唔係出面街食到既炒蛋味，應用再加左調味所以唔同，覺得還可以。雞扒都算多，雖然細細塊但都有四塊，所以對於男士份量都算足夠。加上飯既份量都唔少，所以係食得飽既。環境方面，地方都算寬敞，服務都還好。總結食物質素算好。服務都不錯。

其實都唔係第一次食呢間餐廳之前食呢間餐廳係因為有韓燒但估唔到原來佢哋有午市套餐今日發現呢間餐廳都幾抵食五使有清湯前菜主菜咁我就梗係要過個鰻魚蛋包飯啦呢個餐先至$72仲加咗$10要埋韓國甜米水首先一坐低佢就已經俾咗個清湯我之後有前菜，芽菜，泡菜我覺得佢哋個鰻魚蛋包飯好好食因為鰻魚呢系真係原條上碟只係嘅蛋包飯，個蛋滑係重點蛋包飯嘅中間原來係有少少好似泡菜嘅炒飯酸酸甜甜咁，旁邊仲有少少沙律，呢種天氣午餐食起嚟好開胃開胃，系尖沙咀食午餐來講幾抵食

公司有同事去左韓國出 trip, 成日 send 食物相過嚟, 又韓牛, 又燒肉, 又傳統韓食, 又雪糕刨冰, 又咖啡…真想取消 whatsapp 群組! 公司個妹妹仔極度憤怒, 表示喺香港既我哋唔可以輸, 要去食韓國菜, 仲要食韓式刨冰! (因為佢識韓文, 成日要遙控幫手翻譯, 唔係翻譯公司嘢, 係點樣 order 食物).喺openrice 搵到炑八有刨冰食, 即刻衝過去! 炆牛肋骨 $68 配紫菜飯 ~ 都算抵食! 有三大件牛肋骨, 2大件白蘿蔔, 1小件紅蘿蔔, 半粒超厚大冬菇! 牛肋骨炆得夠淋, 但係未爛, 骨仍痴住, 要用點力才可以將骨肉分離! 味道適中偏淡, 可以自己加鹽! 有人最想食既刨冰無得食, 部機壞左! 原來尖沙咀無專食韓式刨冰既地方! 註: 泡菜好好食, 我係第一次要餐廳 refill….送餐湯一碗, 但有點太油膩! 

Happy Friday，總係想食好啲。所以同同事食餐好嘅午餐，去咗炑八到食。坐得舒舒服，日頭唔多人燒烤，所以無乜油益味。佢哋2點半開始下午茶，個飯餐同平時差唔多，價錢一樣但係包埋特飲一杯。所以超抵呀，五十凌蚊，有前菜、有湯，仲有飯餐加埋杯特飲。選擇都好多，我自己好想食炸雞薯條，所以我揀咗A+B下午茶套餐。超級飽，份量無比正常午餐減到，價錢一樣。仲多份炸雞、薯條及特飲。純豆腐湯配紫菜飯熱辣辣，超足料，仲有豬肉、蜆、蛋、滑嘟嘟豆腐!!另外，炸雞薯條熱辣辣，即叫即炸，好味!!飲品係荔枝特飲，個人覺得甜咗少少嘅。另外午市下午茶不設加一。

黎緊有個friend 好快就移民到加拿大，所以就成班friend 出黎同佢 farewell有人揀左呢間餐廳所以就黎試下我地一行七個人叫左驕傲自滿韓牛餐特級牛肋骨海鮮煎蔥餅炸雞炑八豬肉拼盤韓式炒粉絲炑八紫菜包飯同各式飲料嘢食既味道都唔錯值得讚既地方係每個爐上面都有抽氣扇，食完個身都唔會有好大陣韓燒味 （雖然都係有少少）要彈既地方係有某一兩位侍應既態度稍爲欠佳，無論係想refill 水或者前菜同落order 都要叫幾次先黎幫手；但都有好殷勤咁幫我地換塊鐵板總體黎講都係一個抵食同適合一班人去既地方

鍾意韓式餐廳一般都會提供前菜，炑八提供泡菜同芽菜，非常開胃。我叫左一個午市套餐，首先會上一個午市餐湯，淡淡地幾易入口，但偏油。我叫嘅菜式係烤五花肉流心蛋飯配荔枝冰茶。烤五花肉本身有醬料醃過，加上洋蔥，唔會好好油膩，韓式食品經常有香脆嘅紫菜作為材料，再加上新鮮生菜碎同沙律醬，流心蛋將材料同飯混合一起，係另一款有別於傳統，美味嘅韓式拌飯。荔枝冰茶飲得出荔枝嘅味道，味道不錯，但生果感覺不太新鮮。加埋嘢飲都係大約$60 ，午餐可以食到咁豐富，所以CP值幾高！

呢日見eatigo 1800 前入座會有折扣優惠即刻book 枱黎食黎到時間雖然都早但係都有五少人客可能大家都係eatigo 上面預約黎到待應先告知原來每人最少要叫一份肉類or 兩碟半份既肉類我同朋友order 左牛舌 護心肉 牛五花等我地都一致認為牛五花味道口感最佳另外都order 左一份炸雞份量都幾大 最後都食五哂最後埋單都只係二百幾蚊兩個人好抵食呀