炒麵麵包 (已結業)

百忙之中也會試新店，全因其紅黑主題裝修搶眼，所買食物也幾特別--炒麵麵包。　店員亦非常親切有禮，令人窩心，可惜食物水準實在麻麻，慶幸同老公只是輕一輕一試：　太極珍珠奶茶-之所以有此稱呼，全因小店用上黑白珍珠；很可惜，珠身極硬，奶茶不香不滑一點不好飲，散買$12一杯實在不抵爭，就算套餐價的加$7，也是物非所值...　黑椒豬柳炒麵麵包($16)-所以食物即叫即製，所以要等一定時間。幾欣賞外脆內軟的麵包，微微烘熱來吃風味不錯；然而配上超稔的炒麵，以及黑椒味豬肉，其實並不夾，味道只是一般而已。另外炒麵很易跌到一手都是，所以店員會細心送上即棄手套，誠意加分，不過始終影響不了味道判斷：真的就是一般。　臨走，店員(還是店主)又很有誠心追問意見，不忍打擊，只留下一句：請繼續努力，真的務必努力，力求進步!!

我想試食那天,應該是該店開張日子. 當天下午收工無聊經過,見到很多花牌在門外,我便去湊吓熱鬧, 原本是"炒麵麵包", 初時我覺得很奇怪,炒麵+麵包咁咪好飽. 當我見到個餐牌價錢,都係23蚊仲有杯珍珠奶茶, 所以我便買一個試吓. 當我買完個餐,D員工叫我立即打開嚟食,咁我咪即試吓啦, 原來兩種咁飽既食物,出嚟效果原來好得意, 個飽好脆,而D麵又不是很肥膩,個黑椒汁唔係好SPICY, 仲好香, 完全ARM我口味. 杯白珍珠奶茶,唔會太甜. PS, 我食完之後,仲買多個烤芝士紅酒牛肉飽,給我妹妹. 佢都話好好食.

噚日入元朗探朋友,行行下街見到一個馬騮公仔,寫住炒麵麵包.立即諗起小時候嗰套卡通片(娛樂金魚眼)嘅炒麵三文治包,所以就走過去睇睇.行埋去有個肥仔好熱心咁介紹,咁咪買個試吓囉!一食落口,真係唔錯個包軟林林好好食(饀料正),另外我仲買咗杯蜜桃綠茶,飲落口好滑!! 不防行開試啦!: bowl:

朋友介紹元朗有間新開張嘅舖頭似以前睇過嘅卡通片"娛樂金魚眼"埋面嘅食物 ~~ "炒麵三文治包"個法包好好味, 再加埋D芝士上面直頭係正 可能係即叫即整, 相當新鮮杯咖啡奶茶都好飲, 不過下次會叫佢少甜, 事關我唔嗜甜的

黑胡椒豬肉炒麵麵包 $16+ 義大利起司 $2外貌麻麻地, 冇開胃感覺take away 回家, 個包由熱辣辣, 變到室溫.....好驚水氣令到個麵包濕左, 又怕個法式脆皮包遇冷變硬 回到家中, 第一時間大大啖咬左黑胡椒豬肉炒麵麵包一大口 法式脆皮湯種麵包好好味, 又軟棉棉 黑椒汁同炒麵好夾, 豬肉滑啫啫 成個炒麵麵包都好好味, 當堂食慾大增, 好想食多件 佢地有六款炒麵麵包選擇 :和風日式 炒麵麵包奶油培根 炒麵麵包燻雞夏威夷 炒麵麵包黑胡椒豬肉 炒麵麵包紅酒牛肉 炒麵麵包咖喱雞柳 炒麵麵包服務員態度十分好, 仲推介我下次可以食"紅酒牛肉 炒麵麵包"