炙・宴 (形點 I)

营业中

休息中

星期日晚上7點幾去食，吾洗等飛排隊。小食味道麻麻，丼飯都可以再食。ABURI-EN 豚肉丼 $78豚肉有少少「鞋」，味道還好。火炙三文魚丼 $88三文魚份量正常味道吾差，裏邊還附有少量蔬菜，健康👍🏻若三文魚表面再燒燶少少味道更佳。脆炸八爪魚 $58八爪魚好油，份量又少，太靭有啲咬吾開。火炙牛舌 $58牛舌黑椒味太濃烈，似係吾新鮮用黎掩蓋雪藏味。加上表面燒得太耐，搞到好似食緊牛肉乾。仲叫左一杯熱情果威士忌梳打，幾好飲👍🏻👍🏻

平日晚上9時，元朗Yoho 人流不多，我去試吓依間ABURI-EN（炙・宴 ）日本定食店，當日晚上9時不用等位，店員安排卡位非常舒適，店內主打火炙日本定食丼，我發現店內全冇油煙味，清潔度十分滿意。我哋點了ABURI-EN 招牌豚肉丼，宮崎和牛鰻魚雙拼飯。賣相來講吸引，以下係不專業評語：宮崎和牛雙拼飯，和牛有肉汁有咬口，並不是入口即溶嗰種。鰻魚好食，肉身香脆，入口即溶。飯也好味，夠熱，估計係日本珍珠米。ABURI-EN 招牌豚肉丼，大大塊燒豚肉，肉質有火炙香味，食落都正常，有咬口，好味，配合珍珠米，感覺有啲去左日本食嘢，幸福感爆棚。加左錢做套餐有沙律同麵豉湯，依兩樣嘢就正常發揮冇乜驚喜。價錢方面正常啦，又和牛又鰻魚大約170蚊，豚肉丼連套餐都係$100蚊。如果份量大番20%，我覺得會有超值感覺。當晚見到南蠻炸雞丼食都想食，可惜食唔到咁多，下次再試，謝謝

對於住係九龍區既我.去新界真係好遠.但因為太耐無去啦.決定襯假日同男朋友去食野行街.去到1點幾都肚餓啦.見到哩間食和牛.岩哂我地.所以就決定去試下食個lunch☺️🔎宮崎和牛丼🔎豚肉丼🔎火炙宮崎和牛拉麵兩個飯都係男朋友食.和牛入口即溶.豚肉都唔會鞋口.調味幾好.唔錯😋係份量太少.我個拉麵湯底都好濃郁.和牛入口即溶.糖心蛋都好食👍🏻🔎整體呢餐飯都食咗400幾蚊.講真唔平因為和牛麵得3塊.飯得6塊細既.除咗大塊少少.但都係得5塊飯都好少.導致男朋友食定一個飯完全唔夠所以要食第二個🥹食完佢都只係岩岩好.味道幾好.但份量同價錢可以再調整!

火炙宮崎和牛拉麵，有2大塊和牛，好香好滑，湯底都唔錯，如果再多啲牛就好了。月見豬腩肉丼（拌生蛋黃），之前一直都係食無蛋黃版本，老實講，個味無分別，戚多左蛋黃撈飯，但又唔搞撈晒，下次叫返普通版OK海鹽沖繩炸豆腐，次次都叫，可能本身自己鐘意食豆腐，又炸得香脆

假日同友人去了元朗一轉，順便食飯，想食日本野，經過見到呢間餐廳，炙・宴-日本炙燒丼飯專門店，主打豚丼，雖然灣仔都有分店不過未食過，即看餐牌，熟食又有刺身又有，都幾多選擇，價格都尚可，一於試下。餐廳面積頗大，裝潢甚有和風之感，隻豬燈籠KAWAII~!月見豬腩肉丼(拌生蛋黃)定食，$97。份量十足，大大片豬腩肉，香口惹味，雖然有點油膩，配上生蛋及珍珠米飯，好豐富呢。沙律菜清新。味噌湯，正常水準。食物味道不知，坐得幾舒服，價格合理。

返工前午餐，揀左呢間日本菜燒肉店，今日是假日，多人排隊，等15分鐘入座，門口大豬🐷燈籠搶眼，日式淺木座位，桌椅唔會好近，唔嘈雜，主菜是燒肉，配搭食物款式選擇都多宮崎和牛+豚肉雙拼飯（$159）方盒上菜，賣相吸引，豚肉片燒得肥美，燒汁醬油鹹香，配飯好食，和牛肉片薄切，燒得剛好唔老，醬油夾味，珍珠米飯鬆軟，舞菇有用高湯煮過，嫩滑無草青味，夾雜青蔥絲解膩，份量對我剛好！整體好味，滿咀油香店員有禮有笑容，爽快唔廢話油香滿滿的午餐

元朗｜炙·宴難得今日得閒探朋友班，咁耐冇見佢就帶我嚟食好嘢，但原來佢都係第一次食😬🔸有下次，會想試埋其他菜式～———————————————————————— < 整體賣相唔錯 >·北海道直運嘅帶子，淡淡嘅豉油味同炙過嘅香味，但調味方面就略嫌淡咗啲🥲·三文魚有啲薄身，食材質素唔差，但一樣偏淡～·好就好在份量好足👍🏻，用量去補救調味嘅不足～🔺有加一服務費整體而言▪️味道 3.8 / 5▪️環境 4 / 5▪️抵食 3.5 / 5

平時成日經過但係一直冇入過去試，今個月剛好有消費券，咁啱復活節假期第一天，期間好多餐廳都爆棚要排隊，而呢間日本料理排隊嘅人比較少，所以今日終於都膽粗粗試一試呢間日本料理，一入到去環境都算幾日系風格，服務員態度良好，用餐位置舒適，我同女朋友各點了一個飯，我的是黑咖喱和牛飯，而佢就點左一個鰻魚豚肉飯，另外加點了一個炸雞，黑咖喱的味道比較新奇，係出邊好難會遇到嘅味道，牛腩到幾臨容易咀嚼，都係值得一試。而鰻魚豚肉飯個人就覺得豚肉燒得幾好味，鰻魚就比較遜色一點，重點係我覺得佢多骨，用嚟送飯嘅就要小心一啲，炸雞就冇乜特別，有少少似平時韓國炸雞嘅感覺。埋單食咗$362，整體來講我覺得都OK嘅可以一試。

疫情超級嚴重🤐本身想食outback 發現超爆多人 終於轉場食呢間 #炙・宴 人少少坐得舒服啲😛 主打日本炙燒丼飯既餐廳 質素不錯架〰️🐮宮崎和牛，ABURI-EN豚肉雙拼飯 $174▫️味噌湯&迷你沙律套餐NO1既雙拼飯 超。好。味😍分量大家見到啦🤣！和牛同豚肉都好好味 肉質好soft 醬汁調配得都好出色 仲有啲本菇仔💓I love it〰️☺️加$15變套餐 就會多咗味增湯同迷你沙律㗎喇🥗🤤❣️🐮 火炙宮崎和牛拉麵 $143▫️味噌湯&迷你沙律套餐一上枱超級香💓溏心蛋好出色〰️拉麵係冇得揀軟硬度 麵質比較軟 和牛鋪滿整個碗 因為係和牛 所以湯底都會比較油膩 但我覺得都係可以接受😝😝！◻️ 厚炸沖繩島豆腐 $38好肚餓同好耐冇出去食嘅兩口子 再嗌多咗個小食 豆腐炸到金黃色 外皮超酥脆 旁邊仲有少少鹽 一定一定要點！味道會突出好多 就咁食豆腐雖然食到豆腐嘅香味 但係略嫌簡單咗啲〰️🤔🤔

超吸睛嘅豬仔燈籠, 加上木調餐桌餐具營造簡約和風環境, 加上木調餐桌餐具營造簡約和風環境，暫時忘記自己係石屎森林🤫炙燒丼飯係餐廳主打, 聽聞係用上日本著名嘅「一見鍾情米💘」，所以有心儀對象不妨帶佢黎試試🤣🍽️🅕🅞🅞🅓&🅕🅔🅔 💸⟡🐷月見豬腩肉丼 – hkd82 (打工lunch恩物🙏🏻)今次試左「月見豬腩肉丼」拌生蛋黃，未上檯，已經聞到香到流口水嘅炙燒肉香，配埋特製甜甜燒肉汁，無人可以抵禦呢份美味😭 肉質厚身又爽口，仲有小小烘窿邊🤤🤤裹上蛋黃，面層又滑又蛋香，平時食半碗飯嘅我，食曬一碗都仲未夠🤣⟡🐮宮崎和牛芝士黑咖喱 – hkd118墨魚汁與咖哩巧妙邂逅的沖繩產微辣黑咖哩，配上半融的芝士，香濃又滋味，同"No.1和牛"之稱的宮崎和牛裝出新火花！伴碟嘅醃蘿蔔酸酸脆脆，可以中和到濃鬱嘅咖喱。不過稍嫌牛肉過淋。⟡🌸櫻花蝦叉燒拉麵 – hkd88叉燒有輕輕火炙過，夠厚身大塊，嗦到濃鬱微辣嘅湯汁，拉麵亦夠爽口。整體不錯，但未至於很出色。

一如既往嘅好食👍🏼1️⃣ABURI-EN 豚肉丼HKD782️⃣炸雞芝士黑咖喱飯HKD98追加3️⃣炸和牛薯餅HKD184️⃣厚炸沖繩島豆腐HKD18.味道 ★ ★ ★ ★ ☆ABURI-EN 豚肉丼 既豚肉片有五片，不過比較薄切，每件size不一，但味道不錯，燒得好食。炸雞芝士黑咖喱飯呢個好好食，黑咖喱唔辣但好香好食，炸雞都好滑炸粉唔厚。炸和牛薯餅一如既往好食👍🏼厚炸沖繩島豆腐有驚喜，炸到似臭豆腐，加啲鹽好食😋.環境 ★ ★ ★ ★ ☆地方大，座位舒適，枱凳都乾淨👍🏼.服務 ★ ★ ★ ★ ☆.價錢 ★ ★ ★ ★ ☆性價比高嘅，試過康城、鑽石山分店都好食，元朗都好👍🏼

有事要去元朗國，就嚟到YoHo形點商場，見肚餓又唔知食咩時候之制，咁我就離左呢間餐廳到食午餐，早排因為工作關係，經常對住烤肉，對到我已經唔多想食！為咗公平起見，今日就選擇左火炙三文魚丼，味道對令人滿意！d飲夠熱，同埋咪煮得都幾好既，至少無生米，賣相都唔錯！只係三文魚火炙得唔係太足夠！不過勝在三文魚新鮮！可以加番啲分！芥辣就唔係太過攻鼻，都可以接受！另外我叫咗個炸豆腐！外脆內軟！有海鹽可以點下，要小心，因為即叫即炸，唔好一下放落口！好容易會辣親！服務態度整體上良好

成日經過呢間餐廳都會被佢門口既豬仔裝飾吸引，今日終於可以入去試吓啦～🐷我同老公一人嗌左一個牛肉飯同豬肉飯黎自製雙拼飯。 升級做餐的話，會配埋沙律同埋味噌湯。和牛嫩滑，入口即溶，分量亦很充足。豬肉片切得夠薄，一D都唔韌，好容易咬得開，但一定就冇和牛咁嫩滑啦～雖然間餐廳嘅賣點係豬肉，但其實我覺得佢既牛肉飯好食D～🤪 可能一分錢一分貨啦，話哂個牛肉飯係貴過豬肉飯一倍。😝除此之外，我地仲點咗啲小食：兩款小食都係新鮮煮好，上枱時仲熱辣辣。

我見到openrice關於這間餐廳評價都幾好，決定同老公過來一試。點了一份和牛便當，一個三文魚和一份牛舌。牛舌好好味，三文魚一如既往不會令我失望，和牛其實都幾嫩，但我就覺得味道稍微淡了少少，好似落唔夠鹽甘(可能我相對重口味D，但我覺得牛舌味道就剛剛好)。總體而言，味道都幾OK，下次可以再來試其他。

呢間宮崎和牛嘅餐廳其實都黎過幾次啦！今次揀左特選宮崎和牛定食，呢個定食價錢係佢嘅menu入面係偏向中價，個人認為都值得一試！咬落去有入口即溶嘅感覺，肉質不錯，又唔會切得太薄，和牛味道都算濃郁，味道調味都不錯👍🏻侍應服務態度非常好👍🏻，想飲熱水，侍應都會即時送上。日式既室內裝潢舒適，用燈籠豬做店內招牌，店內燈光舒適。一定會再到訪，係疫情期間，唔可以去旅行，可以算係食到日本嘅和牛飯味道，當去左旅行先！