炙・宴 (V City)

营业中

休息中

今日同朋友慶祝，去左vcity試下呢間既鰻魚飯。外賣可以有八五折。鰻魚脂肪同肉既分佈均匀，配埋醬油飯都幾好食。另外有麵豉湯同埋前菜沙律，整體麵算唔錯，但未算突出。

今日係呢間屯門V city入面既連鎖日本食肆「炙・宴」食午餐，嗌咗個火炙宮崎和牛拉麵同照燒雞肉丼lunch set火炙宮崎和牛拉麵單叫$138，以一碗拉麵唔包飲品黎講價格偏貴，宮崎和牛大概有4-5塊，屬於薄切和牛，火炙完既牛肉幾香口，食落都幾有牛味，仲有兩個半隻唐心蛋。但可能因為用火燒過，和牛既油脂融左入個湯度，令到個湯底偏油膩，本身慣咗食拉麵會連埋湯飲，飲左兩啖之後都唔敢再飲，整體黎講個拉麵CP值唔高，但質素唔錯。相比之下，呢個照燒雞肉丼lunch set $108，包左照燒雞肉飯、迷你沙律、味噌湯、綠茶厥餅同飲品，仲可以加錢叫3隻煎日式餃子，相對抵食。照燒雞扒份量夠，照燒汁甜度適中，雞肉煎得幾算嫩，飯係日本珍珠米，食埋其他配菜都已經好飽。綠茶厥餅口感煙韌又唔算太甜，係唔錯既飯後甜品。📍屯門V City1樓L1-3號舖位置就腳：🍊🍊🍊餐廳環境：🍊🍊🍊食物味道：🍊🍊🍊🍊整體CP值：🍊🍊🍊

行過屋企附近間炙 •宴，見到佢哋新推出「臘筆小新」套餐，睇落好QQ, 即刻同fd 入去試吓😃蠟筆小新套餐有乜食$4091. 不理不理豚腩丼 $982. 蠟筆小新特選和牛飯 $1793. 武士豚肉腸 $484. 小新仲夏物語 $425. 小葵草莓物語 $42🐖 不理不理豚腩丼豬腩肉薄切，食落好腍，脂肪較多又平均，食落有好香豬油油脂味，再加面上有個蛋黃，食時將蛋漿攪勻在豬腩肉及飯，再撈埋啲醬汁，真係好好味😋佢個日本米軟硬適中，好味道。🐮 蠟筆小新特選和牛飯 賣相可愛，和牛份量都算多，牛肉霜降分布均勻，入口即溶，好有牛味，配埋佢個燒肉醬汁，再食埋佢個日本米，唔錯🥖武士豚肉腸食落似食台灣腸，外面脆卜卜，咬一啖入面有粒粒豚肉同油脂香，點埋個Mayonnaise 超好味😋🍹兩杯特飲賣相夠靚，初時以為咁鮮色一定怪味，原來兩款都咁好味😋

今日同朋友試食屯門v city炙燒，有（如下）宮崎和牛併特上日本豚鍋宮崎和牛 。ABURI-EN豚肉雙併鍋底叫左壽喜燒味道，味道好甜，有隻生雞蛋比我地點肉黎食，仲有個白飯都幾靚。豚肉同和牛都好好👍🏿味

男朋友住大西北好老遠，平時我都好少過黎，都係見佢先會過黎，佢話有一次佢呀頭請佢食左呢間日本餐廳，話好好味，佢就放假即刻帶我黎，被人餵飽感覺真好，佢比一般日本餐廳貴少料，一個牛肉飯都差唔多成150蚊，出面大多100蚊內都有，但係食落啲牛真係高級啲，入味啲，同埋香啲，個廚師都真係燒到岩岩好又唔會好燶，睇落真係好閃反哂光，食肉真係出哂黎，我覺得佢咁既質素係對得住咁既價錢，冇白費我係門口足足等左成15分鐘嫁

今次同女朋友過嚟食呢間牛肉飯專門店喺外面睇餐廳裝修比較整潔座位都比較寬敞，價錢比其他牛肉飯店貴，但係正所謂一分錢一分貨今次就嚟食呢間,呢間亦都唔需要等位一入去即可入座和牛丼8/10：呢個飯牛肉分量不少，有八片唔算太薄嘅牛肉，先試下個蛋，蛋嘅速度啱啱好唔會太熟有流心，沙律亦都正常，講到個和牛飯,牛肉入口即溶非常推薦，配菜亦都多，食完已經會飽豚肉丼8/10：呢個飯有蛋係面頭，可以撈埋啲飯食今天不少香味，豚肉燒得啱啱好，亦都有啲脆非常推薦總括而言呢間餐廳價錢比較貴一分錢一分貨間唔中可以過嚟食

外賣送餐送足2個鐘  仲要冇左個主菜7點半外賣落單 9點半先整好 仲要南蠻炸雞丼冇南蠻炸雞 得白飯等到餓死都等唔到外賣食 嬲到飽奉勸大家叫外賣千祈唔好叫呢間 唔洗旨意有得食！

Weekend去開屯門行街，行到攰見呢間裝修好和風，門口有宮崎牛證明書，又係日本米饗宴活動餐廳之一，質素應該有保證✨。啱啱好唔使等位，所以同朋友入去食個飯醫下肚。🔅ABURI-EN豚肉．鰻魚雙併飯 ($148)呢到既豚肉好似出名，所以叫左個雙併飯🤣。豚肉灸燒得好香嫩，厚薄適中又唔鞋，有3大塊好滿足😍。鰻魚頗肥美，唔算多骨，加埋鰻魚汁一流！🔅蒜味洋蔥宮崎和牛丼(配溫泉蛋) ($138)平時食牛丼都係cheap牛😂，呢次特登食和牛丼。和牛入口即溶，又嫩又入味🤤。雖然細細塊但份量都唔少。秘傳醬汁加埋洋蔥同溫泉蛋撈飯一流🥺。🔅火灸牛舌 ($68)牛舌燒得爽口，夠大片，簡單加黑椒調味都夠😚。🔅炸沖繩魷魚 ($58)魷魚好彈牙，炸得香脆唔韌，幾滿意👍🏻。🔅沖繩豬肉煎餃(5件) ($48)煎餃就典型日式餃子，皮薄又幾juicy。🔅沖繩四季柑汁 ($32)去過沖繩覺得好好飲，估唔到呢到都有得飲😳。酸酸甜甜又有氣，汽水以外既新選擇，唔錯😋。🔅熱情果檸檬茶 ($38)熱情果味好香，酸酸地，解膩一流👍🏻。💬仲以為平時無咩人排隊就係伏🤣，點知整體食物相當有驚喜，牛丼仲好高質😍，會回訪！

為左Vcity既聖誕佈置🎄 專程來到屯門 同我最愛既❤️Forever Friend ❤️影相📸️☺️🥰🥰影完相就緊係要食野Vcity 食肆選擇唔算多 行左一圈 見呢間仲有下午茶 好似幾抵食🤑 ⏩️特上日本豚肉飯 $78🐷好多菇菇呀😍😍 啲菇好好味但妹仔大過主人婆....🫣因為豚肉有啲乾 所以被啲菇完全搶左fo⏩️照燒雞肉丼 $48🐓🐓雞扒好大塊 煎得幾香 奈何燶左啲 會食到燶味🌚⏩️炸和牛薯餅 +$18🐂🥔薯餅幾好味 炸得香脆但....請問和牛呢？我地剩係食到薯蓉🤨⏩️厚炸沖繩島豆腐 +$18🥠（食到一半先上 唔記得影相🫣）口感有啲似炸臭豆腐 但無左陣臭味反而係陣豆香味呢個真係唔錯 👍🏻 不過價錢就....⏩️沖繩四季柑汁🍊甜甜酸酸咁 又唔係死甜 唔錯👍🏻唔想飲汽水既 推薦試吓呢杯💬總捨來講....唔洗等位既話 都可以食既

其實環境系好日系feel既❤️❤️啲食物都真心唔差嘅，只係啲配搭會令人覺得你哋到底喺茶檔🤔定系日本餐廳，配搭真心唔明白你會覺得好疑惑，點解碗飯上面要放啲鹹菜🤔點解杯嘢飲係用港式奶茶杯上🤔成件事好違和感😢

屯門Staycation之旅我哋第二日嚟到屯門V City 嘅炙・宴Aburi-En食晏見店內都幾多食客，所以入去試吓呢度主要提供丼飯驚小朋友唔食得生冷野？好彩呢度有Kids Menu不過個宮崎和牛漢堡兒童套餐都幾貴，要$128我哋點咗2個餐1️⃣沖繩豬軟骨湯麵套餐（$118）拉麵套餐係點俾小朋友嘅，豬軟骨煮得好淋，啱晒小朋友。套餐配有味飯團，大M轉頭就食晒。2️⃣炙燒北海道帶子海鮮丼($148)丼飯有炙燒三文魚、炙燒北海道帶子及三文魚子，食材新鮮，份量滿滿的。餐廳環境走日本風，未去到日本先嚟食個丼。整體來講食物質素不錯，不過價錢略貴。炙・宴 (V City) (屯門)屯門屯門鄉事會路83號V City商場1樓L1-3號舖

約了朋友在V city午餐，路過見餐廳不多人有位便入内，叫了鳗魚豚肉丼飯，怎料豚肉及飯都凍冰冰的，沒什麽味道，非常普通，性價比很低，服務態度也非常一般，座位冷氣異常大，穿外套也覺得凍

今日 Lunch time 就去咗 v-city 行, 搵吓有咩嘢食, 行到呢間日本餐廳, 見有位, 及每張枱都有一定距離, 4人枱都可以1人座, 不會像有啲餐廳將4人枱拉開少少加塊膠板就座2張2人枱咁迫, 今時今日疫情下, 呢啲距離真係好重要, 所以就入去喇! 除了距離外, 店內衛生及服務亦OK；去過這品牌的元朗店, 但都沒有這樣的距離👍🏽 這裡主要賣丼, 有牛肉丼、海鮮丼、三文魚丼、豚肉丼、燒雞丼、鰻魚丼等等, 大概有20款丼供選擇；想食拉麵 🍜 都有約6款選擇；至於小食就有約8款比你追加；還有一人鍋食及小童套餐供應。我就 order 咗 “Aburi-en 豚肉丼” 套餐, 有豚肉丼, 麵豉湯及沙律🥗；豚肉炙燒得好香口, 富油感, 飯就用咗日本米, 粒粒食落都好有口感, 整個套餐食品與我平時食的一樣, 都可以保持到呢個品牌的食物水準 (無論味道、份量及賣相) 👍, 這點並非所有連鎖食肆可以做到的, 就算食肆公司設有中央工場, 但因店舖主管或其公司管理層監管不力, 而導致食物水準下降 👎, 影響品牌。另外, 我就追加咗一客吉列炸蝦 🍤🍤, 中規中矩啦👌！以 $18/3隻來講, 是

今日入屯門搵朋友，朋友介紹呢間日本料理非常出色，特別係佢嘅灼燒豚肉，同埋和牛都非常之好食，所以就決定黎試一試佢！.我哋就order左：1. 月見豬腩肉丼 💲822. 當店名物豚丼💲78 *兩個跟餐都有沙律同麵豉湯 + 餐飲.首先講一講個月見豬腩肉丼係有隻生蛋係面，望圖就知非常吸引，撈落飯度簡直係完全昇華左個丼飯既味道，加上豬腩肉半肥瘦非常適中，口感豐富，好好好好好食！.而本店名物豚肉丼，因為係灸燒嘅關係，咬落去富油脂感而香濃，豚肉味非常突出，加上用左日本米，粒粒晶瑩有口感，真係好食(˶‾᷄ ⁻̫ ‾᷅˵)!!.整體坐得舒服，野食好食，經開一定回頭無異議ʕ •ᴥ•ʔ

當日行街不知不覺行夜了，見肚餓就走入呢間餐廳食飯，點了一個一人火鍋，都是一百多元。但上菜後見到賣相，及用餐後的食後感覺，這個一人火鍋的質素，只是與一般快餐店「大xx」相近，而快餐店的價錢便宜40%。