炙和味日本料理 (悅來坊) (已結業)

服務態度非常差，接待職員連廣東話都聽唔明，雞同鴨講。職員態度比較差，唔想做生意咁，咩都話唔得，但竟然要加一。食物一般，呑拿魚壽司好多筋，裝烏冬隻碗夠大，但份量偏少，食完壽司定食都唔飽。間鋪明明好大，明顯只想做放題，對散叫的客戶態度差，一見到客人食完就即刻收野，好似趕人走。坐多陣都望住，好似用眼神叫你快d走。如果唔想做散叫，可以直接變做放題店，無謂令散叫客人感覺差劣。本來都想試放題，但服務態度實在太差，不會再來。

有同同事farewell 見呢間嘢開咗冇耐去食環境同上手 砂煲兄弟差唔多同一個餐叫咗3個佢出得一個等咗20分鐘都冇到期間舉手叫侍應都睇唔到終於要衝過去佢哋出餐位同佢侍應講佢好似check都冇check再等多10分鐘再走出去另外一個問我係咪埋單我話漏咗單佢先再check我見佢又要等 兩分鐘後 搵另外一個侍應話轉外賣點知佢又要等多15分鐘出到嚟係堂食再提佢先又等多陣先出到明明都係個刺身丼 追佢都要噤耐先出到份量又少 啲質素又麻麻未見過啲管理可以差到噉

試左兩次 差評 唔建議大家黎食👎🏻👎🏻極度極度極度極度不滿出餐速度極慢一次要魚生飯等左55分鐘一次要煱物40分鐘先有得食見住間舖本來無人然後遲過我入黎既都有得食感覺好差催餐好多次都係咁慢我放飯得1個鐘 根本要趕住時間食唔得享受👎🏻侍應有待培訓 對個Menu都唔熟多次問我要啲乜嘢食我答咗佢三次佢先記得🥲食物味道尚可 點解我個飲品入邊有條蝦鬚？？？對唔住佢個價錢價錢過貴同一個價錢出邊可以食得更加好仲要加一 但啲服務質素真係好差😡

1）服務超差. 是他們帶位的,坐好,消毒好枱,点少少食物,才要求我們調枱.隔離枱仲可憐,要佢地調2次!你地点帶位? 帶左,又要人調,又冇講句吾好意思,仲粗聲粗氣(姐姐)2)点左的食物4成冇上到.同一個短髮女士講,佢听完就算.我又不敢重点,double上点算.終於同一位叔叔講才幫跟進.3）d份量有点大,例如炒牛肉,炒蜆.一個人食咋喎!甘多好難食到其他野.4）吾算好食或難食, 但甘的經驗不會再來.5）地方坐得不算舒服.6）$248+ 加一,一位平日午

係悅來坊開左一間新既放題，價錢算中等，$278 唔算平唔算貴。刺身都好多款式，三文魚、中拖、油甘魚、甜蝦，紅蝦、墨魚、希靈魚、馬刀貝、帶子、件件都厚切，食落都新鮮，不過拖羅無乜味。最欣賞係帶子，好夠厚。壽司有黑松露，唔夠香；有海膽，不過好腥。仲要件件貨size，勁大件，食左幾件就好飽。。。講返炸物，件多春魚長過我手掌，炸蝦都大條，仲有炸軟殼蟹，芝士年糕，炸得幾好，大阪王將餃子，吉列蠔，炸榴連，好耐無食好鬼正！一品燒就有牛舌，雞軟骨，羊架，蜆，炒牛柳，鰻魚就燒得唔夠熱，特別欣賞佢雞軟骨烤得好好食。仲有啲煲同拉麵，個煲又係貨Size，係出面標準size，一大個煲，成班frd食就Ok，2個人真係試唔晒。野飲都好多種類，連珍珠奶茶都有，不過因為飽肚無試。甜品有馬卡龍，糯米糍，香蕉船，日本布甸，榴槤糯米糍，真係好多選擇。每人仲有哈根大斯/Movenpick雪糕一盒🍦簡單黎講，野食種類真係夠多，但唔好樣樣咁大盤會好啲🤣好耐無食放題，好滿足。

中午食豬扒拉麵，份量ok，味道ok。62蚊個餐，有沙律，有2個壽司卷，有凍飲，碗麵ok大碗，豬扒都夠多，又唔使加1服務費，非常抵食同價錢親民。比起海之戀果d貴到死，又細碗既日式餐廳，不知好左幾百倍。妹妹食雞扒便當加三文魚刺身，80蚊包味噌湯沙律野飲同雪米糍，話d三文魚好靚好新鮮，系白飯有d少，整體覺得都唔錯。服務質素唔錯，上菜都好快，下次都會再去食。可能系新開張，本身上網話可以俾支付寶果d,但系去到淨系可以比現金，覺得有d唔方便。總括黎講系一間質素唔錯既餐廳。

蟹🦀️ 無味 無特色刺身全部都勁凍 （接近冰）攞盤都唔得 次次都要從塊紫蘇葉後面找出來 扇貝 勁重沙律味 鹹 +甜羊架 還可以接受 蟹蓋 似食緊花枝丸 咩丸等 不推薦食清酒煮蜆 （試了幾隻）直接叫收走 無酒 也不知道點解要用醬油煮 枝豆 煮到過晒龍 冧晒 又收走 串燒 雞軟骨及牛舌及雞翼 乾 （鞋）再收走飲品 藥水味 最後 提議 （出餐係好快 讚 ）但質素需要改善 本人是做飲食業 尤其日本 所以有啲要求 只望變得更好

聽朋友講荃灣開左間新嘅日式放題，佢話屯門間店係成日爆場，好似今個月先啱啱開未有好多人知🙈就去左試下～真係好抵食！食物種類有好多🍜甜品又多🍨飲品又多🧋清酒同梅酒都有任飲🍶刺身🐟已經有15款🤤基本有嘅三文魚、鮑魚片、北寄貝、八爪魚、墨魚、帶子同希靈魚，而且蝦仲有三款😍大甜蝦、泰式生蝦同阿根廷紅蝦。平時放題少見嘅有油甘魚、中拖羅、黃金螺同蟹腳。刺身都好新鮮，而且絕對唔係薄切🤣好足料！壽司🍣手卷、卷物、壽司、軍艦數一數都20幾款！勁推三文魚軟殼蟹反卷、花之戀、焦糖玉子壽司、海膽帶子壽司同火炙嘅幾款都推薦😋壽司唔會好大件所以唔怕食一两嚿就飽🙈可以試多幾款！天婦羅🍤天婦羅同其他炸物都係正常水準，紫心番薯波波、吉列炸生蠔同芝士年糕都推薦！仲有鐘意食榴蓮嘅一定要食榴蓮忘返🤤🤤🤤燒物&料理🍺都係有20款左右🤩多到試唔曬～燒牛舌、蒲燒鰻魚串、芝士燒扇貝、燒菠蘿、雞泡魚乾必點👍🏻👍🏻👍🏻不過燒扇貝個醬比較膩食太多就食唔落其他嘢嫁啦🤣牛舌同雞泡魚乾等比較耐，我諗應該係本身要燒耐d同太多人點🙈隔離幾枱都有點～好食嘅等多陣都唔怕，下次到一份就即叫一份😝食完就到啱啱好～料理嘅两個蜆都好好食👍🏻👍🏻一個鮮甜一個重口味