點茶公館 (已結業)

荃灣區有不少吃點心的專門點，近日在南豐紗廠意外發現有一間，所以去試吓。首先坐位寬闊，衞生環境不錯。我們點了幾款點心，包括筍尖蝦餃、麻辣叉燒包、叉燒腸粉、鮮蝦春卷、香煎蘿蔔糕、三色燒賣、陳皮牛肉球及梅菜扣肉飯。本人推介「麻辣叉燒包」，麵包外皮鬆軟，餡料豐富，有麻辣香味之餘又不會太辣，但一籠只得兩個，相對較少。另外，梅菜扣肉飯也值得一試，扣肉炆得軟綿綿，連瘦肉位置也軟滑，肥肉位置亦很香，配合甜甜的梅菜真是一流。叉燒腸粉皮薄多料，腸粉皮較有彈性。其他點心也算得高水準，跟翠O差不多，連價錢也差不多。

服務態度差，裡面明明大把位拍烏蠅既，行入去個陣截停左我一家，話要等位既，點知去左傳菜又無安排，吾係比貓狗入，我諗應該無人去🥱結果落左樓下koko，都還可以，不過去南紗食野既人，吾好期待有服務態度好

今次又帶狗狗黎紗廠玩，一早諗住黎試吓飲茶🍵因為有寵物，所以要坐喺舖外範圍同用外賣餐盒餐具進食🍽️店員都中意接觸寵物同好nice😊.試左6款點心：話梅脆淮山、茉莉花馬拉糕、三色燒賣、飛機流沙包、綠茶流心煎堆仔、潮州功夫茶粉果🥢.✨話梅脆淮山✨呢個係凍盤黎，淮山脆脆地加埋話梅既酸甜味都幾有驚喜🤩上面仲有d話梅粒粒.✨茉莉花馬拉糕✨食落好鬆軟，不過茉莉花味好淡，要食好大啖嗒到好真先有少少茉莉味.✨三色燒賣✨正正常常既燒賣💁🏻‍♀️純粹係有三種顏色既表皮.✨飛機流沙包✨上面印左飛行棋logo🤣外表幾趣緻，食落都熱辣辣好流心，味道正常.✨綠茶流心煎堆仔✨內餡勁辣嘴🔥煎堆質地煙韌，但綠茶餡既綠茶味未算太濃郁，有少少失望.✨潮州功夫茶粉果✨唔係好食得出功夫茶既元素喺邊😅估係個外皮…但都係普通粉果咁

點茶公館座落在荃灣南豐紗廠，理境舒適，而餐飲設計新穎，充滿藝術感，讓人一種不一樣的點心飲茶的體驗，富有生活儀式感。餐飲保留傳統精髓，將創意和美味融合，透過擺盤，營造氣氛，讓人與人之間互動，餐碟設計亦有中西共融的格局，食物，環境及服務都不錯！我地點選左梅子淮山，好開胃，好正！流沙奶皇包的設計好有兒時回憶，滿足我地童心，大家都不約而同一邊玩一邊食，好開心！之後亦點選左肉頪菜餚，雞排，梅菜扣肉，炸蠔餅等，不失傳統口味，份量好足，好飽好有滿足感！而陳皮普洱茶亦有淡淡的陳皮香，入口順滑。可惜係晚餐用餐時間比較短，收7點，要食就趁早！

南豐紗廠近年成為文青熱愛打卡店，其實入面都有唔少Cafe比大家chill下；除左cafe之外，仲有其他種類既餐廳，今次就同朋友去左一間特色點心專門店試試❤️‣ 皮蛋牛肉腸粉 ($36)第一次食含有皮蛋既腸粉，估唔到同牛肉一齊食都幾夾，加上腸粉皮幾薄，整體都幾好食～‣ 三色燒賣 ($34)呢份燒賣就比較普通，燒賣皮有D散開，感覺有少少蒸得過龍‣ 蘿蔔柱侯牛腩飯 ($48)蘿蔔同牛腩都煮得淋，份量OK，呢個價錢黎講性價比都高‣ 陳皮普洱茶 ($12/位) 有淡淡既陳皮味，普洱味唔係好重餐廳位置寬敞舒適，裝修比較新潮，有唔少霓虹燈裝飾；整體黎講都OK，價錢同質素合理，想試試新既點心專門店不妨黎試試💰Total: $156 ($78/pp 已包括10%服務費)📍點茶公館｜@palatemansion荃灣白田壩街45號南豐紗廠1樓109-110號舖🚩更多同類餐廳 #foodstep_中菜 🚩更多同區餐廳 #foodstep_荃灣 📣Like & Share & Follow @ourfoodstephk_ 🙏🏻多謝你既支持，成為我努力分享既動力💪🏻

Fd子約我食lunch同諗住出嚟荃灣行吓，咁我就帶佢去荃灣紗廠逛逛，順便喺嗰度揀餐廳食。一上長樓梯就見到間懷舊中式點心館，好似幾有趣咁所以我哋揀咗黎試～-✈️流沙包 （打卡食物‼️ 我哋影相影一輪，食嘅時候都仲有少少流沙嘅效果，同埋又唔會好甜👍）-日式綠茶茶果 （最最最好味，佢有清清嘅綠茶味）-筍尖蝦餃-黑松露燒賣-鮮蝦春卷-叉燒腸粉*紗廠內嘅餐廳都係好歡迎攜帶動物一齊進食，所以我哋隔籬左右其實都好多🐱🐶點茶公館 (荃灣)荃灣白田壩街45號南豐紗廠1樓109-110號舖

我覺得呢間餐廳嘅點心好特別，因為佢嘅點心款式好吸引到人🥰🥰小朋友就最鍾意食佢嘅飛機流沙包，其實係飛行棋嚟嘅，小朋友一見到就會即刻好想食，因為絕對係我哋嘅童年回憶，都幾好味！我哋仲叫咗櫻花蝦海鮮炒飯，賣相靚用料都幾足，都幾好味😋

喺南豐紗廠提供點心中菜嘅餐廳， 仲有專為寵物🐶🐱🐰而設嘅雅座，帶🐶嚟嘅時候都好方便。菲林🎞️芝麻卷 $20已經唔係好多地方有得食喇～～食落軟糯，芝麻味勁香迷你松露花菇包 $29真係好似冬菇，細緻到連冬菇腳都整埋，軟熟香口，黑松露味好突出點茶鮮蝦餃 $36顏色好靚，入面除左蝦，仲加咗蘆筍，所以食落清新爽脆叉燒腸粉 $32腸粉夠薄又透明，餡料非常豐富，食落仲好滑溜茉莉花馬拉糕 $31蠔仔粥 蠔仔🦪漲卜卜鮮甜，入面仲有魚乾、紫菜，鮮味十足

環境非常乾淨 坐位坐得舒服 坐位間都分隔得好夠 唔擠迫服務員態度認真同朋友三個人試下點茶公館嘅飛機流沙包流沙包不過不失 味道正路有流心另外重叫左綠茶煎堆黑松露燒賣紅油抄手功夫茶粉果筍尖蝦餃叉燒腸粉好想時光倒流 影返低嘢食嘅質素煎堆未炸透 唔夠香脆 芝麻皮同糯米內層係分離的 燒賣同紅油抄手嘅豬肉餡 食得出係唔新鮮 完全無鮮味 黑松露都救唔到個燒賣 紅油抄手嘅醬汁都遮蓋唔到入面豬肉嘅唔新鮮壓軸一定係個 功夫茶粉果 上碟已經有一隻粉果穿左 茶果唔企身 筷子勉強夾得起茶葉皮無咬口唔煙韌 感覺個皮係用粉開水無點搓過就蒸出黎 咬落內餡亦都無乜味 只有叉燒腸粉同蝦餃係正路 對得起價錢

次次來南豐紗廠都是吃西餐，今次試吓來點茶公館飲茶，原來呢度食嘅點心都係新派fusion菜，最鍾意食佢好Q嘅飛機流沙包，真係好colourful, 而且有真流沙feel, 另外，話梅脆淮山也值得推介👍🏻感覺清新健康，而且是其他地方食唔到的。價錢和一般酒樓飲茶差唔多，四圍的佈置也是充滿懷舊的味道，如果同長輩來南豐紗廠懷緬過去又想食返餐好，點茶公館就是一個十分好的選擇。而且仲可以見到好多可愛的貓貓狗狗呢～

呢間點心食物設計具創意，但味道普通，唐宮小聚、8號茶居的創意點心比較穩陣。茶：多選擇，試了紅棗紅袍茶，好似，潤。點心：1.金魚餃逼真，有蝦有香菜，但味道略淡。2.燒賣3種顏色，味道一樣，但肉有筋，唔掂。3.腸粉剔透，超薄超滑，必食之選。4.棗皇糕，出色，好重紅棗味，中間似有棗蓉5.飛機流沙包：要趁熱食先好食，重奶皇味6.蘑菇包：內有黑松露味，似碎菌包，不好食7.香芒卷：奶皇扮芒果，建議放棄。價錢：$285/2連加一茶錢、7碟食物，便宜。環境：可以影相📸️但唔算特別

天氣報告會有雷暴雨，到中午，太陽伯伯出來了！我們決定出去走走，自駕到荃灣南豐紗廠，由工廠活化成文青市集的成功案例。星期六，仍是暑假，園區内人流暢旺，熱鬧！逛了逛，在點茶公館吃午餐，４個點了9樣食物，貪心！#飛機流沙包：商家招牌，目測每枱必點，但我覺得味道一般！#蝦兵蟹將腸粉：炸兩的升級版，加了櫻花蝦和軟殼蟹，一囗吃出層次，好味！#茶點鮮蝦餃：蝦肉結實有彈性，鮮味，好味！#三色燒賣：好吃！#柚子手撕雞：開胃，適合夏天吃！#椒鹽豆腐：外脆内嫩，好吃！#千頁皮蛋豆腐：這個可以不點！#櫻花蝦海鮮炒飯：足料，炒飯足乾身，好吃！#菲林芝麻卷：芝麻味不夠濃，一般！總體不錯的午餐！

難得週末Family day，又同屋企人去試得意點心🤣呢間啲點心選擇幾多，但份量唔多，都係細細碟，所以可以叫多啲唔同款式試多幾樣。左上：櫻花蝦炒飯，幾香口同乾身，食落唔會好油膩。左中：乳鴿好味😋脆卜卜。中左：金魚蝦餃，造型特別，味道唔差。中間：飛行棋奶皇包，少緊隻顏色🤣我係為咗呢個奶皇包而嚟🤣下中：水煮魚，份量唔多但夠麻夠辣，正！下右：雞絲粉皮，又係細細份，但都幾好食。總括嚟講，性價比高，造型可愛得意，打卡一流！食咁多嘢都大概係$600幾左右。

元旦又黎到南豐紗廠 其實呢度除左cafe之外都有得飲茶呢間點茶公館就走新派路線 有好幾款點心都係賣相精緻座位好闊落 有另一邊for帶寵物既客人茶位就每位$12 但用茶包就略欠誠意🥲🫖 飛機流沙包 $34純粹就係被佢既外型吸引 幾過癮🤣輕輕咬一啖就有奶黃流出黎啦 要襯熱食🤤🫖 蝦兵蟹將腸 $40呢款必叫推薦！個皮又薄又滑 食落有啲似油炸鬼咁 好香口好脆🫖 巴馬火腿薄罉 $36薄罉本身就唔係好多茶樓有 佢呢款就仲要係fusion菜配返呢個咸香既parma ham似乎唔多夾 餅底有好多蔥 但口感就有啲軟爬爬 如果可以煎到個邊脆應該會更好食🫖 乾炒牛河 $89太耐無食乾炒牛河就想食下雖然都知同菜餐廳果啲無得比 不過真係爭咁啲鑊氣 好快就凍😕牛肉咬落都有少少韌 但味道食落係好食既而且加左辣椒醬即刻惹味好多！

📍#點茶公館#MFJ荃灣 #MFJ中菜 人均消費: HKD130是日去城門水塘行山，作為一個港島東人，嚟到荃灣真係好不容易😂 難得嚟到咁遠，特登去到南豐紗廠覓食，都兜個圈去食好西先！🤤餐廳有分寵物部同非寵物部，裝潢新穎但又帶有懷舊氣氛！ 餐牌選擇算多，好多賣相好靚嘅食物，價錢亦唔算貴！ ⭐️飛機流沙包🥠$34今次嚟主要係為咗依個飛行棋流沙包！ $34/3個迷你流沙包，飛行棋設計有點令人愛不釋手！ 流沙程度就普通，包幾軟稔香口，奶黃味都幾香！不過$34有3個包都真係幾抵！⭐️游來游去金魚餃🥟$34其實呢兩條金魚你蝦餃！ 金魚顏色做得好靚，可惜條魚無乜精神🤣 餃皮煙煙韌韌，紅磡有幾好喎！其實佢係蝦肉菜餃，餡料好爽口，好新鮮，好味💯香脆炸芝士🧀$68估唔到炸芝士咁好味！外層又脆又鬆化，咬落去啲芝士味湧出黎，芝士又濃有厚，好啱小朋友食！💯香炸荔枝蝦丸🍤$72完全出乎意料之外！先講賣相，荔枝似到十足十，其實佢係炸蝦丸，外面一粒粒嘅係椒，入口小小辣有陣花椒香味，𥚃面蝦丸又爽口，最特別中間有荔枝汁味，好特別亦非常好味！本來帶住隨便食嘅心態，無諗過有咁嘅質素！不論賣相同食物質素都好有享受！餐廳環境融合咗好