為食喵 (已搬遷) 新店位置

📍為食喵 (將軍澳)將軍澳寶琳北路1號康盛花園商場1樓110號舖-早幾日有事要過嚟康盛呢邊一轉，咁就順便睇吓附近有咩黃店食，其實呢度個商場已經夠細，何況係食肆，所以真係好開心竟然搵到間黃店，細細間鋪，入面仲可以堂食🤩-🥪餐肉炒蛋三文治 ($22)普普通通，炒蛋嘅牛油香味唔算重，好似熟咗小小🤏🏻，不過都幾厚下。值得一提嘅係佢即叫即整，拎到埋位嘅時候仲出緊煙。衛生方面就有待改善，檯面好似抹得唔夠乾淨

寶林山上康盛選擇不多，今年開左多間小食，為食喵！食物種類唔少，多數係街道小食，炸物，撈麵，潛艇堡等等😎買去朋友屋企食，2個人5樣野食，$106，真係好抵！🤩👏🏻芝士撈麵超邪惡，食完要做返好多運動😅比較欣賞潛艇堡，大大件，個包好軟熟～之前都幾中意食佢地嘅炸水牛芝士，會有明顯嘅拉芝，不過今次明顯炸唔夠，芝士拉唔到😭😭 炸燒賣都偏咸左小小，太多味粉🥺.總括而言，都開心山上開多左間小店，價錢又親民，令大家開個選擇！

又到左每星期一次嘅小食時間，平時返工好忙好急，冇乜比自己放鬆下既機會。所以平時星期六都會去屋企樓下「為食喵」到同女朋友一齊食D小食，下午茶。今次叫咗炸魚柳芝士撈公仔麵，黑松露炒蛋芝士潛艇加多個炸水牛芝士。份量啱啱好，對於下午茶小食來講，足夠填飽肚仔個空隙又唔會太過多。芝士魚柳公仔麵個芝士汁好飽滿，好cheesey。雖然個公仔麵係普通公仔麵，唔係營多或者出前一丁，同個芝士汁有少少唔夾。但係芝士汁同炸魚柳嘅配合簡直係完美，個汁唔會令到魚柳個脆皮冧咗，芝士同魚柳嘅香味可以互相配合到。如果你鍾意食撈公仔麵都係一個唔錯嘅選擇。炸水牛芝士係一個幾好嘅小食，因為女朋友鍾意食芝士，叫咗泥試吓，係一個唔錯又香口嘅小食，建議咁多位芝士控試吓女朋友叫咗個黑松露炒蛋芝士潛艇，超豐滿既黑松露味，炒蛋唔會太熟，有蛋汁，個人就略嫌個麵包有啲硬，不過鍾意食潛艇又鍾意食炒蛋嘅朋友都可以試吓

寶琳街市要翻新，哩間小食店就搬左哩呢度吐，一向聽人講哩度既瑞士汁雞脾係必吃既😍所今日專🎈瑞士雞髀足足有一隻手那麼大，食落啖啖肉既，只係唔係滷得太入味，表皮有瑞士汁嘅顏色，但雞肉就無咩味道既，雞肉都唔算老身既，不過唔多夠熱😝😝🎈炸水牛芝士條，即嗌即炸，熱辣辣，咬落勁拉C，好cheese🧀🧀🧀🧀🧀🧀🧀 呢款芝士條一咬落去就有外脆內軟嘅質感😊入面嘅水牛芝士味道唔算好濃，同埋都係唔夠熱呢😫😫

週末唔想煮飯又有細路、見為食喵好耐無食就揸車買外賣。好掛住佢嘅雞翼雞髀炸燒賣，同以前一樣味道而今次雞翼大大隻來貨靚！——————————叫咗粟米魚肚羹同碗仔翅、我鍾意粟米魚肚羹多啲 ⋯ 仲有炸魚薯條，熱食配埋大量沙律醬非常滋味。——————————佢而家好似有堂食但好似星期六日只做外賣、記得電話落左單之後先去拎咁就唔使企喺度等！炸雞髀食唔晒留返之後煮撈麵一齊食啱啱好。——————————價錢好似貴過以前寶琳店、可能因為鋪頭大左租金貴左但仲有得食已經大滿足！

差不多每個星期都會來幫襯一次，特別喜歡瑞士汁雞髀雙腸飯同埋公司飯餐，雖然搬咗過嚟康城花園價格調高左少少，但是堂食環境比之前好了很多，空間大了很多，冷氣充足和環境超級乾淨，所以值得推介！至於外賣方面也十分流暢，通常落了order之後15分鐘就有得自取。其他推介款式：炸雞件，三層芝士火腿飛碟，炸燒賣，煎腸粉，墨魚丸撈烏冬。順帶一提他的檸檬梳打汽水也是非常特別可以一試。如果揸車來康城花園，頭30分鐘是免費的。