影片
营业时间
今日营业
12:00 - 16:30
17:00 - 23:00
星期一至日
12:00 - 16:30
17:00 - 23:00
以上资料只供参考，请与餐厅确认详情
再战「烤鱼工房」，钟意呢度装修有四川风味而卡位阔落，坐得舒服，适合同三五知己辣住吹水。叫咗个鲜青椒烤鱼，加$40转江团鱼，份量够足，鱼肉嫩滑又入味，不过鱼皮就唔够脆，有啲可惜。最正系啲黑豆豆腐，Ｑ滑又有黑豆香！串烧方面话就话「烤」，但食落似炸/气炸多啲。羊肉串系最好食，孜然粉落得够重手，完全冇羊膻味，正！台湾肠都正常，但烤茄子就好麻麻，蒜蓉多到满泻仲要劲油，食两啖就顶唔顺。烤小馒头明显系油炸版，不过佢真系好脆同唔算油淋淋，点炼奶食系正嘅，当甜品咁食都OK。服务正常，上菜速度合理。总括来讲，烤鱼水准keep到，串烧整体个味系唔错，但就好睇介唔介意佢唔系真烧嘅！
继续阅读
烤鱼工房系咁多内地过江龙竞争之下仍然人气旺旺，主打中式烤鱼同四川风味既创新鱼料理。餐厅以工业风混搭中国元素，墙上仲有啲趣味标语，而且场地位置以卡位为主，方便朋友围威喂倾计食饭。 铁板包浆烤豆腐，透明厨房入面大厨用铁板烤，浓浓既烧烤香味配上滑嫩豆腐，值得一试 烤茄子，每次烧烤必点，香。鲜青椒爽麻烤鱼，大概二至三人份量，除左有唔用鱼选择外可以另外按自己喜好加添配菜。味道以青椒与藤椒的清香为主，相对无咁辣但就重麻味。📝TIPS:1. 汤底可拣辣度。2. 可以留意餐厅社交平台，间唔时会推出新口味。
继续阅读
有次去帮衬呢间餐厅，一坐低大位𠮶个咩都唔讲放低张单然后就走咗去，然后我举劲耐嘅手都冇人理我，最终我等咗十分钟终于揾到人踩我，我问下有咩好推介，个个人都好似哑，问非所答，边度系厕所又冇人答，有清水饮又无人讲，最恐怖嘅系，埋单嘅时候仲要收服务费，我完全感觉唔到有人服务过我啰，所以真心唔会推介人嚟食
继续阅读
心思思想吃烤鱼就会谂起呢间，呢间嘅口味就好似北上吃咁惹味，而且选择亦多，值得嚟吃。一上到去餐厅就见到彩色的霓虹灯，设计型格，氛围不错。不过呢啲灯光下影相效果就会好怪🤣🤣🤣💚至尊水果特饮 $86大大一杯 水果亦很多 好丰富就咁吃水果都好饱💚红糖糍粑 $42表面淋上红糖浆 再点上黄豆粉入口是香脆软糯💚葱油拌面(小辣） $36 整得好香好惹味💚烤豆皮 x2 (小辣）$52豆皮调味惹味💚烤肥肠 $39肥肠外脆又不会太靭💚铁板包浆豆腐 $39热辣辣 好多蒜蓉 食落豆腐好滑 又香又惹味 💚手打渣男鸭屎香柠檬茶x2 (少甜 少冰) $90大大一杯 足够解渴💚芥末鱼皮 $52比较少见 食落芥末味够浓个感觉是辣与攻鼻之间鱼皮都爽脆 不错的💚锡纸花甲 $49满满蒜蓉同香葱包住花甲底下仲有粉丝垫底味道浓郁 好味的💚紫苏牛蛙 $319（清江鱼小辣、少油、少盐）牛蛙表面炸得香脆 而入面肉质嫩滑清江鱼鲜甜 亦少骨鱼有事前煎过挺香口的 而呢条鱼的肉质较为实 大量的青椒 加上可选小辣少油少咸 味道刚好 不会太重💚另外加配薯粉 $20索晒啲汁吃又辣又正🌟Encore 指数：7.5/10——————————————————————Total HK$906 (包括10%服务费）4人
继续阅读
食过好多好多次，但近两次食完感觉呢间餐厅食物质素/出品同服务正在慢慢变差。 烤鱼里面嘅花生一食就知摆得太耐 好难食 如果为佐降低成本，咁唔加花生系里面仲好过。味道咸过以前，同埋条鱼都冇以前好食…..
继续阅读