影片
营业时间
今日营业
18:00 - 00:00
星期一至四
18:00 - 00:00
星期五至六
18:00 - 02:30
星期日
18:00 - 00:00
*截单时间: 23:00
以上资料只供参考，请与餐厅确认详情
估唔到荃湾有咁正嘅串烧店。餐厅几大，七点几去到已经坐无虚席，食到九点几依然人流不绝。食串烧点可以无啤酒，先黎两杯 🔸️Sapporo，有买一送一优惠，只需 $48 超抵饮～ 🔸️盐渍A4宫崎和牛 $58和牛入口即化，牛脂香浓厚用盐做简单调味，已经好好食。🔸️盐烧豚肉豆苗卷 $28豚肉软嫩，卷住爽脆嘅豆苗，味道好清新。🔸️和牛棒 (配松露一口饭) $58推介～ 呢个和牛棒必点～ 和牛劲多汁，牛味浓郁，蛋汁再配黑松露，白饭令口腔充斥住黑松露香同蛋香，好有惊喜。 🔸️焦糖青苹果鹅肝多士 $108见都几多客人有点鹅肝多士，所以试下。鹅肝香滑，苹果带微甜微酸，配多士食层次丰富。 🔸️蒜香牛油酒煮蚬 $68蚬肉鲜甜弹牙，有牛油芳香，但略嫌汤底偏咸。 🔸️汁烧免治鸡肉软骨棒 $36鸡软骨弹牙，加上蛋黄蘸汁，浓郁而不腻。 🔸️牛油果豚肉卷 $28豚肉烧得香口，又食到牛油果 creamy 滑溜。 🔸️麻辣墨鱼须 $22墨鱼须爽弹，麻辣味道都几劲，令人一食上瘾。🔸️黑糖烧菠萝 $20🔸️糖不甩烧汤圆 $22菠萝加上黑糖烧，酸甜多汁，令餐饭好解腻。
继续阅读
朋友介绍烧烤堂嘅性价比好高，一直冇机会试，今日去开荃湾就去试下系咪真系咁正先，一入到去，个感觉已经好好，环境好舒服，野食都未叫就即刻有个炉放喺度，啲嘢食可以keep住热辣辣，仲有柠檬角同埋夹，真系好细心👍好啦，唔讲咁多，即刻入正题，睇下我今次食咗啲咩好嘢！⭐️Sapporo生啤买一送一，咁抵嘅嘢，梗系要嗌返杯嚟chill下啦！配串烧真系一流😍⭐️ 盐烧鸡中翼(两只)食串烧点可以冇鸡翼？鸡翼香脆，一只食盐烧，另一只加埋柠檬汁，两款口味都咁好食😋⭐盐烧原块鸡皮大大块够晒脆卜卜，送酒一流！👍⭐和牛棒（配松露一口饭）一坐低就介绍系新产品，就嗌左。呢个真系必食！落到枱会即场加芝士，之后仲会教你点食，将啲蛋同饭捞埋，和牛分三份，一口和牛一口饭咁食，个饭劲香蛋味同松露味，和牛入口即溶，正呀🤤⭐️盐烧牛舌芯牛舌系我每次食串烧必食嘅，li个牛舌好嫩，赞！👍⭐秘制烧羊架好香羊味，但又唔会好骚，大大件，啖啖肉，正😋⭐牛油果豚肉卷牛油果够晒熟，豚肉加埋沙律酱，面头仲有紫菜，外脆内软，牛油果几乎入口即溶，好正😋⭐黑糖鳗鱼芝士玉子烧呢个真系有惊喜！玉子上面加左焦糖，焦糖面食落脆卜卜，玉子入面包住鳗鱼同芝士，食落外脆内软，甜甜地，好香鳗鱼味，大爱😍⭐️柑桔咸蛋黄卷见佢咁特别，谂住试下，点知又有惊喜！咸蛋包住粒柑桔，之后仲要炸嘅，食落外面好酥脆，入面食落甜甜地，好特别，好好食😋⭐盐烧准山⭐盐烧莴笋厚切，有口感，食完咁多肉，要食返啲菜平衡下！
继续阅读
每次约朋友食饭，我都会推介去烧烤堂🤗荃湾果间真系好方便又近我地💓最正系SAPPORO生啤买一送一🍻但凑小朋友就唔饮噜～烧烤堂既串烧款式真系好多选择，仲有个火炉热住啲野食🔥呢度既店员都好友善，上菜速度够快，基本上唔洗等好耐就上齐野食🥢厚切盐烧牛舌拖罗我系牛舌迷😍每次必叫🫶🏻盐分岩岩好唔会好咸，牛舌肉质弹牙，之前有食过牛舌芯，都值得叫黎食💓香气十足🥢蒜蓉烧生蚝又系每次都会叫黎食🤣大大只生蚝烧完都唔会缩水，满满既蒜蓉，入口嫩滑无腥味，爱蒜之人会好钟意🥢盐烧A4宫崎和牛脂肪油花分布平均，肉质细嫩爽滑，原汁原味既口感🥢手切牛胸爽口感十足，越嚼越香，有d油脂渗出更香！🥢牛油蜜糖粟米大约半条粟米既大小🌽牛油味好香，但如果再多少少牛油蜜糖就好喇🍯🥢孜然烧蒜蓉茄子原条茄子烧得软熟又香，大大条再加上满满既蒜蓉，提升川烧辛辣既味道🥢焦糖鳗鱼玉子烧每次都会必点🫶🏻玉子烧表面沾上焦糖，烧完好脆香～鳗鱼肉质够鲜嫩🥢焦糖青苹果鹅肝多士大大件既鹅肝非常丰腴，多士够香脆，夹住青苹果可以解腻🤩劲好食！🥢秘制烧羊架羊架无羊膻味🌟经过腌制后非常惹味，羊肉保留与嫩度，建议唔好烧太耐，免得overcooked🤗🥢盐烧三黄鸡腿肉三黄鸡既鸡腿肉好鲜嫩，一咬有微微油脂，烧得岩岩好👍🏻🥢鳗鱼炒饭色香味俱全😝除左饭既表面有一块鳗鱼之外，饭里面仲有鳗鱼粒，细细碗但性价比都算高！饭粒分明，值得推荐比所有鳗鱼爱好者💓🥢豚肉日本苹果卷薄薄既豚肉包住苹果肉，可以解腻👍🏻🥢牛油蒜蓉焗金菇大人小朋友都智喜欢😆香浓既牛油配搭金菇，绝对系食串烧既必点之选🥢芒果乳酸smoothie既口感，一边食一边饮就啱晒😙另外再叫左大大个椰青比小朋友，食串烧饮椰青可以降低热气，椰青新鲜又清甜，小朋友好喜欢😌
继续阅读
好有气氛为嘅一间串烧店，串烧嘅选择非常之多，而且仲好特别好有创意，我之前食过其他分店，印象非常之好，今次去荃湾分店，服务员嘅态度非常之好，而且好贴心。非常之欣赏佢有一个可以加热嘅炉仔，可以令到串烧保持温度。❤️❤️我点了好多串烧，全部我都觉得好好味，而且仲好特别，我印象最深刻嘅系，紫苏鸡皮虾，这道菜的创意让我赞不绝口。外脆内软的口感，搭配新鲜的虾肉和香气四溢的紫苏，好有心机嘅做法，我好钟意食紫苏叶，个味道我非常之钟意。蒜蓉烧生蚝,轻微的辣味完美地保留了生蚝的鲜味，肉质肥美，而且生蚝好肥美。日式烧白鳝，无腥味的白鳝厚切而无骨，烧得非常香口，做得非常好。盐烧无花果卷 , 豚肉日本苹果卷及 盐烧豚肉荔枝卷好特别，肉类与水果完美结合，咸香的外皮与内里的鲜甜形成强烈的对比，口感层次丰富，好有创意，水果都好新鲜。鸡皮墨鱼滑外脆内软的鸡皮搭配墨鱼，香气四溢，呢个配搭非常之好味道。仲好香。盐烧和牛牛小排 ,盐烧A4宫崎和牛有好香嘅和牛味道，和牛的肉汁丰盈，烧得恰到好处，入口即溶嘅感觉，烧得刚刚好，大满足。蜜糖烧菠萝菠萝非常之新鲜，新鲜的菠萝外层蜜糖烧至脆卜卜，口感脆嫩，口感非常之好。惹味蜜糖烧三黄鸡全翼秘制酱汁的加入使这道菜咸香适中，鸡肉嫩滑多汁，令人一食再食。盐烧原块鸡皮整块鸡皮烧得非常好，而且咬口脆卜卜，就好似食薯片一样，每一口都听到脆卜卜嘅声音，非常香口。餐厅的环境宽敞、卫生整洁，虽然地面有些滑，但整体感觉相当舒适。服务人员非常有礼貌且体贴，给人宾至如归的感觉。位置相当方便，交通便利。总结串烧不仅美味，更充满创意，是一个值得重返的地方。如果你也爱串烧，千万不要错过这间餐厅！
继续阅读
曾到访过不同分店,老实说每间水准都很稳定～加上不定时推出新品,回头有藉口!个人最爱鸡皮系列!!私心推介【鸡皮墨鱼滑】及【紫苏鸡皮虾】.前者一咬弹牙度满分,后者虾味浓郁亦爽口,加上两者同时被包裹非常香脆的鸡皮,邪恶又滋味!【烧蛏子】雪白新鲜,加入大量榄角及蒜蓉配搭,非常惹味开胃,粉丝也不干身. 【盐烧白鳝】厚身而鱼皮焦香. 【日本广岛蚝】饱满多汁,一客两只,值得下单!串烧类型巨多,同时饭团,乌冬及炒饭都应有尽有,无饭不欢的朋友仔完全不用担心.加上每次必点两串以上的【厚切盐烧牛舌拖罗】及【惹味川烧蒜蓉茄子】也是不能错过!加上整体价格贴地,又有买一送一啤酒,一同共享确是爽翻天~
继续阅读
您可能会有兴趣的...