燒肉男

营业中

休息中

店員服務態度好好值得一讚。不過肉類方面就麻麻哋，我地已經叫第3個Level和牛，有幾款刺身，有炸物。肉類方面d 肉唔un ，不過無乜肉味。其他個餐包嘅野食，都比較淡口最尾食返個雪糕最好味

同班朋友一行6人去食燒肉男，一去到見到成場爆滿，好彩有book位，等左10分鐘左右就入座，因為我地有小朋友，店員好nice 咁同小朋友傾計，而且之後成個食飯過程啲店員都好好服務，呢樣好抵讚👍講返食物，佢係用qr code 自己點餐，第一輪上枱既肉係佢會自己幫你準備好。佢有個牌仔寫好哂啲肉名，有和牛。。M6等等，但我覺得好鞋。。。。成盤得右上角果隻肉叫好食啲呢個都好似係一開始上既，大塊果個肉係好袋既，但我忘記左有冇得再叫😅我地好似係叫$4xx /1位既餐，啲肉睇落中上但食落大部分又鞋又冇牛味，我只能講性價比低，我自己唔會再有下次

同小朋友去無十次都有八次，性價比環境真心非常好，員工禮貌服務一流近月下午時段有乜乜優惠餐，搞到一家四口一有時間都去食.地方抽氣系統不錯，食後身上無燒肉味如果男洗手間可多一格厠，甘就perfect

試左間食物同服務都幾有誠意嘅日式燒肉。見佢Set C 開始就有A5和牛任食，好似幾過癮，就要左佢。HK$448加一。🉐順帶一提Set D就有宮崎和牛😋 頭盤係宮崎和牛樓梯級 (A5宮崎和牛肉眼、A5宮崎和牛頂蓋、A5宮崎和牛三角、A5宮崎和牛腰脊、A5宮崎和牛上腦)，A5和牛刺身及A5宮崎和牛西冷，其後可追加和牛及各類食品。兩人都有張好大嘅卡位🩵枱上醬汁出面飲品甜品等攞食物地方都相當乾淨。店員先放低一啲A5 同M6和牛唔同部位，包括一塊和牛肉眼，點生蛋汁食，非常美味。依個價錢A5和牛任食坊間真係唔多。雪糕仲movenpick 幾隻味揀🍨想講一講每人隻小碟上有個盛肉嘅半圓形網，燒好嘅肉先放上去。食到尾完全感受到佢好處，隻碟上完全冇之前啲肉剩低嘅油，唔會食到尾個碟好污糟嘅感覺。🆙宜家有恆生銀行優惠由2024年5月1日至8月31日，憑恒生信用卡於指定燒肉男分店享用最高級別燒肉放題 (Set D)，專享低至85折優惠《原價$598》!.✴️3週年祭精選午市放題供應時段：星期一至日 12:00-16:00 價錢：成人HK$188/位;小童HK$98/位.㊙️每月Giveaway每月抽出10位幸運兒

好似好多野食，但真係唔係樣樣放得入口D刺身仲差過爭鮮刺身，D牛肉乾到爆和牛一般，但好多都又乾又硬🥲🥲樣樣野都真係麻麻地，食左400幾個餐，但食到百幾蚊嘅質素🥲🥲有個自家制燒肉醬汁，酸得黎真係唔好食個腸仔入面有骨真係第一次，好多野，好唔新鮮，真係淨係食到一陣雪藏味同刺身腥味，蔬菜都唔新鮮冇諗過連牛油粟米牛油金針菇都可以難食唯一優點係職員上菜快，服務態度真係好好真心係抵比加一，但D食物，想食高質燒肉放題的話，真係回頭是岸🙏時間未到已經想走🥲

日本A5和牛燒肉放題📍地點：屯門🍽️菜式：日式燒肉💰人均消費：午餐 / 晚餐 HK$500~600🔖服務費/ 茶芥：✅ / ❎🧻餐巾/ 濕紙巾：✅ / ✅🪑座位類型：長枱 / 卡位 📝落單方式：QR code落單.【放題C 套餐】💰HK$448加一A5 和牛、刺身、牛、雞、豬、海鮮、蔬菜、小食、甜品、生果、飲品、酒精飲品。燒肉放題正常有嘅種類都有，夠哂慢慢食。重點一定係和牛，先來一大塊和牛肉眼。依度任食和牛唔係澳洲和牛或A3 A4 和牛，係A5 任食，性價比幸福感直線上升！除日本A5，都有澳洲M6任食。刺身新鮮，推介赤蝦。地方坐得寬敞，枱櫈亦非常乾淨，坐得舒服。🩶Set D 宮崎和牛套餐頭盤設宮崎和牛樓梯級 (A5宮崎和牛肉眼、A5宮崎和牛頂蓋、A5宮崎和牛三角、A5宮崎和牛腰脊、A5宮崎和牛上腦)，A5和牛刺身及A5宮崎和牛西冷，其後可追加和牛及各類食品。. 🩶恆生銀行優惠由2024年5月1日至8月31日，憑恒生信用卡於指定燒肉男分店享用最高級別燒肉放題 (Set D)，專享低至85折優惠《原價$598》!🩶3週年祭3週年精選午市放題供應時段：星期一至日 12：00-16：00 價錢：

第一次光顧餐廳，職員服務態度很親切，環境舒適寬敞，設有卡位座，食物種類很多，和牛很好味，賣相一流，性價比非常高👍還有三文魚刺生，很新鮮飲品方面有梅酒、清酒、啤酒👍👍👍非常高質👍👍👍若朋友敍會必選這一間餐廳☺️

今次去嘅屯門牛牛燒肉店 最平$198成交 任食72品食物 總共有4級逐級上就每級加$100左右 視乎budget同想食乜😆不過想食到日本和牛嘅話就點都要去到第三級$448套餐 係時候講下Set D 有幾勁😀包左宮崎和牛 刺身 雞 豚 海鮮142品食物選擇 花多眼亂🙂‍↕️係咪唔信咁多款 數埋比你聽A5黑毛和牛11款M7和牛1款M6和牛5款特選牛20款豚6款 雞5款 刺身8款 海鮮8款 野菜14款日式小食及其他66款🤤原塊A5宮崎和牛西冷呢塊係成個set既重頭戲 兩邊燒2秒左右 唔駛熟哂 再點蛋汁 油脂衝擊口腔 有上左宇宙嘅感覺😮😮😮🥩A5宫崎和牛拼盤5款5款包括A5日本黑毛和牛友三角 A5日本黑毛和牛牛腰脊，A5日本黑毛和牛牛上腦牛上腦係切粒 燒完外層小小焦香 入面好多肉汁好juicy😺🍣刺身拼盤3款一般刺身種類都有仲要有赤蝦 大大隻唔夠仲可以無限追加唔怕食完和牛太膩😆🥓A5和牛刺身和牛刺身其實都唔罕見但生牛唔係個個接受而呢到配埋一個特製醬汁同刺身都幾夾 相信少食和牛刺身既都會鐘意🤭🍻酒類放題：日本生啤 清酒 梅酒梅酒甜度適中 都適合唔太飲得既朋友仔清酒以一埕咁上 可以揀凍熱🥟日式小食及

日式放题是香港众多放题餐厅中最受欢迎的，其中这家位于「屯门」的「烧肉男」可以说是我去过最好吃的一家！他们家是「宫崎牛」的授权店，而且还提供超高品质的澳洲M6和牛，对于肉食爱好者来说，真的是梦幻般的天堂！我们选择了500HKD左右一位的Set C，里面不仅有和牛的各种部位，还有牛小排、封门柳和牛板腱。此外，他们家的豚肉也非常丰富，肉质鲜嫩，回味无穷！鸡肉除了可以烤的鸡腿肉外，还有做好的炸鸡、各种味道的鸡翼以及和风小食，令人目不暇接！对啦！他们家的各类小食也特别好吃，日式叉烧、海蜇牛舌、烤生蚝、鱼干、芥末章鱼应有尽有！当然，作为一家日式放题店，各类刺身也是必不可少的，三文鱼、吞拿鱼和各类海鲜样样都有！强烈建议刷一下这家店，绝对物超所值！

Set B $450一位 星期六 唔洗等位就入得 刺身影都無影 啲肉就影左 自己諗吓去唔去食，雖然話放題係質素冇咁高，但呢一種就睇你自己接唔接受得到🙃食晒成餐覺得最好食嘅到而家都未諗到😉

同班同事去食燒肉，本身都幾開心，食到晏晝5:30話夠鐘，咁我地仲有碟肉未食完，就諗住燒埋先，點知個侍應就黑晒臉，即刻收走碟仲有生嘅肉直接揼咗，唔緊要我都明夠鐘係冇得燒，但佢仲要揼埋啲已經燒好晒嘅肉同蠔，到底洗唔洗做到咁？我隔同事食緊甜品，佢企喺後面等我同事食完，都未放低晒個碟，侍應就即刻拎走埋個碟，我係真係明白夠鐘就冇得燒，但當時出面係冇人等位，而直接問都唔問就揼咗人地已經燒好嘅食物，會唔會過份咗？

嚟到呢間餐廳，先講，全場氣氛好輕鬆，裝修簡單得嚟又唔會擠擁，坐得舒服。🍢呢盤燒肉拼盤上嚟嗰刻，個胃已經系歌起嚟！試咗個D套餐，肉質新鮮，而且厚切牛肩胛肉特別欣賞，軟滑得黎彈牙，岩晒口味。🥩唔止噉，佢啲海鮮都係又新鮮又彈牙。炸物方面真系一絕！炸得金黃酥香，口感層次分明，對腦細嘅我咪講嘞！Tiramisu Croffle更加系重點，好似餅又似waffle嘅外皮，配埋咖啡同忌廉味，簡直係完美組合，賣相吸引到我都忍唔住要多嚟幾啖！🍰成間餐廳一路飄住炭火香，想唔開心都難，總之呢度食完肉，肚仔同心情都好滿足。下次記得預早啲嚟，唔好錯過呢個燒肉天堂嘅好去處喇！

屯門分店開張2周年,見到做一送一優惠,所以終於再來食啦~揀左C餐,首先上9宮格頭盤。牛肉依然保持水準都有一年無來,小食的選擇好似多左,而且炸物都係即炸,上菜時直頭聽到D油炸聲XD 要放涼一陣先入到口!至於甜品,一定要食佢個牛角窩夫,我揀左tiramisu味再配movenpick薄荷朱古力雪糕。可惜太飽食得一舊咋~最值得提係: 我地帶左小朋友去,佢得4歲,如果正價要$428+10%超貴,佢又食得唔多。點知負責人好識做,話小朋友淨係叫個lunch set就OK!感動!!單憑呢個舉動,我地一定會再來呀!!!而lunch set我地叫左刺身定食套餐(主要係大人想食) 小朋友食幾舊燒牛肉+白飯啦 哈定食包左下面盤刺身,白飯,茶蒸煮&麵豉湯, 只係$108+10%, 值! 襯仲有一送一優惠快D去幫襯下~

上星期行話突然口痕想食燒牛，見到呢間餐牌個價錢就覺得牛既質素應該唔錯，就擇左SetD, 貪佢有埋刺身（而且有折扣）。開頭嚟咗盤牛，係雪硬左嘅牛肉，望落好似都OK，所以係有期望嘅。燒完食咗兩三塊唔同部位，就覺得比想像中差好遠；肉眼口感可能好少少既…. 其他好多口感其實都偏硬同鞋。老實講好多款牛其實都冇乜牛味…不過 講到口感最好既就一定係大大起既和牛西冷，但呢個係一次性的，冇得再落order。另外枝牛肉汁都感覺上好普通，亦都有蒜片同粉紅鹽，同一支柚子汁之類供選擇。除此之外，估唔到SetD既刺身種類非常少。飲品方面都係一般般，好彩甜品救得返有Movenpick雪糕，另外個窩夫口感似係牛角包壓食的（Tiramisu味係好食既）。➖➖➖➖➖➖➖➖➖➖➖➖➖➖➖➖總結：連我男朋友唔太嘴刁都話講明係難食😬成個經驗就係覺得呢個價錢唔值，好失望最後埋單，兩個人$13XX➖➖➖➖➖➖➖➖➖➖➖➖➖➖➖➖相比起錦薈坊嘅牛太就真心冇得比，個人認為佢係我人生暫時食過最好食嘅燒牛肉。銀色同金色個餐我都食過，但銀色($469+10%）已經一食難忘。 佢嘅醬汁都幾特別。另外又有小型自助區拎小食甜品；飲品方面至少滿足

好耐冇係香港感受到咁好嘅服務態度，仲唔係強顏歡笑，而係真係好Nice好貼心，Staff開頭見到我凍到騰騰震唔好意思出聲話調位，會主動嗌我地調去冇咁凍嘅檯坐，然後仲斟咗杯熱水俾我🥹（野飲係自助㗎，不過未齊人入座所以唔好意思出去斟）今次嗌咗Set C，一開頭會先上頭盤有齊唔同款式嘅肉，俾我地先試咗鍾意邊隻先再Order，啲牛肉都真係新鮮，都冇用強烈嘅醬料醃製，所以食得出牛味唔會食完鹹到洗腎，加返pink salt+炸蒜片已經好好味！炸物都好出色！！真係即叫即炸酥脆冇油臆味，我先生平時對炸物好挑剔都忍唔住嗌咗幾Round😆見到Lunch同晚市都有優惠，加上服務態度咁好+牛肉新鮮！絕對會回訪呀