燒魂

营业中

休息中

尖沙嘴日式放題燒肉專門店 - 燒魂每年CK都會黎燒魂翻焯，順便睇睇有無新菜式既。呢期餐廳重點推介酒，韓國星光有氣清酒🍶法國利維子爵白酒🍾日本1800ml清酒🍶可惜我就無咩興趣，哈哈不過而家香港大部份餐廳好早就收鋪，難得呢度開到凌晨一點，好難得既一個俾三五知己聚會既好地方 ! 簡單講下CK既重點推介啦 : 燒肉既話，今日CK會推介食鹽燒一口豚同蜜運豚后肉，入口即溶同甜甜地好開胃，而雞CK就推薦香茅雞中翼，夠哂入味 🤩 如果覺得唔夠味，枱上仲有三款醬汁俾大家調番岩自己口味既 ! 剌身方面CK就推薦三文魚﹑馬刀貝同甜蝦，三文魚意想不到比一般日式餐廳仲好食 😍 而馬刀貝都幾新鮮 !甜蝦又做到極致鮮甜，肉質彈牙，一隻接著一隻超過癮！甜蝦長七吋，足足有成部Iphone 咁大條啊 !  炸物既話餐廳炸得好脆而且唔會好油，CK推薦食北海道牛乳松葉蟹薯餅！ 飲品係雪櫃雪住俾大家任飲既，當然想飲常溫飲品都係可以既餐廳上菜速度都好快！店員時不時過黎提醒燒肉燒夠鐘提我地翻一翻肉，十好貼心 ❤️CK一定會再黎既 ! 燒魂 (尖沙咀)地址 : 尖沙咀漆咸道南57-59號金馬倫中心2樓訂座電話 : 23666072營

今日係尖沙咀行街，想食燒肉，決定試吓呢間開左好耐既燒魂.呢間燒肉放題既款式選擇非常多有各種刺身，三文魚、吞拿魚、甜蝦等等👍🏻👍🏻燒肉都好多選擇、牛肉同牛舌新鮮，豬頸肉就富油香，燒到脆卜卜，雞翼都有幾款揀👍🏻👍🏻清酒煮蜆一流、炒雜菌炒得好香，烏冬夠哂彈牙，牛油粟米夠哂sweet👍🏻👍🏻飲品選擇都好多，仲有啤酒tim,總有一款岩口味，最緊要係性價比高，環境都唔錯👍🏻👍🏻

呢間餐廳位於尖沙咀，地理位置超方便，約埋三五知己食飯真係一流😋因為食物嘅種類好多，一定可以滿足曬所有人嘅願望，包括刺身、燒肉同唔同嘅熟食😋😋首先係魚生，魚生有好多唔同種類，而且都好新鮮～第一盤大家都起勢咁食，到encore呢盤先記得影相🤣最鐘意就食赤蝦同貝類～燒肉方面一啲都唔輸出面，豬、牛、雞樣樣都有，雖然唔係主打燒肉，但係選擇一啲都唔少，甚至仲有和牛，食多幾件已經抵返晒😂壽司方面就係一般會有嘅壽司，選擇唔算好多，但係樣樣都好精緻，反而呢度嘅一品料理更加有驚喜👏🏻估唔到有一啲料理方法都幾複雜嘅菜品，例如有原個菠蘿炒飯，雖然係放題任食，但係食得出落咗好多心機👍🏻總括嚟講一個價錢，可以滿足咁多願望，仲有啤酒無限暢飲，抵呀！

呢晚同朋友嚟食日式和牛燒肉放題除咗和牛之外 仲有好多選擇刺身、火炙壽司、揚物、穀飼雞、鍋物一應俱全外面飲品自取任飲 啱晒想食勁多款式同作為食肉獸嘅朋友😛先試絕品嘅黑毛飛霜空解和牛果然非同凡響雪花好靚 放落爐到燒一燒 顏色勁靚食落口牛脂湧出 肉質嫩滑 好食到停唔到口Encore咗幾round😆薄切牛舌同香蔥薄牛舌都好正薄切所以燒一燒就食得 爽脆彈牙 果然係店內人氣Number 1👍🏻無得輸！壺漬牛粒真係一個壺咁上枱🤣漬得好入味 加咗辣椒少少辣 多多惹味 仲有多款加咗西柚汁同鮮蕃茄嘅牛夠晒特色🥰食完牛當然要試一試刺身好新鮮 三文魚顏色好靚 最like!馬刀貝勁甜勁好食 出色！😋壽司🍣最愛松露醬大蝦壽司松露味道香濃 大蝦又夠爽脆鮮甜又一人氣Number 1!!天婦羅亦都好高質注目商品海老外面香脆 入面爽脆 正！薯蓉芝士丸啱晒芝士控鍋物 - 卜卜煮大蜆好鮮甜 蜆又夠大隻 蕃茄薯仔和牛烏冬都好好食飽到捧住個肚走☺️

今日放工來到尖沙咀辦點事，路過金馬倫中心門口，見到中心門口有廣告牌寫「燒肉放題」。 喜愛食燒肉嘅我當然唔會放過，走上2樓看看，原來係聽聞已久嘅「燒魂」燒肉，聽講呢間燒肉店在尖沙咀區已屹立多年。今晚就來試試先。這店主打係日式燒肉放题，種類繁多，任食2小時，包括有刺身、寿司、牛肉、豬肉、雞肉、多款日式炸物和主食等等，令人花多眼亂。但最吸引我的當然係刺身、壽司和日本和牛喇。刺身方面有三文魚、吞拿魚、鮑片、八爪魚、赤蝦等。壽司方面有三文魚壽司、花之戀壽司、黑松露大蝦壽司、香芒乳酪加州卷等。和牛方面有肉質细嫩嘅黑毛飛雪空降和牛、香蔥薄牛舌、霜降和牛、壺漬牛粒等。豚肉方面有鹽燒豬頸肉、鹽燒豚肉、赤豚小排等。雞肉方面有孜然雞中翼、香茅雞中翼、生薑味雞中翼、柚子蜜味雞中翼等。 雞翼醃得頗入味。炸物方面有海老天婦羅、松葉蟹薯餅、番薯天婦羅、蟹棒天婦羅等。另外還有各式罐裝飲品、啤酒任飲。

期待咗好耐，約咗朋友嚟食燒肉兼放題先嚟一輪刺身兼冷盤，刺身幾鮮甜，赤蝦同馬刀貝特別好食，泰式生蝦刺身同冷豆腐都唔錯好多唔同部位嘅牛肉仲有豬肉燒魂嘅雞肉好高質，雞髀肉好嫩滑，柚子雞翼調味一流，翠玉瓜同菠蘿都好好食火力十足，嘢食燒熟有真係燒烤嘅風味刺身質素唔錯，所以有encore，鰻魚壽司都好食熟食點咗通菜同蜆湯，通菜好有驚喜，熱辣辣鑊氣十足，大蜆又乾淨又鮮甜仲有各類天婦羅同炸物飲品選擇都足夠整體食物種類同選擇好多，上菜速度又快，性價比幾高，推介

食肉獸同大胃王呢個組合，嚟燒魂食放題加燒肉就啱晒，地點夠晒就腳同方便，放工過嚟食第一輪都大把時間唔同部位嘅豚肉，口感軟腍，特別推介鹽燒豚肉，燒到好似豬肉乾嘅口感牛肉都好吸引，牛舌、牛裡肌同霜降和牛都係必點，牛味香濃柚子雞翼同孜然雞翼濃而不膩，大腸燒到脆卜卜口感煙韌，翠玉瓜同菠蘿都好鮮甜火力十足，不論豬、牛定雞都燒到皮脆肉嫩，店員好貼心，見個網燶燶地會嚟幫手換網蒜爆通菜同卜卜煮大蜆都有大排檔嘅水準天婦羅同炸物嘅炸粉唔會好厚，即叫即炸，熱辣辣好香口幾款刺身都唔，個人比較鍾意三文魚同埋鮮蝦，鮮甜爽口最尾喺社交平台 post張相仲有甜品送，好圓滿食物同飲品嘅選擇好充足，款款都好吸引環境光猛闊落，座位又乾淨，坐得好舒服，整體性價比高

餐廳位置方便，黎開尖沙咀行街約Frd 嘅，無論係尖沙咀定係尖東過去都好近。餐廳坐得舒服，而且枱同枱中間亦都唔會好近，同朋友聚會食飯傾偈都唔怕隔籬枱騷擾到。同其他日式韓式放題一樣，都可以自己隨意點餐，而且種類都好多。從泰式生蝦沙律去到韓式拌飯同埋菠蘿炒飯都有。刺身都好新鮮，而且份量好大。有魚類、蝦類、熟嘅玉子燒都有。豬肉方面，味道都幾新鮮。可以試到血池赤豚小排，佢用咗泡菜汁嚟醃，食落去真係辣辣地。麵豉黑豚大腸都好少見，鍾意食大腸嘅朋友一定要嚟試吓。雞類方面雞翼有三種新穎嘅醃法：生薑味、柚子蜜味、孜然味。建議大家一次過都試晒！牛方面都有餐廳嘅特色做法：鮮蕃茄同埋西柚汁味都好特別，想試新嘢嘅朋友都叫吓嚟試啦。

小編同太太今次嚟到位於尖沙咀嘅呢一間燒肉放題餐廳慶祝生日，小編相當欣賞呢間餐廳嘅員工服務態度，食物方面刺身相當新鮮，三文魚同埋鮑片係小編喜歡食嘅刺身燒肉方面，每一款燒肉不論牛肉，豬肉，雞肉都相當新鮮，小編尤其喜歡牛肉同埋黑胡椒雞肉，另外亦都有一啲一品料理，天婦羅亦都係相當出色，飲品方面亦都有好多種選擇，喺飲品雪櫃可以自己選擇，全程整個用餐都上堂滿意，每次order嘅食物都會上足，絕對推薦呢一間日式燒肉放題餐廳俾大家

任食兩小時，6:18入去，可能早，只有兩枱客，7:40 last order ，8:00同我地講夠鐘，示意叫我地走，但當時全場唔full,包埋我地只有5枱客，都算數，諗住飲埋罐野先走啦，突然推格車仔收晒我地d野，我罐野飲未飲完都收埋😡，爆場既話我理解，但咁樣唔可以接受，冇下次

依度居然可以一次過食晒燒肉加日式放題﹗食物種類好多日式壽司、刺身、沙律、炸物基本野都齊燒肉裡面牛、豬、雞每款都有唔少可以揀雞主要係雞翼類，有好多種唔同味道少見嘅孜然味﹗食落好惹味仲好貼心咁剪開一半，易燒又易食咗霜降牛夠多雪花，夠晒薄切可以快啲食牛舌都有兩款牛味好出，唔洗點醬料都好好食醬料除咗醬油之外，仲有泰式醬同韓式泡菜味嘅醬最特別係有蕃茄味霜降牛甜甜地每牛嘅味道更上一個層次，一定要試下﹗豬嘅話最好食係豬頸肉煎到好香脆再加埋本來醬料超好食除此之外仲有多國菜式沙律居然有泰式生蝦，一份有兩隻，好好食熟食類都好吸引牛油粟米每粒都好甜，而且夠多牛油足份咁滲入燴牛舌好淋好入味每樣都好大份，但絕對值得比佢地佔據胃嘅位置XD汽水啤酒都任飲款式都唔少座位夠闊同舒服，叫咗好多野食都放得晒雖然電子落單方便咗，手寫單嘅放題好令人懷念店員雖然好忙但都會記得轉頭返嚟幫手收單分開叫咗好多轉都無漏單

好耐冇食放題，放題真系一樣架吾中就會想食嘅野食。尖沙咀金馬倫道有一間餐廳叫燒魂，名符其實有燒肉，其餘有刺身 壽司 一品料理等食物，食材豐富。首先試嘅當然系刺身，有三文魚 鮑片 甜蝦 八爪魚🐙全部都好新鮮！三文魚向來系大家放題不二之選。壽司款式特別🍣同出面有所不同，松露熟蝦壽司🦐配搭新穎 鹽燒三文魚逼出油脂 比想像中好味😋鰻魚軟稔 醬汁入味🤎牛油粟米🌽牛油味香濃💛粟米香甜，食親放題必叫～炸物同樣出色，數款炸物同樣香脆可口，香芋丸餡料香甜軟綿💜炸蝦蝦肉爽口彈牙🍤牛乳忌廉餅忌廉好creamy🤍呢度最特別系有埋燒肉放題，食咗豬肉先🐷鹽燒豬頸肉最令我印象深刻，充滿嚼勁。鹽燒豚肉就食到原始豬肉味。孜然雞翼少還原到譚X土匪雞翼😹牛肉用料上乘，有黑毛霜降和牛🐮油脂分佈均勻。薄切牛舌亦好有嚼勁👅西柚汁霜降和牛多咗醬汁味道更昇華😊

今日約咗朋友食飯，朋友想食日本放題，最近天氣凍凍哋，最啱就係食燒肉放題！今次我哋嚟咗屹立於尖東多年嘅燒肉放題餐廳 - 燒魂⋯星期一至四成人價$338加一就可以食足2個鐘，而且食物種類相當豐富！除咗燒肉外，仲有壽司、刺身、揚物等等，真係應有盡有！飲品方面，除咗平時放題餐廳嘅汽水同韓式飲品外，仲有啤酒供應；而且仲好貼心咁準備咗部分室溫飲品，照顧埋一班養身嘅客人！刺身方面，最有驚喜係珍寶赤蝦，足足有5-6寸長，大大隻，啖啖肉，非常滿足。燒肉呢⋯豬頸肉、骰仔豚、和牛、牛舌同雞翼都係唔錯嘅選擇；而且有幾款肉類有多種口味選擇，好啱鍾意試新嘢嘅你！不得不讚嘅係呢度嘅揚物同小炒都係即叫即做，熱辣辣好新鮮！由於食物種類太多嘅關係，我哋未能逐一去試都已經食到飽飽，就連甜品都食唔落⋯

今日放工好想食燒肉放題，諗起之前聽朋友講過呢間位於尖沙咀嘅燒魂，話佢嘅燒和牛同刺身都好食，所以就拉埋同事一齊嚟試吓。餐廳地方寬敞，枱與枱之間都有足夠嘅距離，兩個人一齊食吓嘢傾吓偈，好爽😎飲品方面都有汽水同各種飲料，在雪櫃裏任取，我怕熱氣，選了燒仙草下下火。任食嘅放題食物水準也不錯，值得推介的有：-刺身：三文魚、鮑魚片、吞拿魚，希靈魚，玉子燒，蝦等。魚生都很新鮮，三文魚厚薄適中，食落去肥美可口。-雞翼：好細心咁加工成單骨雞翼，易燒d 又好味，試左柚子同孜然雞中翼，醃料入味，沾上醬汁，燒一陣就食得👍-黑毛飛霜空降和牛、薄切牛舌燒和牛真係好正，有霜降和牛，牛裡肌，汁燒安格斯骰仔粒，薄切牛舌西等，黑毛和牛入口即溶而且牛味香濃，放題可以食到呢個級數嘅牛肉，真係難得。餐牌中都有唔少熟食料理，叫咗幾款，特別是蠔仔粥值得推介。

朋友聚會。見到餐廳除咗有自助燒肉外，仲有熱食、刺身同日式冷盤，最緊要係食物同嘢飲都係任飲任食。放題嘅食物選擇多；燒肉、刺身、燒物、一品料理、炸物、壽司、天婦羅、炒雜菜、牛油粟米、蠔仔泡飯，應有盡有。首先叫咗一份刺身，雖然可供選擇嘅刺身款式唔算多，但新鮮，而且份量十足。三文魚腩肥美，赤海蝦大隻，口感彈牙，食落去又鮮又甜。另外泰式生蝦都好出色，蝦肉結實，配埋泰式海鮮醬真係正！燒牛肉都唔錯，牛舌薄切食落有口感，黑毛和牛肉，入口香濃。豬肉都係好嘅選擇，燒豬頸肉，肉質爽嫩，入面juicy。Suprise嘅係每款肉都有唔同嘅味道選擇，例如柚子味、燒汁味或其它味等等。最後真係要試下啫啫通菜煲！通菜爽脆，保持到啫啫煲嘅風味。