無極冰廳 (樂居樓)

营业中

休息中

話說今天去書展打算快快食個晚飯，就是旦入左呢間餐廳，因為諗住佢門口既食物相影得咁靚，差極都有個譜，點知中大伏。 首先俾個勁迫靠牆既位，都算啦，我真心入唔到去，唯有坐出面個位. 看餐牌，見义燒炒蛋飯幾靚，諗住無衰，點知黎個飯同相爭咁遠，义燒硬個我條命，我見隔離台同我一樣反應，點解個反差咁大，仲要成60蚊……，點了杯凍啡，飲到酸味，無咩啡味，未段仲帶回甘既哨水味，究竟我成晚食左咩！ 仲有態度麻麻，隔離台個小姐話個放餐具櫃桶跣出黎， 個姐姐同佢講系咁架啦，我心諗一系妳叫人換枱，一系就搵封箱膠紙痴住啦，我明妳打工系hea唔想用腦，最簡單咪話俾個老闆聽囉！佢呢間嘢食品和飲品出得好快， 但完全不顧基本質素，灣仔區租金貴想賺盡大家系理解，但希望都有D良心，唔好Hea做得咁離譜！！

今日去開灣仔做嘢，唔係太夠時間食午餐，最好嘅選擇就係茶餐廳，快靚正，路過謝斐道一間叫無極冰廰，大大間，門口Menu介紹選擇超多，午市差唔多爆晒棚，質素應該有保證👍🏻🐔🍳▪️日式照燒雞扒太陽蛋飯 $ 65正在選擇困難症諗緊食咩，阿姐大大聲推介隔籬枱話我哋嘅雞扒好好食，咁我又唔執輸，點個雞扒太陽蛋飯，雞扒仲大過我塊面，又厚肉，煎得幾香口，燒汁甜甜地，醬汁配上太陽蛋的流心蛋黃和白飯一齊食，正🥤▪️凍檸檬利賓納 $ 9 自從茶餐廳有得飲凍檸賓之後，每次我都會叫因為細細個已經好鍾意飲利賓納🤣

灣仔多餐廳係人都知，今次來到灣仔搵下茶餐廳食個lunch 先。無極冰廳性價比好高，食物種類豐富，午餐份量頗多，而且價格十分合理！。絕對是糧尾之選。最打卡的是滑蛋三文魚，等我一試究竟！◼️◻️◼️◻️◼️◻️◼️◻️◼️◻️◼️◻️◼️◻️◻️ 招牌椰香咖喱飯(雞扒配腸仔）$56十分有效率！好快上檯啦～有港式咖哩濃郁不辣，椰香突出，雞扒厚身，味道不錯。◻蒲燒鰻魚炒湑蛋飯$80比較令人意外的是，茶記居然有咁日式的菜式選擇，價格比市價便宜。原條鰻魚啖啖内，肉質扎實鮮美。配上燒汁增加甜度，不單調，更能突出鰻魚味道。蛋相當厚身。超級飽肚呢～◻跟餐+$6 凍杏霜天氣熱最好叫杯凍杏霜。比例調配得不錯，凍杏霜通常好淡，但呢杯濃淡適中！

唔係次次一定要靚靚餐廳，茶記冰室久唔久都有好發現！今次黎灣仔內街既呢間冰室，姐姐唔惡仲好熱情❤️平時好唔鍾意叫常餐/是日餐牌，個人習慣😆所以就咁叫左個豬家骨飯試試佢！【 秘製豬軟骨蘿蔔飯】$56嗯！？唔好睇個樣平平庸庸但又幾好味喎！汁好香，豬軟骨好淋同入味，蘿蔔都一樣😋份量仲好大，餸同飯係要分開上，食到好滿足飽住走！分數：（10分滿分💛）味道：7.5價錢：7.5環境服務：7（以上評分只是本人個人口味而已）

無極冰廳 地址: 灣仔謝斐道118號樂居樓地下D-F號舖電話: 36197563===================多選擇好緊要架，貪就腳放lunch 時都唔會去太遠，免得返公司變遲到，但成日去死個兩三間又會食到悶抵食連野飲可點每日快餐精選或常餐，想換換口味又可單點再配飲品。$56 豬軟骨蘿蔔飯,+$6跟飲品，yummy yummy ,豬軟骨入味，脂肪位入口滋潤，蘿蔔腍身吸盡汁，好食令白飯都扒多兩口。$60 無極公司飯，升級版頹飯有豬扒，香茅雞翼腸仔伴照燒汁，多肉大堆頭就係精結所在。凍檸茶夏天食飯時飲。爽飯，香港人架味道，香港人架精神。

這是位於灣仔的餐廳，距離地鐵站五分鐘，十分方便快捷，這裏主打的當然就是香港的美食，充滿香港本土的特色。而我這天品嚐的卻是不一樣的，本來想吃的是雞翼麻辣拌麵。沒想到雞翼居然賣光了，餐廳店員也十分細心，經過交流後，決定安排改上豬扒，心裏卻是十分滿意，食物新鮮熱辣辣送到枱上，即叫即做的美食就是這樣吸引。味道方面，麻辣比例做得剛剛好，麵質也煮得軟硬度適中，最喜愛就是這樣的口感，配搭麻辣醬，絕對是美味的佳餚。

i ordered open to pick at 1245 and wait for more than half an hour! such a rubbish restuatant!food is disgusting! milktea is like toilet water! so regret for ordering this! cost me $50 but quality ud worse than mcdonald! strongly not recommend to visit! waste of money and time!!!!

餐廳位於灣仔，鄰近地鐵站，路程需要五分鐘左右，十分方便快捷，這間餐廳主打的當然就是港式美食，我這天和朋友一同前來，我們挑選的就是下午茶，我點選的是雞翼麻辣拌麵，十分喜愛這個麻辣拌麵的醬汁，不太油膩，但卻麻辣味十足，喜歡吃辣的朋友也不要錯過，餐廳更有優惠推介，可以配搭西多士，西多士外皮香脆，不太油膩，內裏的麵包十分軟熟，作為甜點，吃完辣後，定必更美味。最後，飲品方面，我還挑選了熱奶茶，這個充滿香港特色的飲品，茶和奶的比例剛剛好。

今日放假約左閨蜜行街街，當然要食個豐富嘅早餐先出發。喺灣仔地鐵站附近見到呢間茶餐廳地方寬躺，裝修又同其他一般嘅茶餐廳，格局比較優雅於是就直接入座😜我叫咗一份火腿通粉+北海道3.6牛乳炒蛋+鮮牛油方包。☺️香濃嘅湯底，配上彈牙通粉，非常暖胃，加上香滑嘅牛乳炒蛋。真係一個醒神嘅早餐。朋友叫咗一個雙拼太陽蛋、漢堡扒公仔麵。金黃色嘅蛋黃，juicy 嘅漢堡扒，配上出前一丁公仔麵，未食已經流晒口水，朋友話味道認真一流😋

打工仔嘅lunch time當然係分秒必爭啦，但今日竟然俾我發現呢間餐記有位，就衝入去試下喇。入面好大，唔驚無位。Lunch 價錢都好合理，50幾蚊有個飯同餐飲，唔要餐飲仲可以揀羅宋湯添～ 啲嘢食都嚟得好快，唔怕趕唔切返工。呢個menu 就唔包嘢飲嘅，想飲有跟餐價。椰香咖啡班腩飯（$56）- 份量夠晒大🥰 炸班腩都好多同啖啖肉，而個粉漿又唔會過厚，配上椰香味嘅咖哩真係好好餸飯。跟餐嘅熱檸蜜都唔錯，蜜糖落得好足。如果要凍飲就要加錢喇。

這間冰廳可以算是附近最大間最寬敞的茶仔卡位夠大 裝修幾有特式 今天就順路去嘆了個下午茶一口花生醬西多配沙律平時吃西多最愛邊邊位 因為夠脆這個一口西多就把平時的西多一開四大大增加了脆口邊位裡面的花生醬夠香夠厚生炸雞中翼跟餐可以用優惠價加配雞翼剛剛炸起熱辣辣 皮脆肉嫩又多汁北海道3.6牛乳炒滑蛋 鮮牛油方包蛋味夠香又嫩滑 跟x牛不相上下秘製叉燒公仔麵跟想像中的叉燒不一樣這個是叉燒醬厚切豬頸肉 肉質爽彈有咬口紅豆冰用啤酒杯裝的紅豆冰大大杯紅豆大粒又軟綿 甜度剛剛好

今日係灣仔放 lunch 係附近，所以就同同事去左呢間冰室食晏😋佢都好多客人 午餐時間人流好多 我大概12點到唔洗等位 但如果遲左就要等位啦😳-🥚🥩秘製金牌叉燒炒滑蛋飯 $58同想像有啲唔同😮😮啲炒滑蛋係on side類似常餐/早餐嗰種 不過有蛋就好食🤣👍🏻叉燒好多同埋大大舊🥰好滿足但佢嘅口感就好似豬頸肉咁同平時啲叉燒唔一樣～-🧋奶茶紅豆冰 餐加$9今日返工勁攰 仲未到weekend所以加左$9特飲安慰自己🥲杯紅豆冰勁大杯 其實$9都好抵奶茶嘅奶味好濃 紅豆都好多👍🏻👍🏻值得推介-🥚🍱蒲燒饅魚炒滑蛋飯 $80見到openrice好多人推介所以叫左呢個饅魚飯😳雖然佢擺係個細碟到但其實份量都好大～食完好飽！佢唔會加太多鰻魚汁太甜不過條鰻魚就偏細 CP值都ok嘅！但下次叫返lunch set會再抵啲 set仲包野飲！-紅豆冰 餐加$9傳統嘅紅豆冰都係加$9咋都係超級大杯！好抵！

日日都係灣仔黎工，今日又搵茶餐廳，嚟到謝斐道好多餐廳😊咁就揀番上次食過既呢一間🤤蒲燒鰻魚炒滑蛋飯🍲上次冇諗到喺茶餐廳都可以食到日式野，食完今次再黎又重新點多次！🐟鰻魚淋上既燒汁甜甜易入口，配左杯熱檸茶，快快手就食完午餐🫢咖哩雞球飯🥘朋友今次點左快餐咖哩雞球飯🥘，又真係超快上😱，落左單1分鐘就送到。味道係正常既茶餐廳既飯餸，雞球幾入味，$50幾都幾抵食😊食完四圍行下散下步，然後買多杯珍奶就番公司😋📍無極冰廳 (灣仔)灣仔謝斐道118號樂居樓地下D-F號舖_____________________𝕰𝖛𝖊'𝖘 𝕯𝖎𝖆𝖗𝖞 | 日常點滴 2022#餐廳 #餐廳推介 #美食 #美食 #料理 #食好西 #食好西系列 #foodie #cafe #eatwell #food #foodielife #resturant #healthyfood #tasty #deliciousfood #eathealthy #happygathering #foodinhk #weekend #lifestyle #gathering #hkfoodie

灣仔商業大廈眾多，一到食飯時間就大排長龍，要搵到間坐得舒服又有足夠座位嘅餐廳真係唔容易。😬位於灣仔謝斐道嘅無極冰廳，係我去灣仔做嘢放飯嘅不二之選！總性價比：⭐️⭐️⭐️⭐️地理位置：⭐️⭐️⭐️⭐️⭐️食物質素：⭐️⭐️⭐️⭐️服務態度：⭐️⭐️⭐️⭐️⭐️上圖可見，餐廳內位置非常多，店員有問必答，落單上菜同返枱亦都非常勤快，有效令到食客喺繁忙時間都快速可以就坐👍🏻好少茶餐廳會咁有心機去佈置，從店內黑色同金色嘅主料上看，茶餐廳想走型格路線，加埋酒樽做裝飾，唔講以為入咗間小bar/cafe🤣🧅🐂撈起洋蔥安格斯肥牛稻庭烏冬$52 日本照燒汁配唔肥唔瘦剛剛好嘅肥牛，加埋綿綿烏冬，味道不錯👍🏻係烏冬可以過一過冷河，可以更為彈牙有口感。另加一碟油菜 $32 （可選生菜/野菜/菜心）蔬菜新鮮加蠔油，不過不失。🐷🍳秘制金牌叉燒炒滑蛋飯 $58有別於平時嘅厚切叉燒，呢款口感上較似豬頸肉嘅叉燒，少左平日厚切款嘅油膩感，增添享用時嘅樂趣同美味，仲有微微燶邊正啊！😚

餐廳鄰近灣仔地鐵站，行過黎都好方便。一入去就見到餐廳係有擺過心思裝修，設計時尚，燈光光猛，而且坐位闊落，坐得舒服☺️下晝黎到叫左兩個下午茶餐，乾炒牛河同一口花生醬西多士配沙律🥗雖然只係下午茶，個牛河係用大大隻碗裝住，估唔到份量有咁多。牛河炒得好有鑊氣，又唔會話好油膩，岩岩好。本身食落好夠味，我推薦落少少辣椒油一齊食，辣椒油唔算辣既，但可以令到個河粉更加香口！而牛肉一樣入味，如果煮得再淋d就更好😋一口西多士份量都唔係得一口咁少，睇圖都見到係大大件。西多士入面就係濃濃既花生醬，認真惹味！沙律應該用左罐頭雜果，但唔見有出水，沙律醬亦都調教得唔錯👍