煌府豐盛

营业中

休息中

疫情關係所以夜晚嘅時候都係嗌外賣返屋企食，呢一間餐廳真係非常抵食！今次我就揀咗魚香茄子煲，呢度嘅魚香茄子煲好好食醬汁一流，用嚟送飯真係好好食！另外就係好我好鍾意食嘅薑蔥鮮蠔煲！鍾意食號嘅我覺得呢度都算正正常常，炒得好香口好友鑊氣！而且風味十足！另外仲叫咗薑蔥霸王雞，呢度嘅雞肉都非常之滑！而且蔥油非常之香口！

今次難得週末可以同屋企人一齊出嚟，我哋就去咗好耐冇去嘅茶樓飲茶，原來而家去飲茶已經唔係咁多人啦我自己去飲茶最鍾意就係叫一個燒鵝瀨粉，夠晒飽肚，同時間瀨粉亦都唔係好多地方可以食藥膳雞腳亦都相當唔錯，佢個湯好濃郁，可以飲埋佢牛肉球亦都合格，份量絕無欺場灌湯小籠包同埋觀塘搞，我自己就鍾意食灌湯餃多啲，灌湯小籠包個皮有啲厚，但係入邊個餡亦都相當豐富我自己重點推介呢一個雪山叉燒包，雖然佢係有少少油，但佢個包好好食，嚟到一定要叫

今晚黎到媽咪地頭，行完街再上黎食晚飯😋 夜晚係酒樓食飯既人唔算多，見到仲有個area係專比人打邊爐添，岩哂冬天聚會。-💛清蒸沙巴仔 💰58依家晚巿推廣，有6款菜式可以選一樣有優惠價😎 就揀左條蒸魚，真係好抵！大家一定唔好錯過！蒸魚時間要耐d，魚肉夠滑，有鮮味，不過豉油就淡左少少🤏🏻💛薑蔥鮮蠔煲 💰88呢煲一上枱，以為係肉黎😂😂 原來係炸蠔再煮，所以個樣唔太似蠔，食落都有蠔味，幾惹味，不過食多兩隻有少少咸💛芥蘭炒臘味 💰98呢碟菜好大碟！炒得好脆口，d臘味好香👍🏻💛京蔥爆牛仔肉 💰98呢碟幾好食，手肉夠淋夠入味，大蔥都好香，媽咪至愛～💛足料老火例湯 💰108雖然知道煲湯幾多分量，但食飯都唔太想飲茶，豬𦟌粟米紅蘿蔔湯，夠清甜，有4至5碗分量-總括然而，係酒樓晚餐既好處就係座位夠哂闊落，有番空間感，又唔會好似茶餐廳咁嘈，服務員又好好態度，真係幾岩同長輩聚餐的-餐廳: 煌府豐盛地址: 荃灣青山公路-荃灣段264號南豐中心4樓

今晚約咗朋友喺荃灣煌府食晚飯, 原來荃灣有兩間煌府, 一間係沙咀道另一間喺南豐中心, 大家約朋友記得要約清楚啊！ 我哋今晚去咗近地鐵站嘅南豐中心分店. 平日晚市不算太爆，女店長有禮招待選菜式前行咗去魚缸看看海鮮,見到有好多生郁郁西澳龍蝦，所以決定食上湯西澳龍蝦伊麵底二百幾蚊可以食到澳洲西澳龍蝦仲包伊麵底，澳龍無得輸， 啖啖肉，切件嘅份量也非常好。 上湯底非常濃郁, 伊麵底亦都非常適合二人份量晚市有很多款特惠美食薑蔥鮮蠔煲三十八蚊嘅蠔煲， 抵食到爆，蠔差唔多有十隻， 食極都食唔哂咁！ 雖然用上的蠔唔係好大隻但係蠔肉很新鮮。 薑蔥底很有鑊氣又惹味。濃湯海味銀絲雜菜煲雜菜煲份量充足，菜款有白菜， 菜心， 西蘭花，另有魚肚和多款海鮮粒。湯底味道清新，沒有味精。非常抵食的晚餐

今天節目是先午膳再到「青衣公園」尋楓，住在荃灣區好友推介我到「煌府豐盛」午茶，午茶後再往公園交通也十分方便。酒樓佔地很寬闊，服務也良好，我們楝「富豪海鮮套餐A」$268，上湯波士頓龍蝦一隻、黃薑雞粒炒飯、醬燒王子鴿一隻。上湯波士頓龍蝦一隻，原來有伊麵，伊麵拌上湯味道很好，龍蝦肉很爽脆，很不錯的。黃薑雞粒炒飯，黃薑味很香濃，炒飯很爽口，很豐富的配料：雞肉粒、提子乾、翠玉瓜、蛋、菠蘿粒，味道比較清淡，清淡會更好，健康些。乳鴿皮香肉嫩也不錯，大家分享淺嘗多滋味。套餐很合味道，價錢不貴，份量不少，足夠兩至三人分享，很多謝好友推介，我看過點心價錢都抵食，下次我會嘗試點心下午茶。

酒樓通常定價都較貴，仲有茶芥小食收費～ 不過商場門外貼住廣告發現煌府有晚市優惠又幾抵食！晚市做緊推廣優惠6選1，任選一款6款小菜都係抵食同吸引嘅最後揀左薑蔥霸王雞 $18/半隻雞肉夠晒嫩滑，蔥爆過油好香～魚香肉沫茄子煲$78正常惹味之選，送飯一流！薑蔥鮮蠔煲$88蠔size唔算大, 但有成10幾隻，薑蔥爆炒勁有鑊氣，屋企煮唔到嘅風味蒜蓉銀絲蒸海蝦 $108 用大量蒜蓉蒸嘅粉絲超惹味，蝦都算起合格啦拔絲咕嚕肉 $108老公至愛，每次必點～中意啖啖肉又唔會過酸！連埋小食茶芥，埋單都唔洗$500！

煌府豐盛晚市有驚喜同事和我近近地樓下見到煌府豐盛有晚市優惠6選1優惠都好吸引薑蔥霸王雞 $18半隻王子燒乳鴿 $28薑蔥鮮蠔煲 $38脆皮燒鵝王 $48陳皮蒸鮑魚 $68清蒸龍躉仔 $58我們睇中上湯西澳龍蝦送伊麵底，我們另加芝士，更加香濃！西澳龍蝦比想像中好，隻龍蝦新鮮的，肉質彈牙爽甜，還有膏，啖啖肉好正！龍蝦泡油很脆身，炸得不錯一咬殼就碎，芝士非常濃郁，超級驚喜！一碟可以3個人吃，份量還不少呀！臘味崧爬菠菜，第1次見到，菠菜好滑，臘味切粒爆香淋上菠菜菠菜好香好惹味，如果配飯就最好！材料有潤腸、臘腸、臘肉、冬菇、紅蘿蔔……王子燒乳鴿，BB乳鴿好嫩，炸到骨到脆這晚餐我和同事都讚不絕口！

今日同屋企人去飲茶嘆一盅兩件，呢間酒樓係荃灣站附近一出閘就見到，非常方便。酒樓位於4樓全層，座位數量多，即使是繁忙時間都足以應付。我同屋企人2點到剛好係下午茶時間，點心有特價。十幾蚊就有一籠點心，好抵食。蝦餃特價$9.9就有2件，而且蝦餃大大粒好彈牙！香煎蘿蔔糕，送上枱熱辣辣，再沾上醬汁，一知字正！生滾魚片粥，魚片無骨無腥味，粥底好綿仲加左生菜，成件事好健康！牛肉腸，腸粉迷的我每次必點，推介！乾燒伊麵，大大份夠3-4人食，伊麵索晒個汁好入味！2個人食到超飽埋單都係$300，真係好抵食！

雖然我鍾意試唔同嘅嘢，但係晚飯小菜仍然係我所愛💕每個月總會搵啲日子叫餸食飯🍚 上星期就近近哋去咗荃灣嘅“煌府豐盛”滿足一下☺·🐓薑蔥霸王雞 HKD$18晚市推廣6選1，以超值價18蚊就食到啦🤗🤩雞件嫩滑香軟，薑蔥豉油味道濃郁，咁嘅價錢食到真係超級正！·🐟酸菜水煮鮮魚片 HKD$128喜歡魚片帶點厚度，而且爽滑Q彈嘅口感😋 酸辣味道平均，唔會死辣或死酸😚配料份量恰到好處，唔會喧賓奪主👍喜歡配料加入金菇以增加嚼勁度，薯粉吸收曬酸辣湯汁精華🤤 意想不到的高質😻😻·🍜薑蔥鮮蠔煲 HKD$88鮮蠔經油炸後外脆內軟😚鮮蠔雖然唔算大隻，但勝在口感軟綿，蠔肚飽滿😋 以薑蔥爆更見惹味~·🐖醬皇干鍋福花回鍋肉 HKD$88此道菜稍為略遜一籌，比較平凡呢😯 以椰菜花炒回鍋肉，較為近似家中小菜，媽媽的味道🤱·🍛瑤柱鮮蝦福建炒飯 HKD$128很喜歡它的豐盈濕潤感💦 個人覺得食福建炒飯最重要嘅係芡汁🤤芡汁唔會過水或過杰，與飯拌來一起吃剛剛好👍 加上鮮蝦西芹等配料爽嫩口感，令整到炒飯更見豐盈😋·📍煌府豐盛荃灣青山公路-荃灣段264號南豐中心4樓

出黎荃灣約左親戚見面，老一輩嘅當然鐘意飲茶，咁就去左附近南豐中心嘅煌府豐盛度嘆茶，估唔到而家下午茶咁早係1:45 就開始。呢個特價嘅水晶鮮蝦餃（2隻）特價$9.8, 每人只限叫一籠，大大隻蝦喺入面嘅蝦餃以呢個價錢黎講係好抵食。雪山叉燒包雪白嘅外層入面包住甜甜嘅叉燒，比起傳統嘅叉燒包，呢款更岩我口味。鮮蝦腐皮卷鮮蝦長春卷呢兩款點心都係以蝦作為主角，味道唔會差太遠，主要分別都係外皮口感嘅分別。鮮蝦菜苗餃菜同蝦嘅分量適中，食到有蝦味之餘亦都食到菜苗嘅口感。順德鯪魚球竹笙灌湯餃至尊燒鵝皇米線魚肚綿花雞流沙合桃包呢款點心我都係第一次食，賣相已經夠特別，估唔到味道都係，下次可以再encore

有好友放工經常路過荃灣地鐵站附近的南豐中心,看到其中一塊燈箱牌是關於煌府豐盛酒樓晚飯菜式的特價版面,細看之下覺得不錯,遂約我到此一聚;遇上這天我放假,就約定好友到酒樓來個晚餐小聚,且在中午打了電話訂位;與好友七點鐘在荃灣地鐵站碰面後,隨著人流走向南豐中心,離遠已望見特價牌燈箱,果然吸睛!搭載客電梯上到四樓,一開門就有個醒目又霸氣的招牌出現在眼前;向接待的知客說明訂了位,量了體溫掃了出行碼就由其帶位,到貼近窗邊的餐枱入座(又可對著荃灣的鬧市夜景);放眼望去,只見場內燈光榭影,光猛明亮;而枱凳鋪排佈局寬鬆,加上高樓底的作用,突顯排場宏大寬闊,而且抽風極佳,讓人安座其中感覺甚為舒服!觀其裝潢,雖未稱得上十分簇新,但從枱布至餐具,都是整潔有致,令人更添好感!餐牌中晚市可供選的菜式豐富多樣,尤其各種優惠套餐組合,與好友研究了一番,加上部長的推介,選定了就立即落單;既然晚市有優惠,就先叫特價菜式,從中選了--例牌燒鵝;以特價來說,此例牌份量適中,而且鵝肉吃起來頗有驚喜,尤其是那鵝腿,溫暖的嫩肉被脆皮包圍著,加上不多不少的脂肪點綴著,,無論香氣,肉質,口感加上層次,完全不亞於很多燒鵝名店的質素!有見

星期日與屋企人去飲茶，嚟咗呢間好近荃灣地鐵站嘅煌府，地方都好大，不用怕找不到位。點心選擇多，我們有選擇困難症又貪心，所以點了多款點心。鮮蝦菜苗餃賣相唔錯，晶瑩剔透，皮薄餡靚，菜苗夠新鮮，蝦肉爽口彈牙。碧綠鮮蝦腸腸粉熱辣辣，腸粉皮不算薄但滑，原隻鮮蝦頗大隻，爽口鮮味。肉骨茶鮮竹卷點心紙上見到這個點心，覺得特別，所以即管試試。鮮竹卷炆得好軟，唔會韌皮，醬汁帶輕微肉骨茶嘅味道。如果鮮竹卷入面嘅餡料可以更滿，充實整個腐皮卷會更加好。懷舊馬拉糕馬拉糕大大件，熱辣辣，非常鬆軟，微微黑糖香甜味，不錯。雪山叉燒包這個有驚喜，雪山叉燒包皮薄餡靚，入面好多叉燒醬汁和叉燒粒，餡料豐富，好香。由於包的皮好薄，吃完整個亦不會覺得很飽滯。鮮蝦腐皮卷很香口，腐皮卷炸得香脆，明顯是即叫即炸，餡料有鮮蝦，豬肉，芹菜等等，好爽口，正。香煎鯪魚餅鯪魚餅煎得非常香脆，包着鯪魚的雲吞皮比想像中略嫌厚了一點，但咬落去脆卜卜，入面鯪魚肉口感煙韌彈牙，有少少果皮香味。牛肝菌醬炆伊麵伊麵色澤好靚，色香味俱全。伊麵好滑，炆得入味，唔會太油膩。雖然吃不到牛肝菌醬的味道，但有好多秀珍菇，吃過不停。總括而言，呢間酒樓係走比較平民街坊路線的，食

保險經紀話好耐冇同我見面，想同我食飯睇下我呢排過成點，佢帶我來煌府豐盛食晚飯。呢到除左小菜仲有做雞煲任食的，任食我就唔太想，所以叫左以下幾款小菜：⚛ 紅燒妙齡乳鴿 ～ 乳鴿肉質細滑唔錯。⚛ 清蒸龍躉仔 ～ 晚市推廣六選一， 我地選呢個係因為我鍾意食魚， 兩人食岩岩好，蒸的時間剛好沒有過火， 啖啖魚肉又唔多細骨我喜歡。孖寶推介 ⚛ 上湯波士頓龍蝦伊麵 + 芥蘭炒腊味 ～ 龍蝦彈牙，伊麵吸哂龍蝦和上湯幾滋味， 而芥蘭呢碟仲正， 因為有齊哂臘腸臘肉潤腸，油香去哂芥蘭到，芥蘭又爽脆。整體都ok 喎，下次可以一家人食。

荃灣南豐煌府豐盛食物垃圾唔緊要，咁既價位預左6點幾坐低，7點左右食完個雞煲，等極都無火鍋料到，要追幾次單，要x埋出口先肯去執啲野黎，終於等左45分鐘先黎第一張紙既食物🌚食物質素如圖🌚結果係食佢出面可以夾既食物食到飽（蟹柳呀腸呀果啲）最重要係連最簡單既豆腐都可以帶酸味🌚你睇下啲雞翼🌚好似擺到熟左咁樣🌚🌚好野🎉牛𦟌有魚腥味的確神奇🌚大家唔怕死又嫌錢多我推薦你地去Ps:唔知係咪荃灣街坊們都知道伏，全場得4枱火鍋#煌府豐盛#荃灣區極品

煌府是婚宴式酒樓，交通方便，歐式浪漫裝修，多婚宴特價套餐。人人都知，卻不是日常飲茶晚餐的好選擇。荃灣南豐中心，地鐵總站旁，有傳統酒樓名豐盛，在疫情下倒下。煌府借屍還魂，結束了自己在同一大厦的分店，欲在此重新做起。略為裝修了，平實了，不離地了。對比同一大厦的百好集團酒樓，更顯平實。連水晶燈都沒有。洗盡鉛華的結果如何？心血盡在幾碟特價餸菜。既便宜亦有特色。招牌平價餸有6樣。薑葱鮮蠔煲與衆不同，不同凡品。類似西式砵酒焗蠔，但不淋酒，回鍋用薑葱再焗。每粒都被爐火充份沐浴，外脆內酥。入口似金蠔，香鮮帶甜。這是我第一次吃到中西並用烹調法。亦可說是沙鍋魚頭煲的古法。另一特價菜煮多寶魚卻強差人意。煮功無問題，只是魚不新鮮。推薦價海鮮系列可淘寶，有22款，足以設計為海鮮盛宴。比被綑綁的套餐或以斤計的海鮮價化算。如真是辦海鮮宴，可到楊屋道買海鮮，每斤60元蒸海鮮，每斤100元炸焗炒海鮮。選了金沙蛋黃炒蟹，以考厨房功藝。每件蟹都有濃郁蛋黃味，咸香惹味。一蟹一碟，158元是合理。其他餐單之中，我們選了有特色的花膠排骨煲。排骨亦是先爆炒，鎖定豬肉汁，精華卻盡入花膠扒。花膠扒厚肥不嚡，令人驚喜。2021年了，傳統