煌府1號

营业中

休息中

今日去咗煌府酒家，食咗好多正嘢！😋首先試咗叉燒腸，腸粉皮滑溜，叉燒味道甜中帶鹹，食完真係令人回味無窮。🥢接住嚟就係皮蛋瘦肉粥，粥底綿滑，皮蛋同瘦肉啱啱好比例，足哂料。🍚蝦餃嘅皮夠薄，而且內裏嘅蝦肉鮮甜彈牙，真係冇得輸。🦐燒賣亦都唔錯，肉餡豐富，口感紮實，每一啖都充滿肉香。🍖叉燒酥外層酥脆，內裏嘅叉燒甜美多汁，真係令人食過唔忘。🥮最後試咗水晶餃，透亮嘅皮包住新鮮嘅餡料，口感清新。整體嚟講，呢餐實在係一次滿足嘅用餐體驗，值得推薦畀所有鍾意粵菜嘅朋友！📱下次仲會再嚟試吓其他菜式！🎉

一家三口去飲早茶。女侍應當我地係狗咁大大聲用命令式問‘飲咩茶’。跟住發現欠筷子，叫另一位女侍應加筷子；她竟然話‘已經有啦’就走咗。點心單嗌咗十樣嘢，有三樣等咗9個字都未出現；叫取消里三樣時就話廚房煮緊。普遍服務態度相當惡劣，當晒顧客係下等人嚟乞食咁。直頭花錢兼受氣

公司周年晚宴選咗呢一間，唔知係咪地區唔同，呢間比起旺區嘅話係性價比再高啲。雖然周年晚宴有啲忙，但係都係可以食到每一道餸。乳豬有少少甩皮，都唔可以話太介意，不過佢夠厚肉，皮又薄脆，燒得都算好。個杏片百花球就有少少失望，好似唔係好夠味。另外冇食魚翅，存在做燕窩，其實都幾足料，食咗兩碗份量都好夠。不過條班就細咗少少，但都算夠滑。鮑魚都處理得幾好，夠入味又夠彈牙。另外個燒雞雖然鹹咗少少，但係都夠脆口。試埋個黑松露炒飯都相當香口，飯都炒得粒粒分明。美中不足係個桂花糕實在過甜，搞到個紅豆沙變得淡而無味。不過整體嚟講，都相當滿意。加上新裝修感覺相當舒服。

爸爸成日話呢間餐廳性價比高，講咗咁耐就同佢食返一次11:30去到，佢已經坐滿一半人，見到大部份食客都係叫一個set 一個麵兩個人食。爸爸都要求我叫返呢一個lunch set。所以叫咗豉油雞 + 米線 set。另外好耐冇食過叉燒酥，所以叫咗一份。米線嚟到之後發覺好一般，隻豉油雞翼都凍凍地，果然一分錢一分貨。最後再叫咗個鴛鴦炒飯叫左個點心係小白兔造型，其實係椰汁糕，賣相唔錯，另外都叫咗個炸鮮奶卷，炸粉有啲多最後埋單每位都要百零蚊，以呢一個價錢每一個質素，其實真係唔抵食

這間酒樓與媽媽居所距離不遠，又有長者優惠免茶錢，午市八折，下午茶又有半價，所以一有時間，我們都會來這裏飲茶。今日點了優惠套餐及二款小食，分別係干炒牛河，海蜇燻蹄，五香牛及醉雞，另外還有芝麻卷，媽媽很喜歡，每次必點。醉雞有濃郁洒香，肉嫩滑，但味道太淡，牛河份量很多，牛肉夠淋，味道很好，不會肥膩，其他小食味道不錯，可惜牛有少許辣，我不大喜歡。

星期六和媽媽去Mega Box 既煌府1號飲茶，好多人等位，門口接待員見到媽媽年紀大，立即拎了張椅比媽媽坐，很細心。我們點了樱花蝦粉果，脆皮义燒包，滷水牛，芝麻卷，干炒牛河。樱花蝦粉果唔知點解有d辣，芝麻卷好香芝麻味，牛入味，干炒牛河有好多件牛肉，夠味及淋，炒得唔會肥，可惜河粉較碎。中午時段點心八折，有粉麵套餐，長者及小童免茶錢，好抵食。

年初一飲茶一肚氣。Book 了12位一起團拜。我和仔仔爸爸媽媽共4人因早到，門口的職員因我們不足一半人數，唔比位我們。我80歲爸爸要在酒樓門口等15分鐘和其他人一起才可取位。當時酒樓很少顧客(小過三分之一)，為什麼不可以人性一點？一間酒樓形象被那位門口的職員嚴重破壞了。

MegaBox的早茶酒樓不多選擇，門口也放著茶市優惠！門口員工服務態度一般，沒什麼招待，我係唯獨好處是長者小孩是免收茶錢，就算是週日也有點心優惠，價錢有也算是化算！點心款式選擇算是多，味道也不錯，至少也是熱辣辣的，點心運送時，也是蓋上蓋子，相對也算注重衛生！

打電話去問佢晚市有冇位，話有，之後去到就話有婚宴所以唔開晚市，搞到白行一趟，去到問前台，唔好意思，打過電話黎點解會冇講冇晚市？佢個前台重要勁冇禮貌，態度勁差，黑口黑面話，你唔識睇，晚市唔開甘趕我地走你早知有晚宴，我打電話黎問果時你又唔講

今日係megabox行完街，攰攰地想搵間餐廳食個晚飯。上到去megabox13樓見到有間酒樓就入去試一試。  一坐低見到個餐牌真係俾佢嚇親，估唔到啲餸可以咁抵。二話不說就點左三個餸慢慢食。  極品燒鵝皇(1/4隻) $88 燒鵝一上檯俾佢個份量嚇親，1/4隻俾足你都只係收$88。皮脆多肉汁，飲住啤酒食真係一流。  京式片皮鴨(半隻) $88 食完鵝緊係要試埋佢隻鴨喇! 皮片皮鴨份量同燒鵝一樣，有多無少! 用餅皮包住香脆鴨皮連埋鴨肉配上青瓜同甜醬，食落完全無油膩感覺，令人想一食再食。  清蒸沙巴龍躉 $88 呢條魚一個字【鮮】!食得出係一條新鮮魚，連埋酒樓自家豉油，真係清蒸都已經好好味。 茶錢$14一位，餐前小食$12。兩個人連埋加一都係$350有找。今時今日去邊到搵呀~ 

媽媽見餐牌上有香滑芝麻卷即點，因為很多酒樓也沒有這種點心，很想吃另外點了香茜魚片腸，山竹 牛肉，五福點心拼盤，脆皮燒腩仔河粉。芝麻卷好香芝麻味，是經典的中式點心，但現在好少見了。其他點心也不錯，熱辣辣，份量很大件，燒肉皮脆，有肉味，呢間酒樓長者仲可以免茶介，更加抵食。

九龍灣嘅煌府，裝修佈置好靚，呢度嘅下午茶有長者優惠，免茶位☕️極力推介呢間酒樓嘅點心，材料非常新鮮，食過呢間既蘿蔔絲酥餅，係唔會再食第二間，個排骨食好味🍚材料又多, 食物質素好高

三心兩意 揀唔完一盅4️⃣件 問你夠喉未😍😍今日介紹嘅精品餐廳係位處九龍灣Megabox嘅煌府一號💫佢係一間主打廣東菜嘅新派酒家，摩登嘅裝潢，配上你估唔到嘅菜式，睇圖都流哂口水🤤🤤若果略嫌價錢少貴，10：50前嘅早市孖寶都唔錯架😍😍條龍係長啲，不過勝在夠抵食🤤🤏🏻可惜今日趕唔切🥹但招牌嘅點心同菜式依然冇令我失望😝-- 𝙁𝙊𝙇𝙇𝙊𝙒 𝙈𝙀 𝙁𝙊𝙍 𝙈𝙊𝙍𝙀🧡 --

今日和同事慶祝生日便去酒樓用膳我們叫了一個孖寶包括櫻花蝦珍珠帶子炒米和海蜇燻蹄。碟炒米好大碟，而且很少見用櫻花蝦和帶子炒，原來這麼好味，與一般的炒米粉截然不同。櫻花蝦非常香和惹味，食落香口，帶子令到整個炒米粉「高級」了，更添食慾🥰海蜇燻蹄平時不便宜，這個孖寶包了這道菜式，價性比高。海蜇十分爽口，燻蹄大大塊不會過肥，肉質有層次。咸菜豬肚是我喜愛的菜式，豬肚平時很難在家弄，又要洗又要切，好麻煩！在酒樓吃最好，這個鹹菜豬肚夠味，鹹菜的味道浸在豬肚之中，爽口的豬肚美味可口。甜品叫了個港式蛋撻，有四件，每人兩件大滿足🎉蛋撻焗得香香的，蛋黃流心，個皮幾脆

每星期都會帶屋企兩老去茶樓到食，雖然這間酒樓的食物一般，碗碟有時會有油漬不太清潔，每次都要用茶清洗幾次，疫情期間人少，這間酒樓態度出期地好，每個人都好有人情味，有時同佢地講兩老想坐部窗位置他們都盡量安排到，有時安排不到都會盡量安排比較靜少少的位置，現在疫情沒那嚴重，人流自然多左，本身常光顧原因真的是他們每個職員的態度真的很好，這次光顧不知是否人流多了，他們都變得沒有耐性，用完安心出行，一般直接確認針卡記錄，不停說要開針紙記錄睇，但個職員根本沒望到我的電話，之後我開針紙記錄俾佢睇又話要 QR CODE ，我一開始已經開了，但職員一眼都沒有看，那都算，我和經理說想要靜少少位置，就態度好差講（茶樓係咁既啦，度度都咁嘈) ，我話可以安排牆那個位置，他又就是4人枱唔坐得，前一將枱一樣大小，一個客人坐，我3個人，都不可以坐，我企係到本想離開，另一個經理走過黎就說可以安排那個位置，不是兩老要求光顧，我不會再推介朋友來這酒樓飲茶，蘿蔔糕一碟只有兩件，比其他茶樓少，炸蝦角皮好實，好似賣唔哂反炸咁，價錢又唔係平，如果想舒服飲茶絕不推介這間，除非大家唔介意受氣。因為食物一般的酒樓有很多，不用大老遠開車黎受氣