煒成麵飽餅店

营业中

休息中

一間十分平民嘅麵包店，之前喺IG見到話排晒隊，次次經過鋪頭都勁人，好多都排隊買「法式焦糖布蕾法包」即係Creme Brûlée in French Bread $16，我去親都賣晒，今日晏晝路過竟然仲俾我買到🤓個包都幾巨型，直徑目測大概5-6吋，呢個價錢咁巨真係超值。麵包裡面都幾鬆軟，creme brûlée 佔整個包比例都好多，creme brûlée 超級有蛋味都幾濃又好滑，只係有d過甜，同埋整件如果細d會好d，而家呢個size一個人食又大得滯，但如果多過一個人食，切落去又有d論盡，一切d creme brûlée 流出嚟有d 難攪😅試完呢個都唔錯，呢間麵包舖仲有勁多選擇，可回頭嘅店😋😋

買滷水鵝嘅時候途徑呢間唔係好起眼既餅店….初頭比佢$4 個既餅皮蛋撻吸引左❤️然後見到佢有個$10嘅牛角包都想買依家出邊嗰啲爛Grand 既餅店/ coffee shop 都要賣廿幾三十蚊…🔥但係當我進入左店入邊兜咗個圈之後….發現咗佢有一個幾有趣又唔係太常見嘅產品

每次嚟呢間麵包店都係買蛋撻同蛋捲！今日嚟到現場食完個蛋撻，諗住返入鋪頭再買個蛋捲嘅時候，咁啱「法式焦糖布丁麵包」出爐，即刻轉軚買返個返屋企試食。食完晚餐，將法式焦糖布丁麵包放入焗爐焗返脆，再同家人一齊分享！將麵包切開時焦糖布甸是流心狀態；單吃焦糖布甸🍮會覺得太甜，但同埋麵包一齊食，就啱啱好！麵包脆，布丁蛋味濃又香甜！正呀～下次再去見到一定會再買嚟食！

大埔舊墟美食都幾多😋今次行過舊墟，見到有平民小食😎蛋撻☺️ 依家市區閒閒地一個蛋撻至少都$7😩估唔到大埔仲有賣得咁平既蛋撻😝見咁平，我都買左成半打曲奇蛋撻俾屋企人食🤤當場拎熱辣辣😋同埋曲奇好香😁咁既價錢抵食👍😋🤤

工作中附近有呢間麵包店，下午茶時間想食少少嘢，黃色招牌，店面唔大，普通麵包店格局！食評話燒餅幾好，門口玻璃櫃入面好多燒餅，入內同阿姐店員講要紅豆燒餅！佢好爽手袋好比我，我入收銀處比錢！綠茶紅豆燒餅（$3）燒餅唔大，紅豆味只剩最後一個，奶黃同花生味仲有！綠色皮煙韌，無乜綠茶味，皮有點脆，雖然細細個，紅豆好多！打得幾滑，唔係好甜！一個剛剛好唔會好膩！店員爽手有笑容！街坊生意！

行去大埔超級城，經過發現大大個抵食綠茶燒餅，佢仲有兩種大眾普通味 - 花生燒餅和紅豆燒餅，全部燒餅係賣$3個咋！！！重點係3蚊個，仲要咁大個，而家點搵啊，即時心心眼，買左綠茶紅豆燒餅和綠茶奶皇燒餅試下。綠茶紅豆入面粒粒紅豆，爆哂豆👍🏻👍🏻👍🏻甜度適中但食完絕對唔會甜到要喪飲水，重點係拎到返屋企個形仲係度，好靚仔😬😬而綠茶奶皇燒....可能奶皇已經醬爆哂係皮中，變得太重手，拎到返屋企就好核突，痴埋哂一舊舊🙈🙈🙈已經唔想影了.....但本人鐘意奶皇多d😚😚重重奶皇味，大滿足！（雖然都係綠茶配紅豆係match d嘅，可能本人有少少奶皇控啦～～）但整體燒餅粉皮厚身左D，綠茶味唔重，要食耐d咀嚼耐d先食到個綠茶味

<芝士撻>-$12芝士撻控👶🏼在此🙋🏻，經過普通麵包舖竟然有葡撻...呀係芝士撻賣？(🙄真係好似丫嘛)，試下先！一如既往都係cream cheese味重啦，但呢個餡做得幾滑，流心效果幾出色😋。最特別係個皮，又似牛油皮但食落酥酥地咁，local麵包店整出黎既芝士撻都唔失禮喎😂👍🏼

係大埔搵食，咁岩就見到有綠茶燒餅😍綠色就梗係即刻買啦綠茶味係食吾到既😎但個餡係吾錯👍🏻👍🏻入面係粒粒紅豆，而非紅豆蓉，食落更有口感😈奶皇餡份量都幾多🙊另外買番屋企叮一叮仲更加好食添

返學無早餐點得呢經過間煒成入去望下先平時都只係會食到平平無奇ge波羅包見到波羅包會有紅豆諗左陣就買左;因為個價錢唔平宜($5.5)個包幾好味,未食到紅豆都比贊啦食到紅豆啦原來係粒粒紅豆唔係紅豆沙紅豆唔會好甜,岩岩好真係無得彈

天朗氣清的一天，晨早已經入到大埔了，早餐之後，再選購乾糧，見到不少街坊在這裡選購麵包。我也揀選了兩樣，分別是雞尾包與雞批。雞尾包，餡料砂糖椰蓉豐滿，加上包面不少的芝麻，包身軟熟，質素頗佳。雞批，外皮屬鬆脆，不夠香口；餡料為雞肉、洋蔥及白汁，味道不覺特別吸引。