煮場中日放題料理 (已結業)

和朋友到觀塘海濱公園，肚子有點餓，就找到這間餐廳，門面整潔，感覺上還不錯。我們分別叫了豚肉拉麵和吉列豬扒配薯條。拉麵 - 湯底冇味，面好硬吉列豬扒 - 豬扒好un，薯條不錯整體上5分滿分，有2分。它的優點是價錢便宜，一個餐30大元正

今次去食，選擇多左好多。飲品方面:黑糖薑茶(罐裝)，味道唔錯，同親自煲既無分別。熱綠茶飲落似水，無綠茶味。今次唔敢飲奶茶，怕拉肚子。食物方面:豬骨拉麵味道普通，但出乎意料咁咸，係極咸。炸物都係咁正，今次多左朱古力棒棒，外軟內包住朱古力漿，味道一流;魚塊年糕，食唔出係魚塊，但口感好正，外面彈牙，入面芝士都好彈牙;蔗蝦好彈牙，但多食會覺咸。吉列蠔食落發現內裡全是綠色物體，即內臟，好濃香，但咁仲叫吉列「蠔」?日式鰻魚炒飯炒得好香，好夠火侯，但好油膩，而且唔係好食到鰻魚，內裡既三文魚反而多，有點莫名其妙。三文魚刺身同帶子刺身最正，好鮮，三文魚肥瘦適中，帶子好鮮甜，象拔蚌好爽但好腥。燒雞翼唔太熟，中間出血。今次醬汁茄子太油膩，冇醬汁。Wasabi芥蘭好正，淡淡既Wasabi味，芥蘭好爽脆。馬拉盞通菜夠惹味，辣辣的，通菜份量夠多，但食到底部好咸。PS:今次整體肉類好咸。食得好滯，但滿有新鮮感，菜式增加左，新款既味道唔錯。今次先發現原來有自助甜品---雪糕。有我鐘意食既紅豆味(有紅豆粒)及芝麻味。

之前一大班人，食這過一次，掛住傾計冇咩點食到野⋯咁岩阿妹話想同阿媽一齊去食放題，但係又唔想去琴旺角咁遠，咁我就提意去呢度LA～因為地點比較近，搭車都方便 一入去，就立即ORDER左我地最愛既刺身！雖然一開始野食上得比較慢，同有漏單，但同店員了解左次後，ORDER既食物即刻好快又齊！贊～另外，刺身我會推介象蛂蚌刺身，好爽口，好好味！平時食放題，好少ORDER壽司，因為一黎快飽，二黎冇咩特別 不過今次同阿妹都ORDER左好多次海膽同炸蝦卷壽司，真係好好味，海膽好鮮味，大滿足！ 炸蝦卷賣相好有心機，蝦都係熱辣辣，贊！另外，佢有D小菜ORDER，推介泰式炒通菜同埋地獄少蜆 好味！不過唔食得辣既朋，就可以ORDER另一個普通既炒蜆，因為都幾辣，哈哈仲有一個想特別推介，因為黎錯ORDER，本身我地又唔食涼瓜，但係又唔想浪費，唯有硬住頭皮食左佢點知食落真係好有驚喜，涼瓜係一片片薄片，放響冰底上面，係一個冷盤小食，入口有一陣好香既麻油味，好爽口，不過因為掛住食，冇影到相 值得一試！平時食放題好少飲到奶茶，好開心，因為我好中意飲，奶茶味道唔錯！今次真係好有驚喜，阿媽同阿妹都大讚，地點近屋企，

見佢開無耐，近近地，就同男友去試下。杯凍奶茶幾好飲，燒翠瓜好juicy，燒蕃薯好sweet。羊鞍燒得香，又嫩滑，但太油。燒海蝦過火了，好孩不過好香。燒菠蘿好juicy,但一件熟一件生，件生好難咬。壽司唔好味，飯太散，肉無味。天婦羅整體都唔錯。炒蜆蜆唔入味。鐵板通菜好入味，但太油，蒜香牛油炒椰菜好惹味，醬煮茄子好惹味。涼拌苦瓜凍凍地，有少少冰塊，有麻油味，放係包左保鮮紙既冰塊碗上，感覺怪怪的，結果用醬煮茄子既醬點黎食，先食得落。燒魚類比較咸同燒得過火，好孩。刺生幾新鮮。後來叫左第二round,但叫左D飯呀，烏冬之類都唔黎，之後唯有叫佢delete order

燒波羅,鮮甜多汁,好開胃燒羊架,少肥糕,鮮嫩肉厚,Yummy串燒雞軟骨雞翼腸仔翠肉瓜燒得剛剛好,入味又香甜壽司都幾新鮮,值得一試~天婦羅炸得好脆好鬆化熱食很好,但放一陣涼了就比較油,要快食~刺身拼盤,都OK新鮮,但款色不多~沙律普通,沙律醬比較多地方都幾寬落,好適合一大班人傾計聚會伙記超級友善,閒時吹下水坐下可以消磨一整晚

叫刺身等左半個鐘都未有．同服務員講等左好耐，最後服務員話唔見我張單，要我寫過．. 叫烏冬比拉麵．咁都算好咸囉! 整體價$唔貴，但食物麻麻．第次一叫嘅剌身比唔哂第二次叫刺身先有蝦豬扒Un 通菜OK壽司麻麻泰式鳳爪冇味沙律唔夠醬台灣腸同奶茶唔錯雞軟骨麻麻