煲煲店 (已搬遷) 新店位置

以煲仔飯為主之食肆，用電爐煮食。點了一煲窩蛋牛肉飯加臘腸。賣相OK，但香味不足。味道也是有型無實，和大排檔用炭爐煮出來的煲仔飯明顯遜一籌。另外，牛肉餅本身無乜鮮味，口感亦唔得，有渣。臘腸亦只是中下價貨式。整體評為不合格。

通常煲仔飯都要三四十蚊,呢度只係二十八蚊,仲有菜同湯或飲品,對於我這個很喜歡煲仔飯的人來說,點都要試一次.我叫咗醎魚肉餅飯,竟然即叫即有,舊醎魚乾到好似瑤柱咁,啲肉餅感覺好假,啲飯都算有啲飯焦.至於碟菜ok,但個湯就稀得滯,好似水咁.一分錢一分貨,二十八蚊有齊菜,肉,湯,唔要求得咁多.

嘩嘩嘩~~~好好味呀~~~!!!!叫左個 窩蛋免治牛肉飯真係好好味呀!!!!28蚊....已經有個煲仔飯 + 一碟菜 + 湯個煲仔飯真係好正正過 廟街果d 多多聲....就咁睇唔會覺得好好味但係一撈混之後再食...真係驚為天人呀!!d 肉同飯都配合得好好!!內裡係軟綿綿的~~d 肉又香~~再加埋少少豉油真係冇得頂佢d 煲仔飯有少少飯焦...我平時都唔係咁鍾意飯焦的....但係呢度又做得好好....唔會話 loan 晒....再講多次...真係好好味呀!!!! 記住係 窩蛋免治牛呀!!!滋味無窮!!!!

要去紅磡辦點事，要食完快D趕番學校。嗱嗱聲响度叫個煲仔飯餐....一個鳳爪排骨再加大大碗豬膶肉丸湯，好飽肚...呢度嘅煲仔飯係用電爐煲嘅，食味差炭爐煲嘅幾班，但都有厚厚嘅一層飯焦。將飲剩嘅湯倒入D飯焦後而食之，味道都算可以....排骨用半肥瘦，總算有D肉食；豉油亦冇嗰D假嘅"甜味"，過得去la；飯煲得偏淰，差D...湯難免有D師傅响度，豬肉丸亦係用交嚟嘅來貨，冇特別，但豬潤卻大大片之餘亦夠新鮮爽口，淥得一D苦味都冇，值得一讚....好飽....

國際都會美食坊，間中都會幫襯，下午近兩點依然幾旺場。呢間仔飯係用電爐，比較清潔生。午市仔飯套餐，有油菜及例湯/凍飲都係$25，但係晚餐冇飲都要$30，午餐幾時都D。叫個鳳爪排骨，鳳爪差到極，直情係霉，但係排骨就幾好。飯身幾軟又唔會太濕，食到最後竟然發覺有飯焦，重係脆，即刻加分。而家要食到飯焦真係唔易，個笑面係比飯焦。

看eason演唱會前跟朋友到這裡吃,我叫了冬菇雞絲粥+腸粉,粥的味道跟出面吃的味精粥差不多,而腸粉就幾好,但佢幫我落大多醬了,下次都係自己落好d~朋友叫了冬菇雞絲米線,都係用個煲裝住,佢話幾好食,湯底落左番茄,應該唔錯!

食煲仔飯一向都知係街邊用碳爐燒燒下好味d, 不過有時怕唔乾淨都唔係太敢試. 一見到有報紙介紹food court 有出名的煲他飯立即走去試下試o左個「窩旦牛肉煲仔飯」, 個時10點幾已經好肚餓. 但係個飯加埋d牛肉直頭係冇味!!! 就算倒o左好多汁都仲係冇味. 係就係見到飯焦, 不過個飯本身唔係太收水仲好濕, 食落去口感麻麻地下次可能試下其他款啦, 始終佢夠衛生~$30 包菜包飲品都幾經濟

見食店個招牌, 還以為是提供沙煲粥的食檔, 但盛粥的器皿原來只是用膠碗裝著而已, 望望粥面, 齋看樣巳不吸引, 那碗粥入口水質感較重, 米粒入口後, 經上顎和舌頭接合後即消失於口腔內似的, 咬下魚球質感不差, 可見到銀白魚皮的同時粉量又不重, 但又不太吃得到鯪魚味道。非繁忙時段落單取食物也出亂子, 服務有待改善

今天再和爸爸來翻食. 今次試豉椒排骨煲仔飯, 飯仍然有飯焦! 這次更多, 不錯!!! 不過排骨幾肥....@-@註: 理大學生和理大員工全日減3元.Sorry 上次沒評分, 請只計這次的分.

今天和爸爸來food court 吃飯, 因為想吃飯焦,所以我們點了冬菇滑雞煲仔飯+油菜+老火湯($29).老火湯一般,沒有下太多味精. 煲仔飯有飯焦, 可惜豉油不夠甜... service 不錯.

試過腸粉牛腩煲18蚊腸粉唔入味,牛腩好un