燒味海南雞

营业中

休息中

Aeon入面有個food court 當日咁岩6點前叫到個下午茶食可惜燒鴨已經賣哂🥲每個粉都配一杯中國茶🫖不過有點苦 我不太喜歡海南雞米粉 ($39)以為下午茶應該會好細份黎到都幾大份 d雞都多仲真係有哂個三款醬😯雞有雞翼同雞胸 唔會好鞋正正常常 個米粉就冇咩味配d醬食就岩岩好👌🏼手撕雞米粉 ($39)手撕雞份量都多 涼涼地幾好食個味道都夠 唔夠可以點葱油醬米粉就同以上一樣～整體平平哋又一餐都唔錯

當日自己放工，覺得想對自己好啲於是選擇這間餐廳。他們的四寶飯非常馳名。我於是去試下。首先他們的叉燒， 精選優質梅頭，而且採用新鮮木瓜蓉醃製，而木瓜天然的酵素，竟然能帶出肉質的鮮味及鬆軟。他們的叉燒也是我近幾年吃過最好食。而我同侍應生講一定要瘦叉燒，這是由於我要求比較高，叉燒沒有一嚿肥肉。另外他們的燒鵝非常美味，他們的燒鵝保留燒鵝的原味及肉汁，火喉十足。燒肉嘅皮很脆。比去深井食更好食。

打工仔好忙⋯ 一日忙到黑，夜晚仲要返學。食晏無得食好野，唯有食飽點啦。本來打算係aeon 買飯，求求其其返去做野。但我見到好多雞脾⋯ 好大隻雞脾，好黃好香薑飯⋯ 忍不住啦海南雞脾飯隻雞脾好肉大隻，仲有兩味醬，大大碗飯，好香，有雞油同薑味，我成碗食哂。

上回講到放假最好就係食嘢，特別屋企附近四圍食，而今次就去咗一間專食海南雞飯的。對比其他餐廳，佢明顯會比較少人，可能其他個款式、賣相吸引啲，但其實呢間味道都唔錯。同埋飯麵類都比其他餐廳便宜。海南雞飯配有油飯、中湯同一碟海南雞，先講中湯你唔會覺得有太多味精，少湯水嘅我真係岩哂，而油飯就差咗少少，因為佢無油香只係好似普通白飯，而海南雞份量都算多而且滑溜，整體可以話非常抵食。