燒肉LIKE (新都廣場)

营业中

休息中

今日試呢個lunch set既一人燒肉套餐，望落好似好簡單好少，但其實食落都已經好夠飽。啲牛肉質都幾好，唔會太肥亦唔會韌一開始食時都係不斷點醬汁食，後來發覺係燒緊既當中加鹽同黑椒燒起上嚟原汁原味都已經好好食套餐仲跟一個前菜沙律同埋一個湯

平時啲食物質素已經係馬馬虎虎。今次去食竟然擅自更改客人嘅餐點，又唔事先通知。到我詢問嘅時候先話：咁你宜家要唔要？唔要就同你取消。簡直係浪費食物 + 浪費大家時間。作為連鎖食店，員工訓練都得咁差。咁嘅食肆建議盡早結業減少虧蝕。

職員態度（肥仔）差到 …. 燒到一半 太多黑色粒粒 問職員可唔可以換網 佢話:唔得wo 公司得返一箱網 要用到下禮拜一 疫情關係 我明 但重要黑人面唔知為乜 問下啫 唔得咪唔得 又黑面咁講野囉 真係好影響人心情加食慾 咁既態度點留客？ 肥仔服務態度又差講野又冇禮貌 一間舖食野 除左睇野食 職員態度都好重要 唔係叫你當我係皇帝既服侍 係講緊講野既基本態度同尊重 其他員工就好好 起碼肯幫手諗下辦法 對比果位肥仔 天同地 希望呢間公司train下職員對人既基本態度

因為疫情影響,晚市無堂食, 試下買佢個外賣便當試下.在Openrice apps 點咗一個牛肉便當餐. 跟餐有麻油海帶湯, 白飯, 蒜香醬油.Open rice Apps使用方法簡單, 比指定時間前早去到已經有得攞. So far so good.不過去到攞餐嗰陣問店員想換返原味醬油, 被店員一口斷然拒絕 “個餐只給呢隻醬油”一般喺呢間堂食食開有多種醬油可選擇, 宜家外賣就無得揀.就算好好聲問店員,店員都唔畀換.其實見到當場都唔忙(已過六點), 見到只有一兩個做好咗嘅外賣餐在枱上等人攞.店員都唔肯變通下換個醬油唉...真失望

如題一樣啦，就係差。真心差好心唔好拎人地個名但又冇人地既質素啦服務又差，肉既分量又少，肉既質數又差調味又唔得連衛生都唔得啊死唔死，得個樣同得個名我去日本食過嫁，呢間掛名既完全唔係個回事😪

價錢有平有貴 平有豬有雞 意為唔錯 點知雞切得好細粒 燒燒下會掉落下面爐底 終於明白點解未燒個爐底已經好多致癌物 但又唔會清洗一個燒完下一個 累積致癌物比下手食晚餐感覺會係想慢性自殺咁 有小朋友就最好唔好帶佢黎食 但叫貴既質素又唔覺得值 同普通韓燒質素差不多 但價錢一份就可以普通韓燒任食 最重要留意既一點係一定要電子消費 不接受現金 入座後先知第一次遇拒收現金食店 法定貨幣都可以唔接受 大約2點食 但見燒爐底已經好多黑色致癌物 唔知對上面燒肉有冇影響 但見到唔開胃 感覺只係掛日式牌頭黎吸引人食 同埋明明係食沙律 點解變左油浸沙律菜唔係差到咁呀 最正常係白飯同面豉湯 比幾十至百幾蚊食 我寧願食明將壽司好過 佢管理層到底有冇試過先賣出街 要環境無環境 要服務無服務 要美食變劣食 淨係掛個日式燒肉模式 真係一次夠哂

燒肉Like終於開到黎上水啦，一直都知道好難拎飛，同埋有技巧先拎到飛，如果唔係就好等好耐，或者食唔到。趁收工時間，約埋阿妹放學一齊去試下，真係平靚正😍。店鋪雖然唔算大，但係位置都算多，每個座位都會有屬於自己嘅燒爐。👍🏻我地分別叫左200g牛小排&牛板腱套餐🥩 同埋250gLike套餐🐂 加配迷你沙拉🥗。每樣嘅份量適中，連白飯🍚都可以選擇份量，真係好貼心🥰。另外，餐廳仲提供左多款嘅醬料🧂配搭燒肉，個人較喜歡原味BBQ醬🍢同埋蒜香醬油🧄。越食越覺得份量其實十分足夠，因為後期已經好飽。性價比極高嘅燒肉店，難怪永遠都咁多人等位。以後上水人又多個選擇啦🤩。

晚餐唔知食乜之是但一間，叫到最高級既和牛都係百幾蚊，唔貴但味道上就非常一般，d 肉完全無牛味，只係覺得，一口無油香既油，食左一次，唔會再去第二次，我寧願食大家樂扒餐

叫咗牛小扒牛板腱同埋三部合奏套餐二人share食， 可選大份或細份餐 ，兩個價錢。 我哋兩份都係大份餐， 我覺得都夠食。牛小扒牛板腱呢set嘅牛肉都ok，我感覺用黑椒同鹽係最好味。 其他蒜蓉豉油同bbq豉油都係偏甜，可能啱日本人但唔係幾啱我。另一set三部合奏就係雞，豬頸肉同牛五花。 豬頸肉ok，雞都ok，但係切得太細粒，係雞粒唔係雞件，唔啱燒烤；牛五花就太肥啦。侍應都有禮 又helpful， 食就普普通通，但可以玩下燒烤都幾得意嘅，如果 lunch 一個人燒烤下都幾有新意吖，不過如果晚飯同friend食我就覺得揀其他食肆好啲 食物多選擇啲又可以坐耐啲。

7點未到 去到門口諗住拎飛啦跟住見到話停止拎飛點知個店員話要叫哂拎咗飛嘅客人入座先再派飛 我已經打個突之後成村人圍住個門口呆等佢開返個system再叫飛果陣又有無數人過咗籌返黎竟然又可以無上限補返飛俾佢地入座先未見過有食肆嘅安排可以差到咁🤡

每日經過都好多人排隊，夜晚8點前最後入席，之前2晚都攞唔到飛，今日放假專程過去試一試，我地下午3點左右到，等咗1個鐘左右到我地。D牛好一般，仲要勁多醃料，大家都知多醃料意味乜嘢，嗌咗2個餐，都係200g，份量好少，得嗰幾片，埋單＄246，自己唔會去第二次。