燒肉LIKE (奧海城二期)

营业中

休息中

今晚同朋友去食1人燒肉，我地order左人氣like套餐250g配迷你沙律、白飯🍚200g、加$8要埋溫泉玉子🥚、加$10可樂，成個餐$160，另外再order左牛五花🐂&豬腩肉🐖套餐200g配迷你沙律、白飯🍚200g、加溫泉玉子$8再加多支津路茶$12，成個餐$100，5花腩同牛舌勁淋超好味😋(記得5好燒得太熟)、豬腩🐖就比較靭，比牛🐂較為遜色，所以下次都5會再order豬腩😅，座位都算坐得舒適

知道你限時得六十分鐘，都唔洗未食晒就係咁收人野仲要唔好意思都唔講返句其他職員都好無禮貌，美心集團好少咁其他分店都無咁差食物水準keep到但食之前考慮吓去其他分店奧海城呢間永不錄用

服務及態度極差，由其是奧海城分店企門口的男服務員。真的要好好教育他。價錢雖然平，但不可以當顧客是乞兒。最好不要幫襯，因為俾啲服務員當乞兒咁對待，非常難受。奉勸各位小心。食品雖然好，但服務態度差，食嘢好似係背脊骨落。希望公司管理層好好教育服務員的服務水平。長此下去，其他同類型餐廳也很容易趕上，顧客的眼光是雪亮的，如沒有改進好的話，生意可能被同行趕上，－點兒也不出奇。其他被服務員不禮貌對待的，如果不說出來，他們也藏在心中，也會傳給其他顧客知道。

我明白入座前講明60分鐘。OK 我接受，但駛唔駛40分鐘就提我地用餐時間係60分鐘， 45分鐘又提我一次， 50分鐘嗰陣再提。 比人係咁催要快啲食完走人。第一次試亦都冇下次。

一個人食燒肉‼️無問題‼️主打一人燒肉套餐嘅東京過江龍燒肉LIKE嚟咗香港之後，分店越開越多，無論香港/九龍或者新界，都可以見到佢嘅蹤影，就連大圍最新mall圍方The Wai都有呢😝燒肉控嘅我見呢排推出咗最新嘅期間限定，忍唔住又去食返餐🥩黑毛和牛前胸肉套餐－油脂分布平均，望落去都好靚仔🤤食落去肉質軟稔得嚟有彈性，口感唔錯，一路咬啲肉汁一路咇出嚟，濃郁牛味喺口腔爆發，大推呢款🙌🏻店員介紹所用嘅日本黑毛和牛都係嚴選，而前胸呢個位置運動量亦較多，所以相對其他部位更有口感🐂另外一個期間限定係明太子紫菜飯，好可惜當日去到已經售罄，好想試吓脆脆嘅紫菜同帶少少辣嘅明太子加埋一齊，相信無論味道同口感都會好有層次。所以呢兩款期間限定大家都要快啲去試吓喇🤗朋友叫咗日本產和牛肩胛肉&牛板腱套餐，仲追加咗100g牛五花share，都好juicy好好味😋 套餐會跟埋飯+湯+泡菜或迷你沙律🥗我哋都升級咗月見紫菜飯，正啊😆另外想講我都好鍾意呢度嘅環境乾淨舒適，所用嘅無煙烤爐唔會搞到煙霧瀰漫油冧冧，食完都唔怕身上有油煙味呢👍🏻

我最近去了一家叫做燒肉的餐廳，他們的燒肉真是太好吃了！他們提供了各種口味的肉類選擇，我特別喜歡他們的牛花腩、豬五花和雞肉。牛花腩肉質嫩滑多汁，入口即化，帶有濃郁的牛肉風味，真是美味極了。豬五花肉則肥瘦相間，口感豐富，香氣四溢，每口咬下都讓人陶醉其中。而他們的雞肉則經過特殊處理，肉質鮮嫩，口感細膩，搭配各種調味料更是美味無比。餐廳的服務也非常出色，服務員態度親切有禮，快速為我們提供服務。此外，餐廳的環境非常舒適，氛圍愉悅，讓我們在享受美食的同時也感到輕鬆愉快。總的來說，我對校長燒肉的食物和服務都非常滿意，我肯定會再次光顧這家餐廳。如果您喜歡燒肉，我強烈推薦您去嚐嚐燒肉的美食！

今次去到呢間近期興起既一人燒肉店，我地今次就兩個人食，個坐位同爐都唔算大，佢地呢間鋪既特色係所有野都自助，醬汁到餐具到落單比錢都係要自己搞掂，佢地係有紙巾提供，所以又係加分時間😆以下係注意事項‼️⚠️ 呢間鋪係唔收現金，一定要電子支付，係自己枱度scan QR code電話落單同埋比錢，相關既支付方式都會圖中見到我地叫左兩份餐，壽喜燒牛小排&牛五花套餐200g（$142），佢地跟餐既白飯大中小都係同價👍 單點就會唔同價，呢個餐我比較岩我食，肉相對有油脂，餸飯一流😋另一份就係牛舌&牛板腱&橫膈膜肉套餐250g（$165），呢個餐就肉味重d，肉質就會相對韌d，兩個餐其實都ok，預佢係放題質素既肉咁，都唔錯😛以呢個價錢食到燒肉都真係抵，個餐亦都飽，不過佢地既醬汁味好淡，同埋個爐既邊位係燒唔到，而換網亦都只可以換一次，用餐時間就限時60分鐘‼️‼️

方便快捷 一個人都可以輕鬆食到好食燒肉～自己一個黎嘅話仲有自閉位👍🏻雖然話快餐店 燒肉質素不普通有驚喜.一個牛肉set都係52蚊 一啲壓力都冇肉係有醃過的 配上檯多種醬汁輕輕鬆鬆過下癮❤️

一人燒肉🥩🔥冇得比現金用QR code落單直接電子交易可以用Payme付款全程好自助但唔收加一都好有人送餐都算抵食選了200g中size飯下次可選300g大size飯肉選了100g未夠喉150g/200g會好啲今次試了壽喜燒牛排、牛五花牛好香 都有醃味餐廳都有好多樽醬油唔食牛都有豬、雞可以揀套餐除了肉、飯，仲有蛋（可揀生蛋/溫泉蛋）、泡菜/沙律、湯，其實都幾豐富，幾抵冇喺呢間加野飲～Happy Friday~ 🫶🏻🥩🔥

之前去咗一次，系統同Alipay 比完錢出唔返張單，今次再用Alipay終於出到單啦⋯⋯但阿姐仍然黑口黑面，都係唔跟單亂上菜所有嘢就咁掉上檯,問佢係咩餐就話唔知，叫你自己睇。明明落單A餐跟生菜，上檯時碟菜就去咗C餐到。你同佢講，佢就好晦氣地答話你哋同檯，自己交換返囉今次碗飯專登試吓叫300g, 上次叫200g同呢碗比較係少一半，裝飯個位真係亂嚟咁反正都係自助落單同埋單，佢只係上菜同執檯都做得咁求其，仲要全程黑晒塊面。不如自助攞埋餐，炒埋佢咪得囉。真係食譚仔好過，最少開開心心有得笑下先。

食開信德分店，有冰水有濕紙巾。講真食燒肉飲冰水係常識，去日本或者韓國旅行都慣咗有。奧海城呢間竟．然．冇．．．冇冰水冇冰水冇冰水重要事情講3次除咗咁同埋碗碟洗唔乾淨，其它正常。報告完畢。

我覺得不錯的燒肉店！上菜快，經理細心聆聽客人的要求👍🏻👍🏻講解又詳細😝😝😝我覺得間間燒肉店都差不多，我覺得咩價錢就有咩嘅產品，都好正常！😂😂😂手機點餐又方便👍🏻👍🏻👍🏻價錢合理😊😊😊肉方便尚且可以😊😊有雞，豬，牛，算係甘飯好食，蛋好食❤️之前有蕃薯仔叫，最啱我！❤️❤️我又覺得一個人去食或一大班人去食都可以，我覺得幾好😜😜😜我都會再去，介紹下其他朋友！

門口個靚女話嗰部派籌機派完70張飛就喂唔可以Walk in佢話驚自己做唔晒個70張飛，所以佢7:30就截龍，而且唔俾你訂位。想問個70張飛嘅人係一定會去晒嗰度食？點解唔可以繼續派飛比人哋排？7:30派70張飛都覺得做唔晒咁呢間鋪嘅能力都係有啲問題

上星期六下午去食，全程自助，手機落單。當日用Alipay比錢，叫咗買四個餐。但比完錢個系統唔識返回餐廳系統，自行返去safari, 揀咗最底選項我已付款，返回查看訂單。點知系統仍然猛話我未比錢。我未比錢侍應又點會上餐呢？好啦，上餐時發現d飯比錯晒，溫泉蛋變晒生蛋都算。同侍應講，佢就求其係我哋張檯是旦拎張上菜單，然後仲猛話啱。但係系統仲係未出得返我張單。搞到同佢口同鼻拗。終於上晒餐，我哋兌返，飯上錯咗兩個餐，汽水又比漏咗。其實上錯好少事，但最攪笑侍應亂拎張單兌完仲話無出錯。攪到飯出少咗，但已經唔想勞氣啦⋯⋯我哋額外比錢另加多碗飯。明明叫咗一碗150g、一碗200g。 但本身碗飯就好明顯比唔夠，有咩可能150g都係得半碗飯。佢仲要將我哋200g碗飯，整錯左生蛋飯。咁屋企人唔食,要換返白飯。 佢就係另一個餐盤到拎張150g嘅單話係出錯個個餐，就咁換返碗150g嘅飯就算完全亂嚟！

今日想嚐一嚐這間Yakiniku like日式燒肉店，過去曾經試過幾次長沙灣另一間類似的日式燒肉店。就菜單而言就比較多啲選項，例如宮崎牛肩胛肉。味道也不錯，但問題是我要等三十分鐘佢先出到餐。我和同行人大約12:05下單，對方都要等十幾分鐘先有餐，而我等咗廿幾分鐘都未有單。問一問店員就話沒咗張單。呢間Yakiniku Like 係手機落單即時付款，我俾咗錢，你仲同我掉單！！！追完單又仲要等十幾分鐘先有餐，啲野全部都應該只是放碟的食物，沒野係需要加熱的。我哋12:00入去其實是未有很多人的，係等到人開始多，即十幾分鐘之後我同行人的餐才到。所以佢出餐需時同人數係完全沒關的。另外，坐在我哋隔離枱的一家人好似叫了三個餐三個都係要紫菜飯但三個餐都沒出到紫菜飯，連續三次！！！仲要同我類似出咗一個餐另外兩個就唔知去咗邊。佢哋換第一個飯的時候又係搞咗十幾分鐘，係嗰位媽媽再摧多次才立刻換俾佢。究竟嗰10幾分鐘究竟是在做什麼？好老實講，究竟呢間舖係做乜嘢？處理任何事情都要10幾分鐘，仲要可以漏單，去到周圍都嚟齊嘢都未嚟到我啲嘢，有啲後到餐廳的人仲早過我哋上餐。明顯令人不想再嚟光顧！！！