燒肉LIKE (新城市廣場一期)

营业中

休息中

與朋友相約喺新城市廣場等之際，突然諗起嗰度有我一直好想食嘅燒肉Like，所以到步後就急急腳去拎飛。果然，有好多人等候入座進食，當時已經叫到170幾號，但我手上係290號。好在店員叫得快，成個等候過程只需時30分鐘就能夠入座。入座後自己用手機掃QR code落單，落單成功後直接付款，無需接觸員工付款。Like套餐-超值套餐（性價比高👍🏻）雙重滋味（牛五花&豬五花腩200g) $78-套餐包括飯、湯、泡菜/沙律，另外加$15飯升級為紫菜飯150g+溫泉蛋🥚，再追加$12生菜🥬-將燒好嘅肉（可加泡菜）沾上韓國辣椒醬&蒜香醬油放上生菜，包住放入口，肉汁喺口內散發，味道簡直一流👍🏻。-牛五花同豬五花腩切得薄身，油脂分布平均，放落爐大概燒3-4分鐘就熟，口感鮮嫩柔軟。-名副其實有得食又有得玩嘅一人燒肉。👍🏻⚠️無加一收費⚠️手機支援付款程式有：支付寶、信用卡、Apple Pay、Google pay、payme、八達通app

❇️牛小排·牛板腱套餐(200g)$145牛小排🥩呢個價錢嘅質素係有驚喜✌🏻肥瘦適中 肉質滑嫩 多油花 燒完都唔會覺得韌 送飯一流👏🏻而牛板腱🥩就大大塊 較薄身 脂肪比例小 肉味較濃😉❇️牛五花套餐(300g)$108睇落去好似肥牛🙊脂肪組織比較多 油花味最重 燒完食落口又唔會覺得成口油 性價比相當高👅每個套餐都有配菜🥗同白飯跟🍚有150g 200g 300g 三個選擇 而個湯就有小小油🍴加$10有罐可樂🥤同$12 有樽茶☕️醬油方面🧂有好多選擇 分別有原味BBQ醬 蒜香醬油 鹽味醬 辣味噌醬 韓式辣醬 胡麻醬 海鹽同黑胡椒☺️個人覺得海鹽加黑胡椒係最好食 蒜香醬油都唔錯 🔍用膳一個鐘 全程自己掃code下單 再用電子貨幣直接付款 非常方便 整體CP值高 係不錯嘅燒肉體驗✅質素冇令人失望🎉🎉🎉

我生日 同屋企人一齊去食呢間 燒肉店後啲嘢食好快上啲嘢食都好好味 而且啲米飯好 軟淋淋 好似棉花咁 軟淋淋個湯都好 熱辣辣 燒肉都好好食推介大家生日可以嚟呢間度慶祝 你哋可以自己去食下 然後去寫食評

🕰平日無論午市或晚市時段，這家都經常有好多後生仔女等位。今日難得早放工，一個平日的晚上6:00，新鴻基app內已暫停取票，唯有親身嚟到這店walkin，等了40分鐘20個號碼。🪑大部分為4人枱，每枱兩個爐。亦有1-2人的自修位，二人一爐。餐具收於桌下的抽屜內。要人齊才入得，入座起計時 60?90?分鐘，唔記得，只記得餐廳播住快歌，個心覺得好趕。😂📝1. 嘟QRcode自助點單2. 線上電子付款3. 完成後廚房才會收到單。🫙桌上放部著各種醬汁和調味料，我個人口味就幾中意蒜香醬油。每片燒完的肉，輕輕點少少醬油，完美！🥢🥢🥢🥢🥢🥢🥢🥢🥢<Like套餐 $135/250g> （牛舌、牛五花、橫膈膜肉）👉🏻結合三款港人最愛幾片薄薄的牛舌，燒一陣就出油了。橫膈膜肉的肉色較深，亦切得較厚牛味都會濃啲。<牛五花套餐 $108/300g> 👉🏻肥美！較相宜的價錢！燒的牛肉比打邊爐的牛厚好多，肉味都幾足，性價比十分滿意！！👍🏻👍🏻每片牛五花都會癡住啲肥皂，爐是熱管，可以平均地熱燒牛肉，當熱+油，就有機會起火舌 😂（我就到尾聲，牛五花覺油不斷滴到爐灶，所以有啲火光）<

每次去都咁多人攞飛仔，可能食慣沙田這間啦😂食完可以行下消化吓🤭第一次去等咗三個鐘呀🙄先有得食真痴線囉🧐第二次去都要等個半鐘😯無可厚非食牛喺好多人都鐘意食，一人一爐非常好合乎衛生要求😘想食燒肉就會想起這間囉🤭加上牛份量都差👍色澤睇落去唔會瘀黑囉🤭而且人流多，食材去得快😋一定要有碗飯去食👍👍👍

依間日本過江龍嘅燒肉店一早已經想試好耐，主打一人一爐無煙燒肉，《美味快捷超值》，咁啱嗰日行開沙田經過就決定要試試平日中午都要等個半鐘左右，果然人氣十足，果次我同友人分別點左一份Like套餐同一份牛小排&牛板腱套餐，等左咁耐果然冇令人失望，價錢相當性價比高全部套餐都有白飯，泡菜，麵豉湯，牛肉好高質，食落又香又Juicy好香肉既油脂味，餐廳提供好幾款醬汁可以揀，我個人覺得辣豆瓣醬最配燒肉，太好食嘅關係，我地另外叫左份和牛扒試下，厚身大塊分量十足，和牛扒入口即溶，推介必試

一個人食飯的選擇比較少，而燒肉LIKE 正好解決咗我既難題，餐廳的座位是一人一燒爐，非常衛生，自己一個人食燒肉都唔會覺得尷尬。而且價錢100蚊有找，喺大型商場來講算是很抵，而且肉質很新鮮，烤爐的架亦不會癡底，薄薄的牛肉，配上珍珠飯粒，性價比極高👍🏻

沙田開咗哩間日本過江龍，我同朋友都慕名而來，試下哩間一人燒肉。嗰日我哋午市時間去食，午餐時間都幾多人，我哋等咗差唔多一個鐘。我哋係等嘅時候梗係打開餐牌諗定食邊一個餐先啦，我哋都不約而同揀咗Like套餐，有齊牛五花、牛舌同埋橫隔膜肉。當我哋入座，我見到餐枱上有6種唔同嘅醬，又有黑椒同海鹽，隨時可以轉下口味。而上枱速度都十分之快，電話📱落單之後過咗一陣就嚟咗飯、湯同配菜 (雖然哩啲都唔算得上啲乜，𢳂飯、裝湯要幾耐，但係對肚餓嘅人嚟講，都幾恩惠㗎) 無耐，肉都嚟埋啦。牛五花當然係燒肉入面嘅標準配置，有肉味又有油味。除此之外，牛橫隔膜肉都值得一讚，佢充滿肉味，唔輸俾牛五花，但係唔鍾意厚肉嘅就可能唔好點哩一道，因為佢要咬好耐。至於牛舌就略嫌唔夠厚，燒完縮咗好多，牛舌咁都正常嘅，不過食落就無咗份口感。記得帶卡、八達通或者其他電子付款工具呀，因為我當日去食係唔收現金㗎 (唔知係咪間間分店都係咁🧐)

日本燒肉LIKE ：一人燒肉店虎年第一燒就貢獻左比呢度喇😙之前食過好多次抵食🤙🏻上菜快🤙🏻新鮮🤙🏻唯一問題係等位難預時間，超多人排隊食😌🔹壽喜燒牛五花套餐 $52抵抵抵！有湯有蛋有泡菜有飯有肉分分鐘出面食茶餐廳仲貴～😏肉用壽喜燒汁醃好，烤出嚟甜甜哋🤭😋🔹牛小排牛橫隔膜套餐 $92肉靚啲自然貴啲☺️但一分錢一分貨食落係有分別🥰🔹LIKE芝士咖哩 +$12有少少印度咖哩感覺，香料味濃有啲苦苦地咁，次次都必點送飯good good👅不過碗紫菜湯就真係味精湯😌📍燒肉LIKE 沙田不過而家分店愈開愈多，通常都係開喺大商場入面

之前想試新野，見apps可以拎票就覺得實食到，原來佢籌滿就會唔比你拎😂今日特登早啲即場拎票，都見到有好多人係出面等⋯所以想食嘅朋友一定要預時間排隊，我嘅記錄係45分鐘牛小排&牛板腱套餐 200g $128男友大大叫左個大份200g, 大概有14塊牛，質素係不錯的，不過牛小排太薄一燒過龍就”hi”，牛板腱會更有肉汁同油脂香👍🏻佢嘅紫菜湯同沙律味道都ok，但就偏鹹要撈飯食😂和牛扒套餐 120g $158和牛都有薄薄一塊比你，不過顏色同平時超市買嘅貴價野當然有啲分別，唔會有好新鮮嘅鮮紅色，味道上當真食唔出有咩特別，牛板腱仲好食過佢😂總結：如果有一個純牛板腱嘅套餐，下次一定要佢！仲有一讚係佢有好多款豉油比你選擇，我同男友就一致用蒜香味+黑椒+鹽，唔知你又鐘意邊個combination 呢？評分（5⭐️為最高）：環境：⭐️⭐️⭐️服務：⭐️⭐️⭐️食物：⭐️⭐️⭐️⭐️價錢：⭐️⭐️⭐️⭐️

Black list 啦 叫完個號碼原來唔係到你得個叫字🤢 吹漲 問個staff 點解叫番成十個號碼前既number, 佢仲好串咁講：哦係呀，叫下你睇下係唔係度，個電子Mon number係叫嫁ja. 你幾號呀？我叫埋去你個號碼，幫你mark低你係度等緊呀🤡🤡嘩多謝晒wor 咁既服務叫完仲要等成半個鐘有多 百幾蚊唔覺得好食得去邊🤢你食埋我果份啦 服務態度又差 淨係行黎行去d staff 🤢

因為近日疫情關係 六點後只有外賣呢間平時堂食都唔錯 咪諗住試吓外賣囉 諗住拎去公園同條女開餐點知去到公園 一打開個袋嚇咗一跳冇餐具嘅 同條女望住盒飯呆左睇嚟要分手啦 點算呀

今日去完車公廟還神，就搭一個站過嚟新城市廣場行下街喇～呢度真係好多人來來往往，港島人表示不太習慣😂銅鑼灣都冇咁多人🤣行行吓六點幾有少少肚餓經過呢間燒肉店見好多人等緊位，咁我又唔執輸撳吓飛先😂上網見啲食評都唔錯就等吓啦行住街等😁點知等下等下已經到八點幾先入得，太攰了🥲好彩質素都唔差同連鎖店X角有得揮，用餐的1小時有啲少，兩個人晚餐都只係兩百令蚊～不過呢個價錢食到咁多嘢，飽住走都幾滿足嘅😋

位於沙田站沙田新城市廣場上邊的「燒肉like」，長期都係好多人等位，要食真係要提早好多拎定位，同埋有限時間食，用手機自己落單夠方便，店內係日式燒肉店裝修風格，平均百幾蚊一set唔算太貴，不過嘢飲係另計。我哋三人去食午餐，一共食咗五百幾蚊 。 燒肉質素不過不失，每枱有大量醬汁可自行選配點燒肉，食物份量都正常，唔係太多亦唔係太少，白飯可以自選大中小份量，呢樣幾好幾貼心，不過服務態度有啲問題，未食夠一個鐘已經吹人走，但係加咗單燒肉仲未嚟！

店員提早比定下單紙,仲要企門口等幾分鐘先可入座,ok,呢個都唔係問題.三個人三個餐,大女食得比較快一點收走佢個餐,可以理解.之後到時間還剩餘20幾分鐘再嚟收兩個碗剩餘15分鐘再嚟收兩個碟剩餘10分鐘第一個店員同我講,時間仲有5分鐘我指住下單紙時間,應該仲有10分鐘喎佢話再check一check之後行過嚟冇禮貌同我講,咁你跟返張單時間啦…!我心諗咩料呀？唔係一向跟單時間嘅咩,我作出嚟架?到仲有3分鐘時間再嚟另一個話小姐已經夠鐘要交枱我話我已經睇緊order紙同我時間對緊仲有三分鐘之後經理仲要話係跟佢出面電腦佢地都係打份工,習慣係要提客人姐我都知,但係比著係係客人遇著咁樣催促法你會點呀？我唔係三個人食一個餐囉小朋友食得慢少少又未夠鐘嘅大前提之下係咪要咁樣催個客呀？到我行到出去比錢正正是下單紙時間但唔好忘記,我拎下單紙時仲要喺門口等多一陣先可以入座架三個人食四百蚊,品嘗到嘅唔係燒肉嘅味道而係品嘗到一肚氣