燒肉LIKE (黃大仙中心南館)

营业中

休息中

今晚試吓一個人嚟食燒肉，近期行過都已經好想試未夠七點唔洗等位已經入座，自己掃碼落單，叫咗個牛五花套餐再加豬五花腩有飯有湯有沙律🥗好豐盛，一人食自己燒滿足，肉質都唔錯，如果份量再多少少就好😄

今日趁還未開學同阿仔去逛街丶食吓嘢。係黃大仙見到燒肉like，就抱住試吓的心情食飯。首先講吓佢哋的服務態度非常好，好細心推介食品，我哋點咗套餐，肉質鮮嫩，多汁，……，抵食，下次帶埋老公一齊嚟食。

🥓🍱🍳$48一人燒肉定食▫️QR code落單後，要即時用電子支付付款，不收現金，免加一▫️堂食限時60分鐘▫️燒肉定食已包括前菜、白飯、湯✨ 牛五花＆豬五花腩套餐100g -$48☑️牛五花 & 豬五花腩🥓呢個100g份量只有3塊牛同2塊豬，但成個set加埋先$48，算係甘，呢幾塊肉都好食，唔會好肥，亦吾會一夾一反就散。而且呢到提供左多款醬汁、鹽及胡椒，想點調味都得，用汁撈飯亦得。個人最喜歡蒜香醬油，點肉撈飯都惹味。☑️昆布芝麻湯🥣呢個湯好香芝麻味，昆布較少，有少少鹹。☑️迷你沙律🥗有沙律菜同青瓜片，都好新鮮爽口，搭配左酸嘅沙律汁，清新解膩，吾要沙律嘅可以選泡菜。☑️白飯🍚用上珍珠米，煮得剛好，飯量有大(300g)、中(200g)、小(150g)可以選，都吾洗加錢，亦都可以加錢轉木魚絲紫菜飯+溫泉蛋/生蛋。

300g牛五花一碟，入面3/4都係肥膏，我叫五花唔係叫牛油，其實見到咁都唔應該照比客食，因為我見到隔離枱叫一樣既牛五花，相當正常，我覺得係隨機比既，不過出菜既應該要過濾一下啲牛油會唔會太過份。180g西冷牛扒，好濃牛味，好好食。比多$10有個餐，有湯，飯，泡菜或沙律，個湯超級油，完全係飲唔到，其他野正常，加$10到就有，我見個個都有加。飲品要另加錢，應該都係必加，因為要兩杯水，到走個時都無比你，食燒肉無野飲好辛苦。總結間店食燒肉黎講算平價，但係就一分錢一分貨，限時60分鐘，有少少趕，不過環境麻麻，唔會坐得耐，啱一個人突然自己一個都好想食燒肉，唔啱拍拖或者同朋友。

「燒肉LIKE」係日本東京嘅一人燒肉專門店，之前食過覺得呢個價錢同份量嚟講CP值都幾高😌⚡️日本產雞頸肉配炭燒汁套餐 $158（300g）見到呢個餐係新出嘅，有齊雞牛豬（日本產雞頸肉、牛小排、豬五花腩）唔使煩惱食邊樣😝 第一次見雞頸肉，食落彈牙，燒5-7分鐘直到金黃色有炭燒香，點埋炭燒汁更惹味，好香🔥 同埋原來一隻雞只有一片頸肉😳 好稀有！牛肉同五花腩切到薄身，好快就熟😋⚡️鮑魚套餐 $108（100g）呢個餐就有鮑魚（2隻）、牛五花同牛板腱，肉質軟稔唔會韌😌 鮑魚都唔使燒好耐就熟👍🏻 另外加咗$15要個細紫菜飯+溫泉蛋，好味🤤⚡️雪碧 $10餐廳採用咗無煙烤爐，除煙效果唔錯，唔會食到成身油煙味😆

Lunch一個人走去食，諗住之前食過銅鑼灣分店，呢間分店應該唔會差得去邊，入到去客得3,4個，店員都係安排我去一個佢地認為清潔好的位，一望個爐污糟到乜甘，好在個網新換既甘就算啦，之後自己用手機落order，本身都係食開普通牛五花300g餐，啲牛黎到先精彩，成碟碎牛，望落去似放左好耐，又似啲合成肉，直頭夾起身都好困難，一燒就支離破碎痴住個網，基本燒完都冇肉入到個口，呢間分店真係冇下次。。。。。。。。。

來自日本東京嘅一人燒肉專門店「燒肉 LIKE」 最近已經喺大埔新達廣場同黃大仙中心開咗全新嘅分店，聽講之後仲會喺大圍圍方開添🥳，店舖內無煙烤爐採用先進除煙技術，令大家可以無懼油煙，唔怪得食完都唔會食到全身都係燒肉味啦👍🏻👍🏻由即日起到8 月 1 日有個期間限定「日本產雞頸肉配炭燒汁套餐」，入面包括有日本產雞頸肉、牛小排、豬五花腩，配白飯、和風湯及泡菜或迷你沙律，個日本雞頸肉真係鮮嫩彈牙，超級爽口，食落好似係比較健康嘅雞軟骨咁，唔肥，燒完之後好香，配埋佢嗰個充滿日式風味嘅特製炭燒風味醬汁，食落味道更加有層次，雞肉鮮甜味更突出👍🏻👍🏻🥰🤤而且Lee款肉係平時燒肉店真係好少見，係極稀有嘅部位👍🏻呢一個餐除咗有呢個特別稀有部位之外，仲配搭咗牛小排同埋豬五花腩，一次過滿足晒你三個願望，真係超豐盛🥳而且cp值超高，成個套餐150g肉只係$108，或者300g只係$158🤩如果你只係想試吓雞頸肉配炭燒汁單品亦得，任何套餐都可以用$28追加50g，100g都只係$52 👍🏻如果大家有興趣，經過一定要去試試啊🥰#燒肉 LIKE 香港 #燒肉 LIKE 大埔 #燒肉 LIKE 黃大仙 #yakinikul

第一次去在網上取票，自己預計時間到達，整體等不算耐，環境干淨偉生，每次客人走都有消毒枱面，限時食1小時，翻枱也算快，網上落單及付款真的很方便，食物有很多款套餐選擇，价錢也合理不算貴，員工服務態度好有禮貌，我們3大人1小童叫了3個套餐共400有找！值得推薦

今日1/7/2023又試新野，諗住要等位，上網站排定隊先，點知“取票服務暫停”，唯有去等位，點估到唔駛等，可直入。侍應帶位後即告知手機點餐及電子付款，食用時間一小時，好似幾方便，再觀望四周，只有三個服務員，這樣省下好多員工的工作。餐牌只放在近門口，座位無，要自己攞入去，可能諗住手機點餐，唔駛用。點餐都幾方便，可選大/中/細飯，又可加50g牛五花及其他食飯，餐點後即時付款。上餐好快肉味道都幾好，枱面還有六款調味醬汁加50g有三片肉，下圖方形碟便是。

見新開張第一次試吓呢排都好似興一人一個燒烤爐，啱晒啲孤狼食，豬肉雞肉味道都OK，味道都唔錯，不過份量少咗啲，男人唔係好，女人食應該啱啱好🤔 最緊要係唔使加一😂