燒鬼 (已結業)

本身見到個名以為淨係可以食燒肉，不過原來佢午市套餐做緊買一送一優惠，見到幾抵食咁就抱住試伏嘅心態一試，結果質素比我想像中好😮 餐廳環境行日本暗黑風，以黑色為主調，牆上掛咗啲日本鬼神嘅插畫👺 頗有特色，不期然令我聯想起百鬼夜行😹 每個套餐均會有味增湯配沙律，份量都唔細，所以未食主菜已經覺得有三分飽🍲 另外亦包括飲品一杯，冇諗過原來飲蘋果汁同菠蘿汁都係以啤酒杯盛載，有feel之餘超有份量🍻 先說主菜🐄 照燒鹿兒島A4和牛定食，白飯上舖有四塊和牛，另有些菇類、小番茄同蘿蔔片作為拌菜。和牛的質素出乎意料地好。肉塊燒得剛剛好，軟韌適中之餘還很夠汁，唔會太乾，亦相當入味。 朋友則點了🍛日式咖喱吉列豬扒飯。雖然賣相不算太特出，但光以豬扒的份量而言已經覺得很抵食。豬扒炸得外脆內軟、厚切，熱辣辣之餘沒有翻炸的感覺。咖喱汁也頗濃，如果加上胡蘿蔔就更好了（貪心😂 我們又追加了小食🍢芝士年糕和章魚燒。它們軟軟的超可愛，一咬落去裏面的芝士都馬上滲入味蕾( ´͈ ᵕ `͈ )◞這種質感真的令人超幸福！ 如果在銅鑼灣附近返工的話，這個價錢就有包咁多嘢的確很抵食👍🏻

生日月想食下燒肉，加上疫情以來都好耐冇食放題了～所以今次約埋朋友黎燒肉店過吓癮～餐廳以暗黑系裝修走型格路線，座位安排分別係卡位同埋長枱，空間感十足，而且環境好乾淨。呢度係自助QR code 落單（記得QTY 1係真係俾1件黎架咋～），方便快捷，食物同飲品都好快送到。店員好體貼知道你的需要亦好有禮貌，用餐當日有特別需要想要把刀，不過佢地冇，改為奉上剪刀，仲要已經消毒好添，非常貼心！我之前做research見到佢地星期一至五有做午市套餐買一送一優惠，超抵，附近返工既人就正啦～今次選擇左牛海姫套餐($398) 頂級美國牛首先店員奉上3款醬汁：燒肉汁、鹽味醬、檸檬汁，加埋個刺身豉油！三個醬都各有特色，配合到餐廳offer唔同種類食物。刺身拼盤 牛小排、牛板鍵香葱薄燒、牛舌咩都有齊。牛板腱係比較多人喜歡的部位佢地都有得食！牛肉經過調味，主要有微微黑椒味，經燒烤後的牛十分惹味，可以試吓唔點醬汁，更能吃到牛肉味道的本身。海蝦，頗新鮮及不錯！帶子 - 已作調味，牛油味香，新鮮～芝士年糕係必叫！！！乾身唔油微脆，裡面年糕軟熟芝士流心，冷熱恰到好處！炸蝦天婦羅，唔油，鬆脆ok！最後記得食d菜呀（每樣叫得一

📍燒鬼📍💡銅鑼灣不嬲都知道銅鑼灣多嘢食，平時就好少出嚟呢邊，今次就搵到呢間樓上你放題鋪，落單好方便只要掃QR code就得，而且上菜速度都好快☺️🐥牛海姬套餐($368)呢個set食物嘅種類都好多，有八款美國頂級牛肉，都好有牛香，牛板腱夠晒薄燒完最正，夠牛香得黎燒完又似平時食鐵板燒既感覺😋又有唔同雞肉、黑豚肉、雞心、雞肝、雞腎等等。仲有好多款海鮮多春魚、蝦、八爪魚、青口、帆立貝，帆立貝燒完都仲好下粒🤤而且仲有幾款壽司同刺身，北寄貝、帶子、三文魚、甜蝦都好鮮甜。食到飽一飽仲可以燒菠蘿黎解下膩tim😋夠哂甜嘢飲方面，有得飲汽水或者菠蘿汁、蘋果汁，菠蘿汁又幾好飲🍻真係抵食得黎又好多唔同款式🤤☺️食到飽住走。仲見到午市有買一送一優惠，下次真係要再黎多次🥰#銅鑼灣 #銅鑼灣美食 #美食日記 #食好西 #大滿足#香港美食指南 #香港美食 #香港美食 #香港 #hkfoodie #hkfood #bbq #hkfoodie #homekong#hkrestaurant #hkiger #hkfoodstagram #hkfoodlover #hkig #hkfoodshare #燒鬼#燒肉 #燒肉放題

燒鬼今晚嚟到銅鑼灣嘅燒鬼食燒肉放題，一入到去已經覺得個裝修同佈置好有氣氛，今次坐嘅卡位感覺好闊落好舒服同其他做放題嘅餐廳將啲枱迫到密質質嘅氛圍好唔同！呢度係自助QR code 落單，每次落完單之後，食物同飲品都好快送到嚟，值得一讚嘅係店員好有禮貌，而服務都好效率！晚市放題有分幾個set, 今次試左牛海姫套餐($398) 除左有頂級美國牛(可以揀原味/ 燒汁/仙台味噌)之外，仲有鹿兒島薩摩赤雞，日本黑豚，刺身，壽司，前菜沙律，日式和食等等，非常豐富！飲品方面，可以揀蘋果汁/菠蘿汁，而唔係淨係得罐裝飲品，非常加分！食物方面，個人比較推介:1. 封門柳(如果無記錯，呢個係比較腍身)2. 牛板鍵香葱薄燒3. 赤雞肝(燒完後好香口感好綿密，本身已經好夠味道，唔需要額外點醬)4. 醬油迷你墨魚仔5. 所有刺身類 (全部都好新鮮！)6. 粟米同菠蘿都好甜甜品方面，可以自己去雪櫃揀Coco Berry 嘅杯裝雪糕，提供嘅味道都好特別，今次揀左益力多味同玄米茶味，兩個味道都令人驚喜！午市套餐有買一送一優惠，好值得嚟試下！

朋友聚餐有人話想食燒肉，朋友喺Google map見到相呢間啲肉好似好正就揀咗呢間試晚市任食我哋六個人，坐咗中間長枱點餐幾特別，唔使叫職員，掃QR code就可以喺網頁自己點餐揀嘢食/加單，可以幾個人同時各自點自己想食嘅嘢Menu上有一大堆牛雞豬肉揀，也有一些蔬菜、刺身、壽司、熟食等。數量有點有趣是以件計，刺身一片一片咁點咁緊係先每款一件試吓，另外先點個三文魚湯暖暖胃。足咗一陣水大概五至十分鐘開始上嘢食個湯唔係普通落粉嗰種味噌湯，飲得出裏面好多料味道好豐富。當中啲蘿蔔好入味，好飲，係一個有誠意嘅湯。唯獨個人覺得略嫌偏鹹，少點鹹味更好炸物點咗一堆試，當中明太子雞翼印象最深刻，之後都有再encore。刺身都算幾新鮮。甜蝦好味，不過翻點最多嘅係帶子。好鮮味，點咗不下五次上完刺身就係時候就點定一堆肉嚟燒肉嘅種類繁多，淨係牛肉都十款八款內臟我自己無點，但聽到同行嘅朋友話鹿兒島薩摩赤雞肝同雞心好食，會食內臟嘅人可以試吓我自己點咗雞肉，望落啲肉赤紅色幾特別，以前未見過呢款雞。味道平時啲雞較重味彈牙一點，必試。上咗肉之後就一直掛住燒同埋食，無再逐一影相。淨係影咗張燒肉嘅相。牛肉一次過上晒，我唔係好分到

🐝 燒鬼 (銅鑼灣)🐝…見呢間餐廳午市套餐做緊買一送一嘅優惠🤑，最平只係$69，抵到爛🤑🤑🤑就即刻約朋友嚟一齊食‼️😆每個套餐中奉送三文魚餐湯同埋沙律🥗，真係超值💗😋…✨Set D 三文魚雜錦丼飯 $118呢個雜錦丼飯真係抵到爛‼️有兩大隻海蝦，五片三文魚，四片北寄貝，🥹兩舊帶子同埋啲飛魚子，勁豐富，啲三文魚仲要切得好厚😋份量都唔少㗎🫶🏻✨Set E 照燒鹿兒島A4和牛定食 $198呢個和牛定食真係正到不得了啦，❤️襯住買一送一一定要嚟食😆😆和牛一啲都唔韌，食落肉質好靚🥰又好多舊，十分推介😋‼️…整體評分食物：🤍🤍🤍🤍🤍服務：🤍🤍🤍🤍環境：🤍🤍🤍🤍🤍價錢：🤍🤍🤍🤍🤍…📍銅鑼灣駱克道459-461號The L. Square9樓

Salmon and seafood don 三文魚雜錦丼飯 🍣 $118午市嘅三文魚雜錦丼飯除咗有肥美嘅三文魚腩之外，仲有北寄貝、蟹子🦀、鮮甜嘅帶子同埋新鮮甜蝦🦐，丼嘅正中央仲有啲青瓜🥒、白蘿蔔絲，幾健康啊！Teriyaki Kagoshima A4 wagyu teishoku 照燒鹿兒島A4和牛定食 🥩 $198 照燒鹿兒島A4和牛定食有四五塊厚切嘅日本和牛🐮，睇落好吸引，旁邊有燒野菜🌿、豆角、醃製蘿蔔🥕，照燒汁甜甜地同牛肉嘅味道好夾🤤Lunch set 仲包埋辣辣地嘅芥末沙律菜🥗同三文魚豆腐麵豉湯🥣，性價比好高

見做緊午市套餐買一送一，所以走入黎試。叫左一份：照燒鹿兒島A4和牛定食$198，一份：三文魚雜錦丼飯$118 套餐都包括沙律及味噌湯。額外再叫左兩份小食：明太子雞翼同自家製山葵餃子。酸甜沙律醬中夾有少少芥末令人出奇覺得醬汁好味。鹿兒島A4和牛有5件，雖然燒到3-4成熟，一入口食得到油脂肉質分怖平均，柔軟，肉味香。三文魚雜錦份量多，三文魚5片，帶子2件，甜蝦5隻，北奇貝5片。刺身都好新鮮，冇雪味。每碗飯的飯底都好足，沒有因為買一送一而份量打折。明太子雞翼外皮脆口，內含太子份量不少好多，又多肉汁，睇吓張相就知！食完鹿兒島A4和牛想叫都冇，因為是旦暫停燒肉套餐。好可惜🥲午市買一送一抵！ 質素高！

.#灣仔返工之晏晝食咩好呢 ？呢排愛上左同同事去食呢間燒鬼有同事無意中發現午市套餐買一送一🤩之後就去食下大家出發前仲講好叫同價就最抵🤪因為買一送一係送價錢平果個第一次上去超有驚喜😳👏🏻座位好闊落我地一行六人5個人叫刺身餐 （$118）1個叫日式牛肉飯 （$69）埋單每人$70牛肉飯的同事蝕了😛無平套餐包左沙律🥗同餐湯湯唔係普通麵趣湯而係三文魚碎湯 好飲好足料食完第一餐大家已經約好第2日再食🫣結果第2日去左今次叫左牛肉飯（圖3）好多蔬菜好好食仲要好平 人均連加一$41.5但牛肉超級乾🥲同前一日同事食既好唔同之後隔左一星期又再去試再叫牛肉飯（圖2）今次juicy 好多🙏🏻食牛要撞彩🙈同枱同事叫了炸豬排飯係咁讚所以決定遲d再試下😁買一送一優惠會做埋6月所以黎緊6月應該經常去😎性價比超級高..#哇有食是最治癒的

等左成個半鐘，只係出現左飲品同6塊肉。頭半個中等待肉到嘅時候，好笑地職員問係未個爐熄左，事實係爐都未開過。用wifi 同流動數據load 落order 個網都係loading and loading.就算成功落單，都係冇野送來。見到遲過我枱入嘅，隔離枱全枱野食，真係火都泥埋。不停問職員冇野食送來，淨係叫我地再落再落再落。落完都冇野到。三部電話keep 住落，都係食空氣。d 職員完全冇處理過我地嘅問題，依間野真係試過一次夠哂數，唔洗錢都唔會再食。

都食左燒鬼幾次，其實對野食就每次都滿意嘅。種類多唔多就見人見智啦，但係質素就唔太差嘅。價錢性價比上，除非你非食和牛不可啦，唔係嘅話就去到美國牛個set好啦。飲品選擇，set唔多但其實drink menu入面係好多嘅。不過就要加錢咁囉。今次同行人有燒下海鮮，啲甲殼類都唔差架。但啲蝦就麻麻咁。服務前幾次都唔錯，但今次就無提last order，我自己就無所謂嘅，但同行嘅人就略有微言啦。除左呢點都幾好，見到同行嘅人唔太熟手都會有幫下手咁。

同朋友一行人好想食燒肉，book 到邊間就食邊間😂見到佢之前啲comment都有少少伏，抱住試吓新嘢嘅態度去，食落又真係唔伏喎食得太快都唔係影咗好多嘢係咁以記錄下我哋叫嗰個係398嘅套餐整體來講熟食幾好食燒肉發揮唔差，可以encore 刺身正常好味放題質數附圖係我嘅推介❤️❤️Overall , 唔錯可以一戰或隔一兩個星期再戰不過之前啲comment有一樣，有少少大煙，估計係大廈抽風系統問題，如果冇咁大煙就仲好

今日5月8日Book咗燒鬼 聽聞話幾好食 ，疫情有好幾個月 沒有得食夜晚，當然未試過，剛剛開返晚上，今晚即book就可以試到這間餐廳，肉質就一定係好味，但係肉類又冇乜嘢好選擇，日本刺身 款式都可以，但可惜飲品真係冇乜，但一定要一缵 所有員工都好好人和服侍， 不過雖然話好味，肉質唔差 ，這間舖頭廁所得一個 需要排隊 入廁所，但雪糕好好味 ，價錢都幾貴㗎，今日食咗450 ，真係見仁見智每一樣各人口味不同 。

餐廳內黑沉沉的，真係似佢個名咁詭秘👻。2邊有卡位，中間也有坐位，但卡位較舒服的。我訂枱時指明要卡位，他們也按我們指示留了卡位給我們，要LIKE 👍🏻先。自行掃QR CODE 落單，好方便。燒鬼套餐分$268、$368、$588三款價錢。我們選了$368套餐。食物頗豐富，包括美國牛如牛🐂小牌、牛舌、牛板鍵，雞肉🐔、鹿兒島雞腎、雞心，海鮮如蝦🦐、多春魚、墨魚仔🐙、帆立貝、青口等。還有，壽司如三文魚🍣、甜蝦🦐、八爪魚🐙，刺身如八爪魚、甜蝦、北寄貝，日本和食類如明太子雞翼🥠章魚燒、天婦羅，前菜如枝豆、沙律🥗等。想推介一下呀😋呢度食物的確唔錯，賣相吸引、夠大件、好新鮮、特別是和牛🐂嫰滑，必點之選。牛小排好juicy，正😄。刺身類方面，甜蝦🦐、帶子、三文魚🍣也是不錯的選擇。日本和食類和菜類，我就like燒南瓜🎃甜菠蘿🍍⋯汽水、果汁🥤是可以添加的，菠蘿汁唔錯喔。呢度上菜速度算快，職員有禮貌。抽風系統算唔錯，又夠火喉，食物高汁。今次用膳相當驚喜，我們不停追加，真係大飽口福喔😛😛

叫左個588和牛set, 啲和牛肉同出面牛角最平嗰隻肉一樣, 燒肉嗰陣成間餐廳都係煙,成餐飯食到流曬眼淚,火燭咁, 之前openrice 見到人哋啲和牛有埋牌, 分類好曬, 去到佢話唔係咁,係新開張嗰陣先有,啲牛仲衰過出邊普通2xx嘅燒肉set, 刺身嗰啲唔講, 自己睇圖, 佢仲要係拖住出餐, 第一輪啲牛坐咗廿分鐘先嚟, 之後即刻叫第二輪牛, 吹左幾次都係半個鐘先黎, 嚴重拖單, 同個白色衫嘅男人講,佢話冇辦法咁多人喺餐廳個個食緊就係要等,聽到火都嚟埋,所以食餐飯兩個鐘係完全食唔飽, 成餐食到火都嚟, 成間餐廳又大煙,坐左十分鐘已經頂唔順想去, 原本都唔會特登寫食評, 但真係太嬲, 同間餐廳嘅好評完全不符, 啲圖都係特登擺好曬影相, 你睇到呢度如果仲要試都阻止唔到, 唔好試完先嚟後悔