燦記路邊雞海鮮飯店

营业中

休息中

和同學們晚飯, 點了8個小菜和數支啤酒, 路邊雞當然是不可錯過的菜式, 上檯時的確是賣相不錯, 加上四碗薑蔥感覺討好, 但肉質和味道只熟於不過不失; 其他幾個小菜椒鹽骨, 生炒骨, 豉汁蒸鱔, 魚雲煲等等亦只是不過不失沒有驚喜.

芝士汁尤魚，汁料夠濃，但用上炸尤，便覺得有點鞋口和與汁不夾，如果唔炸可能更滑。焗蠔焗到酒精味太出，反而酒香少了，但都夠脆口。茄子牛腩好多，味普通，但牛夠林，茄子亦走過油，見功夫。辣酒煮硯都好，份量不多，但好入味。總之去得過，選擇多，價錢公道。

上星期六(5/3/05)剛去完呢間酒家,我係朋友介紹而專程前往此酒家,當我未入去既時候睇外觀我都以為一般貨仔,但當食物一到,第一個菜係最出名既路邊雞,嘩!真係估佢唔到原來真係咁正,另外仲有一個係芝士鮮尤又係好好味,我仲有叫左一個菜+卓蝦+2個food ,埋單只不過係$29x ,非常抵又好味,平均每個人都只不過係$75 ,不過佢地有樣野唔好就係唔夠樓面...!其他總結都唔錯.

都成個月前來過一次，4個大人叫左個套餐＄38X有芝士汁炸魷魚，招牌路邊雞，炒菜，白綽蝦，重有條魚，味味都幾好食，份量又多。地方雖然簡陋一D，但味道好就OK啦。

上星期日晚與家人到此酒家，雖然環境唔係咁好，但勝在食物唔錯，最出名的雞真係好正，好滑，其他食物都唔錯夠大碟，侍應態度都好好，我地要叫個餐其中一個菜想轉另外一樣，佢地都無問題叫乜都得，簡直係想食咩都有。最後仲送糖水添。

食呢間餐廳就算點樣無聊都好,都要捱到九點半後先入去..事關九點半後有特價小菜,重要有三十樣之多~每次去必點既係炒蜆,要食到汁惹味又要無沙既炒蜆真係有難度,最難既就係只賣$18..其次就係栗米"更",又係$18,唔係一碗,係一窩..足有五飯碗咁多..真係超值..最後當然要叫佢地既路邊雞啦..不過招牌既雞反而冇以前食既咁好食,有少少失望,不過$26加雜重唔駛加錢,又比你win 一次..再叫一碗飯一碗粥..兩口子捧住肚叫埋單..咦?做乜老細就咁拎張單埋黎算呀?冇盤托住d 貼士咩?原來免加一茶芥都不特止,重要係唔預你比貼士,總計$72,比$75,老細找番三蚊比我..你好野..下次一定會再黎..