爭鮮外帶壽司 (港鐵鑽石山站)

营业中

休息中

屋企無人自己又唔想煮,所以放學行經過爭鮮諗住試試.之前開張個排勁多人,所以都費事迫埋去揀.今日下午五點令未到放工時候所以可以慢慢揀喇D 款都ok啦,以呢個價錢黎講又唔太少,同埋都算出得密,我企咗一埋佢地都換咗三盤喇.實在太鍾意食三文魚,所以唔單止買咗一盒十件嘅淨三文魚,連自選都揀咗兩舊三文魚, 除咗三文魚自選仲揀咗八爪魚片, 辣八爪魚仔, 櫻花白飯魚,蟹子等等比較得意嘅係當我以為一盒嘅淨三文魚會好味過散裝時,我發現我嘅諗法係錯.無錯一盒盒嘅淨三文魚,個樣的確靚仔d,但食落就散裝三文魚好味d.等我過幾日再買多次比較下,試多次先得,哈哈

終於開到黎鑽石山啦, 好開心呀! 平時最近都要去到9龍灣, 今次係正屋企附近, 正呀!今日三點幾鍾去到, 唔多人, 唔洗迫, 同上次岩岩開個陣差好遠。我地買左1盒三文魚餐盒,$30有10件, 不過唔係盒盒都係新鮮肥美嫁, 要自己慢慢揀盒靚既。另外自己再夾多10件, 有甜蛋, 鰻魚, 魷魚, 凡立貝, 辣味蜆肉軍艦..最後$60可以買到20舊壽司, 真係好抵嫁, 雖然唔係話好出色, 但$3件, 足以抵住D壽司隱, 佢賣得呢D價錢,就知佢地Ｄ貨一定唔係日本黎, 咁就更加食得放心啦。哈哈!宜家咁方便, 我就有藉口食多幾次啦。

公司收到傳單話有2蚊舊壽司wow.....收左工又點可以唔去睇下呢,去到8點左右都仲有人排緊隊,睇見佢原來朝10:30-晚10:30,服務時間極長!!之後要排隊約20人左右,但唔洗15分鐘就一定入左去。入到去其實選擇都唔少,但就唔見三文魚籽,甜蝦就得返唔多,帆立貝同燒海膽汁熟蝦就剛剛拎出黎,前前後後一共揀左十件壽司都係二十蚊,真係唔知幾耐都無買過咁平o既壽司了。返到屋企先食,其實都幾靚仔,最小d 甜蝦壽司唔洗好似果間"破地獄"咁得一隻咁慘呀,食落仲覺得幾鮮味wow,可能今日人流多,所以d 貨都新鮮,其實你要同一d 十幾廿蚊件o既壽司比,就總係差d 架啦,但將價就貨,佢o既c/p值就十分高,就算佢之後去返正價三蚊,應該都仲會食下。不過唔知係唔係今日多人o既關係,三文魚一定要一盒盒買,10件一盒,無得散裝,如果係咁o既話都幾多下,一個人都好難食咁多架ma。希望呢點可以改善,同埋keep 到水準,仲有就係有返三文魚籽啦xd,好似分店咁有埋海膽就仲好.....不過只係3蚊舊....可能我諗太多啦!!2蚊特價做埋3月31日咋xd,有興趣o既朋友去試試啦!!