愛文生

营业中

休息中

當你踏入愛民生，首先要有排隊的心理準備，幸好當天等了15分鐘，就有位了🤓因為這裡無論是香港人還是遊客都非常喜愛。以下是幾道必試的菜式：.🥢豉汁炒蟶子 這是大排檔必點之一，蟶子的大小剛剛好，不會太大而變得韌。豉汁不辣，味道鮮甜，而且沒有沙石.🐟椒鹽九肚魚這道菜的精髓在於外脆內軟，炸得香脆，炸漿不會太厚，即使放久了也能保持脆度。.🥔🐮薯仔牛柳粒 這道菜的薯仔太大粒，牛柳過鹹，三個菜當中較為遜色的一道。相比之下，我更喜歡萬發的薯仔牛柳粒，因為薯仔加入了蜜糖，令薯仔甜絲絲且表面炸得脆口

其實已經吾係第一次叫咸魚雞粒豆腐煲外賣，居然可以同之前質素差甘遠，點先可以整一個餸係整到無色無味？？但係收百幾蚊？幾大碟都無用啦！！如果係趕住收工可以set 早啲close 吾係求其甘整完夜媽媽退錢吾係叫其他野食吾係，離哂譜

聽朋友介紹呢間愛文生飯店好正，我哋全家人都好鍾意食大牌檔，個日就帶咗屋企人嚟試試🧑‍🧑‍🧒😛驚好多人，所以我哋未夠6 點就去到，點知原來大家仲早😂去到已經差唔多坐滿哂人，好彩仲有位，唔使等就入得💗金牌乳鴿王 $78聽個名都知「駕勢」，乳鴿外皮燒得好脆好乾身，唔好睇佢細細隻，食落都啖啖肉，再配埋側邊啲椒鹽一齊食，襯熱食真係好出色🥹🥹我一個人都食咗半隻🫣家鄉小炒王 $118嚟大牌檔我次次都會叫小炒王，因為間間都有唔同嘅特色😎小炒王炒得好有鑊氣，見唔見到啲油光幾靚，韭菜花同腰果配大大粒蝦乾，加埋彈牙嘅新鮮魷魚，超級惹味，最啱就係beer beer 佢！🍻薑蔥桶蠔煲 $208好耐冇食過啦😳佢一煲有7 隻蠔，每一隻都好新鮮好大隻好飽滿，配埋薑蔥一齊食，簡直係無懈可擊💣而且啲蠔連裙邊都唔韌，完全物有所值🤩雞蛋焗魚腸 $108宜家好少地方有得食焗「姨丈」🤪不過我就覺得啲魚腸有陣腥味，要落多啲胡椒粉僻一僻，對比起佢其他菜式就遜色咗少少😔.呢度嘅食物十分之高質，而且入面有冷氣，同埋唔會太逼，下次一定要約埋成班人再嚟，咁就可以試多啲嘢😚

排隊極混亂.....到左現場拎左飛 排隊等....等左半個鍾點知突然有個職員問有無2位3位咁就帶左另一枱客入左去依枱客仲要排左無耐........咁你地餐廳排隊機用黎做咩?不如唔好叫人拎啦,唔洗排隊都入得跟住問番個職員系咪唔洗跟號碼仲話番我轉頭,話我問有無2位3位個時唔應心諗阿姐你無野阿,我拎左張飛就系跟排隊機叫NUMBER依加未幫親都已經一肚氣最後希望系依到出POST 間餐廳老闆會見到同改善唔系咁樣做會趕客走.....

小菜唔錯-炸嘢唔使食，點解？同朋友揸車過嚟諗住食吓風味大排檔，嚟到唔使等兩個位就有嘅，依度點菜單先進😂掃QR code，有啲沒有圖片，叫咗菜心炒肉片、鹽水雞（其實啫係沙薑雞）跟住叫個蠔餅，正常大排檔蠔餅都唔會難食，點知嚟到個蠔餅石頭咁硬，如果屋企人小啲牙力嘅話我諗應該食唔到，阿叔同我講潮州蠔餅係咁樣㗎喎，大佬呀你去其他打冷小菜嘅地方啲蠔餅都係潮式㗎啦，石頭咁慢點食啊，跟住佢就話換過第二樣，諗住一次只係意外啦，叫咗個蒜香骨，嚟到燶晒，仲要冇乜味，真係失望，所以提提大家食炸嘢真係要小心啲叫，或者預先叫佢唔好再咁燶🤦🏻

8月中去食，6點半左右去到，7點左右拎到枱食物一般般，冇咩特別，好多遊客去食不過上菜速度好快。成個用餐過程都冇咩野，同普通食飯一樣但係到埋單時，最最最特別係找錢，個侍應拎錢去收銀時，已經同我地講冇收加一架，”貼事”隨心都得嫁，到佢找錢返黎時，找左兩張廿蚊，一張十蚊。個侍應又同我地講，”貼事”隨心嫁，可以拎少張廿蚊嫁我心諗你冇野啊，拎完錢即係走。真係好好反感。

有大學同學🧑‍🎓英國🇬🇧返嚟，揀咗食大排檔愛文生，雖然6:30去到但係都全滿，識得經理可以😌入先，多謝🙏，不過8個人都係坐6人細枱，但經理🧑‍💼話等埋隔離張二人細枱食完俾埋我地。QR code落單，經理介紹off menu既清蒸老虎🐯斑($360),好新鮮，肉滑，不過蒸咗大半個鐘，叫咗椒鹽炸鮮魷（$138），好大碟，不過炸得唔脆，粟米🌽斑塊（$98），不過不失，鐵板黑椒咸豬手（$178），夠大隻，熱辣辣，鐵板上，正，蒜蓉炒菜心（$78），炒得好食😋，豉汁蒸鱔（$148），多骨，唔啱我，白粥（$13），潮州粥，正👍🏻，自家製飲品🍸竹蓆茅根（$15）清甜。辛苦😓大厨👨‍🍳強哥

邊個話麻甩佬先可以食大排檔㗎？咁啱嗰日同朋友試完兄弟衫既然咁大班人，所以就決定食愛民生。唔知點解覺得愛民生好似愈嚟愈好食，今次人多多，叫左超多餸。避風塘虎蝦 $208Stir-fried Prawns in The Typhoon Shelter Style啲蝦超級彈牙，隻隻都有咁上下大小，而且避風塘啲味入哂隻蝦到。椒鹽炸魷魚 $138Deep-fired Squid & Pepper Salt 炸得非常之好，而且啲魷魚，炸完之後冇縮到個尺寸，份量超級多。豉椒炒蜆 $108Stir-fired Clams with Black Bean & Chilli Sauce呢度炒嘅蜆大部份都開晒口，唔似出邊有好多都唔開口，粒粒肉都好彈牙。避風塘炒蟹 時價 ⭐️⭐️⭐️⭐️Typhoon Shelter Crab我覺得避風塘一定係配蟹食，所以呢個係必點嘅，而且呢個份量都好多，最重要啲避風塘配料一定要撈碗白飯食，唔好浪費咗抽得咁好味嘅避風塘配料。以愛文生呢個價錢真係好抵食，最緊要一大班人一齊食，啲份量好足夠，叫埋啤酒就最爽。

久違既大排檔愛文生，撞啱食環掃場，所有放室外既嘢都要放返室內。見到有位，但唔知乜水又叫我地攞飛，最後坐入面。而家大排檔唔洗睇餐牌同叫人落order，一個QR code睇餐牌落單，炒蟶子賣哂，叫咗椒鹽炸鮮魷（$138），唔夠脆，琵琶豆腐（$98），一般，紅炆班腩煲（$98），等得耐，一般，蒜蓉炒通菜（$78），好食😋，有鑊氣，白粥（$13），正👍🏻，同自家製竹䉀茅根（$15），清甜。坐室內冷氣位，孫新抱胡小姐收錢，可以😌電子支付，經理🧑‍💼阿叔認得我，臨尾大厨🧑‍🍳強哥都有同我bye bye 👋

今日父親節正日，估唔到五點幾嚟到愛文生已經座無虛席差啲冇得食坐咗喺度一陣就已經出邊好多人等緊今次我哋10個人叫咗九個餸冇特別嗌佢嘅出名名菜只係嗌咗普通家常菜都好好食

由細已經認識覺得好食嘅愛文生去完今次之後相信短期內都唔會再去因為我諗佢而家只係著重遊客生意已經忘記咗原本有local嘅味道簡單啲講一講四個字形容好難食嗰碟椒鹽鮮魷簡直係我有生意嚟食過最難食嘅唔脆,厚粉,魷魚又韌上枱嘅時候已經有啲凍排半個鐘你都要對得住啲觀眾服務態度就唔使講啦畀錢嘅時候仲要叫你去另一邊黑口黑面本身都真係唔想講點解啲人話要返深圳食飯去珠海食飯真係有原因嘅價錢在香港三分一服務就比香港好幾倍

終於來一試愛文生，估唔到，真係估唔到可以咁難食。兩個人叫咗椒鹽九肚魚，咕嚕肉，同埋小炒王，小弟認為呢三樣係大排檔嘅指標性食物，雖然幾乎所有大排檔都有呢三樣小菜，但係咁就可以最容易比較。椒鹽九肚魚拎上嚟竟然唔熱，啲魚又少肉亦都炸到乾晒，入面完全食唔到九肚魚應有嘅嫩滑，因為根本就乾晒，成碟就好似食緊一碟炸粉漿，入面冇底味，外面亦都冇味。咕嚕肉，外觀OK，但係粉漿超厚而且又硬又韌，舊肉超乾又冇底味，好似雪咗好耐而且再返炸，今次真係大開眼界竟然有大排檔做到咁差嘅咕嚕肉，老實講兩餸飯嘅咕嚕肉好食過佢多多聲。小炒王，成晚三碟之中稍為正常嘅一碟，偏鹹但，冇鑊氣，碟嘢仲偏濕添。深水埗區嘅小菜館，例如萬發，容記，增輝，小菜王，佢哋各有特色、好壞。但今次呢間真係差到一個點，連呢三樣嘢都整得唔好，你都唔使旨意我會再嚟食，唔好同我講話我唔識點餸。點解仲有咁多人去幫襯？真係令人唏噓！

深水埗人間煙火大排檔很有煙火氣的一家大排檔？主要是這裡的人給人的感覺也很舒服（圖一有彩蛋！我剛拍完也沒發現hhh）一條街有三四間是他們家的，我們是5點出頭到的，都只剩我們這間有位置坐，聽說再晚一點就要排隊啦口招牌黄金虾 這個是拿鹹蛋黃炒的，蝦處理很乾淨，蝦頭蝦線都有去掉，而且有點蝦還有膏！口黑椒咸猪手 人多才可以點！！份量超級足！！不過肉很嫩～看起來醬很多很咸，但其實還好hhh點的菜都很好次！感覺隨便點都不會有坑～對於大排檔來說，環境算是很好了！（廁所很乾淨！有加分！）推荐：豉椒炒蛏子 椒盐九肚鱼 招牌黄金虾

同家人慶祝生日，到愛民生買外賣。到場有2位師傅用火水炒小菜，火舌高高，夠鑊氣。點了4個菜，等20分鐘可取，送了二支飲品。回家開箱，茄汁炒虎蝦夠惹味，斑塊炆豆腐幾大份，咕嚕肉肉質較硬，炸筒蠔份量不多，只有6隻半。整體可以一試。比一年前在yt看較少人和只有2位廚師。歡迎人客一同合照。

有朋友移民咗外地難得返嚟香港梗係要帶佢食返一啲充滿香港風味特色嘅食物啦香港最有特色嘅嘢係乜嘢梗係大排檔啦要數最好食嘅我一定係首選呢間 - 愛文生都唔係第一次嚟食，但每次食都仲係覺得好正好有驚喜三個人叫咗四碟餸豉椒炒蟶子避風塘茄子椒鹽鮮魷同埋招牌黑椒薯仔牛柳粒全部都好好食不過當日真係好多人排隊等咗差唔多半個鐘但好惹味，每次想食大排檔都一定會去食！唯一改善地方就係三個人佢比張二人枱我唔好話擺餸根本就連坐都有啲辛苦去到最後係要我出聲佢先換返張三至四人枱俾我服務就一般啦都係唔係好理人可能好多遊客幫襯根本唔優做掛