影片
以上资料只供参考，请与餐厅确认详情
對上一次幫襯"順利愛群", 已經係28年前.得悉愛群做埋最後呢一個月, 響星期日約埋中同去懷舊一下. 門口招牌有更新過.內在環境裝修無乜點變, 仲係好8,90年代.舊式餐牌一D都無變, 呢樣最記得.成個格局就好似TVB套"香港81-86"入面嘅小型快餐店咁.炸雞翼, 炸雞髀好搶手!! 賣哂就無!! 我一見到就來一個髀翼雙飛!!中同來到想叫多隻都無. 雞髀米粉茶餐連紅豆冰, $38. 炸雞翼$8/隻. 公司三文治, $50.材料非常豐富, 有牛排, 雞蛋, 火腿, 番茄, 沙律醬等, 仲要係即叫即整, 麵包又香又脆, 口感一流!! 是日糖水, 綠豆沙, 跟三文治茶餐送嘅.由於好多街坊叫, 我又試下.清熱消暑, 又大碗!! 歲月催人, 繼順天愛群易手, 順利愛群亦到最後階段.今次我有幸食多次, 已經好滿足. 你又有幾耐無食過?
继续阅读
細細個就係呢度長大，記得幼稚園一放學就黎食下午茶，呢間真係好有歷史，格局冇咩點變，人情味依然濃~🙂菜式比較簡單，同以前都差唔多。JoyJoy子叫咗個雞翼雙腸飯，D飯幾多，汁都幾多👍比平時個D少油同少鹽，有湯送。整體ok, 多謝款待❤
继续阅读
唔知食乜好， 行過見到依家快餐店覺得真係好舊式，好似返咗去80年代嘅舊式快餐店，所以就入去試下，其實就唔期望食咗啲好好食嘅嘢。無論收銀、餐牌、座椅係覺得好舊，仲要買飛 叫number自己去拎原本係想叫一個蕃茄牛坑腩米線結果比錯咗茄蛋鮮牛米線， 諗住唔浪費原則,就算啦費事換照食。湯底清淡唔係好有蕃茄味， 番茄唔係好夠多得幾粒 ,牛肉就唔知係咪因為鮮牛嘅關係，有啲韌又有渣麻麻地好食，最好食係個蛋啱啱好熟。以純粹食懷舊係講係可以接受嘅, 下次可以試其他
继续阅读
#下午茶 #炸雞脾 #脆炸雞脾拼薯條 #🍗 #炸薯條 #薯條 $38雞髀放在熱風乾機，雞皮脆卜卜，都ok，薯條普通～有蕃茄醬沾+$3 凍飲ᶘ ᵒᴥᵒᶅ個人口味評分：6/10#food #hkfood #hkfoodstagram #hkfoodpic #hkfoods #hkigfood #foodiehk #yummy #delicious #foodie #hkfoodie #hkfoodieblogger #hkfoodies #黑貓食好西
继续阅读
今日去買左個香茅雞扒蛋飯外賣，返到公司打開個飯先知冇俾到蛋我！個餐跟左餐飲，我飲熱朱古力，但杯飲品淡到冇朱古力味都算，重有陣漂白水味！幫襯左幾十年，呢間野d 食物真係愈做愈差！
继续阅读