牛奶冰室 (鯉景灣)

营业中

休息中

難食到不知道怎麼形容！熙熙攘攘、座位擠迫、湯麵鹹到吃不下，三明治又乾又硬，我以為只是我的烤過火，環視周圍，個個的多士都係一條一條的黑線⋯⋯希望他們快改進，或著關門吧，不要浪費周圍的海邊風景，掃興的早餐！

今日同朋友去咗鯉景灣新食午餐。12點左右唔使等位。用電話自己落單。-麻辣炸豬湯米線加熱奶茶，豬扒好食流心蛋叉燒飯加黑糖牛奶紅豆特飲，份量好足，唔係得兩三嚿叉燒！叉燒唔會太肥啲飯是同流心蛋都好好食。-熱芝士流心菠蘿包，熱辣辣一切啲芝士溶出嚟，正～

西灣河鯉景灣Soho East位置開咗一間新嘅茶餐廳牛奶冰室。因為見佢每朝同中午都有人排隊，所以決定去試一試！今日星期六中午12:00去，其實都只係排咗10分鐘左右，大部份人都係等緊外賣。我哋坐低咗之後叫咗一份係勁多蔥油叉燒飯，令一份係勁多蔥油雞扒飯，另外叫咗兩杯熱奶茶。本身諗住第一次試，叫呢個組合一定冇錯。熱奶茶先來，都算香滑，不過不失。但係個叉燒蔥油飯同埋巨人雞扒勁香蔥油飯嚟到嘅時候，就嚇親我哋。首先，佢餐牌幅圖係好多蔥油好吸引，而佢真實只係俾咗一小撮蔥油，我哋請個侍應俾多少少，個侍應居然會答話「係咁㗎啦」，我都費事坳。上面個煎蛋，蛋黃熟硬晒。個白飯非常濕, 一patpat好難食。只要有得選擇，我都唔會返嚟食。

今日諗住小試牛刀去牛奶冰室食個lunch 。餐牌上面啲相就非常之吸引，咁我就叫咗一個蔥油叉燒飯加煎蛋喺面，一個咁嘅餐要$73，唔緊要，但係佢啲蔥油真係肉酸到不得了，同餐牌個樣完全唔成正比。叉燒食落都還算OK ，軟冧得來都係算係好食，不過佢呢隻叉燒就唔係我哋平時喺街嗰啲斬件叉燒。個飯就非常之硬，唔明點解佢要打滿壓實個飯😇煎蛋話係流心蛋，但係其實熟晒，同埋啲蛋漿流晒出嚟已經結埋晒，好似煮咗好耐凍晒咁嘅樣。講真，只可一不可再唔會再試，可能去啲早餐會好啲，食出前一丁或者公仔麵一定唔會出事。

8點幾已入座，又成功手機落單，但食物遲遲未黎，過左15mins同職員跟進就話熄晒爐，已過last order! 最後乜都無嘢食😢唔明點解落左單無人跟，手機點解當時唔截單？係嘅當時咪轉場，而家一句話熄左爐就了事，咁遲先講都轉唔切第二間，太過份！第一次黎就遇到呢個服務體驗，非常差，不會再幫襯

有吉枱唔入客 等左三個字搵人問啦問三個伙記都唔想應咁 應該係留左枱俾VIP叫左冧把又唔入客 係既街坊係多既 可能係我冇箸Tuxedo 唔啱佢dress code 啦想受氣就唔應該錯過呢間 一定唔會令你失望祝佢生意興隆啦

今早路經冰室門口，見到很多顧客和買外賣的在門口等候，不期然想入去一試，先要拿票，等候了20分鐘左右，終可入內，手机點餐，也算方便，上餐也快捷，不須等太耐，早餐質量不錯，價格也合理，所以吸引了屋苑街坊幫襯。唯一較為混亂是拿外賣的人較多，只有一個

朋友介紹話唔錯，附近啱好新開一間，所以過黎試下，我哋去到時要等位，差唔多2點，不過唔係等好耐。新裝修，乾淨舒適。點左叉燒蛋飯，肉醬意粉🍝，咖喱牛腩飯。叉燒都幾軟霖唔會鞋，幾好味，我覺得幾新鮮！肉醬意粉小朋友鍾意食，少少香口。牛腩唔痴牙，都算霖，份量可以，辣辣地開胃！凍檸茶，唔見有檸檬嘅檸檬茶，唔會澀，飲出左有啲似紙包裝檸檬茶嘅感覺，但係比紙包裝啲好飲嘅。雪糕紅豆冰，唔會太甜。凍奶茶不過不失。服務態度中規中矩。