影片
以上资料只供参考，请与餐厅确认详情
行开西九龙中心扫街，肚饿想食啲实在嘢，撞入「牛执事」。叫咗碗招牌牛丼，一上枱，哗！啲牛肉铺到满一满，真系好似座山咁堆喺饭面，睇落够晒份量，啱晒我呢啲大食鬼。牛肉系薄切𠮶种，煮得几淋身，唔会韧，捞埋啲洋葱同甜甜哋嘅酱汁，送饭一流。酱汁唔算好惊艳，但够味，捞匀啲饭食几开胃。饭量都足，男仔食一碗都够饱。重点系个价钱，三十蚊有找（记得系特价时段），喺商场food court来讲真系好抵！温泉蛋要另加，流心效果可以再靓啲，但加咗整体滑溜感系提升嘅。总括来讲，唔好预期系超高级日本料理𠮶种精致，但以快餐价钱、快餐速度，换来一碗足料、味道OK嘅牛丼，性价比确实高！扫街扫到攰攰哋，想快靓正队碗饭，牛执事系个唔错嘅「饱肚」选择。抵食，大件，算系咁啦！
继续阅读
近期喺西九龙中心好Hit嘅和牛丼饭 热爆嘅手握力测试 我食𠮶款系火山丼 $78 肉质鲜嫩 半熟状态 肉都有8-9片几足料 仲配埋温泉蛋 蛋黄酱配肉加埋珍珠米 💯但系略嫌酱汁太多 有啲咸 下次可以嗌小汁！加咗串和牛牛丸 $15 两粒渌熟之后再喺铁板煎一煎 呢个意料唔到🤣食落觉得同普通牛筋丸冇咩分别😅 🪖利申唔知系我期望过高定点，好似有啲出入（小妹认为30士多和牛牛丸好食啲👉🏻👈🏻）原本谂住玩埋佢个手握力测试 可惜店员话部机冇电冇得玩😭食紧已经谂住encore 😈下次会想食佢个月见牛堡丼同鸡肉串！！
继续阅读
众所周知西九龙中心八楼有美食广场但大家知唔知六楼都有？啲位仲坐得舒服啲添😆除咗近期Threads 大热意粉外有间主打和牛丼饭小店都深受街坊们喜爱牛魔王嘅朋友仔更加唔好错过！！店员即场铁板煎和牛和汉堡扒制作丼饭✾ 火山丼 $78一片片和牛肉堆砌成火山，中间仲有只温泉蛋笃穿温泉蛋，蛋汁慢慢流出好似火山岩浆喷发和牛表面煎至焦脆香口，肉质呈粉嫩色泽入口软嫩多汁且牛味浓郁，搭配秘制酱汁很惹味！✾ 月见汉堡丼 $65汉堡扒松软富肉汁，每一啖都充斥住油脂甘香搭配海藻、温泉蛋和秘制酱汁口感油香湿润且层次丰富✾ 青瓜和牛水饺 $20无谂过青瓜同和牛可以整水饺两者出奇地夹，青瓜清新中和和牛腻感再加埋酸酸甜甜酱汁，提升水饺香气✾ 和牛串 $22和牛串煎得香口，肉质紧致有嚼劲✾ 和牛牛丸 $15牛丸好爽弹，初初食无留意到一口咬个时啲牛肉汁喷到枱面大家食要小心啲！
继续阅读
最近好经常去西九龙中心揾食～都真系好多平靓正选择！唯一嘅缺点8楼嘅美食广场真系长期都太多太多人啦🫠但原来喺6楼都有美食广场🍴其中呢间见到$78有和牛丼饭wor😻就试吓先！火山丼都真系好足料啊😋‼️有劲多片和牛～新鲜即场系你面前烧！而肉味都很浓郁～汉堡质感厚实也很好吃👍🏻和牛牛丸很弹牙!和牛串也不错～水饺就没有太大惊喜很普通。呢个价位都好值得一试😸-🐮火山丼 / $78（Volcano Wagyu Bowl）-🐮月见汉堡丼 / $65（Wagyu Burger Bowl）-🍢 和牛牛丸 / $15 （2粒）（Wagyu Beef Ball)-🍢 招牌和牛串 / $22 (优惠价）(Wagyu Skewer)-🥟青瓜和牛水饺 / $20（3只）（Cucumber Wagyu Beef Dumplings)
继续阅读
今次竟然俾我挖到一间平价性价比超高嘅和牛🍚开放式厨房睇住厨师即叫即烧👀，铁板滋滋声伴住肉香轰炸即刻就饿到肚打鼓！🤤【火山丼🌋】俾呢座「和牛火山」吓亲！铁板即烧嘅澳洲和牛🥩铺到满泻，肉眼睇得出油花均匀似雪花❄戳破只温泉蛋🥚将蛋浆包住珍珠米再淋埋秘制烧肉汁每啖都系 牛脂香+蛋滑+饭甜 嘅三重暴击！💥【▪️ 和牛串 ▪️ 牛肉丸串🍢】铁板快锁肉汁💦咬落外脆内软，肉味浓到似喺口腔放烟花🎇惹味到想舔竹签🐮手打牛丸弹牙到可以乒乓波式反弹🥢
继续阅读