影片
以上资料只供参考，请与餐厅确认详情
有关奖赏计划
牛气一直都系高人气嘅水准火锅放题餐厅，有唔同等级嘅放题套餐可以拣，丰俭由人，今次我地拣左LV4澳洲谷饲黑安格斯牛、SRF美国极黑牛同海鲜套餐($338/人)，120分钟任饮任食，肉类海鲜齐备，简直系梦幻级放题😍内里空间超大，唔会坐到好逼，干净企理，食得几舒服👍🏻自助区：多款火锅配料、本地水耕菜、今期期间限定主题韩风祭小食等，劲多野可以拎😍关东煮酱料区甜品区：有糕点、大福、雪糕、棉花糖等饮品区：选择都唔少，有茶类或汽水类饮品，我几中意罐韩国橙汁😉食物陆续到齐，大合照🤩汤底：今次我地拣左味噌海老盐汤，咸香适中，带有浓郁虾味，入面仲有味噌提升汤底层次，无论涮肉定煮海鲜都好啱口味😁肉类：今次拣左LV4套餐，当然主打澳洲谷饲黑安格斯牛😎油花分布靓，肉质嫩滑，食落牛味香浓，真系极品🤤SRF美国极黑牛一样高质，极黑牛肉质细致，入口即溶，令人食过翻寻味😍至于PRIME美国肩胛肉眼食落都几香牛味，质素唔错😄牛舌爽口弹牙，口感几好海鲜：LV4或以上嘅套餐就包埋海鲜放题，选择都唔少，有花胶、青口、大海虾、墨鱼滑、爽脆水鱿、脆鲷鱼片、竹笙虾滑、小刺参、海鲜虾滑😉全部都系新鲜弹牙。墨鱼滑、虾滑口感细滑，花胶超级补身，煮完吸晒汤底精华，鲜甜惹味😋火锅配料：必食手打黄金虾丸，虾丸弹牙鲜味十足，咬开里面就有咸蛋黄，邪恶惹味，每一啖都系幸福😎牛骨髓放入锅里滚一阵，味道变得更浓厚，口感唔错👍🏻小食：有三文鱼刺身可以ORDER过下刺身瘾，肥美鲜甜，入口滑溜😄山椒拌鱼皮食落爽口又带少少辛香，醒胃又开胃😋酱油熟虾虾肉弹牙，咸香适中，充满韩式风味甜品：除左自助甜品区外，我地点左鲜柚杨枝甘露，清新解腻，柚子味同杨枝甘露融合得好完美👍🏻十胜红豆豆乳冰豆花，红豆香甜，豆花滑溜，系完美收尾🤩牛气真系一间高CP值火锅放题，啲肉质鲜靓，海鲜够高质，职员都好有效率，够主动提供纸巾同帮手加汤，食得舒服尽兴，值得一再ENCORE🥰题外话：喺FB/IG留言仲有御守送，都几精美用心👍🏻补MENU
继续阅读
♨️高质日式火锅放题连锁店🌟牛気🌟，新分店位于九龙湾🆕！适逢系牛気嘅十周年🎊，除咗有唔少布置同埋免费赠品外🎁，仲推出咗期间限定汤底🦐，最正当然系🆓免费升级日本和牛任食🥩，爽到爆🤩，真系牛気冲天🥳！🎉Lv5澳洲极上和牛＋海鲜放题 $438/位🇯🇵日本京都府黑毛和牛牛肩胛肉眼十周年限定，惠顾Lv5或以上放题，可免费升级日本京都府黑毛和牛牛肩胛肉眼任食！油花极漂亮嘅日本和牛，油香同埋肉汁都好丰富，绵滑可口，劲正，必需疯狂encore！♨️围炉火锅头盘靓靓劲打卡！当中包括Lv5嘅菜品：🇦🇺澳洲极上和牛 - 软柔富肉香，值得一再encore！🇯🇵日本赤鸡鸡爽肉 - 又爽又滑嘅鸡颈肉，十分美味！🪸原只鲍鱼 - 水嫩中带一点弹牙，相当新鲜！♨️味噌海老塩汤｜🦴黑蒜猪骨锅期间限定嘅味噌海老塩汤，令食材添上一份咸香，可免费升级！黑蒜猪骨锅够香郁，能突显食材嘅鲜味！🐟三文鱼刺身牛気嘅三文鱼刺身，质素冇得输，鱼味浓，又够肥美！🥬自助食品区强大嘅自助区，劲到连香港本地嘅水耕菜都有，一定要多多支持！🍭自助甜品区甜品区更加系一绝，连棉花糖同埋鸡蛋仔口味嘅雪糕都有，真系无得输！order嘅鲜柚杨枝甘露同埋淘大分店限定嘅十胜红豆豆乳冰豆花，同样高质！🍻Sapporo日本生啤Lv5或以上放题，日本生啤同埋清酒都系任饮，爽！
继续阅读
我地最钟意嘅日式火锅任食店牛气十周年啦😍！今次食好啲，食LV5 澳洲极上和牛＋海鲜放题 $438/位！肉类、海鲜、寿司、迷你丼饭、手工火锅配料同甜品全部都系任食💕！牛魔王注意‼️除咗可以任食澳洲极上和牛、澳洲谷饲黑安格斯牛、SRF美国极黑牛、特选牛小排等等，仲可以无限次食期间限定嘅日本京都府黑毛和牛😍，食到回本话易阿😆！依架加入多款食多款热食新品包括以牛为主打嘅牛肉小笼包、咖喱牛筋腩、北海道牛肉薯饼，以及港式情怀为题嘅辣酒煮黄金螺、腊味糯米饭同鸡蛋仔味雪糕等等✨。汤底叫咗店员推介嘅人气口味味噌海老盐汤🍲，成个汤底红卜卜，煲滚嘅时候闻到好香嘅虾味，虾味好浓郁！❣️肉类推介❣️🐮日本京都府黑毛和牛 脂肪同油花好丰富，入口即溶，口感软嫩。🐮澳洲极上和牛肉质鲜嫩多汁，富含大量的脂肪纹理，肉味较浓郁。🐤日本赤鸡鸡爽肉肉质好滑嫩，有少量嘅脂肪，食落去系爽口嘅感觉。❣️海鲜推介❣️🦪黄金蒜香生蚝呢款系期间限定～胀卜卜嘅生蚝肉上面有好多炸蒜，蒜香味十足，好香口啊！🍢竹笙虾滑竹笙吸收哂汤汁，包住虾滑系入面，令爽口竹笙加咗弹牙嘅口感。🦐大海虾海虾都几大只，肉质爽口有弹性，我地每人都食咗几只阿！❣️甜品推介❣️🫘十胜红豆豆乳冰豆花呢款写明系分店限定，咁就要嗌嚟试吓啦！豆花上面加咗红豆、奶盖同火龙果干，豆花好滑溜阿！🥣鲜柚杨枝甘露佢哋嘅杨枝甘露唔系用西米，而系用大大粒嘅水晶珠，口感好似芦荟咁。芒果肉香甜，加上酸甜嘅鲜柚肉，做饭后甜品唔错呀。🎁会员及非会员只要赞好Facebook或Instagram，留言「牛气10周年生日快乐」祝福词，就可以获得十周年版牛气御守、达摩厨师便条贴或达摩厨师锁匙扣其中一份！📍 牛気九龙湾牛头角道77号淘大商场1期地下G143-162号舖
继续阅读
今日同朋友行完商场过嚟食打边炉，知道牛気一向都好出名，所以今次就叫咗Level4嘅任食澳洲黑安格斯牛+美国极黑牛+海鲜放题，有成两个钟俾你慢慢食。餐厅嘅环境非常好，我哋6:00去到唔算好多人，自助区基本上所有嘢食都fill到好满，而且隔几分钟就会有人去check一check，少个半碟即刻拎去换。今次餐厅嘅主题系韩风祭，所以酱料区同埋自助区都会加咗少少韩国嘅特色食品。佢哋嘅牛肉一向质素都好好，雪花好均匀肥瘦相间，而且超级新鲜，完全唔会有雪藏味嘅问题，海鲜都系一样，扇贝同青口大大粒，超级鲜味！而且佢哋嘅汤底用料好足，我叫咗黑蒜猪骨汤，汤底中间一大嚿猪骨，熬出嚟嘅汤底好浓味好好食。
继续阅读
今次去咗呢间听讲新开无耐嘅火锅放题😋下午虽然人流极多，但新装修加上餐厅面积大，坐得几舒服😝冷气足够今次order Level 4 澳洲安格斯牛及海鲜放题除咗1️⃣澳洲谷饲安格斯牛仲有2️⃣美国极黑牛及3️⃣牛肩胛三款牛肉有不同口感个人喜爱安格斯牛，配上期间限定韩国牛尾雪浓汤底，牛味香浓突出更有质感👍🏻海鲜拼盘推介海虾，入口弹牙爽甜花胶口感好胶质、青口及带子都非常鲜甜全部都系任点任食熟食区有关东煮，款式好多7月期间限定韩国祭，有韩式辣鸡翼，卤猪蹄，韩国泡菜饺子，都非常有特色🇰🇷
继续阅读