牛涮鍋もっと (已結業)

今日專登再去樂富食牛涮鍋，因為上次食完，送左張$50元Coupon, 雖然都可以幫親同集團其他食店，但牛涮鍋還是我的首選。因為卡位坐滿，想變都變不到，(上次牛奶小姐就變了一張給我)， 所以就不食任食肉90分鐘，改吃單碟肉 $79，60分鐘。其實單碟肉也有好處的，可以多吃自助吧的食物，因為樂富店實在太多好吃的。60分鐘時間，就是和時間比賽，但可惜我們個鍋就是不爭氣，很久後才水滾，所以未滾前建議先吃其他食品爭取時間。還有一樣很貼心的是，拿果汁時，果汁機咁岩無晒果汁，到加回果汁後，服務員Hermen 就拿了一杯過來，十分窩心。到差不多時間完，Hermen 又過來跟我們說，因為我們個鍋不滾，多給10分鐘我們，等我們時間鬆動一點。那様的服務員在夢中才有吧。

今日去左樂富行街，見到牛涮鍋就唸住幫親。吃火鍋多年，幾間連鎖火鍋店，牛涮鍋都是性價比比較高的一間。本來打算吃單碟$79 加一 單碟60分鐘自助放題的。不過，牛奶吳小姐說有客人取消訂枱，所以就安排了我們坐卡位，既然有舒適卡位坐，咁就轉了吃 $118+10元(星期日加10元) 加一90分鐘任食放題。大鍋都可以鴛鴦湯底，不像其他牛x 要多種湯就要加錢。所以我又可以吃我最愛的辣湯。今次選了麻辣湯底，對我吃過無數火鍋來說，不算特別突出，還算不錯。醬料很多款式。雞軟骨滑，很特別值得試。90分鐘時間 最好就用60分鐘吃火鍋，30分鐘品嚐其他美食，甜品雪糕等等。西瓜雪糕超好吃。就算不喜歡吃牛 什至不喜歡吃火鍋 樂富這間餐廳有這麼多選擇，一定能滿足到你。

難得放假,打算和男友吃一餐豐富的晚餐,決定打邊爐。而今次來到這間牛涮鍋,晚上9時,客人已經不多,所以很快便進去了。其實,這間打邊爐已經吃過好幾次。因為味道可以,所以都會選擇再次光顧。男友選了最貴及最靚的和牛 – 日本鹿兒島薩摩黑毛和牛肩脊肉, 湯底選了蕃茄和豉油味。於湯底方面, 蕃茄有濃郁的蕃茄味,而豉油湯底是甜的。這是90分鐘的放題式打邊爐,這個和牛入口即溶,就算不點醬油,都有好香的牛味,牛肉都算是新鮮。而刺身方面,都很新鮮。出面放了其他食材,如丸類、蔬菜等款式都有很多。基於疫情關係,熟食要另外跟侍應落order。

平日同朋友兩個lunch嚟打邊爐，唔使等位，一個套餐一碟肉+半自助火鍋配料，唔好以為配料剩係得啲蔬菜同埋面，有幾款丸同埋雞滑，雞滑好食呀強烈推薦！然後飲品有凍又熱，選擇都幾多，甜品蛋糕都有好幾款，最好玩就係可以自己整軟雪糕，軟雪糕仲要有唔同味道仲可以落啲配料醬汁～火鍋湯底都好多選擇，雖然限時但係時間都叫充足，重點就係真係好平呀，埋單每人70左右，有機會一定要再食！

假期前夕唔知食乜，睇到廣告有半價外賣邊爐，試吓無妨。真係超級抵食。點左個2人餐，再加左小小嘢，埋單$180。返屋企打開，份量非常夠。根本唔需要加嘢已經肯定食唔晒。我地係sukiyaki 湯底。非常濃、足夠溝出好多湯。第一次千奇唔好落晒，否則會過鹹。牛肉唔係頂級，不過都夠牛味。肥瘦分明對我來講好有用 - 可以剪左肥膏食瘦肉。蝦就淋淋地。其他食材正常。總體來講無野可以批評。抵呀。我講左出來好多朋友跟我風添！

二月頭嘅時候因為牛涮鍋有同line friends合作，所以去咗做打邊爐家族，之後餐廳因為防疫關係停開😷，最近部份分店又開始返營業喇，大家衡量過覺得okay，可以考慮去支持吓！Brown & Friends 90分鐘極尚滿足放題套餐 (晚市) $288/1 套餐包咗每人一份日本和牛、美國SRF和牛、時令海鮮盛盒，仲有任添嘅丹麥皇冠豚梅肉同美洲特選雞腿肉，當然仲有外面放題區嘅食物。湯底我哋揀咗雙拼，有我最愛嘅甜醬油湯，同埋期間限定嘅三文魚味噌湯 +$10，三文魚湯味道清甜，帶有魚嘅鮮味，我就主要用嚟煮海鮮，食落鮮上加鮮，甜醬油湯我就鍾意用嚟煮肉🤤 跟餐嘅兩款和牛都好掂，一望到已經流哂口水，油花分佈均勻，用甜醬油湯底煮完又香甜又嬌嫩👍🏻 友人就好愛個海鮮盛盒，特別係啲貝類同蝦，夠哂新鮮。幫襯過牛涮屋嘅都知放題區仲有好多選擇，我每次都必食佢哋嘅烏冬、芝士海鮮豆腐、同埋雪糕🤤 今次仲發掘咗原來炸雞翼都好好食😋 等緊湯底滾嘅時候記得要食住等啊😎今次去仲換購咗超多精品，不過唔肯定而家仲有無，有興趣記得問吓餐廳先。P.S. 而家防疫關係，佢哋仲推出咗一人鍋，可以去佢哋專頁睇睇。需加一服務費，埋單2人

朋友說牛涮鍋的肉好吃，然後跟著他來樂富這間牛涮鍋吃，店面位置容易尋找，店員先讓我們決定好吃哪套餐的牛肉跟湯底，我們兩個人選了等級2的肉牛豬雞都有，性價比很不錯，湯底我們選了昆布跟黑蒜油豬骨湯。外面的自助選擇火鍋料區有😍很多選擇，我尤其推薦芝士丸，一口咬下去會有芝士湧出，很好吃。其他火鍋料也很多選擇，有菜心，生菜，娃娃菜，各類菇類，對面還有一些熟食可以選擇，我朋友就拿了一些薯角，留著肚去吃肉。轉角位還有豆腐，拉麵，烏冬可以拿，十分推薦黑蒜油湯底下拉麵，像是外面吃豬骨湯拉麵一般，同一位置還放有醬料選擇，我混了兩個醬來沾肉吃，牛肉很有牛肉味道，豬肉也很軟，薄薄的一片，吃下去使人食指大動😋😋，一片接一片，雞肉相對比較厚實，煮的時間要更久，肉汁豐富，但是我們主要目標是豬肉跟牛肉，可惜吃火鍋前先喝了一杯飲品，沒能吃更多的肉，下次再去吃，一定要吃更多肉。😋店內有飲料bar，就常見的百事，檸檬茶那些，也有冰沙那些，冬天吃冰的很開心，也有雪糕，自助形式，那天去吃的時候是豆腐味跟朱古力味，中間是雪糕筒專用的朱古力雪糕，因為朋友弄了中間那個用碗裝，然後還在說中間那個只朱古力，覺得中間那個出的雪糕不對。😂😂

高質牛涮锅，哩次叫佐個泡菜湯底同豬骨湯底，個泡菜湯底真係無得頂，夠嗮辣，鐘意既朋友仔可以試下，而且哩度自助款式比較多，另外哩度有炸雞翅，比M記好食好多雞翅好搶手，次次一出幾分鐘就無嗮另外仲有都幾多種類既丸不過雪糕就ma ma地，如果有多d選擇就完美了值得一讚係肉類落單，好快就到，唔使等好耐服務員既態度非常之好，下次可以再試

食過好多間日式火鍋放題 但真係好食嘅就好少，好食嘅溫野菜價錢略貴，要搵又平又好食嘅日式火鍋放題就選擇不多！但牛涮鍋俾我感覺超抵食！百幾蚊試咗個Lv2 對於牛嘅味道冇太有期望 但ok收貨！反而對於湯底配菜熟食有超大驚喜！湯底方面好濃郁 比出面嗰啲淡而無味出色好多倍！特別係甜豉油湯底 滾左好耐都仲係好有味 加咗湯好多次都仲係好好味😍配菜方面有出面好多都冇嘅芝士丸，脆皮腸(高質)，芋絲，粉絲熟食方面有單骨雞翼 味道正常 但火鍋放題熟食入面黎講都算係可以encore 都好味環境方面可能係新裝修嘅關係，感覺上好乾淨整潔，座位亦好坐闊落 好啱一家大細總括而言我覺得性價比好高 食開燒肉嘅我突然覺得好抵食400蚊唔洗兩個人好化算！

牛涮鍋もっと，在食評網上看別人打卡過，這次終於自己來喇。進門看到環境，就有種起雞皮疙瘩的感覺，環境走得食“年代感”“接地氣”造型的火鍋店，跟一般很濃重氛圍的火鍋店非常不一樣，個人感覺在這種環境下吃飯更舒適，就像跟街坊們一起聚餐打火鍋一樣。這裡主打的是牛肉，新鮮的牛肉味道，還帶有一點點奶味。這家店還挺適合我們幾個男人在這吃肉小酌幾杯，還挺有感覺的。

今日同朋友行完山就去呢度打邊爐，可惜兩人嘅枱等左好耐。等左大約半個鐘以上先至入座。但係本身我係會員可以用積分去換一個人免費食，所以揀咗$248刺身連海鮮 嘅上級肥牛火鍋。刺身大概有玻璃蝦，三文魚，北寄貝，墨魚，響螺片，帶子。算係好新鮮同埋好多選擇啦呢個價錢可能係我套餐嘅問題 海鮮唔算好多選擇有青口，顯，墨魚仔 不過本身已經好多嘢食，所以都唔緊要。湯底我哋揀咗一定要嘅甜豉油同埋黑蒜豬骨湯底。有啲似出前一丁嗰個味道

晚上九點，餓了，看到牛涮鍋不用等位，立刻決定光顧一下。剛好信用卡做優惠就點了優惠套餐，附送海鮮拼盤，另外再級升級放題刺身先來了牛肉及豬肉，兩樣都很不錯，每樣續盤了三大盤火鍋配料及配菜，選擇極多，有餐前小食，各式丸類，豆腐類，菇類，蔬菜類，粉面飯累，應有盡有，質素也不錯，每樣吃一件也夠飽了。至於刺身類就可以不試，留下Quota 吃肉更好附送的海鮮拼盤也夠新鮮，但還是肉類比較出色。甜品及飲品類也選擇很多，特別喜歡他的甜品，長崎蛋糕更是本人首選！總括而言食物：跟其他的同價放題火鍋店，食物質素是較好的，選擇很多每樣也很不錯，確是要讚服務：點餐已改為電腦化減少人手，侍應反應們反應快。唯一改善是當天晚市九點已沒有太多客人，但還要客人share 搭台。不明原因。環境：光亮寬敞，坐得還算ok。

今日中午同太太諗食咩好，諗起抵食好味又飽肚，係屋企附近又就腳，即刻諗到牛涮鍋，今次第二次食啦，點咗$69/位既豚肉套餐，忘記咗食60定90分鐘，但食咗既嘢好多，真係物所值。呢度環境好好，地方闊落，坐位舒適。點咗湯底之後幾分鐘訧送到枱面，好快手。各式各樣既丸，左下角嗰種好正，唔知叫咩名。連醬料都擺都好似係酒店食咁魚皮好香脆呢個炸薯都要試下，正。呢個餐真係抵食我最鐘意既羅未湯，材料十足，味道濃郁，黎到一定要試

食物種類多，環境寬闊，但用tablet加湯，沒有店員會過來，另外也沒有人會收走盤子，經過的繼續經過，哪怕已放滿全枱。最無法接受是完場時店員的態度。本來吃完在喝茶消化，聊天時也忘了看時間，過了用餐時間5分鐘，有位高個子戴眼鏡的女店員走來，臉黑黑的就說: 你哋嘅用餐時間已經過左5分鐘嫁啦，你哋其實係要交枱嫁。我們都一臉懵然，那時候已經10點，也沒人等枱，用得著這種態度嗎? 我明白用餐時間過了，沒準時交枱是我們不好，提醒我們也不是問題，但這態度真心無法接受，不知道還以為我用餐時間過了30分鐘或者吃了霸王餐呢! 老天，才5分鐘吧，不用這樣強調，我也只是坐著聊天而已呀，像欠你一百萬似的。這樣的服務質素，哪怕食物再好，我們也未必會再來這一間了。

今日同友人慶祝生日，揀左呢間唔洗等位既邊爐食。呢間邊爐算新開，環境新淨，抽氣亦都好好，無太大陣既邊爐味。揀左$228既美國SRF和牛，揀左櫻花蝦沙嗲同豬骨湯，牛落櫻花蝦其實食落無咩特別，但落豬骨湯就覺得好食左。講完牛，就講下出面拎既食物，竟然見到有幾款炸物，仲要有三角薯餅又有湯飲。味道正常，但炸物唔係好熱，但都仲脆口，算唔錯。再望下啲丸，款式種類係偏向芝士，愛吃芝士既一定要試車打芝士丸，而個墨魚滑就一般，而其他配菜無咩特別。我飲個提子汁好淡，好似溝左好多水咁，雪梨汁就幾清甜。整體用餐感覺係良好，舒服，乾淨同唔算嘈，要讚下多數邊爐店放調味料既位都好多碎同豉油係地下，呢間就無呢個問題，普遍食下邊爐吹水係唔錯既選擇，希望可以一直保持下去。