牛涮鍋 (已結業)

不是VIP 朋友不需試, 因等候時間拿飛後可看場戲, 看完可能都未有位, 如大家有朋友在此打工, 則很快安排入坐, 如沒有朋友及VIP 卡, 則要有時間等候才去等等吧或先去看場戲或飲杯coffee 先

我己經一年無食了，我轉食了其他幾間日式牛鍋，原因我最憎等位。今次難得有個朋友有張金咭VIP，話唔洗排好耐所以先去，話張咭功能係一行埋去就只會最多排第二張，對於最憎排隊的我，就正啦!我們4個男仕，7點左右到達，門口無咩人排緊，吓?唔係好爆咩?點解會咁?我們入坐下但選了第2平的餐，而家原來有埋雞肉任食，近年中意食雞的我就岩晒啦，唔洗狂食牛啦! 超讚加$18就可以任飲亞沙兒，我們每人飲了杯，回晒本啦!抵呀!牛,豬新鮮、味道好食,水準不錯出面自取菜式少左DD，如果可以多2,3款菜就好了，但係都好新鮮，金菇、黃牙白好食。短短90分鐘就完啦!更係出去食乳酪啦， 今日有兩款原味和草莓味TOPPINGS唔算好多款，但都OK的，食到好滿足!

肥髀學校測驗週完結，幾個家長一齊出來大飲大食去輕鬆一下，難得今次唔使帶小魔怪一齊，同學仔媽咪揀咗呢間放題比班牛魔王！一早訂好7點半，可惜我有事遲咗，佢哋先入座！我去到時見門口堆滿人，入滿見人山人海咁爆場，近門口係食物自助式吧枱，主要係啲蔬菜、醬料！戰友揀咗$298嘅澳洲和牛放題，因為我無餐牌，只見佢地食緊嘅，湯底係：昆布湯：無乜味！主要攞來淥蔬菜辛辣泡菜湯：微辣，都唔係好濃！所以要靠醬料！澳洲和牛：切得薄，肥瘦相間，輕輕一淥已可以食，幾片和牛一個食盒，次次都叫6盒一round,一陣風就無咗！好在呢度真係90分鐘任叫，一啲都無拖延，整爽手，而且質素唔會變差！由頭到尾都一樣質素！豚肉：同牛一樣薄，不過唔夠牛咁肥美，試過一round就繼續食牛！雞肉：淥咗都唔嚡，仲幾滑！配料：金菇、鮮菇索晒湯好滑！翠肉瓜爽口，芝士丸好味，仲有隻咖哩丸，好濃咖哩味！豆腐超級滑溜，芋絲同魔芋彈牙！好QQ醬料好多選擇，加埋啲青蔥同生蒜！最喜歡黑椒唐辛子醬油，味道微辣香濃，好惹味！最後食咗乳酪雪榚，自己唧，好難控制，味道唔太酸，似係微酸嘅軟雪榚！好在唔太甜！飲品：主要係汽水，加果汁，仲有指示教點樣溝，不過個冰桶放得比

假期瞓醒已經下午 閨密v 提議去打邊邊二話不說 換衫出發朋友係member 去到仲有lunch buffet 我們pick 咗Hkd 178 任食個半鐘特上美國牛小排 加豬肉同雞件任食 都幾抵湯底揀咗甜鼓油同豬骨湯鼓油 醬料 飲料全包 提子soda 夠凍好味牛小排好香牛肉味 放入甜鼓油湯底 好好味而豬骨湯 就好似出前一丁豬骨湯味小妹都係喜歡甜醬油多d 至於豬肉就好乾咁 仲有d鞋 雞都好一般 又乾又硬 可以不試 keep 住order 牛就ok 由於朋友係會員 有一個seafood platter 送蝦夠鮮同甜 仲好爽口 蠔唔會腥 但熟咗之後好細隻魷魚都新鮮爽囗嘅外面有bar 枱 供應丸類 菜 烏冬 豆腐仲有雪糕機 好滿足

假期晏起身... 一嚟就去打個邊爐先...平時MOU MOU好多人... 無訂位係要有排等...今日係假期... 下晝都係咁多人.. 不過好在咁啱有枱.. 唔洗等... 直入...對自己好啲... 叫個牛小排餐... HK$178+10%甜醬油加豬骨湯底...叫好晒嘢... 就去拎嘢飲同其他配菜...因為要食牛... 所以只係拎啲蔬菜...除咗蔬菜之外... 當然有好多配菜比大家揀喇...烏冬, 豆腐, 魚蛋, 年糕...牛來了... 好靚既牛小排...二話不說... 即刻夾起一渣放入個鍋度...以理個價錢嚟講... 啲牛肉算係好好家喇...除咗牛之外... 一開始都有豬同雞...不過之後無再追加豬同雞... 只係攻牛肉...同時間競賽既90分鐘放題...要顧及既嘢實在太多....但係當然唔會忘記佢既味道...牛小排有牛味... 切得唔算好薄... 都有咬口.. 但係唔會好靭...豬就比較鞋無咩豬味... 雞就直情係好靭.. 好難咬...其他配菜方面就不過不失...最驚豔既係油蜜菜... 因為喺有油既鍋烚過... 所以好好食...激戰到咁上下... 當然就係要歎返個雪糕... 所為最後

終於與遠方的朋友見面了!! 在韓國認識了幾年, 之後介紹了我認識香港的朋友, 這就是大家三人的緣份了, 今天這位遠方的朋友終於在馬來西亞跟老公過來工作及旅行了, 大家有機會見面, 當然早早請假做陪客一齊玩啦~~~朋友很喜歡吃打邊爐, 反正很久沒吃了, 一於齊齊去吃!!! 因為大家都在港島區, 而且之後會去山頂, 所以就選了這家幾抵食及坐得舒服的店……在銅記的地方, 而且是LUNCH後半的時段, 所以人流不算很多, 之前想訂位, 但原來已滿, 不過說7成做walkin客, 所以就早點來等了!! 環境算不錯, 仲有隻得意牛牛LOGO陪著, 而款式有不同的價錢, 就是看大家想吃什麼樣的肉!! 我們選了清湯及最平的那款, 因為我們也不吃得多, 所以普通也是OK的, 原來用恒生咭還有85折的優惠, 真是不錯……不久鍋及肉便來了, 肉質還算好色澤也不錯, 牛肉同雞肉幾好食, 豬就稍為韌了少少, 然後我們也有出去揀其他食物, 行了一圈覺得款式也不少, 丸類及其他蔬菜類也多款, 特愛芝士丸及魚腐那款, 還有最愛的芋絲, 而蔬菜也算新鮮……吃到差不多就後加了一些肉, 然後再出去吃乳酪, 今天有兩款原味及

天時凍，打邊爐是一件極開心的事。不過，好多人都覺得，打邊爐是需要時間的，一定要在晚上進行。不過，世事並不是絕對的，在工作日的中午，我曾經試過係《HIPOT》打邊爐。一人一爐，自助形式，對喜歡食火鍋而又想快閃的人，是極度滿足的。在商業中心區飲食，中午的時段，當然是包羅萬有，是次說的是火鍋，是次說的也是午餐。所以，午餐的快餐火鍋絕不會缺乏。而在銅鑼灣核心地帶，我們在《牛陣》同《牛涮鍋》兩者間二選一，而因為《牛涮鍋》的用餐時限比較長以及比較近一位 lunch 時間 比較短的朋友，所以，我們就來《牛涮鍋》，來一個算做快閃的任食日式火鍋。中午時間，原來都有好多人喜歡打邊爐。《牛涮鍋》中午的時段不設訂位，幸我們有人可以早到，一早在12點15分，就霸定張4人檯。然而，我們發現，好多學生喜歡一大班，男還男，女還女的來食，頓時令我們感覺到，而家既中學生真有錢。回想起小時候，我 lunch 去 7-11 食杯面咋.....(錢留來租漫畫、扭卡同入機舖打機。)汽水是任飲的，而且選擇非常之多，我們當中有識途老馬朋友建議我們以果汁溝梳打水。我沒有試，但眼見好多人都左溝右溝，感覺都幾好玩。同一般的日式火鍋放題一樣

每年除夕, 成班朋友都會約出黎食晚飯, 再去海旁倒數, 為求可以聚首一堂, 互相傾訴, 對新一年作出盼望今年去灣仔倒數, 商量後決定黎呢間食, 返正我都未食過90分鐘放題, 一如估計6點就已經第一round, 呢個鐘數拎飛就7點幾可以入座, 好彩呢日早放工可以拎定位先佢有唔同價錢, 越貴啲肉就越靚, 而我地揀左最平嘅$158美國進口牛肉放題, 返正時間有限都食唔晒咁多種 (其實唔係食開嘅比靚啲都食唔出)雖然唔係貴價野, 但係牛肉食落都幾嫩, 咬兩三啖就食到落肚, 豚肉都幾滑, 但係雞肉就第一round得好少, 之後又冇叫過, 所以無緣試下湯底見到四川麻辣豚骨湯所以試下, 驚太辣所以雙拼左個骨膠原豬骨湯, 事實上四川麻辣真係比較辣, 好彩唔係太食辣嘅我都接受到醬料係出面嘅枱度自己任溝, 不過唔想要太辣, 所以剩係要豉油同蔥, 另外加埋胡麻醬試下除左肉之外, 出面仲有唔少配料可以落, 仲要有炒飯食, 小弟比較欣賞芝心丸, 因為入面啲芝士味真係好濃郁好甜不過炒飯真係幾油下, 加上係飽肚食物所以食左一碗都有啲後悔野飲都係任飲, 除左汽水之外仲有幾隻果汁, 仲會教你整fruit punch其實都

Last night is my first time to try this with friend, but its quite good!The beef is good, ice cream is yummy! The service is ok!Self-services~drinks, veggie, noodle, rice, dessert like ice cream!I'm sure that I will come again next time!^^

之前聽朋友講過，在銅鑼灣世貿中心3樓有間專門食牛肉ShabuShabu放題嘅餐廳好好味，仲可以揀日本和牛，聽落都覺得好正，所以今天晚上約了幾個“美食敢死隊”戰友，一齊去打探一下軍情先。我們的探子兵於6點左右已嚟到“戰場”，唯原來放題限時只90分鐘，遂等齊人才進場，其間曾多次詢問接待員需要取籌與否，而得到的答案是“現在裡邊還有很多空位，唔駛攞飛住”，等咗一陣，我們的探子兵一直都停留在Reception附近，誰不知此接待員在沒有事先通知的情況下突然派起籌來，我們原先是第一個到埸，卻落得排到第5張飛的下場，足足讓我們多等了接近45分鐘！入坐輪侯安排有點混亂，有欠細心，大家下次去食時記得留意先攞籌，情願過咗號碼再排過，總好過俾其他客人合法“霸尖”吧！等到七點半，終於有位了，進去前員工已先詢問我們要那款牛肉放題及那款湯底（他們的牛肉有多款選擇，每種牛肉的放題價錢有所不同，入座前要選定一款，包括普通美國牛肉，美國特上牛，美國特上牛小排，澳洲和牛及日本極上黑毛和牛），另外亦問我們有冇人唔食豬同雞，我們稱得上“美食敢死隊”，當然様樣都食啦……我們決定今次先試美國特上牛小排跟番茄濃湯拼甜醬油湯底（湯底的

朋友心血來潮想涮一番，故去到銅鑼灣的牛涮鍋大刷一番。 牛肉選擇了最便宜的牛肉，原因是多次嘗試，食物水平極不穩定，不論價錢也是要聽天由命，所以最便宜再加運氣就是你食放題火鍋的最大福氣，今次食了5碟牛肉，4碟油的分佈不錯，進口有牛香及爽口，1碟就沒味加咬不開的口感。 朋友會員卡優惠送的海鮮按朋友所言，蝦爽口而無味，帶子就不算太鮮，而且比較瘦。尤魚就鮮味十足。 豬肉及雞肉及其他配料雞件不滑，肉味頗鮮，豬肉則夠薄，口感爽口，味道有淡肉味。本身有少量甜品，也有雪糕可食，當日未有嘗試XD。侍應不算太多，收碟的速度一般。汽水任飲加配料頗多選擇，不錯。唯一就是肉類時好時壞，食物質素不夠穩定。總結評分味道:7/10價錢:6/10(人均消費)180環境:6/10服務:6/10性價比:6/10推介菜式好不好彩的牛肉

近兩年七一，我一家大細都會去銅鑼灣，不是參加遊行，而是吃午飯。正因為遊行，少了人去銅鑼灣逛街，連食肆人流都少些。今次我到了這裡，聞說每逢假日都有不少人輪候，今回卻無需等位。這裡主打火鍋，午市每人$68一小時，包一份肉，菜疏任食，飲品任飲，還有雪榚，個人覺得非常抵食。不過我有大有細，吃得慢，所以選擇另一套餐，個半小時，大人$108，小童$78，肉食、菜疏、雪榚，任食任飲。火鍋最重要當然是湯底，這裡有六款選擇，我選了骨膠原豬骨湯底及鰹魚清湯，分開兩鍋上。肉食有牛肉、豖肉及雞腿肉，菜亦有三款，再加其他食材如脆皮腸、金菇、白蘿蔔、豆腐、烏冬等等，相當豐富。牛肉及豖肉感覺夠肉味，雞腿肉就一般啦。對我來說，還有一樣重要的是調味。這裡提供五至六調味醬料，可以自己「混醬」都得。我就沒有「混醬」，只選了芝麻醬及柚子醋，而柚子醋亦是今次我的最愛，因為果酸味清香，夠開胃。這裡還提供飲品DIY，更有建議配搭，夠特別。我嘗試配製Fanta Sunset，但看圖怎也想不透60%+40%+40%+40%是會超過100%，結果每種大概加一些，味道也不錯。後來才發現自己弄錯了，原來那些40%的是選其中一種...哈哈~

來MOU MOU 吃火鍋放題, 大多數也是惠顧午市時段, 從未試過晚市, 剛巧星期日晚頭痛著吃什麼, 乾脆來個放題火鍋, 可跟著自己喜愛的食物來選擇星期日訂座已FULL, 唯有walk-in, 因為星期五,六,日既晚市放題由16:30 已開始, 所以我17:45就到咗, 即時walk-in, 唔需要派飛輪侯, 減省了等候時間點餐方面, 肉類已分好不同質素已定出價錢美國進口牛肉放題 ($158 / 成人 $108/小童及長者 另有加一收費)- 美國進口牛肉, 豚肉, 雞肉美國上級進口牛肉放題 ($178 / 成人 $108/小童及長者 另有加一收費)- 美國上級進口牛肉, 美國進口牛肉, 豚肉, 美洲特選雞腿肉美國特上牛小排放題 ($248 / 成人 $148/小童及長者 另有加一收費)- 美國特上牛小排, 美國上級進口牛肉, 美國進口牛肉, 豚肉, 美洲特選雞腿肉澳洲和牛放題 ($298 / 成人 $208/小童及長者 另有加一收費)- 澳洲和牛, 美國特上牛小排, 美國上級進口牛肉, 美國進口牛肉, 豚肉, 美洲特選雞腿肉日本極上黑毛和牛放題 ($368 / 成人 $248/小童及長

朋友lunch想打邊爐就上左去牛涮鍋，一去就有位喇。 店內都幾舒服，中間放左好多食物，而旁邊就放左飲品機，上面仲貼左個指引教人點自制其他飲品。   我地叫左豬肉加雞肉。 雞肉同豬肉。既肉味都好重，我就一麻麻鐘意喇。食品種類都算多，有仿干貝，韓國年糕，蘿蔔片，蕃茄厚片，魷魚丸，拉面，芋絲，翠肉瓜，生菜，豚肉餃等等。 拉面幾爽口，魷魚丸真係有一粒既魷魚，食落有種食緊水魷既味道，豚肉餃就好香，食到肉味又有菜，唔會話得個咸字。 仿干貝真係正! 咬落去係一條條既樣，又彈牙 讚!! 我兩個人地食左60分鐘。 $149.6埋單。草莓乳酪雪糕酸酸地甜甜地，再加埋朱古力豆同曲奇就好好正!!和牛飯好香，色靚， 但食落似普遍炒飯咁。

朋友說午餐想吃火鍋,於是捉我去了.因為是下午2點多了,堂食的很少,不用排隊.我比較喜歡吃海鮮,點了最貴的黑毛牛+海鮮,任食90分鐘.(個人建議:人數少的選60分鐘,肉類不任食,每人1個套餐夠了.)落單後很快就上台了.鍋底選了豬骨湯和番茄.豬骨湯底味道夠,但是番茄湯底味道很淡,後來加了一堆番茄才覺得夠味.牛肉用料新鮮,味道濃郁;魷魚鮮嫩爽口,海蝦也很新鮮,肉質結實;牛肉炒飯很香,但味道不夠(朋友推介加厘炒飯,可惜這次無緣.);雪糕也很軟滑.服務生很勤快,刷桌子,收拾我們的空碟子,第二次落單的食物很快上台,不錯.付錢的時候還問我們有沒有匯豐或者citi,說有優惠,事前我們只知道匯豐有做優惠,但不知道citi也有做,幸好服務生提點我們,謝謝哦.