牛皇海鮮火鍋小菜館 (已結業)

特意去試下佐敦牛皇, 正因為上次有friends介紹佢既野食幾新鮮, 同見佢平日賣廣告勁sell其海鮮同手切肥牛今個星期四夜晚, 我地一行4個人, 大約9點左右到左呢間火鍋店, 當時餐廳冇坐滿, 環境都算可以, 有2個大電視可以睇住一路睇電視劇一路食飯。佢地仲有青色同紅色指天椒, 蒜蓉, 炸蒜蓉同蔥長期放係你枱面~ 湯底方面, 佢地介紹我地叫左1個蕃茄牛粒海鮮湯底, 佢話今晚特價$68, 裏面有o的蟹, 九肚魚, 魷魚等等, 但略嫌佢既蕃茄味唔夠濃, 不過都尚算唔錯配料再叫左皇帝菜($20), 鮮蝦水餃(約$28),鮮脆骨腩(約$48), 金菇($28), 佢既魚幾鮮甜~ 不過遺憾在佢賣哂唔夠皇帝菜, 冇話過俾我地聽就是但放左o的生菜落去, 令我有o的不滿, 至少都講一聲會好o的。再叫左一碟大既手切肥牛(約$120左右..), 我當晚所見, 佢o的牛幾新鮮同都有牛味, 不過比想像中o的牛唔夠雪花, 脂肪分佈唔太平均見到隔黎枱叫左碟炒蜆~ o的蜆好大隻~ 都係$48, 炒得有鑊氣同好甜好好食, 又冇沙, 好滿意!!! 而另外叫左一個砵酒筒蠔, $98有6隻, 味道唔錯, 不過o的蠔唔太大

這裡打邊爐好正，但好貴，要出糧先可以尼。牛肉一流，但要識叫，上星期3個人叫了2碟，一個字，正。刺身總類很多，點了蝦、老虎斑、象拔蚌。再點一些蛟、丸、鵝腸、菜。啤酒比條啤酒妹攪到飲了十幾支。

雜菜海鮮牛展湯底四寶丸、秀珍菇、聖子、脆鯇、牛肉食的就係咁多，甚麼魚生船甚麼生蠔…我有正常智慧咖，咪玩啦。大部分的野都係切好晒一份份，一叫就有，連聖子都係，好無誠意的feel羅。一坐底就hard sell海鮮又象拔咩又魚。頂！得啦，無晒mood羅湯底唔濃，味精當道。牛…號稱皇咁利害，都不外如是。早知過隔離馬記好過。

1月14晚天寒地凍，6 點9去到，沒有太多人，但半個鐘頭後，地下及樓上都已經坐滿。我們兩個人叫了蕃茄牛肉鍋$38，例牌手砌手肉$68，墨魚滑及蝦滑雙拼$68，脆鯇片$28，生菜$18。牛肉不錯，墨魚滑及蝦滑非常好味，脆鯇片比較稻香好食，生菜新鮮。我們食了一個半小時。