牛繁一人燒肉 (屯門市廣場1期)

营业中

休息中

自從轉左新老闆之後，基本上OT已經係常態，今日收工仲要特登出去Aeon買公司野🤕 買完野已經8點幾，係收銀處前面pack野果時真係又攰又餓，仲要拎到成手都係野… 本身諗住求其食少少野就算，但又覺得自己好似好慘咁🥹 點知！原來係收銀處前少少開左間新既燒肉鋪！仲要係一人燒肉！我見到呢間餐廳就好似見到曙光咁🤩仲要唔洗等位就入得👍🏻餐廳入面好乾淨企理，而且每個位隔離都放左一個置物籃俾人放野，真係fit哂拎住一抽二掕既我🥹！店員服務態度好好，當我坐低左settle好之後就會好貼心咁問我飲熱水定凍水👍🏻 又會提我用QR code落單👍🏻北海道十勝黑毛和牛肩胛肉套餐($162)套餐包左味噌湯、配菜 (我揀左泡菜)、飯/麵。用QR code落單既其中一個好處道係所有options都可以show哂出黎，配咩醬汁，要多飯/少飯都可以自己揀。我最後揀左祕製燒汁之餘，仲+$8 配月見汁(蛋汁)😋餐廳既上菜速度都算快，落左單大概10分鐘左右就上枱。枱既邊角位可以調節火候，5號係最猛火而1號就最細火。我會係唔需要燒肉既時候教細火，咁就唔會熱住自己。日本和牛真係好好味，肉既油脂好豐富，自己求其燒都可以爆哂汁，好香肉

一人燒肉可以話係近年最受歡迎嘅菜式之一，之前已經去過「牛繁」嘅其他分店，鍾意佢夠抵食，今日去開屯門見到竟然開咗新分店，就一於再黎一次燒肉啦。餐廳有多款唔同套餐，豬牛雞都可以選擇，豐儉由人，最後我揀咗A10四重奏套餐，貪佢每樣肉都有得食。每個位都有唔同醬汁及調味料，令燒肉更美味。10四重奏套餐 :四款肉分別係蔥燒牛胸花、汁燒肩胛片、味噌豬五花及柚子胡椒雞腿肉，當中我最喜歡汁燒肩胛片，好有牛味而且多肉汁，配飯最適合；豬五花油脂味十足，而柚子胡椒雞腿肉有驚喜，入口好香胡椒味，味道微酸辣相當開胃。另外喜愛牛舌嘅我，食燒肉又點可以冇牛舌呢？100g嘅薄切牛舌份量都幾多，每邊輕輕燒兩下就食得，肉質夠晒爽口，鹽醬更加能夠帶出牛舌嘅肉味，十分滿足。