牛角日本燒肉專門店 (V Walk)

营业中

休息中

原來$30外賣牛丼優惠已經完左，依家做緊外賣75折基本上就係加左牛肉同溫泉蛋既牛角飯，份量係飽肚既雖然冇堂食咁好食，不過都好滿足呢個既牛肉比溫泉玉子牛肉飯大塊啲，但係少左陣蒜香味同埋溫泉蛋，仲要貴啲添，所以個人覺得溫泉玉子蒜香牛肉飯略勝🚩🚩有埋跟餐飲品，價錢都唔算貴既

唔係講笑，其實個次係我第一次食牛角，真係好好味😭。從來唔知原來有啲咁好食嘅燒肉🤭。我最鍾意食牛肉，所以即刻叫左碟牛肉拼盆黎食🤤🤤。啲牛肉有蔥同埋其他腌料，鹹鹹地，都幾惹味😋。我好欣賞佢有卡片講話係咩部位嘅牛，等我知道自己食緊咩落肚🤣🤣。同埋可以順便了解下變個牛嘅部位好食。不過美中不足嘅係個拼盤真係太細碟，最尾我地叫多左好幾碟先夠飽肚🤭🤭。同埋我食個陣唔係太多人，好快就入得去食😌😌，啲侍應服務態度都幾好，下次會再去幫襯。

上網見牛角lunch set做緊七折，所以就去咗南昌站v walk食牛角午餐。兩個人叫了兩份好過嚴選肉品燒肉成盒入面包括有牛肋肉，肩背肉，牛舌，豚肉，雞肉及雞肉腸。 跟餐還包括有牛角飯(可以無限添食的)，沙律和湯及餐飲。個lunch set最好食就係牛肋肉和肩背肉，兩種肉都有濃濃的牛肉味肉質又好鮮嫩， 至於牛舌，豚肉，雞肉和雞肉腸都不過不失冇令我失望， 至於個lunch set除咗燒肉之外個牛角飯都令我有驚喜，牛角飯即係白飯再灑上鹹香的紫菜和淋上蔥油，口感豐富唔需要任何餸都可以食一大碗。

晏晝五點幾係牛角apps攞位，等到八點終於有得食放題，食物不過不失，一如以往嘅水準，飯後會送haagen Dazs有士多啤梨味，雲呢拿味，曲奇味，三選一口味。為咗唔使再排咁耐隊，我開咗張會員卡。多春魚同銀鱈魚都好好食.最 推介係牛舌,平時好少餐廳會有牛舌燒.

疫情下食牛角會安心啲，除左自己可以控制燒得熟啲保證殺菌😂之前仲見到佢地有分開上菜同執檯既職員，不過今次就冇留意到佢地有冇繼續呢個安排嘞平時食假日午市既套餐好似抵啲，今次食晚市諗住慳啲所以冇嗌到和牛😗上面個碟係三味牛肋肉，百幾蚊有咁多肉算係幾抵，啲肉都幾厚切，但個人覺得有幾舊有啲un, 辣味真係食到微微地辣，最鍾意加洋蔥喺面既食法😛燒肉六品盛合，好似兩百幾蚊，又係份量勁多，印象中牛肋肉、豚肉燒、雞肉都ok。豚肉燒燒到脆脆地既時候最正；呢次牛舌燒到有啲un牛油本菇$25，好味呀😋食完本菇之後，我地仲用左個兜黎燒雞肉，燒到就熟先放返喺網格度燒，物盡其用😂雞肉仲好juicy添😂餐廳有俾口罩套，好方便。放筷子既紙巾有個兜位，感覺衛生啲👍🏻今次食既肉普普通通不過不失，不過價錢都反映左質素既。男朋友話下次請返我食和牛, 要記低先😚

好多年無幫襯牛角, 因為覺得鐵板燒好熱氣加上如果我想食熱氣野我都會prefer打邊爐多過鐵板燒, 但近呢年每次去親海港城行街經過牛角都見到好多人等位, 所以再次留意返佢, 知道佢宜家有某D分店供應放題就一於試下。兩人座位尚算寬敞, 櫈底有位置可以放袋。因為想食美國SRF和牛, 所以叫左極上放題。美國SRF和牛 - 我地基本上都用曬胃既容量去食佢, 肉質OK唔算韌都有牛肉香味, 但問題係肉始終容易令人飽滯, 所以真係食唔到咁多, 如果平時自己係超市買呢種質素既牛肉兩個人食$300一定有找, , 佢只係比普通既牛肉軟腍少少, 但又同入口即溶既和牛爭得遠, 所以性價比低。牛舌 - 麻麻, 切得太薄。大腸 - 呢個好味, 厚肉新鲜。薄荷菠蘿梳打同青檸接骨木花梳打- 偏甜, 之後嗌既可樂反而都無咁甜。海蜇柚子醋沙律 - 幾新鮮, 但唔夠醋汁。櫻花蝦明太子豆腐 - 又係有明太子醬唔夠既問題。黑糖牛油蕃薯 - 偏硬唔夠甜。上菜快無漏單, 飯後甜品係Movenpick 雪糕。覺得牛角雖然主打牛肉, 但其他食物如果馬虎處理既話都會影響客人再回頭既機會而重點係牛肉質素也只可以說是普通。

來到牛角，正常緊係為左食燒肉。但我比較奇怪，幾年前開始已經無意發現呢度個雪糕好好食，有兩個味，呍呢拿味同綠茶味，配埋上面的豆粉，食完燒肉食真係一流。雖然有d貴要三十幾蚊一杯，但鍾意食雪糕的真係可以一試，影相仲好靚。由於我食野比較慢，試過他個放題時間好趕，d肉燒得來都無左一大半時間，而且放題套餐竟然唔包牛角雪糕，所以我就比較鍾意散叫。雖然唔係任食但可以慢慢食享受下燒肉的樂趣。它有個牛角燒肉六品盛合，其實二百幾蚊都ok，有齊咁多肉，影相仲夠哂靚，兩個女仔哎呢個，加個飯/麵，基本夠食，肚餓的可以學我們咁哎多個肉同細的牛角飯(牛角飯可以哎多汁，超正)。食完再加番2個雪糕，真係細食之選，其實埋單同放題價差不多，但就可以慢慢enjoy！

懶人都係慣咗係屋企附近商場搵食的，見牛角lunch set而家做緊七折，加上又咁耐冇食過，仲要有我超喜歡嘅燒肉，完全比唔到藉口唔去食law! Gogogo...我同朋友都係叫咗份牛角嚴選六品燒肉成盒，入面有牛肋肉、肩脊肉、牛舌、豚肉、雞肉加條腸，另外仲有個牛角飯、沙律、湯同汽水！折實每人都只係百零蚊，的確係非常之抵食呀！成個Set 最好食係牛舌，夠薄同爽，其次就係牛肋肉同肩脊肉，兩者肉質都好嫩，牛味又夠濃，而雞肉及豚肉都有返咁上下水準的！果然冇令我失望呀！好滿足嘅一餐！💛💛💛💛💛

特登出去深水埗食牛角，本身諗住食lunch set，但見到放題價錢都唔係差好遠，結果揀左$258放題🤤牛角係scan QR code落單嘅，見到有食評話食物上得好慢，所以我地選擇一次過落幾碟😂但之後發現上菜速度都正常，坐低一陣就上頭盤比我地燒，雞肉牛肉都有咁。食緊頭盤果陣，就上左QR落單嘅生肉。對我嚟講，上菜速度無大問題牛有4款，我地全部揀燒肉汁: 📍網燒一口牛 (5分滿分，推薦: 🌕🌕🌕🌕)細細地一舊，易燒同埋食起嚟juicy，有牛味，但唔及牛肋肉咁重📍肩脊肉 (5分滿分，推薦: 🌕🌕🌕🌘)質地比較薄，而且肥肉較多，食起上嚟油脂味重，個人覺得呢個麻麻📍牛肋肉(5分滿分，推薦: 🌕🌕🌕🌕🌕)大家一致認為牛肋肉最正❤️佢厚過肩脊肉，但質地係淋淋地，入口非常有牛味❤️發現佢咁正之後，即刻叫多左幾碟😂📍牛舌(5分滿分，推薦: ❓)我本身唔鍾意食牛舌，所以評價嘅係母親大人，佢話好食同無腥味，我諗可以一試⋯⋯掛😂📍海蜇柚子醋沙律(5分滿分，推薦: 🌕🌕🌕🌕🌗)唔肯定個名😂我地食左兩碗，個汁酸酸地好開胃，加埋上面海蜇嘅麻油香，唔錯📍溫泉蛋飯(5分滿分，推薦: 🌕🌕🌕🌖)聽聞牛角飯好食，所以每人叫左一碗

#豪華燒肉放題 平日晚上5:30 不用等位 #90分鐘放題 平日（1-4）早鳥$258+1一開始比嗰兩碟燒肉是最好吃的，個人偏好 #燒牛舌 燒得剛剛好會爽口彈牙，易咬#燒一口牛 之後再叫的都偏肥😂一開始個碟好好食😋其他肉類都比較硬#牛油金菇 燒完好多汁😆#接骨木花汽水 好飲，唔識形容，甜甜地🤣#日式蕃茄 #日式洋蔥蕃茄 #洋蔥番茄 #🍅 生蕃茄很清新，甜甜地開胃#肉燥青瓜 幾好食，生青瓜很青很脆😂冇醃製很健康。一碗2條仔#哈根達斯哈密瓜味雪糕 #🍦 呢隻味幾好食😋清甜哈密瓜味，而且還有些果粒ᶘ ᵒᴥᵒᶅ個人口味評分：8/10

早嗰排成日見人走去食牛角 睇到口水流 今日同朋友終於夾到時間食個lunch😋人氣keep住咁高 下午1點幾去 都近乎爆滿 lunch有午市套餐同放題比你揀 因為我地唔算大胃王 所以揀左午市套餐 而家仲有7折 好抵啊午市套餐有燒肉同定食選擇 為肉而來 當然揀燒肉 而每個set都會配埋餐湯/飲品同紫菜飯 勁豐富🤤我地呢個set主要係牛 另外有豬同雞各兩件 全部都好味 份量對女仔嚟講已經好足夠 男仔就可能要追加其他野7折咗後 連加下 除返每人都只係$109 咁嘅價錢可以咁滿足 超值

quality takeaway in the time of epidemic. 牛角pivot and besides raw meat takeaway, offers beef and pork don as they are under the same group as 次男。 the set comes with the don and a drink. The beef was tasty and with the right portion. The pork comes with an osen egg. Both comes with sea weed which you need to put on your yourself to prevent it getting wet. Container which hold the food was specially designed for don as well. Would for sure order again.

晏晝去食，叫左2 set A5極上和牛牛肋肉，同埋一個普通set。普通牛上先，都係瘦既，冇咩特別。之後和牛送到，一睇，都係瘦既？肥瘦唔均勻。不過心諗可能食落唔係咁呢，所以就燒左先。食完頭幾塊，覺得唔對路，又韌又鞋，完全冇牛既肥膏香。男友醒，叫我唔好食第二碟，同侍應講「呢碟咁瘦，都唔似A5和牛」個侍應就問即係要肥d，就幫我哋換。頂呀，一睇就嬲，同之前果2碟完全冇得比。燒完放入口仲嬲，根本之後果d唔係咩A5和牛！蝦我少食牛！同經理講，當然佢話全部都係A5啦，之不過係唔同部位喎。我問咁都會差咁遠吧？兩碟都俾瘦既我地？佢就話，可以request 要肥d既部位喎。所以，緊記！大家以後想去牛角食真正同正既A5和牛，記得一定要出聲問，唔係就會恰你俾d 瘦同cheap d 既部位你地架啦！

等位吾係睇幾多位入座,而係睇你幾時㩒票,乜嘢入座法👍👍👍本人等6位,6点㩒票,等到9点先有得入,吾好講話幾好食,等咁耐幾好食都無晒興趣再食牛角真係要想想辨法

真係等上牛肉等左成半個鐘都有，火都來既一次放題經驗！一點落order，生菜就好快都有來，但牛肉果d等左就來半個鐘！朋友已經要求要服務員過來，但都可以冇人理我地，於是直接叫住佢地，先有人來上牛肉。雖然理解冇可能好似一開始咁快上到order的食物，但半個鐘實在無法接受，於是同佢地反映，最後話加我地15分鐘。呢次經驗真係好嬲，來食放題就係希望可以食到飽同開開心心，但咁慢既速度真係令人好難享受，不求有幾快，但至少唔應該係要客人等半個鐘。所以以後都唔會再去呢間牛角，希望大家都要小心呢個問題，如果好耐都冇上食物，可以儘早直接叫服務員跟進。