牛角日本燒肉專門店 (荃新天地2)

营业中

休息中

今日突然間好想食燒肉，就同屋企人去咗荃灣呢間牛角去食燒肉套餐，好耐之前食過覺得肉質都不錯價錢又幾抵食！😍見到佢嘅午市燒肉套餐其實都有成十幾種選擇，我哋叫咗燒肉盛盒定食E ($159), F ($135), G ($125), 牛角流自選三食($105), 同埋一個石頭鍋飯頭先上枱嘅係石頭鍋飯，份量都好多，五個人share每個人都有一小碗，味道都唔錯啦～ 之後各款燒肉set 都黎左，除左2塊肉同牛舌好食d外，其他都好普通呢～有d失望啊🤧🤧

牛角燒烤不嬲都幾出名，雖然聽過好多次，但係呢次都係我第一次嚟牛角呢度食燒烤。其他人我哋牛角食燒烤一定要叫牛肉，所以我都嚟到呢度叫咗牛肉而我都覺得真係幾好食嘅，但係價錢都偏貴。而且都有叫佢嗰個蛋紫菜飯，我仲叫咗好多唔同種類嘅餸菜用嚟燒烤，例如有：蜜糖雞肉，牛油帶子，魚片等等，我只係記得呢三樣食物因為呢兩樣真係實在太好食，特別係個蜜糖雞肉，烤完配埋個蜜糖醬真係不得了，加埋個魚片真係超好食，真係有彈牙又滑，希望遲啲疫情過後，之後快啲可以再嚟食啦！

在呢段期間，大部分餐廳都需要量體溫才可進入，＂牛角＂都唔例外，另外仲見到用易拉架當作屏風。盡量減低同其他人接觸的機會。今次叫左幾款和牛丶牛脷丶溫泉蛋飯丶紫菜飯丶雞腎丶青檸梳打。澳洲和牛舌只有6條＄159，唔算低食。日本助賀和牛牛肋肉(6片)＄258，雪花紋理分明，入口即熔。感覺好似去左日本咁。美國SRF極上和牛牛板腱肉＄88，都幾低食丶而且油花十足。燒肉六品盛合是有牛舌、牛肋肉、腹胸肉、雞腿肉、豬頸肉、豚肉燒，每樣有4塊。可以一次過食到唔同嘅肉。店員服務態度唔錯丶幾細心。

係荃灣想食日式燒肉，就同朋友一齊諗起牛角女仔食放題可能無咁抵，所以呢間就岩晒，散叫自己想食嘅牛。點知我哋撞正係晚飯時間，差唔多排左一個鐘有多😓而且店員嗌號碼比較快，如果咁岩行開左，可能好快就過左5個號碼，所以大家要留意住啊～牛角一直保持質素，點左個嚴選盛り,特別鍾意食薄牛舌。牛肋肉仲可以揀原味/塩醬/燒肉汁，燒肉汁驚太濃蓋過左牛味，最後揀左塩醬，呢個配搭不錯👍今次試埋個蟹膏，好香好鮮味😍每次去牛角食完燒肉，都唔會成身好大陣味。👍但人手不足，可能想搵職員就要花少少時間等啊～閒時就會諗起想幫襯嘅日式燒肉連鎖店😉

入門口就會比酒精搓手液清毒雙手.之後仲有提供信封放口罩.每張檯都會用易拉架隔開，防止口水飛沬傳播.海蜇柚子醋沙律（$55）：海蜇太過鹹.沙律菜唔多反而太多海草.海草太過韌，好難咬開.可以唔洗再試.牛角飯（$29）：每次必食.好多紫菜加埋醬汁味道一流再配埋燒肉一齊食勁好味！石鍋泡菜豆腐海鮮湯（$85）：味道不過不失.海鮮份量好多有魚肉帆立貝蜆仔.牛角特飲（$22）：味道特別，似溶咗嘅雪條味味噌豚肉（$49）：味噌味唔會好鹹辛味豚肉（$49）：有少少辣好惹味燒肉六品盛合-燒汁（$249）：有2款牛肉、豬肉、豬頸肉、牛舌、雞肉豬頸肉好爽口.

第二次食牛角，兩次都係揀咗中午，因為比較抵食，百幾蚊就食到一個燒肉盛盒set 🐂共叫左2個set. 前菜有個小沙律🥗入面有生既紫洋蔥，好香！不過我就不敢恭維啦！主食既牛肉質素 性價比都好高！仲追加左廣島蠔同牛油帶子，相對上就比牛遜色。個飯都係值得一提既，溫泉蛋、紫菜碎再配珍珠米飯 🍚加埋啲牛肉做餸，可以食晒成碗飯！*唯一唔鐘意係佢個爐既格仔網，如果唔keep住返啲肉，肉會好容易痴喺啲格仔度，然後燒到好大火

下午茶時間一個人去，唔係好多人。非常時期少人都好，就試試，入門口要測試體溫👌🏿加分。用槍do一do，快靚正。坐好叫咗個四品牛牛set，百五六蚊度，有沙律湯飯等，牛牛超多加埋紫菜飯。都係鍾意自己燒，想下一啖生少少熟少少可以自己揀。牛牛有四部分2x2x2x4，有少肥有極少肥牛油，諗起都想食多轉😋。點餐可以用pad pad怕醜的我表示方便快捷溫柔體貼，唔洗同小二打情罵俏。連凍飲品埋單百二三蚊。又坐得舒服又食到好味牛牛🐮正！

🍚周六有午餐🍚午餐可從餐牌揀兩款肉，配飯，紫菜湯、沙律、飲品，由$68到$95🍚今次兩人食，叫左兩個Sets，分別叫左牛肋肉、肩脊肉、網燒一口牛、熊本腩肉，兩人各$95🍚餐牌已寫明份量，但接受唔到一口牛同腩肉份量係😰少到咁，而且一口牛係大小不均，有幾粒係好細，老實講女仔一定夠食🍚一口牛好淋、有牛味、好食、唔會咬完覺得好多渣🍚腩肉夠肥都好好食🍚雖然份量少但都要話最好食係呢兩樣🍚跟餐加十蚊既綠茶雪糕，係好好好食，有黃豆粉係上面，茶濃，一定唔係H字頭、M字頭雪糕，仲肯定比兩個牌子要好食🍚今餐綠茶雪糕完勝👍🏼⭐️⭐️⭐️Green tea ice cream (ordering set +$10) is unexpectedly the highlight of today's lunch⭐️It is definitely not HG or MP ice cream! The green tea flavour is so strong. i like the powder goes with it, bean powder? and the scoop size worths the price

行完城門水塘3個人想係附近搵間燒肉食不過係荃灣選擇真係太少唔揀放題既話基本都係得一兩間咁就揀左呢間入到去環境當然係無問題，店員都好態度到重點環節，我揀左和牛十盛

以前返九龍灣，牛角係其中一間成日去既lunch餐廳。公司搬咗後一直掛念. 好彩有好同事知我想食. 即刻幫手揾到荃灣分店. 可能荃灣分店地點比較偏遠. 午飯時去都無乜人. 餐牌依舊, 只係價錢比以前貴咗少少. 好彩有同事係會員. 有折後同以前價位差唔多. 唯一lowlight, 我叫既玉子飯, 嚟到個玉子穿既 T_T 唔開心... 其他既, so far so good la

牛角午餐好耐冇食了，之前係九龍灣返工也有時會跟同事去食。搬了來荃灣之後，就比較遠，見到網上說午餐有折，今日有機會同同事嚟食。現在午餐貴了，95元以上set lunch才可以選兩款牛。好懷念的醬汁，好懷念的沙律，好香麻醬味，好多粟米，好味呀！！我選了牛肋肉+腹胸肉，牛角飯加18元勁多紫菜+燒牛角汁，好美味同事係會員，有分可以換嘢食，我們換了牛油帶及菇拼盤，份量好多啊！同事的是牛肋肉+豬頸肉！牛肋肉有咬口，腹胸就淋身些，兩款也是好薄的，燒到黃金香口好正！豬軟骨丼，賣相也吸引，同事話好淋的，好豐富也好味。帶子細細粒，少少濃味！

話說我都鐘意食和牛， 見近近地係荃灣牛角有得食， 加上早前食過幾次，顏色肉質同味道都唔錯，就諗住去重溫一下。但估唔到佢今次俾啲咁差既和牛我， 事源我叫左兩碟佐賀和牛肋肉， 加一碟美國和牛肋肉，一上菜就發現職員已經將啲美國和牛同日本和牛嘅指示牌調到亂晒，而且發現碟佐賀和牛肋肉同平時食開嘅味道口感都唔一樣，已經同佢標榜嘅肉質細嫩完全不一樣， 又韌又有根。點知叫到第四碟，感覺是貨不對辦！（附圖）職員和我解釋，話批貨都唔一樣， 今次係呢批和牛咁， 大佬呀你唔一樣關我咩事， 我心諗其實我已經食過好多次㗎啦， 未食過咁難食既‘和牛’，但你都唔使講啲咁牽強嘅藉口，果然想食和牛唔應該去牛角食。

#燒肉 #bbq #日式 #伏突然好想食燒肉, 又唔想任食因爲唔食得多海賊王牛角萬博會 $498唔好食... ☹️好後悔叫左呢個D牛🐮唔靚唔新鮮(我知我影得佢幾靚... 千祈唔好俾相呃左!)所有部位都一樣味, 一樣口感-好韌😵最初仲諗係咪自己燒耐左.. 搞到我地越燒越生.. 但無論幾熟幾生都係唔好食... 之後果日我仲有微微肚疴😞呢個餐食完兩個人都覺得未食夠(但明明我地本身唔係好肚餓), 搞到我地去左譚仔再share個米線結論: 又貴又難食,仲要唔飽👎🏻 .P.S.我見其他枱都叫呢個餐, 多數都係散叫可能我地叫錯野食, 明明都好旺好多人等位======================#foodreview_junjunjunko#junjunscore2/10IG: junko.junjuntasty

中午食燒肉是非常heavy 既一餐但附近食到不知食咩好，咁梗係要食佢啦老實說平時都不會食呢個品牌，不過朋友食過再加上有set lunch選擇都算多比多少少錢就選兩款喜歡既牛，有牛舌同胸腹味道夲身都夠再要配燒汁更是出色有機會都會再encore

今日突然有興致，約朋友去食牛角， 牛角午餐尚算抵食， 當然下午茶會再平少少， 我們二人一人叫一份午餐， 大家也喜愛吃牛舌， 另外一份肉我選了肩背肉， 朋友選了腹胸肉， 另外我加配了牛角紫菜飯 午市套餐包含了一盒沙律和餐湯， 這都不是最重要的， 等了一會主角終於來了 先燒牛舌， 我們也不喜歡太熟， 所以 略略燒了一會便可以吃， 牛舌配上燒汁十分惹味， 包著紫菜飯來吃又有另一種口感， 另外肩背肉和腹胸肉我比較喜歡肩背肉， 因為肉質比較淋， 肉味也較濃郁， 相對晚市午餐絕對抵食