牛角日本燒肉專門店 (荃新天地2)

营业中

休息中

肉幾新鮮 不論牛定豬都幾好 牛都幾重牛味 雖然好似廢話 但唔係間間餐廳嘅牛都會有牛嘅香味架 所以食物質素 特別係牛嚟講 呢間算唔錯 我自己會特別推介薄牛舌同埋豬扒 呢兩樣有驚喜 咁嘅價錢都ok 環境唔錯 起碼坐得舒服冷氣又夠 抽空都唔錯 食完件衫陣味都唔太勁 只係服務可以做得更好 有較大進步空間 特別係帶位嗰位職員黑口黑面 見住其他人問嘢佢都好似勁唔耐煩咁 令人一開始就印象一般 有時職員擺低嘢食都講解點樣燒最好 呢樣唔錯 另外希望換網可以換密少少就更好 希望下次體驗會更好

食牛角超過無數次，都仲未厭😂😂佢個宵夜時段好抵食，任簡一個set餐之後後加都係半價甘濟，呢排同男友好中意食和牛，牛角既和牛也是不錯，價錢不算太貴，和牛入口即溶，好幸福🤤🤤

係日本除左可以食到好正嘅燒肉之外，香港嘅牛角日本燒肉專門店都可以為你做到日本燒肉嘅水準㗎！牛角推出嘅lunch set燒肉真係好抵食架，每個set可以分別嗌兩款肉(牛雞豬都有)，為唔同食肉嘅顧客選擇，而每個set都配有一個飯，如果想要紫菜飯就要另外加價，飯可以無限添，對於胃口大嘅朋友仔包你食到飽住出門口！🤤😬埋單加埋1的話，每個set平均$80-100左右！睇下你食邊款肉類，當然牛肉就係最貴嘅。而晚餐方面，就無lunch set咁抵食喇，大多數都係逐樣叫，飯都係要另外加錢的，但肉嘅質素就唔洗講，好好食！入口即融！配埋佢幾款醬汁燒係完全100分之選！如果想食日本燒肉又諗唔到邊間，可以試下牛角！一定會有下次！

好耐冇去食燒肉，今次去食牛角，荃灣店，一如以往肉嘅質素優質，我唔去食燒肉放題，因為之前食過，肉既質素始終同散叫既無得比，好在我的食量不大，否則閒閒地預500一個人才飽上圖上方是牛肋肉，我覺得係最好食既，軟身，油香重，我比較能吃生，每邊燒20-30秒就夠了厚切牛舌，三個字，wonderful 重口味燒雞肝，能吃的人就會很喜歡，香濃惹味食燒肉點可以冇啤酒，自問酒量不好，沒有點清酒燒肉三寶雖然牛角消費不便宜，但係食完高質嘅燒肉係好滿足嘅

牛角既燒肉出名就大家都知，但畢竟佢都唔平所以我地唔係成日食。依日咁岩下午茶時段經過，發現佢既lunch set價錢抵啲，如果星期一至五下午茶時段仲有額外七折！Lunch set餐牌都有唔同價錢組合，豐儉由人，有$100內既自選燒肉餐，亦有百零蚊既燒肉盛合餐，唔食燒肉既都仲有丼定食，石鍋定食，幾吸引。既然有折，我地梗係試下個燒肉盛合餐，有一碟肉、牛角飯、細沙律、湯同飲品，食曬其實都幾飽。我地揀左F餐同G餐，貪佢一個可以試到幾個部位既牛、一個就有唔同肉類食。俾近鏡大家睇下。牛角特選牛五品燒肉盛合依個set最好食應該係肩脊肉，最惗身。另外薄燒牛舌都係我同男友一向既至愛。牛角嚴選六品燒肉盛合蜜糖香腸有驚喜！燒好左加落個蜜糖芥末醬好夾。百零蚊可以食到唔錯既燒肉，仲有大大碗牛角飯，飲品等等，間唔中下午茶時段黎食下都幾好啊。

今日落雨又係星期四，見冇乜人排隊就燒一燒 預祝生日。 都不負所望，食物性價比高。 牛肋肉同牛肩肉， 都揀咗醬油醃料，非常惹味，yummy! 環境都好寬敞，所以食完都唔覺有燒烤味。 價錢又唔貴所以通常都會再encore。

一家人可以慢慢品嚐一頓晚餐真的好難得同奢侈，慶幸選擇左對的地點(荃灣)，對的餐廳(牛角燒肉專門店)。因為一早book左位，所以一到步完全不用等即入座👍🏻零等候。首先職員很禮貌提點我們小心門前布廉，好細心👍🏻，跟著又問我地是否會員或有匯豐卡，因為用匯豐卡套餐二人餐有7折🥰之後我們就點了一個牛角海鮮焼肉盛盒(2人前)。唔好講笑3個人食2人餐，再追加左2碟肩脊肉，1碗香蔥溫泉玉子飯，再多一個紫洋蔥和風蕃茄，已經好飽抱住個肚了。

兩口子的燒肉癮又發作了，雖然去唔到日本食燒和牛，但都可以去牛角止下癮先。今次我地簡左極上和牛四種盛合($339)，分別有西冷、肉眼、一口和牛同澳洲牛舌，每款都有4件，一次可以試到唔同部位。和牛終於上枱啦！油花分布得好靚好平均，牛肉嘅顏色亦都好鮮明。和牛肉質細嫩帶點嚼勁，牛肉味香濃，入口時油香滿溢，質素確實不錯。我地另外仲叫左每次都必定要食嘅牛舌，牛舌切成薄薄的一片，烤好後肉味濃郁，口感帶爽，非常好食。嚟牛角除左食美味嘅燒肉外，自己落手烤肉也是一種樂趣呢！之後當然要叫碗牛角飯嚟送燒肉食，飯面舖上滿滿的紫菜，加埋香蔥同醬油，原來簡單的食材只要配搭得宜，就能夠令平平無奇的白飯味道即時提升。最後兩隻牛魔王食到好飽好滿足咁離開。

這間的牛肉質素不錯但有時都想來吃燒肉，今次就約了朋友過來再食過，去到都要排一排隊，大約等了30分鐘就入去，原來這裡已經有電子落單，我地叫了個平的SET，飯，飲品。沒想到這個平SET的肉質地都可以，特別我覺得好吃的牛肋肉，牛味濃又香口，牛肉都幾軟熟，另外的牛肉味道都可以，但口感就偏硬咗少少。食燒肉當然再加一杯生啤啦，凍生啤絕對解渴，我地食烤肉燒到中段待應會幫手換鐵網，都幾快手喎，再繼續再吃過，當然再叫了另外一些配菜和再加一個牛角飯，即白飯加上面有紫菜，紫菜都幾香但白飯硬咗少少，燒完烤肉身上味道吾重，通風系統幾好而且又坐得舒服，怪不得成日都要排隊先食到啦。

十分滿分, 是次用餐經驗分數為八分 男朋友是無飯家庭, 而我經常就做他的小跟班, 跟他到處吃喝玩樂今晚我們去到牛角, <牛角>主打當然是牛肉, 而他們的牛肉質脂肪含量平均而且肉質口感很嫩滑，我一直以來也是他們家牛肉的粉絲, menu上有很多牛的部位可點選, 水準很高很不錯!!燒牛舌 👅牛舌厚薄均勻，吃得出牛香味好濃郁而且保留到原有的水份，爽口好吃而重點是我男朋友是燒牛舌專家, 真的是超級超級好吃所是牛舌是不停地encore!!!牛肋肉 肉質較厚, 比較juicy, 不過較快熟, 薄薄一塊配飯吃還是很不錯的牛油燒帶子將帶子連鍚紙盤放在火上面, 把牛油慢慢煮溶後進食, 甜甜的和很有元貝味石鍋泡菜牛肉飯上菜賣相非常不錯, 拌後真的有很多飯焦, 但味道不夠, 一定要加辣醬會好吃。P.S. 我知道你會看我的食評, 謝謝你總是對我那麼好!!!

星期日約咗男朋友去打卡，去咗Citywalk，睇完搵地方食飯。因為好耐無食牛角，定期都想去會一會d牛肉+牛角飯,食開lunch set因爲想平民少少（已經糧尾了IPAD落單個溫泉蛋香蔥牛角飯都係無令我失望，飯粒粒分明，麻油海苔烤得好香，混合溫泉蛋多咗一份溫柔、濕潤，其實點會唔好食。牛類一set兩款，我地叫咗兩set合共四款:有牛肋肉、腹腔肉、肩脊肉、薄燒牛舌。(燒肉汁、辣汁）牛肉鮮紅新鮮，肉味濃厚、油脂均勻。肉真係好靚，食肉獸見到心情大好。拉個近鏡俾你叫咗個烏龍茶解一解滯，畢竟肉都滯。

前兩日喺荃新天地同朋友食牛角，叫了一份 "牛角特選五品盛合 "set lunch，而我朋友點了燒肉定食，選了豚肉及雞腿肉。再加點了 6片 肩脊肉 ，牛角一向保持水準！呢度嘅沙律菜好新藓，加上麻油嘅醬汁，份外惹味！昆布湯，每次上枱都熱辣辣，而且味道清清甜甜，正好為豐富嘅燒肉作好準備！胸腹肉肉質都好結實，而且紋理分明，顏色鮮艷，賣相好吸引！估唔到我朋友點嘅 雞腿肉 燒起上來雞肉嘅肉汁滲透出來，尤其係雞皮脆，10分好味 ！最鐘意就係呢度嘅凍奶茶，居然有港式茶餐廳既水準！

今日去了荃灣牛角食晚飯，一向都知道牛角價錢比較貴，但原來牛肩肉質素很好柔軟入口有一點溶化，其他牛部位也入口質感也好好，不過燒蠔就不是太好味道有點差，牛舌很有彈性，燒什菇也很有不錯不太差也好鮮。

朋友建議今晚一齊食牛角.見到餐牌有和牛有牛肩胛，抱住期待既心情食靚牛。但實際今日點個幾樣牛都好瘦，無牛香味，亦都好un.依個價錢黎講， 質量真係好一般。反而沙律好新鮮，調味亦好好。 甜品雲呢拿雪糕有驚喜，黑糖加黃豆粉真係好好味入咗起計坐九十分鐘。食物質量一般，有部份食物未融雪就拎咗上台，味道亦都不如理想。 服務質素不錯，服務員有心機介紹食物煮法，整體員工服務態度有善。總括來說，四個人埋單幾蚊，性價比一般。

呢日係荃灣做野，順便去荃新天地食個lunch 先返屋企。一入到商場見到呢間牛角唔洗等位就入咗去啦！ 入面都算多位所以唔洗點等位，大部分位都係卡位，呢樣幾好。佢中午時間有lunch set menu，有燒肉亦有飯餐。今次我就要咗個泡菜牛肉鍋飯餐。一個餐包沙律、昆布湯、主食同埋野飲。佢個飯啲牛肉唔係好多，只有一小堆肉碎，不過其實蔬菜等等都好足。沙律菜亦好新鮮，而個昆布沙就比較清，不過個飯夠濃味，所以個湯清清地都okay 。