牛魔一人燒肉

营业中

休息中

餐廳：牛魔一人燒肉地點：旺角豉油街菜式：日式燒肉餐牌：一人燒肉套餐一共有15款，分100/150/200g，價錢唔同，包御飯或者迷你烏冬，牛骨湯同沙律。御飯或者迷你烏冬都可以升級，可以加錢追加燒肉/小食/飲品等。落單用QR code。M9和牛肉眼牛肩肉套餐(和牛自慢系列) 200g $188M9和牛肉眼兩大片，切得夠厚身，帶少少肥膏，燒一陣就食得。食落好有牛味，而口感嫩口，正！牛肩肉有六件，好厚切，脂肪唔多，食落啖啖肉。跟有檸檬角比你自己調味。牛舌，牛五花，牛板腱套餐 250g $168牛舌牛五花各六片。牛舌好有咬口；牛五花就嫩口唔太肥。牛板腱就有四大片，好薄身。好欣賞呢度醬汁好flexible，可以從9款醬汁當中自選3款，好貼心。呢度肉類本身冇加醬汁，所以自選醬汁好重要。蘋果燒汁，焙煎胡麻汁，黑松露燒汁我揀左呢三款就真係唔錯。黑松露燒汁真係帶微微黑松露味道。焙煎胡麻汁好厚身。而蘋果燒汁比平常燒汁淡少少。同行友人就揀左蘋果燒汁，柚子燒汁，檸檬鹽。跟餐沙律係簡單雜菜加粟米粒沙律，醬汁係黑胡麻醬。跟餐牛骨湯有昆布，豆腐粒同蔥花，唔會太鹹。迷你烏冬大概有一碗份量，湯底呈奶白色，加有葱花。手拆

呢間新開的燒肉店環境舒適，讓你可以在輕鬆的氛圍中享受美味的燒肉。每個座位都配備了獨立的燒烤爐，令你可以隨心所欲地掌控火候，體驗自己動手燒烤的樂趣🤩店內的裝潢現代而簡約，營造出一種放鬆的用餐環境，無論是工作後的放鬆時光，還是獨自享受美食的時刻，都是非常適合😍牛舌、牛五花、牛板腱套餐這款套餐包含了牛舌、牛五花和牛板腱，三種不同部位的牛肉各具特色。牛舌肉質滑嫩，燒烤後散發出濃郁的香氣，口感獨特；牛五花則肥瘦相間，燒烤後外焦內嫩，油脂融化後的香味令人垂涎；而牛板腱則肉質緊實，適合喜歡嚼勁的食客。這三種牛肉的搭配，讓你在一餐中體驗到不同的風味與口感，無論是選擇小份還是大份，都能滿足你的味蕾😋😋M9和牛肉眼、牛肩肉套餐M9和牛肉眼是這間燒肉店的招牌之一，肉質極為細膩，油花分布均勻，燒烤後的肉片色澤誘人，入口即化😋😋呢種高級和牛的獨特風味，讓每一口都充滿了濃郁的肉香，令人陶醉。無論是搭配簡單的鹽或是特製的醬汁，都能讓這道菜的美味更上一層樓🤤🤤牛肩肉肉質結實，富有嚼勁，燒烤後的香氣四溢，讓人忍不住想要一口接一口。這款套餐同樣提供大小尺寸的選擇，無論是小份的輕食還是大份的滿足，都能讓你享受到獨特風味🤩🤩

估唔到1人燒肉都咁高質😳嚟到旺角「牛魔」諗住簡單食個快飯，點知俾佢個M9和牛肉眼吸引咗！仲可以加配甲羅燒，咁啱有2人枱立即入去試吓😋M9和牛肉眼&西班牙黑毛豬頸肉套餐 ⭐️⭐️⭐️⭐️⭐️呢個餐要加肉先夠喉，M9和牛燒2燒就食得剛剛好，肉味濃入口會化開，配少少鹽已經好好食😋黑毛豬頸肉夠晒爽口啖啖肉，唔好牛嘅可以食豬頸肉一樣咁正👍🏻牛舌牛五花牛板腱套餐 ⭐️⭐️⭐️⭐️⭐️一次過滿足3個願望嘅set，如果三心兩意可以叫呢個餐呀～朋友話一場嚟到所以都叫咗加大，肉片加至250g勁豐富😍牛魔蘭王紫菜月見拌飯 ⭐️⭐️⭐️⭐️⭐️基本上蘭王蛋拌飯就無得輸啦，配埋紫菜就更出色❤️加少少錢就有更好嘅享受認真值得呀！蟹粉蟹黃蘭王拌烏冬 ⭐️⭐️⭐️⭐️蟹粉蟹黃另外上，我問店員攞多隻碗仔，鍾意拌幾多落烏冬都可以！蟹粉蟹黃鮮甜好正，不過感覺同烏冬未算最夾，下次試埋拌大光麵先得！日本原隻甲羅燒 ⭐️⭐️⭐️⭐️⭐️見到有得加配甲羅燒，唔諗啦即刻加！蟹膏好甜好鮮味🦀用來配少少飯食一流呀！牛魔黑松露和牛他他 ⭐️⭐️⭐️⭐️⭐️估唔到一人燒肉都有高級燒肉店先食到嘅和牛他他🐮生和牛粒拌上酸酸甜甜嘅蘋果，加埋黑松露好惹味，配埋和牛嘅油脂真心推介！串燒：雞腎及雞軟骨 ⭐️⭐️⭐️⭐️

我和我朋友都係牛肉控，所以嚟左《牛魔》食晚餐，今次食左：✨️牛魔三重盛宴包括有牛舌、牛板腱、牛五花。牛舌爽口彈牙，牛板腱肉味香濃，牛五花肉質嫩滑。呢個餐可以每人選三醬汁，而我故鐘意係黑松露汁，黑松露味很濃郁。✨️純蟹粉蟹黃蘭王拌大光冬牛魔除了有好正嘅牛肉食之外，呢个烏冬都真係非常好味。調配好嘅蟹粉醬黃，加上附上滑溜烏一齊食，味道十分夾。✨️梳打特飲4選1，選左巨峰堤子梳打。味道酸甜，杯内有椰果粒。✨️Asahi 辛口，冰凍順滑，送一口炙熱牛塊完美啊！😋📍旺角 鼓油街5O号富達大厦地下

同老公喺旺角行完街，見到間1人燒肉店試下先。 呢度有十幾個餐，豬、牛、雞任你選擇，每款餐都有100g或者200g可以揀，價錢最平$48就有交易啦。每款餐都包咗御飯或迷你烏冬，牛骨湯同埋沙律。 牛魔三重盛宴：牛舌、牛五花、牛板腱，另外仲有多款醬汁比你選擇，可以揀3款。牛肉嘅質素都唔錯，牛味尚算濃郁，以呢個價錢食到呢個質素，性價比相當高。 M9 和牛肉眼、西班牙黑毛豬頸肉套餐：除咗可以品嚐牛之外，亦可以試埋個豬，豬頸肉好爽口，和牛肉眼亦好稔滑。 另外追加咗個牛魔蘭王鵝肝炒飯，蘭王蛋黃呈橙紅色，賣相非常吸引，炒飯粒粒分明，鵝肝表層帶脆口感，香味濃郁，食落去有入口即溶幼滑嘅質感。鵝肝嘅油脂香味，非常滋味。 加咗個雞腿肉，肉質好滑，咬落好有彈性。

最近好多一人燒肉店，間間價錢都好平，不過朋友介紹呢間話係最平最抵食，咁就一於嚟試吓啦。估唔到呢度最平嘅set只係$50都唔使，而且已經跟埋湯沙律同埋飯，真係好抵食。我就叫咗個牛魔王套餐，我認為佢嘅牛舌最出色，雖然唔係好厚身，但係好有牛味，而且食落唔會硬，感覺食材好新鮮。除咗飯之外，佢仲可以揀烏冬，古古古古烏冬咁好食。雖然份量比較少，咁就可以食多啲肉啦，但係佢嘅湯底感覺係用魚湯熬出嚟，比專食烏冬嘅店更加好食。而且好多燒肉店都未拎酒牌，所以成日冇酒飲，不過呢間就可以揀好多唔同款嘅啤酒，食燒肉梗係要飲啤酒啦，所以呢間真係一人燒肉店嘅冠軍呀。呢間燒肉店因為太抵食，所以長期都好多人，如果想食既記住早啲嚟排隊啦。

{🍽️ 香港搵食 🍽️｝ 牛魔呢間新開既一人燒肉店，坐位闊落唔會迫，每個座位都配備獨立既燒烤爐，火既大細都可以自己調教，氛圍感滿滿😍😍 M9和牛肉眼&牛肩肉套餐配手拆純蟹黃蘭王拌烏冬呢個M9和牛肉眼係鋪頭既招牌之一，肉🥩既油花分布平均，燒烤後入口即溶化，色澤誘人，食每一啖都充滿肉香 😎😎 牛肩肉有6件，肉質比較厚身，脂肪唔多，口感一流，配有獨特既醬汁一齊食，更能帶出肉既鮮味 😍 今次仲upgrade配埋純蟹黃蘭王拌烏冬，一大碗純蟹黃同烏冬係分開上既，每食烏冬前都點落蟹黃度，令每條烏冬都掛有蟹黃，好惹味，推薦 🤤M9和牛肉眼&西班牙黑毛豬頸肉套餐配牛魔蘭王紫菜月見拌飯呢個set叫左200g, 有兩大塊M9和牛肉眼，黑毛豬頸肉都好好食，配有獨特既醬汁一齊食，正！！鳯梨特飲 & 乳酪特飲食燒肉必須飲凍飲😂😂 鳯梨特飲入面會有粒粒椰果，好有口感；乳酪特飲好解渴📍旺角鼓油街50號富達大廈地下5號鋪

和老公拍拖仔去食燒肉，未食前飲杯珠奶行陣街消耗體力🤣一進餐廳十分明亮，座位又寬躺，原來有兒童餐，下次可以帶埋呀仔黎試試。🫶🏻人均：$219.牛魔三重盛宴-牛舌、牛五花、牛板腱套餐叫了250g，加多$58升級手折純蟹粉蟹黃蘭王拌飯😋店員推介，確實值得叫，好好食！牛舌爽脆，都要老公燒得好，牛五花，肥肉位要燒得微微焦香。🤤🤤.和牛自慢系列-M9和牛肉眼、西班牙黑毛豬頸肉套餐200g 毋庸置疑，和牛有兩塊大大的，特別點黑松露醬汁好正，另外黑椒鹽醬、蘋果燒汁、韓國辣汁都推介，點肉好夾。.飲品-可樂、支裝綠茶值得一提飲管不是紙，是鐵飲管👍🏻

試過心血來潮想食燒肉，自己去咗呢間牛魔一人燒肉食一人set燒肉。上排襯聖誕想食豐富啲，就再去獨享燒肉，郁但今次我食豐盛啲嘅《 牛魔燒肉組合七款盛 $298/350g 》！有齊牛、豬、雞7款肉：和牛牛肩肉（3枚）薄切和牛舌（5枚） 澳洲和牛牛臀上蓋肉（2枚）全天然豚五花薄切（2枚）全天然豚五花厚切（2枚）黑毛豚頸肉（4枚）醬油鳥肶肉（2枚）牛肉富牛味，牛舌完全唔機，豚肉爽口，醃左嘅雞肉仲好入味～啲肉燒完蘸埋醬油好惹味。食完呢個set真係大滿足！所以食燒肉唔一定要人陪嘅！

呢排好興日式一人燒肉，一個人食都唔尷尬，大部份時候都食xx like ，經過見旺角開咗呢一間牛魔，$48起就食到套餐，環境乾淨企理夠光猛。A9 牛舌牛小排牛板腱(牛魔三重奏) A13 日本和牛西冷牛板腱餐油脂味濃，薄薄地好快熟，記住燒和牛西冷之前，叫佢換網先！煮食除咗飯仲可以揀烏冬 (不過我冇叫到)，呢排見佢推出咗蘭王蛋紫菜飯就加錢叫咗呢個嚟試，果然好香，撈飯一流，份量都比一般白飯大。每個套餐都會有沙律同麵豉湯，如果唔夠仲可以加小食，例如泡菜，餃子，大蝦，墨魚仔，食完都都好夠飽，飲品一般加$10都有，location 方便，會再訪🥰

本身食開朗豪坊隔離嘅平價一人燒肉，咁啱今日經過見牛魔啲set好似都ok就試下試下都好，唔會再黎食物：湯唔熱，味道正常沙律唔係平時嗰隻麻醬，不過還好飯唔熱，硬到石頭咁，成碗食唔落冇食過肉賣相ok，食落一般普通平價燒肉質素本身諗緊嗌唔嗌野飲，啱啱睇到有人話有食物殘渣係飲管入面，即刻覺得好彩冇嗌設施：一去到首先張櫈整粒飯先個爐四邊啲污漬多到好似從來冇抺過咁中間成舊按摩碌碌咁嘅野生曬銹，頭尾已經係黑色網擺明冇搽油，一放上去就會痴搶火到不得了，已經全程較到最細火，燒完啲肉都有燶味服務：有個女員工唔知係咪有friend喺度食，行埋去吹水，仲舉中指有枱個火燒到好勁，叫個員工過去睇下，個員工懶懶閒喺度收錢，叫個客熄火先，收完錢過到去，個火都熄左，就話：「宜家ok啦嗎？」就走開最後食左成粒鐘，都食唔到一半肉，全程喺度望住個爐搶火就拎起啲肉，再等佢熄，再擺返低舊燒左一半嘅肉繼續燒，無限loop成個場不停睇到呢度又着嗰度又着最後頂唔順係咁等又就同男朋友講唔好食喇起身走，晏啲去食其他野算。食物質素普普通通，咁嘅服務同環境質素，我都係食返朗豪坊隔離嗰間好過，平又唔係得你平，起碼人地一坐低就會問你要熱水冰水，係咁

牛魔餐廳嘅環境真係幾舒服，入面用暖色調裝飾，木頭嘅桌椅加上柔和嘅燈光，令人感覺好放鬆。牆上仲掛住啲同燒肉文化有關嘅藝術品，增添咗一份文化氣息。餐廳空間唔錯，唔會覺得擠迫，無論係同朋友聚餐定係家庭聚會都好合適。講到菜單，牛魔有好多選擇，包括套餐同定食，套餐通常會有多款燒肉，仲有新鮮嘅配菜，而一人前燒肉就係一個幾方便嘅選擇，小鳥胃又食唔到放題咁多野，一人燒肉都係個唔錯既選擇。一人前燒肉擺盤幾靚，肉片排得整整齊齊。整體環境同菜品搭配得幾好。🔹🔹🔹🔹🔹🔹🔹🔹🔹🔹#牛魔一人燒肉 (旺角)旺角豉油街50號富達大廈地下5號舖🔸🔸🔸🔸🔸🔸🔸🔸🔸🔸

呢一排天氣開始凍，我又想食燒肉，不過可惜剩係得我自己一個，另一半唔喺香港，但又真係好想食，於是就醒起旺角呢度有一間一人燒肉之前好多朋友都推介過，點知真係有驚喜！呢度裝修都幾新穎，而且燈光好光猛，坐得都舒服，一人一個烤爐，正啦，絕對唔會覺得孤單。食物方面呢度餐牌都有好多選擇，我今次真係覺得所有嘢都勁好食，特別係個手拆純蟹粉蟹黃蘭王拌飯！隻蛋真係十分橙色，睇見已經好開胃，而且好濃蛋味。入面亦有好多蟹肉，撈埋蟹黃一齊食真係好正好滿足！

於旺角街頭看到一家日本燒肉店正進行期間限定$1牛舌一人主題日式燒肉店亦有供應二人套餐、和牛燒肉等等設有一人座位，環境光猛，乾淨企理，地方闊落冷氣足套餐包含燒肉、沙律、湯品及白飯，價錢親民牛魔三重盛宴有牛舌、牛五花及牛板腱，油脂味濃，入口香滑極尚和牛自慢系列M9和牛肉眼牛肩肉套餐口感軟嫩中帶扎實手拆純蟹粉蟹黃蘭王拌飯的蛋汁令米飯味道更豐富溫泉蛋半凝固的蛋白包着半熟的蛋黃，口感稠滑原隻八爪魚仔帶有淡淡的海洋氣息，柔韌多汁

有次自己一個食飯又唔知食咩好就去左呢間一人燒肉一個人都可以食到靚肉😍 份量亦都可以自由調節-🥢牛魔三重盛宴呢個套餐可以一次過食到牛舌，牛五花同牛板鍵三款肉🥩 雪花好靚，好夠牛味，薄薄地好快就熟😋 主食除咗要飯都可以揀忌廉烏冬，味道都唔錯。而且Gram數可以自己揀，唔夠嘅仲可以另外再單點肉類！🥢牛魔燒肉組合七款盛呢款啱晒選擇困難症既人！有齊和牛牛肩肉，牛舌，牛臀上蓋肉，牛五花，豚五花，黑毛豚頸肉同醬油鳥肶肉！有啲仲係平時食燒肉比較少食到嘅種類😍呢個價錢可以試到晒咁多款真係幾抵